Kaapkerk

🫁 𝐀𝐬𝐞𝐦 𝐢𝐧. 𝐀𝐬𝐞𝐦 𝐮𝐢𝐭.

Ons haal elke dag asem. Sonder om te d**k. Sonder om te besef hoe afhanklik ons is van hierdie eenvoudige ritme om aan te hou lewe.

In die Bybel is asem meer as bloot ’n biologiese funksie.
Dit is ’n simbool van God se teenwoordigheid. Van lewe. Van sy Gees wat ons vul en ons stuur.

👉 In Genesis 2:7 blaas God asem in die mens... en ons kry lewe.
👉 In Johannes 20:22 blaas Jesus die Gees oor sy dissipels... en stuur hulle uit.
👉 In Handelinge 2 vul God se Gees mense... en hulle begin om te getuig.

Asem in ➡️ Word gevul.
Asem uit ➡️ Word gestuur.

𝐇𝐢𝐞𝐫𝐝𝐢𝐞 𝐦𝐚𝐚𝐧𝐝 𝐰𝐢𝐥 𝐨𝐧𝐬 𝐬𝐚𝐚𝐦 𝐨𝐧𝐭𝐝𝐞𝐤:
🌬️ Hoe lyk dit om in God se Gees asem te haal?
🌬️ Hoe leef ’n mens dit uit in vrede, liefde, hoop, vergifnis, vreugde en uiteindelik, selfaflegging?

Ons nooi jou om saam met ons asem te haal oor die volgende ses weke. 🌿

Pinkster is verby, maar dit beteken nie dat jy die Heilige Gees in die kas moet bêre nie... 🕊️🔥

Dis snaaks hoe mense daarvan hou om sekere goed te bêre. Iets soos daardie fyn porselein teestelle met blommetjies op. As die stel regtig fancy is, het dit dalk ‘n goue-randjie. Daardie teestel staan gewoonlik in ’n vertoonkas of iewers agter saam met ’n lukrake versameling plastiekbakke sonder deksels. Jy’t dalk hierdie stel gekry as ’n trougeskenk, geërf by jou ouma of gekoop by ’n wit olifanttafel toe jy nostalgies gevoel het.

Hierdie stel het ’n spesiale plekkie in jou hart, maar dis net… dis nie vir elke dag nie. Dit mag net gebruik word vir ’n spesiale geleentheid. Soos as die dominee kom huisbesoek doen. Of as koningin Camilla eendag onverwags opdaag vir melktert. Maar verder? Off limits!

En dit laat vir Wilmi Wheeler wonder… Is dit nie dalk hoe ons soms die Heilige Gees hanteer nie?

Moenie die Heilige Gees in ’n kas bêre nie | Kaapkerk Dis snaaks hoe mense daarvan hou om sekere goed te bêre. Iets soos daardie fyn porselein teestelle met blommetjies op. As die stel regtig fancy is, het dit dalk ‘n goue-randjie. Daardie teestel staan gewoonlik in ’n vertoonkas of iewers agter saam met ’n lukrake versameling plastiekbakke sond...

🕊️🔥 Mag hierdie Pinkstertyd jou herinner: 𝐉𝐲 𝐡𝐨𝐞𝐟 𝐧𝐢𝐞 𝐯𝐨𝐥𝐦𝐚𝐚𝐤 𝐨𝐟 𝐡𝐞𝐢𝐥𝐢𝐠 𝐭𝐞 𝐰𝐞𝐞𝐬 𝐨𝐦 𝐠𝐞𝐯𝐮𝐥 𝐭𝐞 𝐰𝐨𝐫𝐝 𝐦𝐞𝐭 𝐝𝐢𝐞 𝐇𝐞𝐢𝐥𝐢𝐠𝐞 𝐆𝐞𝐞𝐬 𝐧𝐢𝐞. Jy hoef nie alles perfek in plek te kry voor God naby jou kom nie.

𝙂𝙤𝙚𝙞𝙚 𝙣𝙪𝙪𝙨: Sy Gees beweeg in jou gebroke ruimtes.
Sy lig skyn in dowwe harte.

