Хоразм вилояти Транспорт бошқармаси

Хоразм вилояти Транспорт бошқармаси

Ушбу саҳифа Хоразм вилояти Транспорт бошқармаси матбу

17/01/2023

Bugungi k***a Urganch shahridagi ichki yo‘nalishlarida avtobus qatnovlari har bir yo’lovchi uchun belgilangan tarifga asosan 1 000 (ming) so’m etib belgilangan.

Urganch shahrida “Damas” avtotransport vositalarida shahar ichki yo’nalishlari bo’yicha yo’lovchi tashish uchun hech qanday tender bitimlari berilmaganligini bildiramiz.

Hurmatli Urganch shahar aholisi, Sizlardan qonunda belgilangan yo‘lovchilar tashuvlarini amalga oshirish huquqini beruvchi litsenziyaga ega bo‘lgan avtotransport vositalaridan foydalanishingizni tavsiya etamiz.

Siz, qonunda belgilangan tartibda yo’lovchi tashish faoliyati bilan shug’ullanuvchi avtotransport vositalaridan foydalanganingizda belgilangan yo’l kira tariflari oshmasligi kafolatlanadi.
Noqonuniy ravishda yo’lovchi tashish bilan shug’ullanayotgan shaxslarga choralar ko’rilishi Xorazm viloyati transport boshqarmasi tomonidan nazoratga olingan.

Xorazm viloyati transport boshqarmasi Matbuot xizmati

15/01/2023

Xorazm viloyatida 9 ta yo'nalish bo'yicha jamoat transportlari harakati joriy etildi.

Aholidan kelib tushayotgan murojaatlarini qanoatlantirish va viloyatimizda noqulay ob-havo kuzatilayotganligi sababli Qo'shko'pir, Gurlan, Bog'ot, Yangariq va Xiva tumanlarida qo'shimcha yo'nalishlar tashkil etilib, jamoat transportlar harakati amalga oshirilmoqda.

Xususan, "Qo'shko'pir tumani markazi - Oshoqqal'a mahhalasi", Qo'shko'pir tumani markazi - G'ozovot qishlog'i", "Boshqirshix qishlog'i - Yangiboozr markaziy shifoxonasi", Gurlan tumani markazi - Marg'ubot qishlog'i", "Gurlan tumani markazi - Ziyokor mahallasi", "Gurlan tumani markazi - Moyli mahallasi", "Qalajiqal'a qishlog'i - Bog'ot tuman markazi", "Yangiariq tuman markazi - Chiqirchi qishlog'i" va  "Xiva dashyoq bozori - Pirnaxoz mahallasi" yo'nalishlarida avtobus va mikroavtobuslar harakati belgilangan jadval asosida amalga oshirilmoqda.

Xorazm viloyati transport boshqarmasi Matbuot xizmati

14/01/2023

"Azal" aviakompaniyasi Bokudan Urganchga parvozlarni yo‘lga qo‘yadi

Joriy yil 28-yanvardan boshlab Ozarbayjonning "Azal" aviakompaniyasi "Boku-Urganch-Boku" yoʻnalishi boʻyicha parvoz qiladi.

Parvozlar haftada bir marta - shanba kunlari amalga oshiriladi.

Xorazm viloyati transport boshqarmasi Matbuot xizmati

Photos from Хоразм вилояти Транспорт бошқармаси's post 13/01/2023

Xorazm viloyatida jamoat transportlarini uzluksiz ish faoliyatlarini ta’minlash maqsadida zaruriy choralar ko’rilmoqda.

Xabaringiz bor viloyatimizda noqulay ob-havo kuzatilayotganligi sababli avtomobillarga gaz quyish shoxobchalari faoliyati vaqtincha to’xtatildi.

Noqulay ob-havoda vujudga kelishi mumkin bo’lgan muammolarni tezkorlik bilan bartaraf etish hamda aholini uzog’ini yaqin qilish maqsadida viloyatimizdagi avtobus va mikroavtobuslar harakati bir maromda olib borilishi yuzasidan zaruriy choralar ko’rilgan.

