Khost veterinary faculty

خبرتیا!

خبرتيا!
د غذايي موادو حفظ الصحې او تکنالوژي څانګې ګرانو کانديدانو سبا ورځ ستاسو د کادري بستونو د انګليسي ژبې ازموينه پوره د سهار په ۷:۳۰ بجو شروع کېږي تاسو د خبر ياست
د وترنري علومو پوهنځي اداره

د شيخ زايد پوهنتون کادري ازموينې خبرتيا!

د ټولنيزو علومو عمومي تاريخ، د کرنې پوهنځي حيواني علومو، چاپېريال ساتنې او اګرانومي څانګو، د ژورنالېزم پوهنځي ژورنالېزم څانګې، د کمپيوټر ساينس پوهنځي معلوماتي سيستمونو څانګې، د وترنري علومو پوهنځي غذایي موادو حفظ الصحه او ټکنالوژي څانګې، همدا ډول د ښوونې او روزنې پوهنځي کيميا، فزيک، عمومي تعلیم او تربيې څانګو هغو نوماندانو ته خبر ور کول کېږي، چې يادو کادري بستونو لپاره يې ځانونه نوماندان کړي دي او د انتخاب په لېست کې يې نومونه موجود دي، د خارجي ژبې ازموينه يې يکشنبه د ۱۴۰۴ هـ.ش کال د کب میاشتې په لسمه نېټه اخیستل کېږي او تخصصي ازموينه يې دوشنبه د کب په يوولسمه نېټه اخيستل کېږي.
د ازموینو وخت: سهار ۷:۳۰ دقیقې
د ازموینو ځای: شرعیاتو پوهنځی، امام ابوحنیفه رحمه الله غونډو تالار
نشراتو او عامه اړيکو آمريت

خبرتیا!
دا چې د وترنري علومو پوهنځي د غذایي موادو حفظ الصحې او تکنالوژی څانګې ۴ کادرې بستونه اعلان ته سپارل شوي وو، شارت لیست شوي کاندیدانو ته خبر ورکول کيږي چې د انګلیسي ژبې ازموینه يې راتلونکې یکشنبه (د کب ۱۰ نیټه) او ورپسې تخصصي ازموینه یې دوشنبه (د کب ۱۱ نیټه) اخیستل کیږي.
ځای: شرعیاتو پوهنځی تعمیر د امام ابوحنیفه رح غونډو تالار
وخت: سهار ۷:۳۰ بجې
په درنښت
د وترنري علومو پوهنځي اداره

د شیخ زاید پوهنتون وترنري علومو پوهنځي دوه قدرمن استادان هر یو:
عبدالطیف رحیمي او خالد بشرمل د پوهنمل علمي څخه پوهندوی عملي رتبو ته ترفیع ترسره کړه. دا ستر وياړ دې قدرمن استادانو او د وترنري علومو پوهنځي علمي کورنۍ ته ډېر مبارک وي.
د وترنري علومو پوهنځی اداره

د شيخ زايد پوهنتون محصلانو د پام وړ!

د شیخ زاید پوهنتون پنځو پوهنځیو علمي کادري بستونو خبرتیا!
https://www.mohe.gov.af/ps-AF/Vacancy-card/vacancy-295

د وترنري علومو پوهنځي محصلانو تر منځ رقابتي سيالي تر سره شوه.

د وترنري علومو پوهنځي محصلانو ترمنځ علمي رقابتي سیالي د امام ابو یوسف رحمه الله د غونډو په تالار کې ترسره شوه.
د ياد پوهنځي د فرهنګي فرعي کمېټې مشر او استاد پوهنيار مصطفی لودين په وينا، چې د يادې سيالۍ څخه یې موخه د محصلانو مطالعې ته هڅونه او د سالم علمي رقابت رامنځته کول دي.
د ازموینې لپاره رابلل شویو مراسمو ته د محصلانو چارو مرستيال مفتي رضوان الله منیب په خپله وینا کې د وترنري علومو پوهنځي له لوري دا ډول نوښت څخه خوښي څرګنده کړه او مطالعې ته د محصلانو هڅونې لپاره یې ډېر ګټور ياد کړ.
د يادې سيالۍ د ارزونې لپاره ټاکل شوي درې کسیز هيئت له لوري د سیالۍ ګټونکی درېیم ګروپ اعلان شو او په پلان کې ده چې د لا تشويق په موخه د پوهنځي رياست له لوري ستاينلیکونه هم ورکړل شي.
فرهنګي چارو کمیټه

د شیخ زاید پوهنتون وترنري علومو پوهنځي دوه تنو محترمو استادانو؛ ښاغلی نوراسلام سهار د پوهنیار علمي رتبې څخه پوهنمل علمي رتبې ته او ښاغلی افتخارالدین فضلي د تضمین کیفیت مورد د پوره کېدو په موخه په ترتیب سره خپل لومړي علمي کنفرانسونه (په انسانانو او څارویو کې د کریمن کانګو هیموراجیک فیور مقایسوي څېړنه) او (د وزو ساري سینه بغل ناروغي) تر عنوانونو لاندې د ۱۴۰۴ هـ.ش کال د عقرب میاشتې ۱۷ مه نیټه ارایه شول او د ژوري هيئت لخوا ياد کنفرانسونه مثبت وارزول شو. د وترنري علومو پوهنځي اداره دواړو قدرمنو استادانو ته د مبارکۍ ترڅنګ په راتلونکي کې د لا علمي برياليتوبونو هيله کوي.
په درنښت
د وترنري علومو پوهنځي اداره

د وترنري علومو پوهنځي محصلانو ترمنځ علمي رقابتي سیمینارونو سیالي ترسره شوه.

د يادو سیمينارونو د پیل په مراسمو کې د وترنري علومو پوهنځي د فرهنګي چارو فرعي کمېټې مسؤل استاد پوهنیار مصطفی لودین لخوا د یادې سیالۍ په اړه لنډ معلومات وړاندې کړل او ویې ویل؛ چې د یادې سیالۍ څخه یې موخه د محصلانو ترمنځ علمي او سالم رقابت، مطالعې ته هڅونه، علمي ظرفیت لوړوالی او په خپلو منځونو کې علمي رقابت رامنځته کول دي.
د وترنري علومو پوهنځي استاد پوهندوی اجمل خوستي پخپله وینا کې هغه محصلان چې سیمینارونه یې ارایه کړل وستایل او دا ډول سیالۍ یې د محصلانو د پوهې او علم زیاتوالي لپاره مثبتې وبللې. په پای کې غوره سیمینار ارایه کوونکو ته ستاینلیکونه او ډالۍ ورکړل شوې.
فرهنګي چارو کمیټه

د شیخ زاید پوهنتون، وترنري علومو پوهنځي پياوړي او بااستعداده علمي کادر ښاغلي عزیزالرحمن خالد د پوهنمل علمي رتبې څخه پوهندوی علمي رتبې ته ترفيع وکړه. د وترنري علومو پوهنځي اداره ښاغلي خالد ته په علمي ډګر کې د دې سترې علمي لاسته راوړنې د مبارکۍ ترڅنګ د الله تعالی له دربار څخه د نورو برياوو او پرمختګونو هیله کوي.
په درنښت
د وترنري علومو پوهنځي اداره