🙏🙏
𝘒𝘰𝘮, 𝘎𝘦𝘦𝘴 𝘷𝘢𝘯 𝘎𝘰𝘥.
𝘝𝘶𝘭 𝘮𝘺 𝘭𝘦𝘦𝘮𝘵𝘦𝘴.
𝘉𝘭𝘢𝘢𝘴 𝘭𝘦𝘸𝘦 𝘸𝘢𝘢𝘳 𝘦𝘬 𝘮𝘰𝘦𝘨 𝘪𝘴.
𝘔𝘢𝘢𝘬 𝘮𝘺 𝘥𝘳𝘢𝘦𝘳 𝘷𝘢𝘯 𝘶 𝘭𝘪𝘨, 𝘸𝘢𝘢𝘳 𝘦𝘬 𝘰𝘰𝘬 𝘢𝘭 𝘨𝘢𝘢𝘯.

𝘈𝘮𝘦𝘯.

𝐒𝐲 𝐢𝐬 𝐧𝐞𝐭 𝟏𝟎 𝐣𝐚𝐚𝐫 𝐨𝐮𝐝… 𝐦𝐚𝐚𝐫 𝐡𝐞𝐭 𝐝𝐚𝐚𝐫𝐝𝐢𝐞 𝐝𝐚𝐠 𝐬𝐨 𝐠𝐞𝐛𝐢𝐝 𝐝𝐚𝐭 𝐯𝐨𝐥𝐰𝐚𝐬𝐬𝐞𝐧𝐞𝐬 𝐬𝐭𝐢𝐥 𝐠𝐞𝐫𝐚𝐚𝐤 𝐡𝐞𝐭. 🙏💛

Kinders is nie net die toekoms van die kerk nie – hulle is ’n lewende, aktiewe deel van die kerk vandag. Laat ons hulle aanmoedig om reeds nou met geloof, liefde en passie hul plek in God se koninkryk in te neem en te dien.

Lees DJ Muller se perspektief oor hoe ’n kind se hand op ’n vreemdeling se skouer die Gees laat beweeg het… en hoekom dit ’n vraag vra aan elke ouer en elke gemeente. 👇

The Street Store | NG Gemeente Bellville-Wes | Doxa Deo - City Changers

Laat die kindertjies lei: Tienjarige dogtertjie se getuienis | Kaapkerk Saterdagoggend, 31 Mei is die kerkgronde van NG Kerk Bellville-Wes omskep in 'n heilige ruimte van deernis en medemenslikheid. Die StreetStore-geleentheid - 'n inisiatief wat klere, waardigheid en gebed aan die haweloses

Walter Brueggemann is vandag in die ouderdom van 92 oorlede. Hy laat sy vrou, Tia, sy seuns James en John, en hul gesinne agter.

Brueggemann het ’n diep en blywende impak op die kerk wêreldwyd en Bybelwetenskap gemaak - deur meer as 100 boeke, talle artikels en duisende gesprekke. Sy werk oor die Psalms en sy profetiese verbeelding het ’n hele generasie gelowiges en teoloë help vorm.

Mag sy nalatenskap voortleef in ons woorde, dade en verbeelding van ’n wêreld waar geregtigheid en genade mekaar ontmoet.

Kerkbode Faculty of Theology, Stellenbosch University

Wil jy hê jou gemeente se sosiale media beelde meer aandag trek en professioneel lyk? 𝐇𝐢𝐞𝐫 𝐢𝐬 𝐰𝐞𝐞𝐫 '𝐧 𝐥𝐞𝐤𝐤𝐞𝐫 #𝐃𝐢𝐠𝐢𝐭𝐚𝐥𝐞𝐃𝐨𝐧𝐝𝐞𝐫𝐝𝐚𝐠 𝐰𝐞𝐧𝐤 𝐨𝐟 𝐭𝐰𝐞𝐞...