Viloyatimizda faoliyat ko’rsatayotgan avtobus va mikroavtobuslarning uzluksiz ish faoliyatlarini olib borilishi va belgilangan yo’l kira narxlarini sun'iy oshish holatlarini oldini olish bo‘yicha Xorazm viloyati transport boshqarmasi tomonidan nazoratga olingan.

Xorazm viloyati transport boshqarmasi Matbuot xizmati

09/01/2023

Joriy yilning 9-15 yanvar kunlarida kutilayotgan anomal sovuq massasi kirib kelishi munosabati bilan aholini jamoat transporti bilan toʼliq taʼminlash hamda yoʼlovchi tashishdagi noqulayliklarni oldini olish boʼyicha yoʼnalishlar harakat jadvallariga qoʼshimcha oʼzgartirishlar kiritiladi.

  Xususan, bugungi k***a tumanlar markazlaridan viloyat markaziga xamda tumanlararo harakatlanuvchi 14 ta avtobus yoʼnalishlarda 84 ta avtobuslar aholiga xizmat qilib kelmoqda edi. Аholiga yanada qulayliklar yaratish maqsadida hamda kutilayotgan anomal sovuq massasi kirib kelishi munosabati bilan mazkur yoʼnalishdagi avtobuslar soni 130 tagacha oshiriladi.

Bundan tashqari, tumanlar markazlaridan viloyat markaziga hamda tumanlararo harakatlanuvchi 14 ta yoʼnalishlardagi 220 ta yoʼnalishli taksilar soni 370 tagacha oshiriladi.

Yuqorida koʼrsatilgan yoʼnalishlardagi avtotransport vositalarining oraliq vaqtlari qisqartirildi. Аvtobus va yoʼnalishli taksilarning ish vaqtlari 07:00 dan 19:00 gacha ish faoliyatlarini olib borilishi Xorazm viloyati transport boshqarmasi tomonidan nazoratga olinishi taʼminlanishini maʼlum qilamiz.

Xorazm viloyati transport boshqarmasi Matbuot xizmati

Photos from Хоразм вилояти Транспорт бошқармаси's post 07/01/2023

Joriy yilning 10-18-yanvar kunlari O'zbekiston hududiga   sovuq va nam havo massalari kirib kelishi munosabati bilan, viloyatdagi yo'lovchi tashish faoliyati shug'ullanuvchi tashkilotlar xodimlari va haydovchilarga Xorazm viloyati transport boshqarmasi mas'ul xodimlari tomonidan quyidagi masalalarda tushuntirish ishlari olib borildi:

— yo'l kira narxlarini sun'iy ravishda oshib ketishiga yo'l qo'ymaslik;
— jamoat transporti vositalari harakati muntazamligi ta'minlash uchun mavsumiy (qishki) yoqilg'i moylash materiallari zaxirasini yaratish va  e'tiborli bo'lish.

Bundan tashqari, viloyatdagi mavjud avtovokzal, avtostansiyalar va ularda faoliyat olib boruvchi shaharlararo avtobus yo'nalishlarida faoliyat ko'rsatuvchi korxona rahbarlari bilan birgalikda tushuntirish ishlari olib borilmoqda. o'tkazildi.

❗️❗️❗️ Hurmatli haydovchilar
Sovuq va nam ob-havo sharoitida yo'l harakati qoidalariga qat'iyan rioya qilishingiz hamda avtotransport vositalaring texnik soz holatlarini mukammal saqlashga harakat qilishingizni so'rab qolamiz.

Xorazm viloyati transport boshqarmasi matbuot xizmati

07/01/2023

50% CHEGIRMALI CHIPTALAR BO‘YICHA STATISTIK MA'LUMOT

Qishki ta’til kunlari uzaytirilgani munosabati bilan talabalar tomonidan chiptalar qaytarilib, boshqa sanalarga rasmiylashtirilmoqda.

