Elixir

Disa sekrete bukurie… 🥰

Femrat kalojnë shumë kohë për t’u dukur bukur, kryesisht duke përdorur grim por shpesh harrojnë të kujdesen për lëkurën e tyre.

Ne ju sjellim disa sekrete bukurie që do ju ndihmojnë në përditshmërinë tuaj:

1- Për të forcuar qerpikët tuaj, lyejini fillimisht me pudër dhe më pas me rimel dhe do t’i keni në gjendje të përsosur gjatë gjithë ditës.

2- Për të tharë flokët më shpejt, përdorni një bluze pambuku në vend të peshqirit. Vajzat që kanë kaçurrela t’i lënë pa krehur dhe në mëngjes do kenë format që dëshirojnë.

3- Për t’a bërë tonin e syve që të ketë vëmendje gjatë gjithë ditës, mjafton t’a lyeni fillimisht me laps të bardhë mat dhe më pas përdorni ngjyrën që dëshironi.

4- Për të hequr mustaqet në kushte shtëpie, provoni një maskë të thjeshtë me përzierjen e 1 luge gjelle me miell tërshëre, 2 lugë gjelle me lëng limoni, 2 lugë gjelle me mjaltë. Pas kësaj aplikojeni përzierjen në fytyrë, lëreni për 15 minuta dhe më pas pastrojeni me ujë të nxehtë. Mund t’a aplikoni disa herë në javë.

5- Për të larguar shenjat e kuqe pas depilimit, mjaftoni të përdorni një pambuk dhe një gotë qumësht, të cilën e aplikon në zonën e irrituar për disa minuta dhe lëkura juaj do jetë si më parë.

6- Nëse jeni lodhur nga buzët e çara në motin e ftohtë, mjafton një pustinë me çaj jeshil të lagur, vendoseni disa herë dhe do i keni më të lëmuara se kurrë.

7- Për karficat që ju bien shpesh, lyejini me llak flokësh dhe më pas përdorini dhe nuk do keni asnjë problem me to.

8- Për të pastruar më lehtë furçat, merrni një lidhëse flokësh të madhe që përdoret për topuz, lageni me ujë dhe lëvizni lehtë furcën që t’a keni të pastër.

😍

Çfarë të zgjedhim për pastrimin e fytyrës? 🥰

Edhe pse pastrimi i tualetit është diçka që mund të duket i lodhshëm, mos e kapërceni kurrë këtë hap kritik për mirëqenien e lëkurës suaj.

Le të fillojmë duke thënë se akti i parë i vërtetë i bukurisë së përditshme, që duhet të bëjmë çdo mëngjes kur zgjohemi është pastrimi i fytyrës me ujë të ngrohtë, pasi ndihmon të filloni ditën me më shumë energji dhe për të eliminuar sebumin e prodhuar brenda natës. Hapi i dytë është që të zgjidhni produktin më të përshtatshëm për llojin e lëkurës suaj: i cili ju ndihmon për t’a mbajtur atë të shëndetshme, të ndritshme dhe të pastër.

🌺 Toniku - Toniku është një locion i bazuar në substanca me pak acid, që ndihmojnë lëkurën të ruajë të pandryshuar shkallën e saj të aciditetit. I lehtë dhe delikat, ai depërton thellë në pastrimin e lëkurës, duke ndihmuar në pastrimin e mirë të saj dhe për të mbyllur ato poret e zmadhuara në fytyrë që shpesh shfaqen. Menjëherë pasi e keni përdorur atë, do të vini re se keni një lëkurë më të freskët dhe të pastër.

🌺 Pastruesi me produkte bifazike - Quhet kështu për shkak se ai është një produkt i përbërë nga gjysmë ujë dhe gjysmë vaj. Është më i përshtatshëm për të hequr grimin. Para përdorimit, mos harroni t’a shkundni mirë shishen dhe pastaj derdhni disa pika në një tampon pambuku të lagur. Fërkoni qepallat e mbyllura butësisht dhe nëse është e nevojshme, merrni një tjetër tampon derisa pastrimi të jetë i plotë.