’n Goeie beeld sê meer as 1000 woorde – maar net as dit reg ontwerp is. Hier is 𝟓 𝐞𝐞𝐧𝐯𝐨𝐮𝐝𝐢𝐠𝐞 𝐫𝐢𝐠𝐥𝐲𝐧𝐞 om seker te maak jou visuele inhoud is effektief, pas by elke platform én deel jou gemeente se boodskap duidelik.

𝟏. 𝐆𝐞𝐬𝐢𝐠𝐭𝐞 𝐞𝐧 𝐞𝐦𝐨𝐬𝐢𝐞 𝐭𝐫𝐞𝐤 𝐚𝐚𝐧𝐝𝐚𝐠
Gebruik beelde van regte mense wat emosie wys of ‘n duidelike handeling uitvoer – dit maak jou inhoud menslik, “𝘳𝘦𝘭𝘢𝘵𝘢𝘣𝘭𝘦” en laat jou 𝘱𝘰𝘴𝘵 uitstaan in ‘n oorlaaide 𝘯𝘦𝘸𝘴𝘧𝘦𝘦𝘥.

𝟐. 𝐇𝐨𝐮 𝐝𝐢𝐭 𝐞𝐞𝐧𝐯𝐨𝐮𝐝𝐢𝐠 𝐦𝐞𝐭 ’𝐧 𝐝𝐮𝐢𝐝𝐞𝐥𝐢𝐤𝐞 𝐟𝐨𝐤𝐮𝐬𝐩𝐮𝐧𝐭
Moenie te veel elemente in een prentjie probeer inprop nie. Gebruik witspasie (spasie waar daar niks is), een sterk beeld of boodskap, en vermy visuele geraas. Minder is méér.

𝟑. 𝐁𝐞𝐩𝐞𝐫𝐤 𝐭𝐞𝐤𝐬 𝐭𝐨𝐭 𝟐𝟎%
Hou teks tot maksimum 20% van die prentoppervlak.

𝟒. 𝐋𝐚𝐚𝐭 ’𝐧 𝟓–𝟏𝟎% 𝐯𝐞𝐢𝐥𝐢𝐠𝐡𝐞𝐢𝐝𝐬𝐦𝐚𝐫𝐠𝐞
Hou ’n rand rondom jou ontwerp waarin geen teks of belangrike deel 'n beeld geplaas word nie. Hierdie veilige sones keer dat elemente afgesny of deur 𝘢𝘱𝘱𝘴 versteek word (veral op Stories en Reels).

𝟓. 𝐆𝐞𝐛𝐫𝐮𝐢𝐤 𝐭𝐞𝐤𝐬 𝐡𝐢ë𝐫𝐚𝐫𝐠𝐢𝐞
Gebruik hiërargie in teks: mense lees die grootste teks eerste en dan die kleiner teks.

𝐃𝐨𝐦𝐢𝐧𝐞𝐞𝐬, 𝐨𝐧𝐬 𝐝𝐫𝐚 𝐡𝐢𝐞𝐫𝐝𝐢𝐞 𝐕𝐫𝐲𝐝𝐚𝐠𝐍𝐮𝐮𝐬 𝐨𝐩 𝐚𝐚𝐧 𝐣𝐮𝐥𝐥𝐞! 💖📖
(𝘴𝘤𝘳𝘰𝘭𝘭 𝘵𝘰𝘵 𝘰𝘯𝘥𝘦𝘳 𝘷𝘪𝘳 𝘥𝘪𝘦 𝘴𝘬𝘢𝘬𝘦𝘭)

Hierdie week het ons in die Kaapkerk-kommunikasiekantoor dikwels half grappend gesê: “Dit kan wag tot post-Pinkster.” En wraggies, ons inbox is die stilste wat dit al die hele jaar was! Dis Desember se kalmte, maar sonder die vakansie.

