مطبخ أم قصي om qusai kitchen

اللهم امين يارب 🤲

تزعلك الدنيا وتعزمك اختك 😁
منشنو لاخواتكم يابنوتات

في البوست ده خلاصة بحث كتير أوي عن أفضل أنواع الأجهزة الكهربائية ركزوا بقى علشان هقول كل التفاصيل وتقديراً لمجهودي ولمساعدة غيرك عايزة كل الي يشوف البوست يعمل شير كتير و كومنتات بقى 🥺♥️🫶🏻
________________________________________________________
🎀 الثلاجة 👇🏻
- شارب / وايت بوينت / بيكو / بوش
مستوردين علشان كدة أسعارهم عالية شوية ولكن ده مقابل جودة وخدمة ما بعد البيع ممتازين وكمان توافر قطع الغيار وعمر افتراضي طويل .
- توشيبا / فريش / زانوسي / تورنيدوا
أسعارهم كويسة وجودتهم عالية بالنسبة للأجهزة المحلية وخدمة ما بعد البيع محترمة وكمان هتلاقوا قطع الغيار بسهولة .
- بعدهم بقى كريازي يفضل إنها تكون ديفروست ونبعد تماماً عن النوفروست لأن مشاكلها كتير أوي.
- نصيحة : الأفضل نهتم بالنوع وبلاش نفكر في التفاصيل التانية زي الحنفية الخارجية أو الباب الزجاجي لأن التفاصيل دي بتزود السعر وملهاش أي لازمة .👌🏻
________________________________________________________
🎀 البوتجاز 👇🏻
- لاجرمانيا / زانوسي كول ماكس / رويال جاز ماستر شيف برو / فريش بروفيشنال كنترول و هامر
مميزين بخاصية الأمان الكامل والمروحة والأشغال الذاتي .
- كريازي القديم جودة وسعر حلو أوي ولكن مفيهوش خصائص كتير بس بوتجاز عمره الافتراضي طويل وبيستحمل .
- أي كوك / يونيون اير
نبعد عنهم خالص مش بيستحملوا وعمرهم الافتراضي قصير وخدمة ما بعد البيع سيئة.
- جليم جاز / وايت بوينت كويسين برضوا
- في بقى موديلات سعرها متوسط وكويسة في فريش و رويال جاز .
________________________________________________________
🎀 غسالة الملابس 👇🏻
بعد آراء كتير وصلت إلي أن التحميل الأمامي الفول اتوماتيك أحسن من الفوق اتوماتيك في العمر الافتراضي والتنظيف وده لأن الفوق اتوماتيك الهدوم فيها بتحمل على المروحة المتصلة مباشر بالماتور وبيتأثر منها .
- اريستون ممتازة ولكن ضمان بي تك في شكاوي منه كتير.
- زانوسي بيرلا ماكس / سيتم ماكس حلوين والفرق بينهم بسيط في التفاصيل لكن فرق السعر بينهم كبير ف خلينا في البيرلا ماكس.
- وايت بوينت العبد جراندو إيطالي ممتازة جداً وعمرها طويل .
- بعدهم هوفر ممتازة .
- آل جي / سامسونج كويسين ولكن أسعارهم عالية أوي مقابل جودة .
بالنسبة بقى للفوق اتوماتيك في :
- توشيبا عيوبها إن البودي بتاعها صاج بيتعرض للبرومة مع الوقت .
- وال جي وسامسونج كويسين.
________________________________________________________
🎀 غسالة الأطباق 👇🏻
طبعاً هي رفاهية ..
- اريستون / انديست برضوا هما ضمان بي تك ولكن ممتازين .
- زانوسي .
- وايت بوينت .
- بوش .
- بيكو .
________________________________________________________
🎀 ديب فريزر 👇🏻
أساسي بس مش مهم أول الجواز نجيبه بعدين ..
الرأسي.
الأنواع المحلية:
- توشيبا / فريش تبريد كويس وحجم ادراج كبير .
- الكتروستار تبريد حلو ولكن التقفيل مش أحسن حاجة وشكله تقليدي .
- كريازي نركز إنه يكون نوفروست .
الأنواع المستوردة:
- اريستون / وايت بوينت / وايت ويل / شارب / بوش / بيكو
اسعارهم عالية والادراج مساحتها صغيرة .

