BizerCam

មាត្រា ៣ថ្មី នៃច្បាប់ស្តីពីសហគ្រាសពាណិជ្ជកម្ម"សហគ្រាស​ឯកបុគ្គល​ ក្រុមហ៊ុន​សហកម្មសិទ្ធិ​ ឬក្រុមហ៊ុន​មូលធន​ត្រូវមាន​ទីស្នាក់ការ​ចុះបញ្ជី​អចិន្រ្តៃយ៍នៅក្នុង​ព្រះរាជាណាចក្រកម្ពុជា​។ ក្រុមហ៊ុន​មូលធន ត្រូវមាន​លេខាធិការ​របស់ក្រុមហ៊ុនដែលមាន​ទីលំនៅ​ជាអចិន្រ្តៃយ៍នៅក្នុង​ព្រះរាជាណាចក្រ​កម្ពុជា។
សហគ្រាស​ឯកបុគ្គល​ ក្រុមហ៊ុន​សហកម្មសិទ្ធិ​ ឬក្រុមហ៊ុន​មូលធន​ ត្រូវ​ផ្តល់ដល់មន្រ្តីចុះបញ្ជីនូវ​ទីកន្លែង​ជាក់លាក់​របស់ទីស្នាក់ការចុះបញ្ជី​ដែល​មាន​អាសយដ្ឋាន​ពិតប្រាកដ និងអាសយដ្ឋាន​សម្រាប់ទាក់ទង​នៅក្នុង​ព្រះរាជាណាចក្រកម្ពុជា ប្រសិន​បើ​អាសយដ្ឋាន​ទាំងនោះ​ខុសគ្នា។
ក្រុមហ៊ុន​មូលធន​ ត្រូវផ្តល់​ដល់​មន្រ្តីចុះបញ្ជីនូវឈ្មោះ​របស់លេខាធិការរបស់​ក្រុមហ៊ុន​ហើយ​លេខាធិការរបស់ក្រុមហ៊ុន​នោះ​ ត្រូវតេជារូបវន្តបុគ្គល​ដែល​មា​កាយសម្បទា​និង​សមត្ថភាព​គ្រប់គ្រាន់​សម្រាប់បំពេញការងារនេះ។ លេខាធិការររបស់​ក្រុមហ៊ុន​មានសិទ្ធិ​ទទួល​លិខិត​ផ្លូវការ​និង​ឯកសាទាំងឡាយ​ ព្រមទាំងដីកាអញ្ជើញ​ ដីកាកោះពីតុលាការ ក្នុង​នាម​ក្រុមហ៊ុន​មូលធន​នោះ។
សហគ្រាសឯកបុគ្គល​ ឬក្រុមហ៊ុនស​ហកម្មសិទ្ធិ​ ត្រូវផ្តល់​ដល់មន្រ្តី​នូវរាល់ការផ្លាស់ប្តូរទីស្នាក់ការចុះបញ្ជីក្នុងអំឡុងពេល ១៥ (ដប់ប្រាំ) ថ្ងៃនៃថ្ងៃធ្វើាករបន្ទាប់ពីមានការផ្លាស់ប្តូរ។ ក្រុមហ៊ុន​មូលធន ត្រូវផ្តល់​ដល់មន្រ្តី​ចុះបញ្ជី​នូវរាល់​ការផ្លាស់ប្តូរទីស្នាក់ការ​ចុះបញ្ជី និ​ងការផ្លាស់ប្តូរ​លេខាធិការ​របស់ក្រុមហ៊ុនអំឡុងពេល ១៥ (ដប់ប្រាំ) នៃថ្ងៃធ្វើការ​បន្ទាប់ពីមានការផ្លាស់ប្តូរ។
សហគ្រាសឯកបុគ្គល​ និងក្រុមហ៊ុន​ដែលបង្កើត​ឡើង​ស្របតាម​ច្បាប់នេះត្រូវស្ថិតនៅក្រោមច្បាប់នៃព្រះរាជាណាចក្រកម្ពុជា។"
#ការចុះបញ្ជី

មាត្រា ១ នៃច្បាប់ស្តីពីសហគ្រាសពាណិជ្ជកម្មឆ្នាំ២០២៥៖ "ច្បាប់នេះកំណត់ទម្រង់ក្រុមហ៊ុន​នៃសហគ្រាសពាណិជ្ជកម្មដែលជាសហគ្រាស​ឯកបុគ្គល ក្រុមហ៊ុនសហកម្មសិទ្ធិ និង​ក្រុមហ៊ុនមូលធន​ដែល​ធ្វើ​ពាណិជ្ជកម្ម​នៅ​ក្នុងព្រះរាជាណាចក្រកម្ពុជា។ ក្រុមហ៊ុន​សហកម្មសិទ្ធិមាន​ក្រុមហ៊ុន សហកម្មសិទ្ធិទូទៅ និង​ក្រុមហ៊ុនសហកម្មសិទ្ធិមានកម្រិត។ ក្រុមហ៊ុន​មូលធន​មាន​ក្រុមហ៊ុនឯកជន​ទទួលខុសត្រូវមានកម្រិត និង​ក្រុមហ៊ុន​មហាជនទទួល​ខុសត្រូវមានកម្រិត"។
#ទម្រង់ក្រុមហ៊ុន

បង្កើតក្រុមហ៊ុនអាជីវកម្ម ឆ្លងកាត់ដំណាក់កាល៤៖
១.សិក្សាពីបុរេសមិទ្ធិលទ្ធភាព
២.ចុះបញ្ជីពាក់ព័ន្ធ
៣.ដំណើរការនិងបំពេញកាតព្វកិច្ច​អនុលោមភាពគតិយុត្ត
៤. បិទដោយ​បានបំពេញកាតព្វកិច្ច​អនុលោមភាពគតិយុត្ត

តើអ្នកវិនិយោគក្នុងស្រុកនិងបរទេសដែលមានបំណងចូលមកវិនិយោគនៅកម្ពុជា ពួកគាត់ត្រូវការដឹងអ្វីខ្លះពីកម្ពុជាដើម្បីធានាបាននូវដំណើរការអាជីវកម្មប្រកបដោយ​ផលចំណេញ និង​អនុលោមភាព​ច្បាប់​កម្រិតខ្ពស់?