The Truth News Media

𝙌𝘼𝘽𝘼𝙉𝙂 𝙀𝘼 𝙈𝘼𝙃𝘼𝙊 𝙇𝙀 𝙋𝙃𝘼𝙋𝘼𝙉𝙊
Hlokomela: li telele

Mona ke lengolo le bulehileng la Motlatsi oa moetapele oa BAP Motlatsi Maqelepo, Ho Moetapele Nqosa Mahao eo bolateli bo mo balehang ka h**e ke mohatelli.

Maqelepo o ngotse tjena: Ke loanetse ntate Mahao le pele ke kopane le eena ele motho. Ke makala ha hona le batho ba pela hae tsatsing lena ba re ke Monyollo.

1. Ke eme le Maparamente a ABC a neng a bonoa a etsoa hampe, ke qetelletse ke le emong oa Maparamente a neng a hlouoe ka nako eo h**e ke kotsi ho faction ea ntate Thabane
2. Re loantšitse ntate Thabane raba ra mo tlosa Pusong
3. Re busitse le ntate Majoro hofihlela ntate Mahao a re kopa h**e re mpe re tsamaee hobane o se a qabane le Tonakholo Majoro le komiti ea ABC.
4. Ke bile ka pele ho mo thusa ho kholisa Maparamente a qetelletseng a tsetse le eena. Kopono e mahlonoko ea ka nako eo ene e bile e tsoaretsoe haka.
5. Re tsuile Pusong ea ntate Majoro re sa qabana le eena re le batho.
6. O loanne lintoa le ntate Thotanyana le faction ea hae, re qetelletse re mo thusa ntoeng eo. Le ha ke itšola ka jeno.
7. O loana le Phapano le Capito kajeno, o batla re nke lehlakore.
8. Liqabang tsa BAP tsa hona tjee li qala ntoeng ea hae le Phapano. Ha o sa nke lehlakore ha o mo sapote, o lehlaba phieo.
9. Kajeno o re retsoe Pusong. Every time its about him, not the people who follow us, not the stability of the government, nothing else except him.
10. KE MO BOTSITSE, NTATE U TLA RE NKISA LEETO HOFIHLELA NENG BOPHELONG?

Ntho tse utluisang bohloko kaho fetisisa, ntate Mahao o loana le batho bao a ratang ho ikapesa ka bona a re o tiisa boetapele ba hae, boo re sa tsebeng bo qholotsoa ke mang.

1. Team Hlehlisi, Mokhothu, later on Thotanyana o ne a i kapesitse ka eona. Ba mo fetohela hoa qabanoa hampe feela.
2. Team Phapano le Capito o ne a ikapesitse ka eona. Ea mo fetohela, hoa qabanoa hampe feela.
3. Morao tjena o i kapesitse ka bo Makutoane, Albert, Sebonkile le ba bang. BA NTSE BATLO QABANA HAMPE FEELA.
4. Joale o batla batho ba mo thuse lintoeng tsena tsa hae.

Litabeng tsa Puso. Re hlotsoe ho sebetsa le selekane sa ABC/DC, hoathoe re tsoe. Tsatsing lee re se re sitoa ho sebetsa selekaneng sa RFP, hothoe retsoe? RE BAETAPELE BA MOFUTA O FENG? RE PARTY EA HO ETSANG HAEBA RE SITOA HO BUSA LE MANG KAPO MANG?

Baeso rona re le litho tsa Paramente rena le FREEDOM OF CONSCIENCE, rena le FREEDOM OF ASSOCIATION. Joale mona retlo sebelisa kelello ea rona eseng ea Moetapele oa BAP, eseng ea Komiti ea BAP ee impartial. Hopola h**e komiti ena litho tsa eona ke bo mang bao majority a bona ba keneng joang. Ha se batho ba khethuoeng ke Seboka sa BAP.

Litaba tsena kaofela li hloka beng ba party ena eleng Seboka se khethehileng. Nnete keh**e re khanneloa sekoting sa timelo.

𝙈𝘼𝙋𝘼𝙍𝘼𝙈𝙀𝙉𝙏𝙀 𝘼 𝙉𝙂𝘼𝙉𝙂𝙄𝙎𝘼𝙉𝘼 𝙆𝘼 𝙇𝙀𝘽𝙊𝙇𝙇𝙊.

Sena se tla kamora h**e letona la ntšetso pele Lesaoana Pitso a polanye sehlomathiso se tšireletsang bana ka hare ho paramente.

Moetapele oa Nonyana Mothetjoa Metsing le ba habo ba lumela h**e ngoana o lokela ho bolla bonyane ha a le lilemo li 16.

Ka lehlakoreng le leng, Letona la Ntšetso pele Lesaoana Pitso le ba bang, ba lumela h**e lilemo tsa lebollo e lokela ho ba bonyane 18 ho ea holimo.