الأفقي بقى.
- كريازي وباساب وفريش.
- بعدهم الكتروستار والاسكا.
________________________________________________________
🎀 ميكرويف 👇🏻
- آل جي / سامسونج / شارب
- بعدهم فريش / تورنيدوا / ميانتا
________________________________________________________
🎀 الشاشة 👇🏻
- سامسونج / سوني .
حالياً هما أفضل من آل جي لأن عيوبها كتير جداً.
- بعدهم توشيبا وتورنيدو و TCL .
- بعدهم جروهي وجاك وعطا .
________________________________________________________
🎀 المكنسة 👇🏻
- باناسونيك / آل جي / سامسونج .
- بعدهم توشيبا / فريش / تورنيدوا / هوفر .
- وكمان بلاك اند ديكر / كينوود / بلاك اند وايت كويسين.
________________________________________________________
🎀 الخلاط ، الهاند بلندر ، المضرب الكهربائي ، الكبة ، العجان👇🏻
- كينوود / براون / مونلكس / بلاك اند ديكر / تورنيدوا /فريش / ميانتا / سوكاني / تاتش / نوفال / بلاك اند وايت / كاسيل / اكوارج .
نصيحة: نجيب كل حاجة منهم لوحدها بلاش محضر الطعام ( الكيشين ماشين ) لأن بيكون في ضغط على الماتور ولقدر الله لو حصل حاجة الماتور كل الاجزاء هتتعطل .
________________________________________________________
🎀 السخان 👇🏻
الغاز :
- المصانع الحربية / اريستون .
الكهرباء :
- اريستون / اتلانتيك / اوليمبك / تورنيدوا .
________________________________________________________
🎀 التكييف 👇🏻
- آل جي / كارير / شارب / فريش / ميديا / وايت ويل / فري اير / ايس بيرج .
________________________________________________________
🎀 المكواة 👇🏻
- باناسونيك / كينوود / براون / بلاك اند ديكر / تورنيدوا / تيفال / نوفال .
________________________________________________________
🎀 إيرفراير 👇🏻
- فيلبس / بلاك اند ديكر / كينوود / تيفال / ميانتا .
________________________________________________________
🎀 المروحة 👇🏻
- تورنيدوا / فريش / تيفال / كاسيل
________________________________________________________
🎀 الفرن الكهربائي 👇🏻
- اريستون / بيكو / آل جي / سامسونج / زانوسي.
________________________________________________________
🎀 الدفاية الكهربائية 👇🏻
- بلاك اند ديكر / تورنيدوا.
________________________________________________________
🎀 مبرد المياه 👇🏻
- كولدير / تورنيدوا / وايت بوينت / وايت ويل / فريش.
________________________________________________________
🎀 شواية كهربائية 👇🏻
- بلاك اند ديكر / كينوود / تورنيدوا / تيفال.
________________________________________________________
🎀 الشفاط 👇🏻
العادي والبلت إن :
- توشيبا / فريش / تورنيدوا / هوفر / زانوسي / اريستون / بيكو / تربو الإيطالي / تاتش الزنوكي / هانز / باناسونيك / أي كوك / يونيفرسال.
________________________________________________________
🎀 ماكينة الأسبرسو 👇🏻
- ديلونجي / نيسبريسو / فيلبس / بلاك اند ديكر / كينوود.
________________________________________________________
🎀 غلاية كهربائية ( كاتيل ) 👇🏻
- كينوود / تورنيدوا / فريش / تيفال / ميانتا / فيلبس / بلاك اند ديكر / نوفال / زهران / كرنفال / بلاك اند وايت.
________________________________________________________
🎀 استشوار الشعر 👇🏻
- تورنيدوا / بيبي ليس / فيليبس / براون / باناسونيك
________________________________________________________
🎀 مكواة الشعر 👇🏻
- تورنيدوا / راش براش / بيبي ليس / فيليبس / باناسونيك
________________________________________________________
♥️ لو نسيت حاجة قولوا في الكومنتات ونضيفها بس تقريباً أنا مسبتش فتفوتة 😂♥️
إعملوا شير للبوست ده ربما تكونوا سبب في مساعدة غيركم وكمان تقديراً لمجهودي ده تعبت فيه أوي والله 😭♥️.
تابعوا الكومنتات هنزلكم نصائح مهمة أوي أوي أوي أوي تكملة للبوست ده ضرورية بجد ♥️🫶🏻🎀

