Thrissur Bus

This non-profit initiative founded by Sanaldev Kaiparambil mainly focuses on transport issues in Kerala.🚍🚌🛺🚁🛳️✈️

അന്നവും വെളിച്ചവും വായുവും പോലെ ഏതൊരു സാധാരണക്കാരനും അത്യാവശ്യഘടകമാണ് ഇന്ന് ഒരു ബസ്സ്. അനുദിനം വര്‍ദ്ധിച്ചുവരുന്ന വാഹനങ്ങളുടെ പുക മൂലം മലിനമായിക്കൊണ്ടിരിക്കുന്ന അന്തരീക്ഷം. ഒരു വ്യക്തിക്ക് ഇന്ന് ഒരു വാഹനം എന്ന അവസ്ഥയാണ് വാഹനനിര്‍മ്മാതാക്കള്‍ സ്വപ്‌നം കണ്ടിരുന്നത്. ഇന്നത് മാറി ഒരു വ്യക്തിക്ക് രണ്ടോ അതില്‍കൂടുതലോ വാഹനങ്ങള്‍ എന്ന അവസ്ഥയെത്തിയിട്ടുണ്ട്. ഇവയെല്ലാം കൂടെ അന്തരീക്ഷത്തില്‍ ഉയര്‍ത്തിവിടുന്ന

പുക. ഈ ഒരുവ്യക്തി ഉപയോഗിക്കുന്ന ഓക്‌സിജനേക്കാള്‍ അധികം വരും. മരങ്ങള്‍ വെട്ടിനശിപ്പിച്ച് കെട്ടിടങ്ങള്‍ പണിയുന്നത് വഴി ഓക്‌സിജന്റെ അളവും കുറഞ്ഞുകൊണ്ടിരിക്കുകയാണല്ലോ. ഈഘട്ടത്തിലാണ് ബസ്സ് എന്ന വാഹനത്തിന്റെ പ്രസക്തി.

വന്‍ മെട്രോപൊളിറ്റന്‍ നഗരങ്ങളില്‍ പോലും ബസ്സുകള്‍ ഒരുപരിധിവരെ വാഹനങ്ങളുടെ പെരുപ്പം നിയന്ത്രിക്കുന്നുണ്ട്. വൈദ്യുതിയില്‍ ഓടുന്ന മെട്രോട്രെയിനുകളും വാഹനപ്പെരുപ്പത്തിന് കടിഞ്ഞാണിടുന്നവയാണ്. എന്നാല്‍ സാധാരണ നഗരങ്ങളും ഗ്രാമപ്രദേശങ്ങളും ഉള്‍പ്പെടുന്ന വലിയ ലോകത്ത് വാഹനപ്പെരുപ്പം നിയന്ത്രിക്കുന്നവയാണ് ബസ്സുകള്‍. ബസ്സുകളില്ലാത്ത ലോകത്തിന്റെ അവസാനം വളരെ വേഗമാണ് ഉണ്ടാകുക.