2023 yil 7-yanvar kuni holatiga 50% chegirma asosida xarid qilingan chiptalar 10 979 nafar talabalar tomonidan qaytarilgan bo'lib, shundan 5 944tasi chiptaxonalar orqali va 5 035tasi elektron tarzda amalga oshirilgan.

Bundan tashqari 18-yanvar sanasiga qadar talabalarning so‘roviga asosan 10 869 ta chipta qayta rasmiylashtirilib berilgan hamda 4 544 ta chipta qo‘shimcha rasmiylashtirilgan.

Photos from Хоразм вилояти Транспорт бошқармаси's post 04/01/2023

Xorazm viloyatida yoʼlovchi tashish sifatini yanada oshirish maqsadida transport sohasida amaliy ishlar olib borilmoqda.

Viloyatdan ketuvchi yoʼlovchilar uchun yoʼlovchi poyezdlar, aviaqatnovlar va avtotransport vositalarida qoʼshimcha qatnovlar amalga oshirilishi yuzasidan Xorazm viloyati transport boshqarmasi tomonidan barcha zaruriy choralar koʼrilgan.

Shuningdek, aholiga ko‘rsatilayotgan transport xizmatlari sifatini oshirish, belgilangan narx-navolarni sun'iy oshirish holatlarini bartaraf etish va yo‘lovchilarni uzog‘ini yaqin qilish va hududlardagi barcha jamoat transportlarining bir maromda ishlashini ta’minlash maqsadida, viloyatdagi tashuvchilar ishtirokida targ‘ibot tadbirlari o‘tkazilmoqda.

Xorazm viloyati transport boshqarmasi Matbuot xizmati

Photos from Хоразм вилояти Транспорт бошқармаси's post 02/01/2023

Photos from Хоразм вилояти Транспорт бошқармаси's post

Photos from Хоразм вилояти Транспорт бошқармаси's post 30/12/2022

O'tgan davr hisobini yuritish, kelgusi davr uchun aniq maqsad va manzilli rejalar tuzish har qanday soha rivoji uchun samarali tizim hisoblanadi.

Ana shu maqsadda, bugun Xorazm viloyati transport boshqarmasida sohada amalga oshirilgan ishlar yuzasidan o'tib borayotgan 2022-yil sarhisobi tinglandi. O'tgan davr sarhisobini tinglash mobaynida yuzaga kelgan muammo va kamchiliklar, erishilgan yutuqlar, sohada yaratilayotgan imkoniyat va qulayliklar haqida so'z yuritildi. Shuningdek, kirib kelayotgan 2023-yil uchun manzilli rejalar belgilab olindi.
Tadbir so'ngida, 2022-yilda transport sohasida samarali va faol mehnati uchun boshqarmaning bir guruh xodimlari tashakkurnoma bilan taqdirlandilar.

Xorazm viloyati transport boshqarmasi Matbuot xizmati

27/12/2022

Yo’lovchilar diqqatiga!

Bayram munosabati bilan yoʼlovchilarga qoʼshimcha shart-sharoitlar yaratish maqsadida "Toshkent" avtovokzali tomonidan 2022-yilning 25-dekabridan 2023-yilning 5-yanvariga qadar shaharlararo avtobus qatnovlari bo’yicha qoʼshimcha qatnovlar tashkil qilingan.

Bugungi k***a “Toshkent – Urganch” yoʼnalishi boʼyicha kuniga 5 tagacha va “Toshkent – Xiva” yoʼnalishi boʼyicha kuniga 5 tagacha qoʼshimcha qatnovlar amalga oshirilmoqda.

Yangi yil bayrami munosabati bilan “O‘ztemiryo‘lyo‘lovchi” AJ tomonidan 2022-yilning 18-20-23-25-27-30-dekabr va 2023-yilning 3-6-8-10-13-15-yanvar kunlari "Toshkent-Urganch-Toshkent" yo`nalishi bo’yicha qo’shimcha qatnovlar amalga oshiriladi.