اللهم امين يارب العالمين 🤲

صبحكم الله بالخير🌞🌿

🤔😍ازاي تنضفي وتعقمي الثلاجه و الديب فريزر من غير ميه او صابون وتخلى ريحتها حلوة
✨هتفضى التلاجه وتكنسيها بفرشه ناعمه

✨هاتى طبق فيه كوب خل ونص كوب بيكربونات صوديوم (كربوناتو) واعصرى عليهم ليمونه كبيره وتسبيهم لما الفوران يهدى خالص

- هناخد منهم بسفنجه وندعك الجوانب والارفف وكل التلاجه
وبمشط ولفي عليه سلك واغسلي من الجناب الحتت المش بتعرفي توصللها بالطريقه دي هتبقي تنضفها سهل

- هاتى بعد كده فوطه نظيفه قطن مبلله بالميه ومعصورة وامسحى تانى كويس

- سيبى التلاجه مفتوحه شويه تتهوا وتكونى محضره فنجان صغير فيه ملعقتين كبار بن (قهوة ) وتحطيه على الرف وتسبيه بدون غطاء بيسحب اى روايح فى التلاجه ومش بيسيب ريحه زى الفانيليا او المعطرات
وحطي واحد كمان فى الفريزر لو بتخزنى ثوم

- لو باب الثلاجه مش بيقفل كويس غرقى فوطه قطن بماء ساخن جدا ومشيها على الكاوتش اللى فى الباب واقفلى الباب واضغطى كويس عليه وسبيها ربع ساعه لان السبب بيكون ان الكاوتش نشف والحراره بترجعه تانى لطبيعته
وممكن تمشى بالأستشوار على الكاوتش هى نفس الفكره ومتنسوش تدعولي 🙏♥️

مع شاي بالنعناع🫶🏼

ادعوا لولادكم دعوات تكفيهم العمر كله
ما تخلوش دعواتكم تقتصر على نجاح المدرسة، ويبطل شقاوة، ويقعد مؤدب.

ادعولهم بالهداية، والصحبة الصالحة، وحفظ القرآن
وإن ربنا يرزقهم الزوج الصالح ويوسع رزقهم
وإنهم يكونوا هاديين مهتدين
وإن ربنا يقيهم شر الفتن ما ظهر منها وما بطن

ادعوا ما حدش يربيهم غيركم وإن ربنا يبارك في أعماركم لحد ما يقدروا يقفوا على رجليهم
وإنهم ما يحتاجوش حنية ولا رعاية ولا حضن من حد غيركم
وإن ربنا يتولاهم دايمًا ويبعد عنهم أي أذى ويسخر لهم قلوب الناس.

استودعوا الله فيهم ♥️

جاءك ليزيل عنك قليلا من سيئاتك لو كنت تعلم .فاطعمه واسقيه .

عليه افضل الصلاه والسلام

الاسبوع القادم هندخل ذروة انتاج #المشمش
تشترى من سوق الجملة كمية مشمش
لو وضعت المشمش فى الشمس هينشف وتحفظه فى مكان كويس وتستخدمة مع خشاف رمضان طعمه تحفه جدا

لو جبت المشمش وسلقته وحطيت عليه سكر هيبقى عملت( مربى مشمش)

لو ضربته فى الخلاط بعد ما أشيل البذور ووضعته على نار هادية وعصرت عليهم ليمونه ومعاه السكر لحد ما يتخن هيبقى عملت ( قمر الدين خام يتحفظ ف التلاجة)

لو ضربته فى الخلاط زى ما هوه ووضعته فى مكعبات فى الفريزر هنطلعه كعصير فى المناسبات