എല്ലായിടത്തും ഉള്ളതുപോലെ ബസ്സ് മേഖലയും പ്രതിസന്ധി നേരിടുന്ന കാലഘട്ടത്തിലൂടെയാണ് നാം കടന്നുപോകുന്നത്. യാത്രക്കാര്‍ കയറിയില്ലെങ്കിലും സര്‍ക്കാര്‍ ബസ്സുകള്‍ ഓടും. പക്ഷേ പ്രൈവറ്റ് ബസ്സ് മേഖലയുടെ സ്ഥിതി അങ്ങനെയല്ല. അമിതമായ അദ്ധ്വാനവും അധികജോലിസമയവും ഒരുവശത്ത്. തൊഴിലാളികളെ കിട്ടാനില്ലാത്ത അവസ്ഥയും ബിസിനസ്സ് നടത്തിക്കൊണ്ടുപോകാനുള്ള കടുത്ത സാമ്പത്തികചിലവും മറ്റൊരുവശത്ത്. ഇതിനെല്ലാമുപരി അനുദിനം വര്‍ദ്ധിച്ചുവരുന്ന ഇന്ധനച്ചിലവും ടാക്‌സും ഈമേഖലയില്‍നിന്ന് പലരേയും പിന്തിരിപ്പിച്ചുകൊണ്ടിരിക്കുകയാണ്. കടക്കെണിയിലകപ്പെട്ട ചില ബസ്സുടമകള്‍ ആത്മഹത്യ ചെയ്യുന്നു. ഇന്നും സമൂഹമനസ്സാക്ഷിക്ക് പുറത്താണ് ബസ്സ് തൊഴിലാളികളുടെ ജീവിതം. പൊതുവെ പാര്‍ശ്വവത്കരിക്കപ്പെട്ട സമൂഹമാണ് വണ്ടിത്തൊഴിലാളികള്‍. കഷ്ടനഷ്ടങ്ങള്‍ സഹിച്ച് ബസ്സിനെ മനസ്സില്‍ താലോലിക്കുന്ന കുറേ ഉടമകളും തൊഴിലാളികളും ആണ് ഇന്ന് ബസ്സ് ഫീല്‍ഡിനെ നിലനിറുത്തുന്നത്.

കേരളത്തില്‍ മറ്റ് ജില്ലകളെ അപേക്ഷിച്ച് ഏറെ പ്രത്യേകതകളുള്ളതാണ് തൃശ്ശൂര്‍ജില്ലയിലെ ബസ്സ് വ്യവസായമേഖല. ബസ്സ് എന്ന വാഹനത്തെ ചുറ്റിപ്പറ്റി നിരവധി ജീവിതങ്ങളാണ് ഇവിടെ പച്ചപിടിക്കുന്നത്. അനുദിനം ഓരോ ചാലും ഓടിത്തളര്‍ന്ന് എത്തുന്ന ബസ്സിന്റെ തകരാറുകള്‍ പരിഹരിക്കാന്‍ കൊച്ചുകൊച്ചു വര്‍ക്ക്‌ഷോപ്പുകള്‍ അവിടത്തെ ജീവനക്കാര്‍, ബസ്സ് സ്റ്റാന്റിനരികിലുള്ള കൊച്ചു ചായക്കടകള്‍, പഞ്ചര്‍ ടയറുകടകള്‍, ബോഡി ബില്‍ഡിംഗ് വര്‍ക്ക്‌ഷോപ്പുകള്‍, ബസ്സിനെ ഒരു കുടുംബാംഗത്തെ പോലെ സ്‌നേഹിക്കുന്ന സ്ഥിരം യാത്രക്കാര്‍ ഇങ്ങനെ നിരവധി കാഴ്ചകള്‍ ഉള്‍ക്കൊള്ളുന്ന തൃശ്ശൂര്‍ജില്ലയിലെ ബസ് ലോകം തൃശ്ശൂര്‍ബസ്സ് എന്ന പേജിലൂടെ ആസ്വാദകര്‍ക്കായി കാഴ്ചവയ്ക്കുന്ന ദൗത്യമാണ് ഞങ്ങള്‍ക്കുള്ളത്. വടക്കേച്ചിറ ബസ് സ്റ്റാന്റ്, ശക്തന്‍തമ്പുരാന്‍ ബസ് സ്റ്റാന്റ് എന്നിവിടങ്ങളിലെ ബസ്സുകള്‍ കൂടാതെ ജില്ലയിലെ വിവിധയിടങ്ങളില്‍ സര്‍വീസ് നടത്തുന്ന ബസ്സുകളും പേജില്‍ മിന്നിമറയും. ബസ് ചിത്രങ്ങളിലൂടെയും വിവരണങ്ങളിലൂടെയും അറിവുകളും ബോധവത്കരണവും ഈ ഫീല്‍ഡിനുള്ള പിന്തുണയും മെസ്സേജുകളും നല്‍കല്‍ ആണ് തൃശ്ശൂര്‍ ബസ്സ് പേജിന്റെ പ്രവര്‍ത്തനലക്ഷ്യം.

