Hwamambo groceries

Topic: Musandinyaradze hamuzivi zvangu
Mark 10vs46-52
Ndakambonzwa umwe muparidzi achiti, ukapusa pachipatara unodzingwa nemumwe murwere ukafa wadzokera kumba. Anondiitira zvakanaka muparidzi iyeye (Pastor Aaaron Rusukira). Bartimeo adaaidzira, ‘Mwanakomana waDavid ndinzwirei ngoni!’, bible roti, vs 48, ‘vazhinji vakamuraira kuti anyarare’. Vanhu vakanyangadzwa neruzha as if Bartimaeus was directing the noise to them. Vazhinji vacho ndevauya kuna Jesu for different reasons but vava kunyararidza auyawo nedzake. Mose muri pachipatara iwe wanzwa nekurutsa asi unotuka arikukosora, tsve kuterera mudumbu murikurutsisa. Varipo panyika vane system yekunyararidza vamwe.
Ndakauya kuchurch ndoga, nenhamo dzangu dzekusaroorwa zvekundiratidza vakura kudarika ini vasati varoorwa zvinei neni? Ini ndini ndinosiva kurwadza kwenhamo yangu ko zvekundiudza kuti tisanyanya kuda zvepasi rino, imharidzo ipi imi muchifamba nemota? Musandiudza zvekuti kune vakawanda vasina vana, regai nditaure naMwari wangu musandinyararidza. Musandiudza zvekuti chero mwana akafoira zvizhinji zvaanogona kuita, regai ndiraire njere pamwana. Taneta nevanhu vanonyepa kupa counseling zvenhema ivo vachitinyararidza. Kana mukanzwa ndichichemerawo stand kuEpworth siyanai neni, imi namatirai dzimba kuBorrowdale makanyarara, tose tiri varwere tasangana pachipatara. Zivai zvekunamatira Visa reCanada ini ndichinamatira licence class two.
Vazhinji vapedzwa kutenda nevamwe vatendi mumachurches. Paanotaura nhamo dzake anonyararidzwa. Kana wanyararidzwa usanyarara simuka umire nesimba. Kana vachikusvora wanamata paChina simuka unange kugomo wodzoka uchisekerera Jesu vadavira nyaya dzako, usanyararidzwa havazivi nhamo dzako. Vamwe vachida kutaura nhamo dzavo vanobvunzwa kuti manga makabhadhara mari dzePresent rebirthday ramufundisi here vonyara. Vamwe vachitaura nhamo dzavo vobvunzwa kuti pakaendwa kuNyanga makaendawo here, ndoenda nei ndati handishandi? Vochemawo nhamo dzavo vonzi mazuvano manyararisa mabooks edu