اهم حاجة أننا نستغل موسم وفرة المشمش فى تصنيع الحاجات اللى هنحتاجها فى رمضان

اللهم امين يارب🤲

شراب الشكولاته بالقرفه 🍫

المكونات /☕
نصف كوب مسحوق الكريمه... 2كوب من اللبن البودره.... نصف كوب مسحوق من الكاكاو.... معلقه صغيره قرفه..
طريقه الاعداد.
وهي سهله ومبسطه لغايه اخلط كل المكونات معا في وعاء له غطاء او كيس بلاستيكي واخطها جيدا حتي تصبح متجانسه ثم قم باخذ 4ملاعق من الخليط واضافتها للماٱ الساخن لعمل كوبا من شراب الشكولاته بالقرفه
والف هنا وشفا ♥☕

عصير اليقطين(القرع) •🔥

هذا النوع لا يقدم ساخنا ولكنه ذو طعم ساحر للغايه خصوصا عند تناوله في فصل الشتاء واليكم طريقه اعداده...
المكونات 💥
علبه من القرع المبرد... عبوه من الحليب... فانيلا... ربع كوب سكر... قشده مخفوقه،، لظبط المذاق،،

طريقه الاعداد•💥
قم بخلط كل من القرع والحليب والفانيليا والسكر معا في الخلاط واستمر في الخلط حتي يمتزج الخليط ويصبح ناعم،، ثم قم بصبه في الاكواب وزينه بقمع من القشده
وبالهنا والشفا 🍺

البتنجان المخلل 🔖

بتنجان عروس..🍆فلفل رومي مفروم.. 🫑... فلفل حامي مفروم🌶.... طماطم مفرومه 🍅... توم مفروم.... 🧄خل.... عصير ليمون 🍋.... ملح 🧂.... كمون... كزبره...
اسلقي البتنجان زي ماهو بعد ماتغسليه في مايه مغليه مش هياخد خمس دقايق وبعدين نطلعه في مايه ساقعه وسبيه يهدي اعملي الخلطه الحلوه بتاعتك وتبلي بيها البتنجان مع شويه طماطم والف هنا وشفا 🍆🌶🍅🧂♥

عمل القرص الفلاحي الساده وبالعجوه 🫓

3اكواب دقيق،،،، 2كوب ماء دافي،،،،، 3/4كوب زيت،،، 1/2كوب سكر،،،،،، 2معلقه كبيره خميره،،، 1/2معلقه صغيره ملح،، 1/2 كوب سمسم..... ♥♥♥
نجهز العجوه.... نصف كيلو عجوه ناعمه ونضيف عليها معلقه كبيره سمسم ومعلقتين قرفه ناعمه ومعلقه كبيره سمن ونعجنها كويس ونكورها كور صغيره علشان تسهل علينا الحشو🥰
طريقه العجين 👇👇
في وعاء ضعي الخميره ومعلقتين سكر ونص كوب ماء دافي وقلبيهم واتركيهم لمده 15دقيقه حتي الفوران،،،، في وعاء كبير ضعي الدقيق ورشه ملح وسمسم وقلبي جيدا،،، اضيفي الزيت واعجني بايدك ثم ضيفي السكر وخليط الخميره واعجني اضيفي الماء الدافي بالتدريج حتي تتكون لديك عجينه لينه وملساء واتركيها ترتاح ربع ساعه ♥وبعدين قسميها كوره وتكوني محضره العجوه البلح او التمر وتكون لينه وطريه بالسمن وتقسميها كور وتشكليها وتدخليها فرن ع حراره 180درجه وتاخد لون دهبي فاتح 🔥🔥🔥وبالهنا والشفا ♥♥♥