🌺 Qumështi pastrues - Qumështi ose xheli i pastrimit nuk është përdorur për të hequr tualetin e lëkurës, por është projektuar për të hequr qafe papastërtitë e fytyrës që janë mbledhur gjatë ditës apo natës, duke e bërë lëkurën të pastër dhe të gatshme për kremin. Për pastrim duhet një qumësht multivitamin për fytyrën dhe sytë: me vitamina të vlefshme të kombinuara me aloe dhe një përzierje të ekstrakteve bimore hidratuese, me veti qetësuese që t’i j*pë lëkurës freski të jashtëzakonshme, vitalitet dhe butësi.

Aloe Vera dhe limon, maska ideale për fytyrën dhe flokët tuaj 🍵🍋

Një përzierje e Aloe Vera-s me lëngun e limonit është një sukses i garantuar bukurie. Të dy ndihmojnë në eliminimin e njollave të errta të fytyrës, i j*pin asaj një shkëlqim të ri dhe çka është më e rëndësishmja, ulin ndjeshëm shfaqjen e rrudhave. Kjo përzierje ndihmon gjithashtu, edhe për të shëruar aknet e shfaqura në fytyrë.

Kur përdoren në flokë, këta dy përbërës pastrojnë dhe ushqejnë skalpin, eliminojnë zbokthin deri në masën 100 %, nxisin rritjen e flokëve dhe parandalojnë rënien.

Në këtë mënyrë, do të siguroni flokë të bukur e me shkëlqim. Është një recetë e thjeshtë, shumë e dobishme dhe mjaft komode për t’a praktikuar në shtëpi.

🥑 Si t’a përgatisni një maskë me Aloe Vera dhe lëng limoni?

Duhen 2 gjethe Aloe Vera dhe gjysma e një limoni.

1. Prisni dy gjethe të trasha Aloe Vera me një thikë të mprehtë.

2. Prisni edhe pjesën e dhëmbëzuar të gjetheve.

3. Prisni për së gjati gjethen e Aloe-s. Do të shihni xhelin e tejdukshëm brenda saj.

4. Vendoseni tulin prej xheli në një tas.

5. Shtrydhni lëngun e një gjysme limoni.

6. Hidheni në blender xhelin Aloe Vera dhe lëngun e limonit.

7. Përzijeni të gjithë masën përreth një minute.

8. Hidheni të gjithë përzierjen në një enë dhe filloni t’a përdorni.

😍

6 përbërës natyralë për hidratimin e lëkurës së thatë 🥰🍯

Ndonëse lëkura e yndyrshme është cilësuar si më e ndjeshmja dhe ajo që shfaq më shumë probleme, vlen të thuhet se femrat vuajnë më së shumti nga lëkura e thatë.

Ekzistojnë një numër faktorësh kontribues në plakjen e tharjen e lëkurës, si ekspozimi në diell, regjimi i varfër ushqimor dhe dehidratimi por veç kremrave e serumeve të bukurisë, ju mund t'i riktheni shkëlqimin lëkurës tuaj, duke përdorur si hidratues një nga përbërësit e mëposhtëm natyralë.

1. Qumështi

Qumështi është një burim i shkëlqyeshëm vitaminash e mineralesh që kontribuojnë në shëndetin e lëkurës. Ka veti anti-inflamatore që mund të ndihmojnë në zbutjen e lëkurës së thatë. Mjafton të aplikoni qumësht në fytyrë dhe t’a lini për 5 minuta. Do të ishte edhe më mirë nëse ju do të lyenit fytyrën me ajkën e qumështit

2. Mjalti

Jo vetëm që pastron lëkurën nga bakteret, por komponentët e mjaltit ndihmojnë në riparimin e lëkurës së dëmtuar. Aplikoni mjaltin e papërpunuar në zonën e thatë të lëkurës dhe lëreni për 10 minuta.

3. Avokado

Acidet yndyrore dhe vitaminat e gjetura në avokado mund të ushqejnë lëkurën tuaj. Vitamina A ndihmon në hidratimin dhe ushqyerjen e lëkurës.