Hara likhang tsena, Letona Pitso o ile a ba a etsa mohlala ka moshanyana ea ileng a ea lebollong eare ha a khutla a shobelisa ngoanana e monyane lilemong.
"Moetlong oa lebollo ha hona tlhekefetso ". A rialo metsing a halefile.

Metsing o qetelletse a bolella paramente h**e marena a mang a sehlooho a hanela sechaba ho bolla." Ha se h**e re loants'a marena", ho rialo Metsing a buelella puo ea hae mabapi le marena.
Likhang li ntse li tsoela pele

IPALLE KA KOTLOLOHO POLELO EA 'MUSO MALEBANA LE LITABA TSA STILFONTEIN.

𝙈𝙖𝙝𝙖𝙤 𝙤 𝙧𝙚 𝙋𝙝𝙖𝙥𝙖𝙣𝙤 𝙖 𝙡𝙚𝙡𝙚𝙠𝙤𝙚 𝙢𝙤𝙨𝙚𝙗𝙚𝙩𝙨𝙞𝙣𝙜.

Moetapele oa Basotho Action Party (BAP), Professor Nqosa Mahao o file Tonakholo Matekane bonyane matsatsi a mane (4) h**e a ba lelekile mongoli e moholo lekaleng la matla, eleng Tankiso Phapano.

Mahao o tobokelitse h**e ha Tonakholo a hloloa ho mo fa tsebe, BAP e tla ikhula kahara puso.

Mahao le Phapano ke litho tsa bohlokoa kahara BAP, empa ho hlakile h**e likhohlano tsa bona li fihlile boemong boo li kekeng tsa rarolleha - bobeli bona bo sebetsa tlasa lekala la matla moo Mahao eleng letona, ha Phapano ena e le mongoli e moholo.

Extracted from Khotsofalang Koloi on X.

Taba ea h**e moithuti o bolauoe ke ho noa "energy drink" ke mafosisa.

Maobane (laboraro) ho marang-rang ho ile hoa tlala taba ea h**e moithuti o felletsoe ke bophelo kamora ho noa "energy drink" ea boleng ba mabekere a mane, 'me seo se netefalitsoe e le mafosisa kaha pelaelo ele h**e o ile a ipha chefu.

Litlaleho li bontša ha a ne a imetsoe ke mekoloto ho fihlella a nka tharollo ea ho oroha lefatšeng ka mokhoa oa ho iphenetha.

"𝙉𝙠𝙚𝙠𝙚 𝙧𝙖 𝙣𝙩š𝙖 𝙡𝙞𝙣𝙤𝙠𝙤𝙖𝙣𝙚 𝙢𝙤𝙠𝙤𝙩𝙞𝙣𝙜 𝙤𝙖 𝙢𝙤𝙧𝙖𝙛𝙤"
14/Pulungoana/24 | Stilfontein

Joalokaha re tlalehile h**e makhomosha a tšoasehile morafong oa khale Stilfontein, 'muso oa Afrika Boroa ka letona Khumbudzo Ntshaveni, o itse o keke oa pholosa linokoane hohang.

Ntshaveni o itse ha se morero oa 'muso ho pholosa linokoane tse sa rongoang ke 'muso, ebile ba batlang ho ba thusa ba theohele ka mekoting ho lo ba lata. "Re tla ba kubeletsa ho fihlella ba intša mokoting mono 'me ha ba tsoa mono re tlo ba tšoara" - ho bolela Ntshaveni.

Kamora puo eo, ho bile le mororo o mongata ho hlaha ho mekhatlo ea litokelo tsa mantlha tsa botho le baahi ba tikoloho eo ea Khuma moo ba reng 'muso o tlola molao ka ho tlohella batho ba bangata hakaalo ba shoelle mokoting.

Taba e hlakileng ke h**e banna bao ha se melata feela, empa le baahi ba Afrika Boroa ba teng ba sebetsang e le makhomosha 'me sena se bolela h**e 'muso o re ha o natse h**e na mang ke mang.

Molateli oa rona na u na le bana beno ba amehileng?




📷 Newzroom Afrika

𝙈𝙤𝙨𝙖𝙡𝙞 𝙚𝙖 𝙡𝙞𝙡𝙚𝙢𝙤 𝙡𝙞 22 𝙤 𝙖𝙝𝙡𝙤𝙡𝙚𝙡𝙤𝙖 𝙝𝙤 𝙗𝙚𝙩𝙖 𝙢𝙤𝙨𝙝𝙖𝙣𝙮𝙖𝙣𝙖 𝙚𝙖 𝙡𝙞𝙡𝙚𝙢𝙤 𝙡𝙞 𝙡𝙚𝙨𝙝𝙤𝙢𝙚 (10).

13/Pulungoana/24 | Butha-Buthe

Nosililo Mashaqane (22) oa Botha-Bothe, o ahlotsoe lilemo tse leshome le metso e 'meli (12) ke lekhotla la 'maseterata kamora ho fumanoa a le molato oa peto.