ماربل كيك (كيكه رخاميه) ❤❤🥮

المقادير ❤
✅كوب سكرناعم،،،،،كوب حليب 🥛،،، كوب زبده،،،، 2كوب دقيق،،،، ،4بيض،،، ربع معلقه ملح،،،، ،، معلقيين فانيلا،،، 3معلقه صغيره بيكنج بودر،،، 3معلقه كبيره كاكاو،،،، 🥮
الطريقه 🥰
نضرب البيض والفانيليا والسكر بالمضرب الكهربائي لمده عشر دقايق حتي يرتفع قوامه... يضاف السمن او الزبده او الزيت.... اونستخدم خليط ويضرب جيدا
نبدا بإضافة الدقيق تدريجيا كوب دقيق مع الحليب ونكمل باقي الدقيق والحليب ومعلقه خل بالتدريج مع الضرب جيدا حتي نهاية الكميه🫓
اقسمي العجين نصف عليه كاكاو واخلطي جيدا..
صبي في صنيه مدهونه بزبده ومرشوش عليها دقيق الخليط الابيض وعليه الخليط بالكاكاو ثم الخليط الابيض ثم الخليط بالكاكاو حتي الانتهاء من كميه العجينه.... سخني فرن ع 180درجه لمده 40دقيقه حتي تنضج..... ❤❤❤🔥🔥🔥🥮🥮

طريقه عمل الزبادي في البيت 🥰

المكونات🥰
كيلو لبن حليب 🥛او اي كميه مناسبه ليك 🥰
1كوب زبادي
التحضير🔥
اسكبي مقدار اللبن الحليب في وعاء علي النار حتي الغليان
اتركيه علي جنب حتي يهدأ ويكون دافي
قومي بتقليب الزبادي مع اللبن الحليب
اخفقي بمضرب يدوي او كهربائي حتي يتجانس الللبن مع الزبادي ويكون فكت اي تكتل للزبادي
بعد ذالك ضعي الخليط في طواجن صغيره وفي صنيه في ماء مغلي نضع الطواجن فيها ونغطي الزبادي وفي مكان دافئ ونتركها لمده 7ساعات وبالهنا والشفا ❤️🥰❤️🥰

بيتي فور بالشكولاته 🍫

المقادير 🔥👇
✅2كوب دقيق منخول،،، نصف كوب سكر بودره منخول،،،، كوب زبده بدرجه حراره الغرفه،،،، رشه ملح،،،،، صفار بيضه،،،،، نصف معلقه كبيره بشر برتقال حسب الرغبه،،،،، معلقه صغيره فانيليا،،،،، مربي شوكولا للتزين،،،، 🔥🔥🫶
طريقه التحضير 🫶
تخفق الزبدة والسكر بالمضرب الكهربائي مده لاتقل عن ربع ساعه حتي تتحول الي قوام كريمي ناعم... يضاف للزبده صفار بيضه والفانيليا ونكمل بالمضرب خفق مده 3دقايق.... وبعد كده يضاف الدقيق بالتدريج ورشه الملح وبشر البرتقال وتخفق مره تانيه وبعد ان تتجانس مقادير البيتي فور توضع في بوله وتغطي وتترك في التلاجه مده 10دقايق...... نقسم العجينه نصين نص ابيض ونص نوضع عليه معلقتين كاكاو وفي كيس حلواني نشكل في صاج مدهون زيت او ورق زبده باستخدام مكينه البيتفور ويدخل فرن 180درجه حتي ينضج وياخد لون دهبي فاتح ونخرجه لما يبرد نزينه بالشكولاته او بالمربي 🎊🎊🍓🍑☕
وبالهنا والشفا ♥♥

كيك الشوكولاتة 🥰

المقادير 🥰
3كوب دقيق.. 1كوب حليب.... كوب زبده او سمن... 4بيضه.... كوب سكر حسب رغبتك.... 3معلقه كبيره كاكاو خام.... معلقه صغيره فانيليا.. نصف معلقه صغيره ملح.... معلقه ونص بيكنج بودر....
صوص الشيكولاتة 😍
نصف كوب زبده
كوب الا ربع حليب
ربع كوب كاكاو
مكعبات شيكولاته 🍫
رشه فانيليا
🏵الطريقه 🏵
يسخن الفرن ع حراره 180درجه او حراره متوسطة
في الخلاط الكهربائي يوضع الحليب والزيت والسكر والبيض والفانيليا والكاكاو ونخلطهم لمده 3دقايق
في وعاء عميق يصب الخليط ثم ينخل فوقه الدقيق مع البيكنج بودر ورشه ملح ونقلب بمضرب يدوي حتي يمتز الخليط تماما
يصب خليط الكيك في صنيه مدهونه زيت ومبطنه بالكاكاو ويوضع في الفرن الساخن لمده 40الي 45دقيقه ونختبرها بسكين او عود خشبي
لعمل صوص الشيكولاتة في الخلاط توضع كل مكونات الصوص الحليب والزبده والسكر البودره والكاكاو والفانيليا ونخلطهم حتي يمتزج تماما ويصبح صوص ناعم
تترك الكيكه لتبرد تماما ثم تزين بصوص الشيكولاتة وتقدم بالهنا والشفا ❤🥧