Bundan tashqari "Toshkent-Urganch-Toshkent" doimiy yo`nalishlar uchun qo’shimcha 3 ta vagonlar qo’shilib, yo’lovchilar sig’imi oshirilmoqda.

Shu bilan birga “Uzbekistan Airports” AJ tomonidan "Toshkent-Urganch-Toshkent" yo`nalishi bo’yicha qatnovlar yo’lovchilar ehtiyojidan kelib chiqib yo’lovchi sig’imi ko’proq bo’lgan havo kemalari orqali amalga oshirilmoqda.

Hurmatli yo’lovchilar transport qatnovlariga bo’lgan ehtiyojlar k***alik o’rganilib, yo’lovchilar sig’imi oshirib borilmoqda.

Xorazm viloyati transport boshqarmasi Matbuot xizmati

23/12/2022

"Panorama Airways" xususiy aviakompaniyasi oʼzining birinchi yoʼlovchi reysini Urganch shahriga amalga oshirdi.

22-dekabr kuni Oʼzbekistonning "Panorama Airways" xususiy aviakompaniyasi "Toshkent-Urganch-Toshkent" yoʼnalishi boʼyicha ilk tijoriy reysni amalga oshirdi. 144 yoʼlovchidan iborat Аirbus А320 havo kemasi samolyoti mahalliy vaqt bilan soat 21:50 da belgilangan aeroportga uchib ketdi va 23:00 da Urganch aeroportiga kelib qoʼndi.

Samolyot, poytaxtning xalqaro aeroportidan joʼnab ketishidan avval, birinchi reysning tantanali ochilish marosimi boʼlib oʼtdi.

2021-yilda tashkil etilgan “Panorama Airways” xususiy aviakompaniyasi Oʼzbekiston, shuningdek, BАА, Isroil, Saudiya Аrabistoni, Rossiya, Janubiy Koreya va boshqa davlatlarga yoʼlovchi havo tashishlarini amalga oshirishi rejalashtirilgan. Аviakompaniyaning navbatdagi parvozi 23-dekabr kuni mahalliy vaqt bilan soat 10:00 da "Toshkent — Moskva" yoʼnalishi boʼyicha amalga oshirilishi rejalashtirilgan.

Photos from Хоразм вилояти Транспорт бошқармаси's post 19/12/2022

Toshkent-Urganch aviya reyslari amaldagidan 2 borabar oshiriladi va Xorazmga tezyurar poyezdlar qatnovini yo'lga qo'yish ishlari jadallashtiriladi.

2022-yil 17-dekabr kuni Prezident Adminstratsiyasi rahbari Sardor Umrzaqov va Bosh vazir Abdulla Aripov ishtirokida yig'ilish bo'lib o'tdi.

Yig'ilishda tashkiliy masalalar bilan bir qatorda viloyatni infratuzilmasini yanada yaxshilash, transport logistikasini rivojlantirish va boshqa masalalar ham muhokama qilindi.

Xususan Bosh vazir A.Aripov viloyatning turistik salohiyati, aholini k***alik ehtiyojlari hamda temir yo'l sohasida amalga oshirilayotgan islohatlarni jadallashtirish maqsadida Jaloladdin Manguberdi tezyurar elektr poyezdini yo'lga qo'yishni tezlashtirish hamda Toshkent-Urganch yo'nalishida kuniga 2 ta emas 4 ta samolyot qatnovini yo'lga qo'yish bo'yicha mas'ullarga topshiriq berdi.

Photos from Хоразм вилояти Транспорт бошқармаси's post 14/12/2022

Xorazm viloyati transport boshqarmasi va Xorazm viloyati YHXB bilan birgalikda Shovot tumanida jamoat transportlarida narx-navoni sun’iy tarzda oshishiga yo‘l qo‘ymaslik maqsadida haydovchilar ishtirokida targ’ibot ishlari o‘tkazildi.

