Just Exploring

صحت کارڈ غریب عوام کے لیے ایک بہت بڑی سہولت ہے، لیکن اگر کسی غریب مریض کو ایمرجنسی میں یہ کہا جائے کہ صحت کارڈ پر آپریشن تین یا چار ماہ بعد ہوگا، جبکہ نقد پیسے دینے پر چند گھنٹوں میں آپریشن ہو سکتا ہے، تو یہ انتہائی تشویشناک بات ہے۔

ہم کسی ایک ڈاکٹر یا ہسپتال پر الزام نہیں لگا رہے، لیکن اگر ایسے واقعات سامنے آ رہے ہیں اور ہمارے پاس ان کے ثبوت بھی موجود ہیں تو متعلقہ حکام کو اس کا فوری نوٹس لینا چاہیے۔ آخر صحت کارڈ پر علاج کرنے والے ڈاکٹر کو پیسے ملتے ہیں، پھر صرف صحت کارڈ والے مریض کو انتظار کیوں؟

صحت کارڈ کا مقصد ہی یہ تھا کہ غریب آدمی بھی عزت کے ساتھ بروقت علاج کروا سکے۔ میری وزیراعلیٰ خیبر پختونخوا سہیل آفریدی صاحب، وزیرِ صحت اور محکمہ صحت سے گزارش ہے کہ اس معاملے کی شفاف تحقیقات کروائی جائیں اور اگر کہیں صحت کارڈ کے مریضوں کے ساتھ ناانصافی ہو رہی ہے تو ذمہ داروں کے خلاف سخت کارروائی کی جائے۔

یہ کسی سیاست کا مسئلہ نہیں، یہ ایک غریب مریض کی زندگی کا مسئلہ ہے۔ اگر آپ بھی سمجھتے ہیں کہ صحت کارڈ کی سہولت واقعی حقدار تک بروقت پہنچنی چاہیے تو اس ویڈیو کو ضرور شیئر کریں، تاکہ یہ آواز متعلقہ حکام تک پہنچے۔

پشاور بورڈ ایک بہت بڑا اور ذمہ دار ادارہ ہے، اس لیے اس کے ہر فیصلے کا براہِ راست اثر ہزاروں طلبہ اور ان کے والدین پر پڑتا ہے۔ چند روز قبل بورڈ کی جانب سے جاری کیے گئے پہلے نوٹیفکیشن کے مطابق طلبہ سے مقررہ فیس وصول کی گئی، لیکن کچھ ہی دن بعد BOG اور فنانس میٹنگ کے فیصلے کے تحت دوبارہ فیس میں اضافہ کرکے نیا نوٹیفکیشن جاری کردیا گیا، جس سے طلبہ، والدین اور اسکولوں کے کلریکل اسٹاف کے درمیان شدید پریشانی اور غلط فہمی پیدا ہوئی ہے۔ بعض مدات میں فیس میں تقریباً 100 فیصد تک اضافہ کیا گیا ہے، جو غریب اور متوسط طبقے کے طلبہ کے لیے ایک بہت بڑا مالی بوجھ ہے۔ اس کے ساتھ ایک اور اہم سوال بھی پشاور بورڈ کی انتظامیہ کی توجہ کا طالب ہے کہ اس سال اتنی بڑی تعداد میں طلبہ فیل کیوں ہوئے؟ گزشتہ برسوں میں فیل ہونے والے طلبہ کا تناسب تقریباً 20 سے 30 فیصد کے درمیان رہا، جبکہ اس مرتبہ صورتحال اس کے برعکس دکھائی دے رہی ہے اور بڑی تعداد میں طلبہ فیل ہوئے ہیں۔ مزید حیرت کی بات یہ ہے کہ سالانہ امتحانات کے بعد سپلیمنٹری امتحانات میں بھی بڑی تعداد میں طلبہ کامیاب ہوجاتے ہیں، تو سوال یہ پیدا ہوتا ہے کہ صرف چند ماہ کے اندر ایسا کیا فرق آجاتا ہے کہ صوبے بھر کے بورڈ کے بہت سے طلبہ کامیاب ہوجاتے ہیں؟ بورڈ انتظامیہ کو اس معاملے پر بھی سنجیدگی سے غور اور شفاف جائزہ لینا چاہیے۔ ہم بورڈ کے ہر جائز فیصلے کا احترام کرتے ہیں، لیکن طلبہ کے لیے مسلسل نئے مالی بوجھ اور ایسے فیصلے جو ان کے لیے مشکلات پیدا کریں، قابلِ غور ضرور ہیں۔ بورڈ چیئرمین اور کنٹرولر صاحب سے مؤدبانہ مگر پُرزور اپیل ہے کہ خدارا غریب اور متوسط طبقے کے طلبہ کی مشکلات کو سمجھیں، فیس میں کیے گئے اس اضافے پر فوری نظرِثانی کریں اور امتحانی نتائج کے حوالے سے بھی حقائق کا جائزہ لیں۔ طلبہ کے پاس اپنے مسائل کے اظہار کا حق ہے اور اگر ان کی آواز نہ سنی گئی تو وہ مختلف طریقوں سے احتجاج کرنے پر مجبور ہوسکتے ہیں؛ ہماری گزارش ہے کہ طلبہ کو احتجاج پر مجبور نہ کیا جائے اور اس معاملے کا فوری، مثبت اور قابلِ قبول حل نکالا جائے، کیونکہ پشاور بورڈ کی اصل ذمہ داری طلبہ کو سہولت فراہم کرنا اور ان کے مستقبل کو بہتر بنانا ہے، نہ کہ ان کے لیے مزید مشکلات پیدا کرنا۔

ناردرن بائی پاس