4. Kosi

Kosi ka veti anti-inflamatore që hidratojnë lëkurën e thatë. Acidi laktik pastron lëkurën nga bakteret dhe mikrobet qe shkaktojnë tharjen e lëkurës.

5. Vaji i kokosit

Për shkak të acideve yndyrore, vaji kokosit ka veti rigjeneruese dhe hidratuese. Aplikojeni në mbrëmje para se të flini dhe në mëngjes do të shihni sa të butë e keni lëkurën.

6. Aloe Vera

Përbërësit anti-fungale dhe antiseptike, punojnë për të riparuar lëkurën e dëmtuar dhe xheli i trashë do të sigurojë një shtresë mbrojtjeje.

😍🥥

6 Ngjyrat e Buzëkuqeve që çdo femër duhet të ketë 🥰💄

Pavarësisht trendëve të shpejta të ngjyrave, rregulli kryesor i përzgjedhjes së buzëkuqeve është gjetja e ngjyrave mikluese. Nëse doni të rrëzëlleni fytyrën tuaj, të zbusni pamjen apo të shtoni më shumë pamje dramatike, ngjyra e duhur e buzëkuqit do ju j*p tonalitetin e duhur për secilin rast. Këto gjashtë nuanca kanë ekzistuar, që kur buzëkuqet kanë zënë një vend permanent në çantën e femrave. Madje mbahen edhe sot. Vazhdoni të lexoni dhe shikoni nëse ju mungon ndonjë prej këtyre nuancave.

🌺 N**o - Përzgjidhni një ngjyrë më afër ngjyrës natyrale të buzës tuaj por dy tone më të errët. Kjo do i j*pë buzëve tuaja definim natyral dhe do e bëjë pamjen tuaj të plotë, pa rënë shumë në sy. Buzëkuqet n**o janë gjithashtu, opsione të mrekullueshme për të zbutur nuanca të qarta ose të thella buzëkuqesh.

🌺 E kuqe - Çdo femër duhet të ketë një buzëkuq në të kuqe klasike. Thjesht duhet të gjeni tonalitetin që i përshtatet lëkurës tuaj. A jeni me tonalitet të ftohtë apo të ngrohtë në lëkurë? Provoni disa dhe shikoni se me kë tonalitet dukeni dhe ndiheni më mirë.

🌺 Rozë e Çelët - Do doni t’a mbani këtë buzëkuq si një alternativë, ndaj të kuqes për efekt argëtimi. Përziejeni me një buzëkuq n**o për një rozë të lehtë, që do i j*pë sërish fytyrës tuaj një nuancë hijeshie.

🌺 Portokalli - Portokallia është jashtëzakonisht shik dhe e paparashikueshme - si dhe një nuancë e jashtëzakonshme për verën, kur nuanca e lëkurës tenton të bëhet pak në bronzë.

🌺 Koral - Për një pamje të bukur gjatë ditës, tentoni të përzgjidhni ngjyrën koral të theksuar ose të çelët, sipas tonalitetit të lëkurës tuaj. Ngjyrat koral janë shumë të bukura për pranverën dhe verën.

🌺 Vishnje - Për buzë të mbushura, provoni të aplikoni një tonalitet vishnje, ose për një efekt më dramatik, vijëzoni plotësisht dhe mbushni buzët tuaja me atë ngjyrë kryesisht gjatë vjeshtës. Sigurohuni të balanconi pjesën tjetër të fytyrës tuaj, me konturim dhe bronzer.

😍💋

5 scrub-e për fytyrën në kushte shtëpie 🥰🧉

Gjithmonë e më shumë, po ndërgjegjësohemi për kujdesin ndaj lëkurës dhe tashmë e dimë rëndësinë që ka scrub-i për një lëkurë të pastër dhe të shëndetshme. Scrub-i largon qelizat e vdekura të lëkurës dhe bën një pastrim më të thellë të saj.