_________________ സസ്‌നേഹം, ടീം തൃശ്ശൂര്‍ബസ്സ്

09/11/2024

#ആമലഈമലപൂമല EPISODE: 05
ഡോക്യുമെന്ററി സീരിസ് തുടരുന്നു..
(𝙏𝙝𝙞𝙨 𝙚𝙥𝙞𝙨𝙤𝙙𝙚 𝙙𝙚𝙙𝙞𝙘𝙖𝙩𝙚𝙙 𝙩𝙤 𝙋𝙤𝙤𝙢𝙖𝙡𝙖 𝙫𝙞𝙡𝙡𝙖𝙜𝙚𝙧𝙨)

ജനവാസമില്ലാതിരുന്ന ഒരു പ്രദേശം എങ്ങനെ ഒരു കര്‍ഷക കുടിയേറ്റ ഗ്രാമമായിമാറി? കാല്‍നട പോലും ദുഷ്‌കരമായിരുന്ന ഒരു പ്രദേശം എങ്ങനെ ബസ്സുകളുടെ നാടായിമാറി? തൃശൂര്‍ ജില്ലയിലെ പ്രശസ്തമായ ടൂറിസ്റ്റ് ഗ്രാമം കൂടിയായ പൂമലയുടെ വികസനത്തിന്റെ നാള്‍വഴികള്‍ പൂമലയിലെ ആദ്യകാല കുടിയേറ്റ കര്‍ഷക കുടുംബാംഗമായ സിബി തോമസ് വിവരിക്കുന്നു. സ്വന്തം സ്ഥലം വിട്ടുനല്‍കി പൂമലയില്‍ വികസനത്തിന് ചുക്കാന്‍പിടിച്ച പൂര്‍വികര്‍ സ്മരിക്കപ്പെടുന്നു. പൂമല എന്ന ഗ്രാമത്തെ കുറിച്ച് പിന്നിട്ടകാലചരിത്രം അടിസ്ഥാനമാക്കിയുള്ള സമ്പൂര്‍ണ്ണവിശകലനം.

23/10/2024

140 കിലോമീറ്റർ ദൂരപരിധി നിയമത്തില്‍ കുരുങ്ങി കേരളത്തില്‍ 240 ഓളം ബസ്സുകള്‍ വഴിയരികില്‍ കിടക്കുന്നു. ഇതിലെ അഞ്ഞൂറോളം വരുന്ന തൊഴിലാളികള്‍ പെരുവഴിയില്‍. കോടതിയിൽ നിയമപോരാട്ടം നടക്കുന്നുണ്ടെങ്കിലും ഒന്നരവര്‍ഷമായി അവസ്ഥയ്ക്ക് മാറ്റമില്ലാതെ വലഞ്ഞ്‌ ഉടമകള്‍. പകരം യാത്രാ സംവിധാനമൊരുക്കാതെ സര്‍ക്കാര്‍. ജനങ്ങള്‍ക്ക് നീതി അന്യമാകുന്നുവോ?. ചര്‍ച്ച ചെയ്ത് പരിഹരിക്കേണ്ട വിഷയം തൃശ്ശൂര്‍ബസ്സ് ഏറ്റെടുക്കുന്നു. മിഷന്‍ 140 എന്ന് പേരിട്ടിരിക്കുന്ന പരമ്പരയില്‍ ആദ്യമായി, കോഴിക്കോട് കൂരാച്ചുണ്ടില്‍ വഴിയരികില്‍ കിടന്ന് തുരുമ്പിക്കുന്ന മൈത്രി ബസ്സിന്റെ കഥ കേള്‍ക്കാം.........!