𝐄𝐧 𝐯𝐢𝐫 𝐠𝐨𝐞𝐢𝐞 𝐫𝐞𝐝𝐞: 𝐨𝐧𝐬 𝐝𝐨𝐦𝐢𝐧𝐞𝐞𝐬 𝐦𝐨𝐞𝐬 𝐡𝐢𝐞𝐫𝐝𝐢𝐞 𝐭𝐲𝐝 𝐨𝐧𝐦𝐞𝐧𝐬𝐥𝐢𝐤 𝐡𝐨𝐞𝐯𝐞𝐞𝐥𝐡𝐞𝐢𝐝 𝐤𝐞𝐫𝐞 𝐝𝐢𝐞 𝐤𝐚𝐧𝐬𝐞𝐥 𝐛𝐞𝐭𝐫𝐞𝐞. Dan was daar natuurlik ook nog ‘n begrafnis iewers tussen dag vier en vyf...

As jy vandag met pap knieë sit en wonder of jou stem ooit weer normaal gaan klink, weet net: ons sien jou. Ons is dankbaar vir jou stem, jou tyd, jou teenwoordigheid.

Ons d**k aan julle, liewe predikante. Julle het gepreek, geleef, gedra en geluister, al het die woorde dalk op ’n stadium begin min raak. 𝐏𝐢𝐧𝐤𝐬𝐭𝐞𝐫 𝐢𝐬 𝐡𝐞𝐢𝐥𝐢𝐠. 𝐌𝐚𝐚𝐫 𝐝𝐢𝐬 𝐨𝐨𝐤 𝐛𝐚𝐢𝐞. En ons sien julle nie net as predikers of leiers nie, maar as mense: met moeë voete, droë kele en groot harte wat álmal probeer dra.

🙏 Mag die Here vir jou vrede gee. Nie net die soort wat jy uitdeel nie, maar die soort wat jou diep van binne stilmaak. Mag jy voel hoe jy ook gedra word. Mag die Here jou herinner dat jy ook ’n siel het wat rus nodig het. Mag jy tyd kry om net te wees - sonder plan, sonder preek. Mag jy voel hoe jou eie beker weer vol raak.

Hierdie nuusbrief is vir jou. Nie as ’n stukkie werk nie, maar as ’n rustiger ritme. Gaan skink vir jou ‘n koppie koffie. Lees dit op jou eie tyd. Die Gees is nie haastig nie. En jy hoef ook nie te wees nie.

🔗 https://mailchi.mp/kaapkerk/vn6junie2025-17990127?e=a1f2acdac0

Pinkster het nie begin in ’n katedraal nie.
Dit het losgebreek tussen twyfel, wag en hoop.
Nie op ’n verhoog nie,
maar op ’n plek vol mense wat nie presies geweet het wat om te verwag nie.

✨ Die Gees het nie gekom omdat hulle reg was nie.
Hy het gekom omdat God altyd naby is.
Naby aan gebroke mense.
Naby aan dié wat wag.
Naby aan jou.

En dalk voel jy ook vandag asof God miljoene kilometers ver weg is.
Dalk voel jy leeg, uitgeput, verward.
Maar dis juis daar waar Hy kom –
soos asem in longe wat nie meer kan nie.
Soos lig deur ’n kraak.
Soos vrede sonder rede.

En daarom bid ons vandag:

Here, ek bring U nie ’n perfekte gebed nie.
Ek bring my stukkend, my moeg, my ongemaklik.
Gebruik dit tog. Ontmoet my hier.
In my gebroke vorm…
bly U heel. Bly U genoeg. Bly U naby.

𝟏𝟕𝟎𝟎 𝐣𝐚𝐚𝐫 𝐥𝐚𝐭𝐞𝐫... 𝐞𝐧 𝐧𝐨𝐠 𝐬𝐭𝐞𝐞𝐝𝐬 𝐫𝐞𝐥𝐞𝐯𝐚𝐧𝐭!

Van Stellenbosch se jongmense wat met nuwe oë na hul geloof kyk, tot akademici wat musiek, belydenis en waarheid verweef – hierdie week was ’n ode aan die Belydenis van Nicea.

📖 “In sy lig sien ons die lig…”

Ronelda Visser skryf meer oor wat gebeur wanneer ons ou woorde weer nuut ontvang.