Në treg mund të ekzistojnë lloje të ndryshme scrub-esh, por asnjëherë nuk jemi të sigurt për përbërësit e tyre, prandaj ku ka më mirë sesa t’a përgatisësh vetë atë. Përveçse do të jeni të sigurt për atë që vendosni në fytyrë, kostoja do të jetë minimale, pasi mund t’a përgatisni me përbërësit që ju ndodhen në kuzhinë.

Më poshtë po ju sjellim 5 lloje scrub-esh që mund t’i përgatisni në kushte shtëpie dhe mund të zgjidhni atë që më shumë i përshtatet lëkurës suaj.

🥣 Scrub me tërshërë

Ju duhen:

½ filxhani tërshërë
Ujë

Vendosni tërshërën në blender, derisa të bëhet e imët. Shtojini ujë derisa përbërja të bëhet në formë paste dhe masazhoni butësisht fytyrën dhe qafën.

🍯 Scrub me mjaltë dhe sheqer kaf

Ju duhen:

1 lugë gjelle sheqer kaf
1 lugë gjelle mjaltë

Përzieni sheqerin me mjaltin dhe masazhoni fytyrën butësisht me lëvizje rrethore, në mënyrë që të mos dëmtoni lëkurën tuaj. Shpëlajeni fytyrën me ujë të ngrohtë.

🍚 Scrub me sodë buke

Ju duhet:

1 lugë gjelle sodë buke

Ky është scrub-i më i thjeshtë për t’u bërë. Merrni një sasi të vogël nga pastruesi i fytyrës dhe shtoni sodën e bukës, kështu keni krijuar një produkt që do të shërbejë edhe si pastrues, edhe si scrub.

☕ Scrub me kafe dhe vaj

Ju duhen:

1 lugë gjelle llum kafeje
1 lugë gjelle vaj (ulliri, jojobe etj, mund t’a zgjidhni sipas preferencës)

Mos e hidhni poshtë llumin e kafes, pasi mund t’a përdorni për të bërë një scrub, thjesht duke i shtuar vaj. Mund t’a zgjidhni vajin sipas preferencës që keni.

🥚 Scrub me oriz kaf dhe të bardhë veze

Ju duhen:

2 lugë gjelle oriz kaf
Një e bardhë veze

Bluajeni orizin kaf, derisa të bëhet i imët dhe shtoni të bardhën e vezës për të formuar një pastë. Masazhojeni me lëvizje rrethore dhe më pas shpëlajeni me ujë të ngrohtë.

😍🍯

5 hapat e pastrimit të fytyrës 🥰🧖‍♀️

Nuk është e domosdoshme që të shpenzojmë shuma të mëdha parash në produkte të shtrenjta kozmetike, për të pasur një fytyrë të pastër, pasi këtë mund t’a arrijmë përmes përbërësve të thjeshtë, ekonomikë dhe që garantojnë rezultate afatgjatë. Pastrimi i fytyrës në thellësi është vërtetë i rëndësishëm, për të hequr papastërtitë nga sipërfaqja e lëkurës, qelizat e vdekura dhe pikat e zeza.

Pastrimi i fytyrës me qumësht dhe ujë tonik nuk mjafton. Lëkura e fytyrës duhet të pastrohet dhe hidratohet në thellësi, të paktën një herë në javë. Nëse nuk dëshironi që të shkoni tek ekspertja për estetikë, ju mund t’a bëni tërësisht pastrimin e fytyrës tuaj në shtëpi, duke arritur rezultate akoma më të mira, vetëm duke ndjekur disa hapa të thjeshtë:

1. Eliminoni grimin dhe papastërtitë me vaj kokosi dhe ujë trëndafili.

2. Është momenti të bëni një pastrim bio, me anë të të cilit ju do të hiqni të gjitha qelizat e vdekura nga fytyra juaj.

3. Bëni avull, në mënyrë që fytyra të pastrohet në thellësi (përdorni rozmarinë, livandë, eukalipt, për efekt më të thellë)

4. Tashmë, fytyra është bërë gati për një maskë ushqyese. Maska zgjidhet në varësi të llojit të lëkurës që keni.

5. Së fundmi, aplikohet kremi hidratues ose vaj bajame për të mbajtur lëkurën e fytyrës të butë si bebe. Fytyra juaj do të shkëlqejë sërish dhe do të duket shumë e freskët.