22/10/2024

coming up next

21/10/2024

21/10/2024

Online booking started
www.servosonictravels.com

20/10/2024

പ്രൈവറ്റ് രജിസ്‌ട്രേഷനില്‍ ഒരു ലക്ഷ്വറി 9 സീറ്റര്‍ വാന്‍ അല്ലെങ്കില്‍ കാരവാന്‍ അതുമല്ലെങ്കില്‍ ഒരു കാര്‍ ഏവരുടേയും സ്വപ്‌നമാണ്. ടാറ്റാമോട്ടോഴ്‌സ് അത് യാഥാര്‍ത്ഥ്യമാക്കിയിരിക്കുന്നു.
________________________________________
കൊച്ചി ഇടപ്പള്ളിയിലെ ഹോട്ടല്‍ ഹൈവെ ഗാര്‍ഡന്‍ കണ്‍വെന്‍ഷന്‍ സെന്ററില്‍ അബ്രികോ മോട്ടോഴ്‌സ് സംഘടിപ്പിച്ച ടാറ്റാവിങ്ങര്‍ 9 സീറ്റര്‍ വാനിന്റേയും ടാറ്റാ മാര്‍ക്കോപോളോ സ്റ്റാര്‍ബസ് അള്‍ട്രാ 24 സീറ്റര്‍ ബസിന്റേയും ലോഞ്ചിംഗ് കാഴ്ചകള്‍, ഓണേഴ്‌സ് റിവ്യൂ എന്നിവയാണ് ഈ വീഡിയോയില്‍ Thrissur Bus അവതരിപ്പിക്കുന്നത്.
________________________________________
വാഹനത്തെ കുറിച്ചുള്ള കൂടുതല്‍ വിവരങ്ങള്‍ക്ക് ബന്ധപ്പെടുക: 👇
ഷിഹാബ് കെ ഖാലിദ്, അസിസ്റ്റന്റ് ജനറല്‍ മാനേജര്‍, അബ്രികോ മോട്ടോഴ്‌സ്, കുട്ടനെല്ലൂര്‍ തൃശൂര്‍
ഫോണ്‍: 6282019113

14/10/2024

എഐടിപി പെർമിറ്റിൽ ബസ്സ് സർവീസ് ആരംഭിച്ച സെര്‍വോസോണിക് ഉടമ അനീഷ് കെ ജോയിയുമായി തൃശൂര്‍ ബസ്സ് നടത്തിയ അഭിമുഖം. ടൂറിസം രംഗത്തെ സംരംഭകര്‍ക്ക് ആവശ്യമായ പ്രോത്സാഹനവും നിര്‍ദ്ദേശങ്ങളും വ്യവസായി കൂടിയായ അനീഷ് കെ ജോയ് നൽകുന്നു.
കേരളത്തിന്റെ ഭാവി ഇതില്‍ തുടിക്കുന്നു.
THRISSUR BUS EXCLUSIVE INTERVIEW WITH Servosonic SmartBus OWNER ANEESH K JOY

12/10/2024

എഐടിപിയിലേക്ക് കൂടുതല്‍ ബസ്സുകളെത്തുന്നു. വെള്ളരിക്കുണ്ടില്‍ നിന്ന് 40 സീറ്റ്‌ 2+2 ബസ്സുമായി സെര്‍വോസോണിക്കും കാഞ്ഞിരപ്പിള്ളിയില്‍ നിന്ന് 24 സീറ്റ്‌ ബസ്സുമായി മട്ടമ്മയ്യിലും സർവീസ് നടത്തും. സെര്‍വോസോണിക് ഒരിടവേളയ്ക്ക് ശേഷം എഐടിപിയിലൂടെ ബസ്സ് മേഖലയിലേക്ക് വീണ്ടും കടന്നുവരുകയാണ്‌. കാസര്‍കോഡ് ജില്ലയിലെ വെള്ളരിക്കുണ്ടില്‍ നിന്ന് മലയോര മേഖലയിലൂടെ ചെറുപുഴ- ഇരിട്ടി- വിരാജ്‌പേട്ട വഴി മൈസൂരിലേക്കാണ് സര്‍വീസ്. മട്ടമ്മയ്യില്‍ കാഞ്ഞിരപ്പിള്ളി-എറണാകുളം റൂട്ടിലാണ്‌ സര്‍വീസ് നടത്തുകയെന്നാണ് വിവരം. രണ്ട് ബസ്സുകളുടെയും ഡെലിവറി വിവരങ്ങളും ബസ്സുകളുടെ സവിശേഷതകളുമാണ് Thrissur Bus ഈ വിഡിയോയിൽ അവതരിപ്പിക്കുന്നത്. അബ്രിക്കോ മോട്ടോഴ്‌സിന്റെ തൃശ്ശൂരിലെ ഷോറൂമില്‍ നിന്ന് സെര്‍വോസോണിക് ബസ്സും എറണാകുളത്തെ ഷോറൂമില്‍ നിന്ന് മട്ടമ്മയ്യില്‍ ബസ്സും ലോഞ്ച് ചെയ്തു. വരും ദിവസങ്ങളിൽ കൂടുതൽ ബസ്സുകൾ പുറത്തിറങ്ങും എന്നാണ് സൂചന.

