Radio Logos

Sot në emisionin Ballë për Ballë kemi të ftuar Znj. Margarita Laçka
Znj. Violeta Banushi (Artizane)

Me rastin e Ditës Ndërkombëtare të Punës Artizanale, më 25 shtator, kemi zgjedhur të sjellim në mikrofonin e Radio Logos historinë e dy grave që ruajnë dhe përcjellin një pasuri të çmuar të trashëgimisë sonë.
Qilima e rrugica të punuara me vegël, breza mesi, reçelra e komposto të përgatitura me fruta të stinës, bimë të egra mjekësore të mbledhura me kujdes… dhe mbi të gjitha, dëshira për të punuar së bashku, duke bashkuar edhe gra të tjera në këtë rrugëtim.
Gjithçka e bërë me duar, me durim dhe me dashuri.

Na ndiqni sot ora 11:30 dhe 17:30
Ritrasmetimi nesër në të njëjen orë.
http://radiologos.al

Sot në emisionin Ballë për Ballë kemi të ftuar Z. Hysen Kobellari (Shkrimtar)

Sot ndodhemi në një vend ku fjala e shkruar gjen një nga strehët e saj më të bukura – në ambientet e Bibliotekës së qytetit të Korçës, një hapësirë ku librat ruajnë kujtesën, historitë dhe zërat e shumë brezave.
Dhe pikërisht këtu do të zhvillojmë sot një bisedë me një njeri që prej vitesh i është përkushtuar fjalës, krijimtarisë dhe librit.
I ftuar para mikrofonit te Radio Logos sot është Hysen Kobellari, shkrimtar, studiues dhe autor i disa botimeve, një krijues që ka sjellë në veprën e tij tregime, fabula, krijime për fëmijë, por edhe punime që lidhen me historinë dhe kulturën tonë.
Sot nuk do të flasim vetëm për librat e tij. Do të përpiqemi të njohim edhe njeriun pas shkrimtarit: kujtimet që e kanë shoqëruar, lidhjen me Korçën, rrugëtimin krijues, frymëzimin dhe atë që e ka mbajtur kaq gjatë pranë botës së librit.

Na ndiqni sot ora 11:30 dhe 17:30
Ritrasmetimi nesër në të njëjen orë.
http://radiologos.al

Sot në emisionin Ballë për Ballë kemi të ftuar Z. Eritan Kamolli (Drejtuesin e Qendrës Kulturore “Lasgush Poradeci”,)

Pogradeci bëhet edhe këtë shtator një pikëtakim i rëndësishëm i artit dhe kulturës ndërkombëtare. Nga data 10 deri më 15 shtator 2026, në qytetin e Pogradecit zhvillohet Edicioni i 22-të i “Albamono” International Monodrama Festival, një festival që sjell në skenë artistë dhe trupa teatrore nga Shqipëria, Maqedonia e Veriut, Rusia, Bullgaria, Ukraina dhe Armenia.

Një aktivitet që ndërthur teatrin, artin dhe komunikimin kulturor mes vendeve të ndryshme, duke e vendosur edhe një herë Pogradecin në hartën e aktiviteteve kulturore ndërkombëtare.

Na ndiqni sot ora 11:30 dhe 17:30
Ritrasmetimi nesër në të njëjen orë.
http://radiologos.al

Sot në emisionin Ballë për Ballë kemi të ftuar Z.Erget Cenolli, (Mësues i Gjuhës Shqipe dhe Letërsisë)