😍

4 mënyra natyrale për buzë më të plota 🤗💋

🌺 Scrub

Të fërkoni buzët tuaja për të larguar qelizat e vdekura, jo vetëm që do t’i bëjë ato më të buta dhe të hidratuara, por do të ndihmojë edhe në qarkullimin e gjakut në buzët tuaja duke sjellë fryrjen e shumë kërkuar. Përpiquni të bëni scrub me sheqer dhe vaj ulliri, fërkoni buzët me të çdo mëngjes përpara se të vendosni tualetin. Gjithashtu, mund të bëni scrub të lehtë me furçën tuaj të dhëmbëve mbasi t’i lani dhëmbët.

🌺 Vijëzoni buzët

Gjeni një laps me ngjyrë neutrale, sa më të afërt me ngjyrën tuaj. Duke i vijëzuar buzët vetëm pak fare jashtë vijës së tyre natyrale, do të j*pi iluzionin se janë më të mëdha. Pastaj vendosni buzëkuqin tuaj të preferuar dhe jeni gati. Për t’i bërë të duken akoma më të fryra, vendosni laps më të errët në pjesën qëndrore të buzës së poshtme dhe highlight në harkun e sipërm.

🌺 Shkëlqyes dhe kanellë

Mbasi të vendosni laps dhe buzëkuq, vendosni shkëlqyes në mes të buzëve tuaja. Mos përdorni ngjyra të errëta pasi ato i bëjnë buzët të duken më të vogla. Qëndroni te ngjyrat n**e, rozë të lehtë dhe pjeshkë. Ju sugjerojmë të përdorni kanellë në shkëlqyesin tuaj për të vënë gjakun në qarkullim dhe për të fryrë buzët.

🌺 Stërvitje

Si të gjithë muskujt në trupin tuaj, buzët duhet të jenë të tonifikuara në mënyrë që të rriten e forcohen. Ju sugjerojmë të fërshëlleni 3-4 minuta në ditë, pasi në këtë mënyrë vini në punë të gjithë gojën dhe muskujt rreth saj. Ky ushtrim i tregon rezultatet mbas një muaji ose edhe më përpara – varet sa të dedikuar jeni.

😍💄

3 mënyra të thjeshta që aroma e parfumit të zgjasë më shumë 🌹

Për shumë njerëz parfumet janë shumë të rëndësishme. Për vajzat parfumi është një ndër produktet që nuk mungon asnjëherë në çantë. Aroma e parfumit është e parezistueshme dhe të gjithë dëshirojnë që era e tij të zgjasë për gjithë ditën. Ndodh që edhe pse shpenzojmë shuma të mëdha parash, aroma zhduket pas disa orësh. Kjo nuk ndodh për faj të cilësisë së parfumit, por për shkak të mënyrës së gabuar që e hedhim. Më poshtë do të gjeni disa këshilla se si një parfum do rezistojë më tepër, sipas ‘Bright Side’:

🌺 Nuk duhet t’i mbani afër shishet e parfumeve me aroma të ndryshme

Nëse përdorni disa lloj produktesh kozmetike, që kanë të bëjnë me parfumet, si deodoranti, spërkatës të ndryshëm me aromë, mundohuni t’i keni të gjithë në të njëjtën aromë, sepse përndryshe secilit do t’u ikë aroma fillestare.

🌺 Zgjidhni aromën e parfumit sipas stinës

Duhet të keni parasysh, se jo çdo lloj arome përdoret në çdo kohë. Duhet të njihni kohën e duhur për të përdorur parfumin e duhur. Gjatë ditëve të nxehta të verës duhet të përdorni erëra të lehta. Gjatë stinës së dimrit ose edhe kur jeni për një darkë, duhet të hidhni një parfum më të fortë.

🌺 Mos i fërkoni duart kur hidhni parfum

Një nga gabimet që bëjmë shpesh është fërkimi i duarve pasi hedhim parfum. Duke e bërë këtë veprim, ju shkatërroni molekulat e parfumit.