11/10/2024

എ ഐ ടി പി സെർവിസിലേക്ക് മൂന്നാമത്തെ ബസ് എത്തുന്നു. ഇത് വെള്ളരിക്കുണ്ട്- ഇരിട്ടി- വിരാജ്‌പേട്ട- മൈസൂര്‍ റൂട്ടിൽ ആണ് സർവീസ് നടത്തുക. റോബിന്റെ ചുവടുകൾ പിന്തുടർന്ന് നിരവധി സർവീസുകൾ രംഗത്ത് വരുന്നു എന്നതിന്റെ സൂചനയാണ് ഇത്. ബസ്സിന്റെ ഒരു ഭാഗത്ത്‌ powered by robin എന്ന് എഴുതിയിട്ടുണ്ട്. കണ്ണൂർ പയ്യന്നൂർ ഉള്ള ടീമിന്റേതാണ് ഈ ബസ്. വിശദ വിവരങ്ങൾ അടുത്ത കേരള മോട്ടോഴ്‌സ്‌ പ്രോഗ്രാമിൽ ഉണ്ടായിരിക്കും.

10/10/2024

NEW PROGRAM COMING SOON

08/10/2024

#ആമലഈമലപൂമല EPISODE: 04

ബസ്സ് മേഖല നിയമക്കുരുക്കുകളില്‍പെട്ട് അസ്തമയത്തിലേക്കോ? പൂമല സ്വദേശിയും ബിനി ട്രാവല്‍സ് ബസ്സ് ഉടമയുമായ കെ.വി. തമ്പി വിശദമായി സംസാരിക്കുന്നു.

07/10/2024

#ആമലഈമലപൂമല EPISODE: 03

ഉള്‍ഗ്രാമങ്ങളില്‍ ബസ് സര്‍വീസുകളുടെ അപര്യാപ്തത വലിയ പ്രതിസന്ധിയാണ് ജനങ്ങള്‍ക്ക് സമ്മാനിക്കുന്നത്. ടൂറിസ്റ്റ് വില്ലേജായ പൂമലയിലെ ചെപ്പാറയ്ക്ക്‌
സമീപം തട്ടുകട നടത്തുന്ന ആനിചേച്ചിക്ക് പറയാനുള്ളത് കേള്‍ക്കാം. ചേച്ചിയുടെ ദുരിതജീവിതത്തില്‍ ബസ്സിന്റെ അപര്യാപ്തത വലിയ പ്രതിസന്ധിയാണ് സൃഷ്ടിക്കുന്നത്. അതോടൊപ്പം പൂമലയിലെ ടൂറിസ്റ്റ് സ്‌പോട്ടുകളുടെ വിവരങ്ങളും ചെപ്പാറയിലെ കാഴ്ചകളും കാണാം.

04/10/2024

#ആമലഈമലപൂമല Episode: 02

ബസ്സുകളുടെ ഗ്രാമമായ പൂമലയുടെ കഥ കേരളത്തിലെ കര്‍ഷകകുടിയേറ്റ ചരിത്രത്തിലേക്ക് കൂടി വഴിതുറക്കുന്നു...!

10/09/2024

തൃശ്ശൂരിലെ പ്രമുഖ ബസ്സ്‌ ഉടമകൾ ഇവർ ആരൊക്കെയാണെന്ന് അറിയാവുന്നവർ പറയാമോ...?
#ആമലഈമലപൂമല OFFICIAL TRAILER