Elbasani today
Share
Websit informativ brenda dhe jashtë vendit
Protesta ne diten 21
Erdhen Krushqit Diaspora ne proteste
Lagjia Kala rruga Egnatia
19/06/2026
Protestë në Kryezjarr për rrugën e dëmtuar, kryebashkiaku Llatja siguron garanci nga kompania për rehabilitimin e plotë
Banorët e fshatit Kryezjarr në Elbasan kanë dalë në protestë për dëmtimin e rrugës, duke ngritur shqetësime për gjendjen e amortizuar të infrastrukturës si pasojë e qarkullimit të mjeteve të rënda të angazhuara në ndërtimin e nënstacionit elektrik në zonë. Për të adresuar situatën, kryebashkiaku Gledian Llatja zhvilloi një takim me banorët, ku dëgjoi nga afër shqetësimet e tyre lidhur me dëmet e shkaktuara në rrugë dhe ndikimin që punimet kanë sjellë në përditshmërinë e komunitetit.
Më pas, së bashku me një përfaqësi të banorëve, Llatja zhvilloi një takim edhe me drejtuesit e kompanisë që po realizon investimin, prej të cilëve mori garancinë se menjëherë pas përfundimit të punimeve do të nisë rehabilitimi i plotë i rrugës dhe rikthimi i saj në gjendjen e mëparshme.
Krybashkiaku i Elbasanit, Llatja e konsideroi ndërtimin e nënstacionit elektrik si një projekt të rëndësishëm për zonën dhe përmirësimin e furnizimit me energji, duke theksuar se investime të tilla janë të nevojshme për zhvillimin. Në bashkëpunim me kompaninë dhe inxhinierët e Bashkisë Elbasan, do të ketë monitorim të vazhdueshëm të urave dhe segmenteve rrugore për të evidentuar çdo dëmtim të mundshëm gjatë vijimit të punimeve.
Në këtë mënyrë, mes kërkesave të banorëve dhe nevojës për të çuar përpara investimin, Bashkia Elbasan ka marrë rolin e ndërmjetësit, duke garantuar që dëmet e shkaktuara të riparohen dhe infrastruktura të rikthehet në standardet e mëparshme.
https://youtube.com/shorts/8gTYlfPvNXg?si=FdBAc5wZ8N-Of5jN
Banorët e fshatit Kryezjarr në protestë për dëmtimin e rrugës nga mjetet e rënda, i pranishëm edhe kryebashkiaku
Një autobus që transportonte nxënës shkolle gjatë një ekskursioni u përfshi në një aksident rrugor mesditën e sotme në afërsi të qendrës së qytetit të Elbasanit.
Sipas informacioneve paraprake, ngjarja ndodhi rreth orës 13:20, kur autobusi, gjatë një manovrimi të gabuar në lëvizje, u përplas me një automjet tjetër që po qarkullonte në të njëjtën zonë.
Zjarr pranë Landfillit dhe Inceneratorit të Elbasanit, flakët afrohen te fusha e mbetjeve
Situata e krijuar nga zjarri i rënë nga ana e rrjedhës së lumit Shkumbin pranë fushës së grumbullimit të mbetjeve dhe Inceneratorit të Elbasanit është përkeqësuar ndjeshëm gjatë orëve të fundit, duke rritur shqetësimin për një përhapje të mëtejshme të flakëve.
Pavarësisht ndërhyrjes së pandërprerë të forcave zjarrfikëse, zjarri vijon të mbetet aktiv dhe flakët i janë afruar në mënyrë të rrezikshme zonës së depozitimit të mbetjeve. Për momentin, rreziku që fusha e mbetjeve të përfshihet nga zjarri konsiderohet i lartë, ndërsa ekipet në terren po punojnë intensivisht për të izoluar vatrat dhe për të parandaluar përhapjen e mëtejshme.
Elbasani
Zjarrfikëset në terren, vijon operacioni për shuarjen e flakëve në ish-Metalurgjik
Pas marrjes së njoftimit për zjarrin e rënë pasditen e sotme në një kompani që prodhon letra dhe produkte higjienike në zonën e ish-Metalurgjikut, shërbimet e MZSH-së kanë mbërritur menjëherë në vendngjarje dhe po punojnë për izolimin dhe shuarjen e flakëve.
Aktualisht në operacion janë angazhuar 12 mjete zjarrfikëse, 2 fadroma dhe 40 punonjës, edhe nga bashkitë fqinje, të cilët po punojnë në terren për menaxhimin e situatës.
Në vendngjarje ndodhen gjithashtu strukturat e Policisë së Shtetit, ndërsa operacioni vijon deri në neutralizimin e plotë të vatrës së zjarrit.
Bashkia Elbasan është e angazhuar në koordinimin e situatës së emergjencës dhe menaxhimin e saj në terren.
Përfshihet nga flakët magazina e fabrikës “Optimal” në Metalurgji, në vendngjarje zjarrfikëset, dhe policia
Një zjarr ka rënë pasditen e sotme në magazinën e fabrikës “Optimal” në zonën e ish-Metalurgjikut në Elbasan.
Sipas informacioneve paraprake, flakët kanë përfshirë magazinën e kompanisë, e cila prodhon letra të lagura dhe produkte të ndryshme higjienike.
Fabrika administrohet nga investitorë turq.
Menjëherë pas njoftimit, në vendngjarje kanë mbërritur forcat e Shërbimit Zjarrfikës dhe policia, të cilat po punojnë për menaxhimin e situatës dhe vënien nën kontroll të flakëve.
Deri në këto momente nuk ka informacion zyrtar për persona të lënduar apo për shkaqet e zjarrit. Ndërkohë, policia ka nisur verifikimet për të zbardhur rrethanat e ngjarjes, ndërsa autoritetet vijojnë punën për shuarjen e plotë të zjarrit dhe vlerësimin e dëmeve materiale.
Click here to claim your Sponsored Listing.
Category
Contact the public figure
Address
Elbasan
3001