3 këshilla të thjeshta që ‘make up-i’ t’ju rezistojë gjatë gjithë ditës 🥰🌺

Asnjë vajze nuk i pëlqen kur ‘make up-i’ shkrin për shkak të diellit apo fshihet gjatë ditës. Nëse ju qëndroni me orë të tëra për të bërë ‘make up-in’, por është e vështirë që t’ju mbajë gjithë ditën, atëherë ju po shmangni disa gjëra shumë të rëndësishme.

🌸 Përdorni një hidratues të mirë

Niveli i hidratimit të lëkurës ndryshon shumë gjatë ditës, prandaj duhet të zgjidhni një hidratues të mirë nëse doni që t’ju mbajë ‘make up-i’.

🌸 Zgjidhni ‘primer-in’ e duhur

‘Primer-i’ i duhur ju ndihmon në ruajtjen e hidratuesit dhe e bën lëkurën më të butë dhe ju siguron që grimi juaj, do të jetë rezistent gjatë ditës.

🌸 Mbylleni me pudrën

Që ‘make up-i’ t’ju qëndrojë në fytyrë, duhet të përdorni pudër.

#2023 🐰🥚🐣

2 maska rinuese me aspirinë, me efekt në 30 minuta 🥰

Janë të njohura cilësitë e saj qetësuese, por ajo që dihet më pak është fakti që aspirina shërben edhe si përbërja bazë për maskë fytyre – një nga maskat më të suksesshme, me përbërës natyralë.

Kimikisht, aspirina ka ngjashmëri me acidin salicilic (Beta Hydroxy Acid), i cili ndihmon lëkurën në pastrimin e thellë të saj.

Kështu, përdorimi i përjavshëm i maskës me aspirinë përmirëson përgjithmonë përbërjen e lëkurës (sheshon rrudhat dhe zvogëlon poret) dhe rrallon në mënyrë të dukshme ose ndalon edhe krijimin e akneve të tjera.

Në vijim, ne do t’ju njohim me dy maska me bazë aspirinën, që jep efekt botoksi brenda 30 minutash.

Janë të thjeshta në përgatitje dhe me rezultat magjik: Fytyra jote do të jetë më e pastër, e butë dhe e lëmuar.

Maskat me aspirinë, në mënyrë të veçantë, janë të dobishme për lëkura të yndyrshme, lëkura mikse dhe me akne.

🌸 Maska nr. 1

Efektin do t’a ndjeni direkt pas 30 minutash

🌸 Përgatitja:

5 aspirina

2 lugë gjelle me mjaltë

1 lugë gjelle me kos

🌸 Përgatitja:

Lajeni fytyrën me ujë të ftohtë më parë, pastaj vendosni një pecetë në mikrovalë dhe ngroheni për 30 sekonda.

Aplikojeni në fytyrën tuaj për 10 minuta që të hapen poret.

Shtypni tabletat e aspirinës dhe përziejeni me përbërës të tjerë.

Pastaj aplikoni maskën në fytyrën tuaj dhe lëreni për gjysmë ore.

Më pas, lani fytyrën tuaj me ujë të ftohtë.

🌸 Maska nr. 2

🌸 Përdorimi: Shkri 2-3 aspirina në dy lugë ujë.

Përzieje me një ose me më shumë nga përbërësit e mëposhtëm natyralë, duke i shtuar dhe gjysmë luge vaj ulliri:

Kos

Xhel Aloe Vera (mund t’a gjesh në farmaci)

Argjilë

Mjaltë

Masa nuk ka shumë rëndësi.

Thjesht përdor përbërësit që ke në dispozicionin në një masë, me të cilën mund të mbulosh mirë fytyrën.

Përzieji mirë të gjithë përbërësit.

Përhap një shtresë të hollë në fytyrë dhe lëre të thahet (për gati 15 minuta).

Hiqe duke e fërkuar me lëvizje rrethore të buta për një pastrim më të mirë dhe shpëlaje fytyrën me ujë të vakët.

😍🧉