Targ‘ibot ishlari davomida fuqarolar tomonidan jamoat transportlaridan foydalanganda narx-navolarni sun’iy oshirish holatlariga duch kelayotganliklari bo‘yicha ko‘plab murojaatlar bo‘layotganligi va narx-navoni sun’iy tarzda oshirish qonunan to‘g‘ri kelmasligi bo’yicha haydovchilar ogohlantirildi.

Xorazm viloyati transport boshqarmasi Matbuot xizmati

Photos from Хоразм вилояти Транспорт бошқармаси's post 13/12/2022

Bugun Xorazm viloyati transport boshqarmasi boshlig’i R.Babayev boshqarma ishonch telefoni orqali kelib tushayotgan murojaatlar yuzasidan yo’lovchi tashish faoliyati bilan shug’ullanuvchi korxona rahbarlari va haydovchilari ishtirokida yig’ilish o’tkazdi.

Yig’ilishda asosan bugungi k***a aholimiz tomonidan kelib tushayotgan murojaatlarning ko’pchiligi jamoat transportlaridan foydalanishda haydovchilar tomonidan asossiz tarzda narx-navolarni sun’iy oshirgan holatlari muhokama etildi.

Muhokama davomida avtomobillarga gaz quyish shahobchalaridagi navbatlar jamoat transportlarining narx-navolarini sun’iy ravishda oshirishga asos bo’la olmasligi va shahar, shahar atrofi hamda shaharlararo viloyat ichki yo’nalishlarini joylashtirish uchun ochiq tenderlarni tashkil etish va o’tkazish masalalari bo’yicha viloyat komissiyasi tomonidan belgilanishi ta’kidlandi.

Yig’ilish so’ngida yo’lovchi tashish faoliyati bilan shug’ullanuvchi korxona rahbarlariga jamoat transportlariga belgilab berilgan narxlarda faoliyat olib borilishini ta’minlash zarurligi bo’yicha qat’iy ogohlantirish berildi.

Xorazm viloyati transport boshqarmasi Matbuot xizmati

Photos from Хоразм вилояти Транспорт бошқармаси's post 09/12/2022

Ayni kunlarda ob-havoning keskin sovib ketishi natijasida avtomobillarga gaz quyish shoxobchalarida navbatlar vujudga kelayotganini kuzatishimiz mumkin. Buning natijasida jamoat transportlarining narx- navolarini sun’iy ravishda oshirish holatlari vujudga kelishi mumkin.

Ushbu holatlarni oldini olish maqsadida Xorazm viloyati transport boshqarmasining Avtomobil tashuvlarini nazorat qilish bo‘limi tomonidan jamoat transportlarida narx-navoni sun’iy tarzda oshishiga yo‘l qo‘ymaslik maqsadida viloyatimizning barcha hududlaridagi haydovchilarga targ’ibot ishlari olib borilmoqda.

Hurmatli fuqarolar, jamoat transportlarida foydalanganda narx-navolarni sun’iy oshirish holatlariga duch kelsangiz Xorazm viloyati transport boshqarmasining +99862 229-3037 ishon raqamiga murojaat qilishingiz mumkin.

Xorazm viloyati transport boshqarmasi Matbuot xizmati

08/12/2022

Aziz yurtdoshlar!

Sizlarni, Oʼzbekiston Respublikasi Konstitutsiyasi qabul qilinganining 30 yilligi bilan chin qalbimizdan samimiy muborakbod etamiz.

Hayotimiz qomusi boʼlgan Konstitutsiyamiz mustaqillik yillarida erishgan barcha yutuq va marralarimizning mustahkam huquqiy poydevori boʼlib kelayotganini hammamiz yaxshi bilamiz va yuksak qadrlaymiz.

Hurmat bilan, Xorazm viloyati transport boshqarmasi jamoasi.