Communitas | Faculty of Theology, Stellenbosch University | VBO - Voortgesette Bedieningsontwikkeling | Stellenbosch University | Kerkbode

1700-vieringe van Nicaea | Kaapkerk Daar was vandeesweek etlike geleenthede om die 1700-jaar bestaan van die Belydenis van Nicaea te herdenk.In Stellenbosch het bykans 400 tieners Sondag bymekaar gekom en saamgesels oor wat ons glo en bely. Die ontdekking dat daar nog belydenisskrifte bestaan, het gemaak dat hulle dit as ’n lewendig...

Indien jy of jou gemeente tans video’s gebruik in jul bediening — of beplan om dit te doen — is daar waardevolle insigte om van kennis te neem. YouTube het onlangs hul 𝐖𝐡𝐲 𝐖𝐞 𝐖𝐚𝐭𝐜𝐡 𝟐.𝟎-verslag bekend gestel, en dit bied perspektiewe oor wat mense na video’s lok, en wat hulle laat kyk, terugkom en deel.

Ons het 10 kort, praktiese riglyne saamgestel — spesiaal vir kerke en geloofsleiers — wat kan help om meer betekenisvolle en impakvolle video-inhoud te skep.

1. Mense soek stories. Mense kyk wanneer hulle hul eie ervaring of emosie in jou storie kan herken.

2. Eerlikheid en egtheid trek mense. Jou geloofwaardigheid lê in jou littekens, nie in jou perfekte antwoorde nie.

3. Die eerste 5-10 sekondes tel die meeste. Jy het ’n paar sekondes om mense te laat besluit of hulle wil bly kyk.

4. Kry ’n ritme/resep. Kykers bly langer as hulle weet wat om volgende te verwag of te leer.

5. Uitdagings wat oorwin is, dra krag. Wys hoe jy iets ontdek het, eerder as om net ’n les te leer.

6. Mense onthou hoe jy hulle laat voel. Emosionele konneksie hou langer as inhoud alleen.

7. Relevansie bou vertroue. Wanneer jy regtig antwoord op vrae wat mense vra, sal hulle terugkom.

8. Klank maak of breek dit. Slegte klank laat mense binne sekondes afskakel, ongeag die boodskap. Doen moeite hiermee.

9. Betrokkenheid bou vertroue. Wanneer mense kommentaar lewer of vrae vra, voel hulle deel van iets. Moedig hul aan om te reageer.

10. Fokus op een ding. Wat is die “so what” van jou video? Bly net daarby.

Indien jy hulp nodig het met jou digitale bediening, kontak gerus die kommunikasiespan van Kaapkerk: https://linktr.ee/kaapkerk

📢 Hier's dit nou! Die 𝐕𝐫𝐲𝐝𝐚𝐠𝐍𝐮𝐮𝐬 waarvoor jy die hele week al wag! Ons gee vir ons lesers 'n 𝘦𝘹𝘤𝘭𝘶𝘴𝘪𝘷𝘦 voorskou van die 𝐌𝐚𝐢𝐭𝐥𝐚𝐧𝐝 𝐝𝐨𝐤𝐮𝐦𝐞𝐧𝐭ê𝐫: 𝐔𝐢𝐭 𝐝𝐢𝐞 𝐚𝐬𝐬𝐞!

Uit die asse is ’n hartroerende dokumentêr wat die storie van twee gemeentes in Maitland vertel. Stephan Joubert sê hierdie is nie 'n video wat jy sommer moet misloop nie in sy briljante resensie: “UIT DIE ASSE praat padlangs met jou hart. Dit laat jou besef wins en verlies lyk anders in die Here se boeke… baie anders!"

🔗 https://mailchi.mp/kaapkerk/vn30mei2025-17989954?e=a1f2acdac0

As jy meer gereeld inspirerende Godstories in jou inbox wil kry, teken hier in op ons weeklikse nuusbrief: https://kaapkerk.co.za/Teken-in-op-Vrydagnuus

Geseënde Hemelvaart! Tot volgende week 🙏💗📰