Qendra Multifunksionale Pogradec

🌹🎶 Sapo ka përfunduar mbrëmja poetike e organizuar nga artistët e Qendrës Kulturore **“Lasgush Poradeci”** dhe nxënësit e shkollave të mesme të qytetit, në sheshin e Monumenteve dhe Trëndafilave, duke sjellë një atmosferë të ngrohtë artistike në zemër të Pogradecit.

Qytetarë dhe vizitorë të shumtë u bënë pjesë e kësaj mbrëmjeje të veçantë, ku poezia, muzika dhe interpretimet artistike u ndërthurën në mënyrë të bukur, duke dhuruar emocione, reflektim dhe çaste të këndshme për të pranishmit.

👏 Falënderojmë artistët dhe të rinjtë pjesëmarrës, të cilët me talentin dhe pasionin e tyre i dhanë jetë kësaj mbrëmjeje të mbushur me art dhe ndjesi të bukura.

☀️ Shihemi në aktivitetet e radhës! Sezoni veror sapo ka filluar dhe na presin edhe shumë mbrëmje të tjera plot kulturë, muzikë dhe emocione në qytetin tonë. 🌊✨

Triathlon Pogradec 2026
○ Programi i Eventit

Triathlon Pogradec 2026 do të zhvillohet më 21 Qershor në zemër të qytetit të Pogradecit, me qendër aktiviteti në Sheshin Odeon. Eventi pritet të mbledhë rreth 100 atletë nga Shqipëria dhe rajoni, si dhe mbi 300 spektatorë dhe mbështetës të sportit.

Gara do të nisë në orën 09:00 me disiplinën e notit në ujërat e Liqenit të Ohrit, për të vijuar më pas me segmentin e çiklizmit dhe atë të vrapimit.

Pjesëmarrësit do të garojnë në dy kategori:

Kategoria Sprint

* 750 m Not
* 20 km Biçikletë
* 5 km Vrap

Kategoria Olimpik

* 1500 m Not
* 40 km Biçikletë
* 10 km Vrap

Përgjatë gjithë ditës, Sheshi Odeon do të shndërrohet në qendrën e festës sportive, ku atletët, familjarët, turistët dhe qytetarët do të mund të ndjekin garën, të shijojnë atmosferën festive, muzikën, ushqimin dhe aktivitetet shoqëruese.

Pas përfundimit të garës do të zhvillohet ceremonia zyrtare e ndarjes së çmimeve për fituesit e kategorive përkatëse, duke kurorëzuar një ditë të mbushur me sport, energji pozitive dhe emocion.

Mbrëmje Letraro - Artistike
Ditën e Premte, ora 19:30
Sheshi i Monumenteve dhe Trëndafilave
Me artistët e Qendrës Kulturore "Lasgush Poradeci" dhe nxënës të shkollave të mesme të qytetit

Biblioteka publike "Mitrush Kuteli"

📚 Sot patëm kënaqësinë të promovojmë botimet e studiuesit dhe pedagogut të Shkencave Sociale në Universitetin e Tiranës prof. Zyhdi Dervishi. Ai ka një sërë veprash shkencore e letrare të cilat përmbajnë mendim filozofik, emocion njerëzor, që përcjellin mesazhe dhe reflektime të thella. Gjithashtu e falenderojmë për librat dhuratë që i bëri bibliotekës sonë.

📚 Falenderojmë pedagogun prof. Ilir Shyta për prezantimin dinjitoz që iu bëri veprave të tij. Falenderojmë për pjesëmarrje dhe shkëmbim idesh në aktivitet Drejtorinë e Shërbimit Social, "Këshillin Rinor Pogradec" dhe ish studentët e prof. Z. Dervishi.

TRIATHLON POGRADEC 2026
🔴Bllokim i përkohshëm i qarkullimit rrugor
21 Qershor 2026 | 08:00-12:00
Në kuadër të zhvillimit të aktivitetit sportiv “Triathlon Pogradec 2026”, i cili përfshin tre disiplina sportive: not, çiklizëm dhe maratonë vrapimi, njoftojmë qytetarët se ditën e diel, më 21 Qershor 2026, në intervalin kohor 08:00–12:00, do të ketë bllokim të përkohshëm të qarkullimit në aksin rrugor Lin–Pogradec.
Përgjatë këtij intervali, qarkullimi i mjeteve do të devijohet në itinerarin alternativ:
📍 Qukës–Qafë Plloçë–Pogradec
Lutemi që të gjithë drejtuesit e mjeteve të respektojnë sinjalistikën rrugore dhe udhëzimet e Policisë Rrugore, duke planifikuar lëvizjet e tyre në përputhje me kufizimet e përkohshme të qarkullimit.
Faleminderit për mirëkuptimin!

ZYRTARE

Klubi i Volejbollit të Femrave Pogradec ka kënaqesine të njoftojë nënshkrimin me Volejbollisten DENADA HASAJ për Sezonin Sportiv 2026-2027.

Suksese!

📌Biblioteka "Mitrush Kuteli"

Sektori i librit për fëmijë 😊📚
.....na gëzuan me praninë e tyre nxënësit e ciklit fillor, pranë Shkollës së Velçanit! 🥰

Kureshtarë të vëmendshëm ndaj çdo gjëje të re që mësuan, shpresojmë të na vizitojnë përsëri! 🙏

Biblioteka gjithmonë pranë jush! 😊 🤗