8 Shtatori nuk është thjesht një datë në kalendar. Është një ditë që na kujton fuqinë e një prej aftësive më të rëndësishme që fiton njeriu në jetë:
të lexojë, të shkruajë dhe të kuptojë botën përmes fjalës.
Leximi na hap dyert e dijes, na pasuron mendimin dhe imagjinatën; shkrimi na jep mundësinë të shprehim atë që mendojmë, ndjejmë dhe besojmë. Por përtej individit, shkrim-leximi është edhe një themel mbi të cilin ndërtohet një shoqëri e ditur, e ndërgjegjshme dhe e aftë për të ardhmen.
Në këtë ditë të veçantë, kemi zgjedhur të zhvillojmë një bisedë me një njeri që për shumë vite e ka pasur fjalën, librin dhe nxënësin në qendër të jetës së tij profesionale.
Erget Cenolli, mësues i Gjuhës Shqipe dhe Letërsisë, tashmë në pension, por ende i lidhur me botën e fjalës, shkrimit dhe kulturës, sjell me vete përvojën e shumë viteve në klasë dhe kujtimet e brezave të nxënësve që ka shoqëruar në rrugën e dijes.
Me të sot do të flasim për librin dhe dashurinë për leximin, për mësuesin dhe nxënësin, për ndryshimet që ka sjellë koha, për sfidat e gjuhës shqipe dhe mbi të gjitha, për rëndësinë që ka shkrim-leximi për individin, shoqërinë dhe kombin.

Na ndiqni sot ora 11:30 dhe 17:30
Ritrasmetimi nesër në të njëjen orë.
http://radiologos.al See less

Sot në emisionin Ballë për Ballë kemi të ftuar Z.Saimir Ahmeti (organizatorin e ‘Pogradec Art Colony ’26’)

“Pogradeci, qyteti i liqenit dhe i bukurive natyrore, këto ditë është kthyer edhe në një hapësirë të veçantë krijimtarie. Nga data 25 deri më 31 gusht u zhvillua ‘Pogradec Art Colony ’26’, një takim artistësh që sjell në qytet ngjyra, frymëzim dhe këndvështrime të ndryshme mbi peizazhin pogradecar. Takimi permbylles u zhvillua ne ambjentet e Galerisë se Arteve ne Pogradec, takim qe e pershendeti N/Kryetarja e Bashkisë Entela Gusho, si dhe Artisti i njohur pogradecar piktori Anastas Kostandini!

Na ndiqni sot ora 11:30 dhe 17:30
Ritrasmetimi nesër në të njëjen orë.
http://radiologos.al

,Sot në emisionin Ballë për Ballë kemi të ftuar Z.Bernard Zotaj( Profesor i Asociuar, Doktor, Petagog, Kolonel në rezervë, studiues i historisë ushtarake, autor i dhjetëra librave dhe studimeve shkencore mbi historinë Ushtarake Shqiptare si dhe Nënkryetar i Shoqatës Kombëtare të Dëshmorëve të Atdheut.” !

Sot kete intervistë ja kemi kushtuar një prej datave më të rëndësishme në historinë e qytetit të Pogradecit 30 Gusht 1944, i cili sivjet perkujton 82-vjetorin e çlirimit të Pogradecit
Çdo vit, 30 Gushti na rikthen në kujtesë ditën kur Pogradeci u çlirua nga pushtuesit, duke shënuar fundin e një periudhe të vështirë dhe fillimin e një kapitulli të ri për qytetin dhe banorët pogradecarë!
Është një datë që na fton të kujtojmë sakrificat e dëshmorëve, trimërinë e luftëtarëve dhe kontributin e popullit të kësaj treve në Luftën Antifashiste Nacionalçlirimtare.

Na ndiqni sot ora 11:30 dhe 17:30
Ritrasmetimi nesër në të njëjen orë.
http://radiologos.al

Sot në emisionin Ballë për Ballë kemi të ftuar Z.Dorian Kallanxhi (drejtuesin e Muzeut Arkeologjik të Korçës)

Sot do të ndalemi në një prej hapësirave më të rëndësishme të trashëgimisë kulturore të Korçës dhe të gjithë juglindjes së Shqipërisë: Muzeun Arkeologjik të Korçës.
Do te flasim për historinë e këtij muzeu, pasurinë që ai ruan, interesin e vizitorëve vendas dhe të huaj, por veçanërisht lidhjen me brezin e ri dhe nxënësit e shkollave.
Një muze që përmes objekteve arkeologjike na çon mijëra vite pas në histori, duke na rrëfyer jetën, kulturën dhe zhvillimin e komuniteteve që kanë banuar në këto treva që nga periudhat prehistorike e deri në Mesjetën e hershme.
Muzeu, i krijuar në vitin 1985 dhe i vendosur në banesën historike të Fani Pjastos, ka kaluar tashmë një proces të rëndësishëm restaurimi të godinës.
Punimet restauruese kanë përfunduar dhe sfida e radhës është muzealizimi dhe rijetësimi i kësaj hapësire, me synimin për t’ia rikthyer plotësisht publikut.