معلومة في السريع 😉🤗
الفرق بين الكركم والكاري🖐️
🌼🌼🌼🌼🌼🌼🌼🌼

الكركم 🌻
يعطي لون أصفر للأكل ( وبيستخدم في الأرز البسمتي في الأكلات الخليجية والأردنية زي المقلوبة والمكبوس والمنسف الاردني وغيرهم )
ولا بيستخدم بكمية كبيرة يعني يكفي نصف معلقة صغيرة أو كمان ربع معلقة على 3 كوبيات رز مثلا🍀
لونه أصفر فاقع أو مائل للبرتقالي وبدون رائحة تقريبا👌

الكاري 🌻
لونه أغمق قليلا تقريبا مائل للبني الباهت وله رائحة مثل رائحة مرقة الدجاج لأنه قريب من نكهة الفراخ للأكل وبيكون مملح
وغالبا لا يلون الطعام باللون الأصفر ممكن يغمق لون الرز قليلا لكن مش لدرجة أصفر ويعطي طعم الفراخ وبيستخدم في تتبيلة الفراخ المشويه والبانيه وكفتة الفراخ و الكبدة الاسكندراني 😋👌 وكمان بيخلي طعم الأكل جميل جدا
♥️♥️

صباحكم معطر بذكر الله🌼

حاجات جربيها 👍وحاجات اوعي تعمليها
👍مش بنظف الرخامه غير بالخل بحس اني مطمنه ومامنه لاني طبعاً بحط عليها خضار والخل طبعاً بيقتل اي بكتريا

👍رشه السكر الخفيفه جداً ع الصلصة بيقلل حموضه الطماطم وبخلي الطعم متوازن

👎غسيل الفراخ بالخل بيخليها تاخد وقت اكبر في السوا ..

👎كتر البهارات بيضيع الطعم الأساسي للأكل

👎 لما برش الفلفل الاسود ع البصل وهو نصف تحميره بيخلي ريحته وطعمه شبه اكل امهاتنا زمان

👍👍اي اكل بيتذكر عليه أسم الله بيطلع جميل وفيه بركه

👍 تنظيف المطبخ اول باول بيحسسني برحه نفسيه

👍بحمر دقيق البشاميل بالزيت ولما بطفي عليه بحط معلقه زبده بيبقا أخف اكتر

👎لما تعملي الكيكه وحطي السوايل ع الجاف متقلبيهاش كتير عشان دا بيبقا سبب للفرغات الكبيره اللي جوه الكيكه

👍السمنه مع الزيت ع الرز بيخليه أحلي بكتيررر من السمنه بس

👍 رشه الزعتر ع الصلصة بيخلي طعمها رهيب خصوصاً صلصه البيتزا والمكرونة

👎اوعي تستخدمي معلقه مبلوله ف برطمان الصلصه

👍 لما بهدي النار على الاكل وهو بيستوي بيبقي أحلي واطعم

👍 رشه الفانيليا ع اي عصير بيخلي طعمه وريحته حلوه اوي

👍 لما بخلص خليط الكيك اخر حاجه بعملها بحط أقل من ربع معلقه كربونات مع معلقه خل وبحطهم ع الكيك دا بيخليها تنفش اكتر واستحالة تهبط منك

👎 متمسكيش الحاجه السخنه بقماشه مبلوله لانها هتوصل الحراره

👍 كل كام يوم بغلي مياه في براد الشاي وبحطه في الحوض وبحط فيه معلقه كربونات مع خل بيفور وبينظف البرد الاستنلس من جوه ومن بره كمان

👍 لما ببدا في تنظيف البيت ببدا بالمطبخ والحمام الاول

👍👍 واخيرا وليس اخراً اذاعه القران الكريم في المطبخ سحر للراحه النفسيه وانتي بتطبخي

👍 بحبكم فى الله