Moshanyana o ile a bonahala a na le bothata ka bothong eaba o potlakisetsoa ngakeng, moo ngaka e ileng ea tšoaela h**e moshanyana o bonahala a hlekefelitsoe ka motabo.

Kamora ho fumanoa a le molato, Mashaqane o ile a ikopela mohau h**e a fokoletsoe lilemo tsa kahlolo ka ho bontša h**e o ne a sena maikemisetso a mabe kaha a ne a ruta moshanyana ho bapala 'mantloane.

📷 Lesotho Mounted Police Service

Sepolesa sa Afrika Boroa se fumane tlhapi ea lebekere ea Pilchards e felletsoeng ke boleng (expired) ka selemo sa 2021.

Tlhapi ena e ngotsoe bocha hoa hlokoloa selemo sa 2021 'me hoa ngoloa 2026 ke monga lebenkele oa molata, ea hlahang naheng ea Malawi.

Ho bonahala taba ena ea lijo tse felletsoeng ke boleng le tse entsoeng ka lisebelisoa tse kotsi 'meleng li utloisitse ma-Afrika Boroa bohloko, kaha bana ba lahleheloa ke maphelo ka bongata ka lebaka la litla-morao tsa lijo tsena.

Kaha Lesotho e le naha e rekang lijo Afrika Boroa, ekaba tlhokomeliso ho 'muso oa Lesotho ho hlahloba lijo ka litsebi pele li tšela malibohong.

📷 Mongezi Koko

Re kopa ho tholisoa ka number plate ea koloi ea linomoro tsa A 273 B*H.
E lahleile bosiung bo fetileng lipakeng tsa toropo ea Maseru le Lower Thamae.
Ha u ka e thola re kopa u etse "please call" nomorong ea mohala ea 59869950.

Na Econet Telecom Lesotho - ETL ka sehlahisoa sa bona sa Ecocash ntse ba u tšoere Mosotho?

Sechaba se seboko ka lichelete tsa hanang ho tsoa kahara mekotla ea polokelo le lichelete tse ntseng li so khutle tse nyametseng nakong ea ho reka litšebeletso.

Oena sello sa hao se reng?

|| Re kopa ho tholisoa ka number plate ea koloi ea linomoro tsa A 273 B*H.
E lahleile bosiung bo fetileng lipakeng tsa toropo ea Maseru le Lower Thamae.
Ha u ka e thola re kopa u etse "please call" nomorong ea mohala ea 59869950 ||

📷 Econet Image is a copyright of Econet Telecom Lesotho.

𝙇𝙞𝙚𝙖-𝙡𝙚-𝙢𝙤𝙚𝙖 𝙡𝙚 𝙡𝙞𝙩𝙝𝙚𝙡𝙚𝙫𝙞𝙨𝙝𝙞𝙣𝙞 𝙡𝙞 𝙩𝙡𝙖 𝙠𝙝𝙖𝙤𝙝𝙖.

Lekala la likhokahanyo le etsa tlhokomeliso ea ho Khaoha hoa liea-le-moea, lithelevishini le tšebeletso tsa marang-rang tse okhang matla ho tsoa litoreng tse Sehlabeng sa-Thuathe ka Moqebelo oa la 19 Mphalane (October).

Tšitiso ena e tla qala ho tloha ka hora ea leshome ho ea ha tali e antša hantle ka hora ea leshome le metso e 'meli, e leng kakaretso ea lihora tse peli.
Maqhubu a tla ameha a kenyeletsa a DSTV, DTT, FM le AM.

Alliance Insurance e tekenne selekane le lekhotla la toropo eleng Maseru City Council (MCC) maobane ka la 16 Mphalane, ka sepheo sa ho etsa lintlafatso ka hara toropo ea Maseru.

Kahara selekane sena Alliance Insurance e tla;

1. Reka literaka tse peli tsa boleng ba 1.7 million ka ngoe
2. Fana ka WIFI ea mahala libakeng tsa boitlhabollo (parks)
3. Nchafatsa le ho lokisa libaka tsa boitlhabollo tse laoloang ke MCC
4. Rekela baitšokoli matlo a tšebetso le ho lokisa aseng boemong bo botle
5. Lokisa matloana a sechaba
6. Fana ka meqomo ea litšila
7. Nchafatsa libaka tsa boemelo ba makoloi

Selekane sena se tekenetsoe ke mookameli oa Alliance Insurance monghali Angus Yeats le Mo-lekhotla oa MCC, monghali Motlalepula Sepipi, 'me selekane sena se tla nka lilemo tse hlano kaofela.

📷 Maseru City Council

Tito Mboweni ke mofu.

Mboweni ke moithuti oa mehleng oa sekolo se seholo sa sechaba National University of Lesotho ebile o sebelitse naheng ea habo ea Afrika Boroa e le 'musisi oa banka ea resefe (South African Reserve Bank).
O ile a boela a sebetsa e le Letona la lichelete.

Moea oa hae o phomole ka Khotso.