Na ndiqni sot ora 11:30 dhe 17:30
Ritrasmetimi nesër në të njëjen orë.
http://radiologos.al See less See less

Sot në emisionin Ballë për Ballë kemi të ftuar Z.Torado Minarolli (Fotograf)

19 Gushti shënon Ditën Botërore të Fotografisë – një ditë që na kujton fuqinë e një imazhi për të ndalur kohën, për të ruajtur një kujtim dhe për të treguar një histori pa pasur nevojë për shumë fjalë.
Fotografia është bërë pjesë e pandashme e jetës sonë. Sot fotografojmë momente të bukura, njerëz, vende, emocione, ngjarje… por pas një fotografie të veçantë qëndron gjithmonë një sy që di të shohë diçka më shumë se ajo që duket në pamje të parë.
Dhe pikërisht për të folur sot ne kete ditë te vecante për artin e fotografisë, për emocionin pas objektivit dhe për mënyrën se si një fotograf e sheh botën, kemi kënaqësinë të kemi në studion e Radio Logos fotografin e talentuar, Pogradecar Torado Minarolli.

Na ndiqni sot ora 11:30 dhe 17:30
Ritrasmetimi nesër në të njëjen orë.
http://radiologos.al See less

Sot në emisionin Ballë për Ballë kemi të ftuar Z.Sotiraq Iftica dhe Z.Vladimir Mato

Pogradeci, qyteti i liqenit dhe i traditës së sporteve ujore, do të mirëpresë më 16 gusht një nga aktivitetet më të bukura sportive të kësaj vere Maratonën e Notit ‘Agron Ruvina’, e cila do të zhvillohet pranë plazhit publik të qytetit.
Ky aktivitet organizohet në kujdesin e notarëve veteranë pogradecarë Sotiraq Iftica dhe Vladimir Mato, në nder të kampionit të njohur shqiptar notarit Agron Ruvina, me synimin për të promovuar notin, jetën aktive dhe frymën e garës së ndershme sportive.
Sot kemi kënaqësinë të kemi në studio dy organizatorët e kësaj maratone, të cilët do të na flasin më shumë për rëndësinë e këtij eventi, përgatitjet, pjesëmarrësit dhe mesazhin që përcjell kjo veprimtari për sportin shqiptar.

Na ndiqni sot ora 11:30 dhe 17:30
Ritrasmetimi nesër në të njëjen orë.
http://radiologos.al

Sot në emisionin Ballë për Ballë kemi të ftuar Z. Eqbert Çami.

Thuhet se “një popull që nuk e di nga vjen, nuk mund të dijë se ku po shkon”. Pikërisht njohja e së kaluarës është themeli mbi të cilin ndërtohet identiteti dhe e ardhmja e një kombi.
Sot kemi kënaqësinë të promovojmë librin “Pogradeci në Luftën Antifashiste Nacionalçlirimtare”, një botim i përgatitur nga zoti Eqbert (Berti) Çami, kushtuar kontributit të qytetit të Pogradecit dhe bijve e bijave të tij në një nga periudhat më të rëndësishme të historisë sonë kombëtare. Ky libër është një homazh për ata që luftuan, u sakrifikuan dhe lanë pas një trashëgimi që meriton të njihet, të ruhet dhe t’u përcillet brezave.

Na ndiqni sot ora 11:30 dhe 17:30
Ritrasmetimi nesër në të njëjen orë.
http://radiologos.al See less