العمل + الربح من الأنترنت travaillez et gagnez sur internet
Contact information, map and directions, contact form, opening hours, services, ratings, photos, videos and announcements from العمل + الربح من الأنترنت travaillez et gagnez sur internet, Internet Company, .
13/05/2021
طرق عملية وفعالة لجني المال من الانترنت بعضها يحتاج إلى إنشاء موقعك على الانترنت والبعض الآخر لا يحتاج منك إلا استخدام مهاراتك والوصول بها الى العملاء
https://tsttaf.blogspot.com/2021/05/blog-post.html
13/05/2021
على بركة الله،
هاد la page غانبقا ننشر فيها طرق مضمونة للعمل و الربح من الأنترنيت المرجو متابعة الصفحة و وضع إعجاب عليها
المهم غادي نشارك معاكوم طرق لربح من الانترنيت وغادي نعطيكم راس الخيط باش تخدمو و كل واحد يصوفي راسو وخا غي بالقليل، ركز معايا قلتليك أنك غادي تخدم ماشي غادي تربح، يعني نسا كلمة الربح من الانترنت، إنما كاينة حاجة وحدة هي الخدمة على الأنترنيت باش نكونو واضحين.
ندوزو المعقول الضومين لي كنصح بيه دراري دبا و لي هو فاش خدام أنا و خدامين دراري صحابي هو e-commerce local, شنو هو هاد الضومين ؟؟ و كيفاش نقدر نخدم فيه؟ وشنو خاصني ندير باش نربح؟؟ مرحبا بيك أخي.
E-com local هو التجارة الإلكترونية المحلية أو ما يسمى Cod يعني cash and delivery, خود سلعتك فينما كنتي في المغرب عاد خلصني.
كيفما كتعرفو التجارة هي أم الأرباح ، و اترياء العالم كتلقاهم تقريبا كاملين تجار، و الرسول صلى الله عليه وسلم قال أن تسعة أعشار الرزق جعلت في التجارة، و قال صلى الله عليه وسلم علمو أولادكم التجارة و لا تعلموهم الإجارة.
نبداو على بركة الله ناس كازا عندهم إمتياز كبير ، علاش؟؟ حيت أسواق الجملة و الجمالة الكبار كاينين في كازا، يعني حيدو عليهم عبئ كبير، ناس لي خارج كازا را ولاد كازا يتعاملو معاكم.
باش تبدا غادي تقاد باج فايسبوك و دير شي سمية برو تكون زوينة، أنا داير tal Bab darek, يعني معندي منخبي عليكم أخوتي لي كاين نقولو، غادي تدير واتصاب بيزنس و تدير فيه نفس سمية الباج، هنا غادي تبان شوية برو. عاوتاني، كلشي فابور لحد الان، مغادي تخلص والو، غادي تمشي عند مالين جملة تشوف شي منتوج لي غادي يقدر يتمشا ليك و المنتوج الرابح هو أهم حاجة ، شوف شي حاجة لي مكايناش في السوق، و كتماشا مع الوقت، يعني جاي العيد الكبير شوف شي شواية تكون مستيليا، البرد شوف شي حاجة عندها علاقة بالبرد و هكذا ذواليك، أنا عطيتك غي متال نتا غادي تكون مقود في العقلية ديالك، يعني غادي تخدم الذكاء ديالك و تزيد من راسك و تجتاهد، المهم غادي ندوزو للمرحلة الماجية، هانتا لقيتي البرودوي و تيستيتيه و بانليك غادي يتمشا، غادي ضرب ليه شي صورة تكون زوينة و برو، التيليفون هنا قادي الغرض و لا ضبر فشي صورة ايلا كان ديجا كاين في الويب و كيتباع، غادي تهز الصورة و تكتب عليها شي description تكون مزيانة كتآتيري الكليان لي غادي يشوفها هادشي غادي تلوحو في الباج ديالك، و هنا غادي تدخل العصى السحرية، لي ايلا عرفتي ليها غادي توصل إن شاء الله، شنو هي؟؟ هي أدس، بداية كنصحك دير الاشهار غي في الفايس، غادي تخصك كارت باش تخلص الإشهار و لا كونط بايبال، كارطا ديال cih e-shopping قادية ليك الغرض، غادي تدخل ليويتوب و تقرأ شوية على fb ads داكشي ماشي صعيب بزربة تعلم ليه، غادي تقرا عليه باش تعرف شكون غادي تسيبلي يعني target و شي حوايجات آخرين، واش الإشهار ديال برودوي ديالك بغيتيه يطلع لناس ساكنة في كازا و لا المغرب كامل، و لا بغيتي الناس لي يشوفو الاشهار يكون غي النساء و تحدد العمر شحال، يعني نتا باغي تبيع شي حاجة ديال الماكياج غادي دير غي البنات و تحدد العمر حيت الكلاخ ايلا درتي حتى الرجال، و غادي تدير شحال ديال الوقت بغيتي الاشهار يبقا، نهار ، يومين ،سيمانة، شهر، المهم الفايس كيعطيك شحال غادي تخلص، غي باش نعطيك واحد المتال، خلصت 3 دولار و درت غي الرجال و غي أكادير لمدة يومين و جابليا 12 مبيعة كل وحدة فيها 50 درهم ربح صافي، و كنت يلاه بادي يعني خوكم دارها غي بضحك حق الرب، و مع عندي مع البيع و حلاوة اللسان بنادم كيجي باغي غي يسول كنصدق بايع ليه، يعني حتى داك لي غادي يجاوب الكليان سوى كنتي نتا و لا شي واحد آخر غادي يخصك تعرف تبيع ليه، كان عندك موطور باش تليفري سلعة مزيان معندكش را عطا الله لي ليفرور يتصاوبو معاك في التمن، كاينة أمانة و لكن أمانة خاصك تفتح كونط مع البريد بانك تما فين غادي يفيرسيو ليك فلوسك ملي يتخلصو من الكليان، و هانتا غادي تكون دوزتي أول مبيعة ليك و من بعد غادي تولي عارف شنو تدير منين دخل و منين تخرج و شنو تزيد و شنو تنقص و غادي تعمق في الضومين مزيان و هنا غادي تفكرني و غادي تقول ليا الله يرحم الوالدين و الله يسهل عليك اخويا ، و هاداك هو الخلاص ديالي.
الايكومرس لوكال ماشي صعيب و الاهم هو الخدمة تم الخدمة و تدير راسك فيه، تقدر تخدم غي بالتيلي و لكن كنصحك تخدم بالبيسي من الأحسن خصوصا في للادس غادي ينفعك بزااف، و كنوصيكم تبدلو العادات ديالكم ديك القضية ديال الدولة مامساعداش و بنادم حاضيك و التدمر ووو، لا اخويا نتا دير براسك عايش في السويد و دير براسك نتا لي منك لا فوت حيت ماكاتدير والو، دخلتي في الشهر 1000 درهم دير الشهر جاي غادي ندخل 2000 درهم و هي غادة، نقطة نقطة يحمل لواد. بدا براس المال 500 درهم و ليفري غي راسك ايلا كان عندك كيفاش تدير و بشوية بشوية وسع المشروع ديالك، سير غي بشوية عليك متكسيريش و توكل على الله، صلي الفجر و قول يا فتاح يا رزاق ارزقني من فضلك و ايلا كانت عندو الواليدة في حياة بوس ليها راسها و يقوليها دعي معايا ااميمتي و توكل على مولانا.
و آخيرا و ليس آخيرا وكلت الله على كل واحد ماباغيش يفيدنا و را الحوانت مقاربة و الرزاق مفارقة، و را غي الدنيا هادي أولد العبد، بغيتي تمشي بعيد عاون خوتك، خود عبرة من الهنود مليار و 300 مليون و شي كيعلم شي، سير دخل الكروبات ديالهم باش تفهم ❤️
منقول من مجموعة THE MOROCCAN DARK WEB