Besmullah farzad

نا گوزل گیـبسـیـنگ، آلیـنگ اوادان
باشـینگا آتیــنان شــالیــنگ اوادان
غولپاغینگ اوجینی بارماغا اوراب
اویالیـب یـیرباقان حـالینک اوادان

یایلاریـنگ اوقیـنی دشـمـانا ایـتن
قره گوز ایچــیــنده دنیـالار ییـتن
اشاقّی دوداغینگ، سولیـنده بیـتن
آی داکی داغ یالی، خالینگ اوادان

بیچـاره لیـک دوشـار، گل جـماعتا
حـیـرانا غالان دان حـسـن و قامتا
بلبلی لال ادیب، غوییـب حـســرتا
دلینگدان دوکیلان، بالیـنگ اوادان

آیراتین یاراشـار سـانگا دورلی ناز
گولاسانگ آیلانار غره غیشلار یاز
شـانیـنگا یازمانا مـونگ عمرلار آز
بولسادا بار عمریم مالینگ، اوادان

سوزلارینگ، دویانا ائچـیـلار مانی
قلیغینگ ساناسام توکان مز سانی
ادبیــنـگ اکرامیــنگ بولاغی یانی
فــرزادی آو ادان پـالیــنـگ اوادان

بسم الله "فرزاد" مزار شریف، ۱۴٠۵/۱/۱۸
آل= قرمزی، احمر

اولوم حـــق ای "فـرزاد" نوبتیـنگ گیـلار
بیــــرگــونی عزرائـیــل جــانیـــنگـی اَلار
سوزلا سوزینگ، یازگین باشاردیغیـنگچه
اؤتارسیـنگ دنیـادان، سـوزلارینگ غالار

بسم الله "فرزاد" مزار شریف ۱۴٠۴/۱۲/۲۱

قدر بیــلن یـلدا، یخــشــی ایـکی سـام
بیــریســی رحــمـت هـم فضیـلت ایام
اوبیـری سام یئلینگ اوزین گیجه سی
دانگ اتیـنچـــا دیـلا، دیـلاگیــنگ دوام

*** *** *** ***
قدر گیـجـه سـیـنده روحـیـنگ یومالی
شـیــطانی آغلادیــب اوریــب قـومالی
حـقیـنگ رحــمتیــندان پایئـنگی آلیـب
یـمان قـلیـق لار دان یوزیـنگ سومالی

*** *** *** ***
​یلدا هـم بیــر فرصـت اوزاقلی گیـجــه
حـقه سـرینگ آیدیب چوله سنگ بیجه
یـاده، شـــکـر دئـللی ســـور یـار بیـــلن
سن دانگی آتیرسانگ سوزلاشیب نیجه

*** *** *** ***
ایـنان! گیـجـه، گونیگ یمانی یوقدیر
یمان، آدم لارینگ نفسـینده چـوقدیر
حقه دوغری بولسانگ، ای آدم اوغلی
آلان هـر بیــر دمـیــنگ ثوابا دوقدیر

بسم الله "فرزاد"، مزار شریف، ۱۴٠۴/۱۲/۲۱

قابغاره بولیـت لار، بیـر ییــر اوشـیـبدیـر
ناچـه سـی تولانیـب ناچـه چــاشــیـبدیـر
قورقدیم کی یئلان لار هجومی دیر دیب
یوق، قره سـاچیـنگدان شـمال اوسیبدیر
بسم الله "فرزاد" ۱۴٠۴/۱۲/۲۱