Photos from Хоразм вилояти Транспорт бошқармаси's post 08/12/2022

Oʼzbekiston Respublikasi Konstitutsiyasi qabul qilinganining 30 yilligi munosabati bilan Prezidentimiz farmoniga asosan, mamlakatimiz mustaqilligini mustahkamlash, uning iqtisodiy, siyosiy, ijtimoiy, ilmiy, maʼnaviy salohiyatini yuksaltirish, mudofaa qudratini oshirishga munosib hissa qoʼshib kelayotgan yurtdoshlarimiz esdalik nishoni bilan taqdirlanmoqda.

Konstitutsiyaning 30 yilligi munosabati bilan bugun Xorazm viloyati hokimligida ham  tadbir tashkil etildi. Tadbirda yurtimizning ijtimoiy-iqtisodiy, maʼnaviy-maʼrifiy va boshqa sohalardagi faolligi hamda samarali mehnati bilan xizmat qilib kelayotganlar eʼtirof etilib, ularga “Oʼzbekiston Konstitutsiyasining 30 yilligi” esdalik nishonlarini topshirildi.

Shu bilan birga tadbirda transport sohasida faol xizmat qilib kelayotgan R.Babaev va А.Soburovlarga ham "Oʼzbekiston Konstitutsiyaning 30 yilligi" esdalik nishonlari tantanali ravishda topshirildi.

Xorazm viloyati transport boshqarmasi Matbuot xizmati

29/11/2022

Yo'lovchilar uchun jamoat transportlari bepul Wi-fi tizimi bilan ta'minlanadi.

Joriy yilning 21-oktabr kuni Xorazm viloyati hokimi tomonidan tasdiqlangan chora-tadbirlar rejasida belgilab berilgan topshiriqlar ijrosini ta'minlash maqsadida Xorazm viloyati transport boshqarmasi tomonidan amaliy ishlar davom etmoqda.

Jumladan, jamoat transportlarida aholiga hamda vohamizga tashrif buyuruvchi mehmonlarga yanada qulayliklar yaratish maqsadida "Urganch -Xiva" yo'nalishidagi trolleybusda bepul Wi-fi tizimi test rejimida o'rnatilmoqda.

Zero, zamon bilan hamnafas bo'lish—davr talabi!

Xorazm viloyati transport boshqarmasi matbuot xizmati

Photos from Хоразм вилояти Транспорт бошқармаси's post 21/11/2022

Photos from Хоразм вилояти Транспорт бошқармаси's post

Photos from Хоразм вилояти Транспорт бошқармаси's post 18/11/2022

Joriy yil noyabr oyida Xorazm viloyati Transport boshqarmasining tashabbusi bilan aholiga yanada sifatli transport xizmati koʻrsatish hamda turizm salohiyatini oshirish maqsadida viloyatimizga "YANGIBOZOR 9-SON AVTOKORXONA" masʼuliyati cheklangan jamiyati tomonidan 2 ta “ISUZU SAZ HC 40” rusumli avtobuslar va "BIZNES TRANS SAVDO" masʼuliyati cheklangan jamiyati tomonidan yumshoq oʻrindiqli 2 ta “JAC SUNRAY” rusumli mikroavtobuslar jami 4 ta yangi avtotransport vositalari xarid qilindi.

Maʼlumot uchun: Joriy yilda viloyatimizga 5 ta avtobus va 36 ta mikroavtobuslar olib kelinib, muntazam yoʻlovchi tashish yoʻnalishlariga joylashtirildi.

Xorazm viloyati transport boshqarmasi Matbuot xizmati

Photos from Хоразм вилояти Транспорт бошқармаси's post 18/11/2022

18 noyabr – O‘zbekiston Respublikasi Davlat bayrog‘i qabul qilingan kun!

Bugun, O‘zbekiston Respublikasi Davlat bayrog‘i qabul qilingan kuni munosabati bilan Xorazm viloyati transport boshqarmasi xodimlari tomonidan harakat ishtirokchilariga milliy bayrog'imizni tarmoqdalar.

Milliy g’ururimiz hisoblangan davlat bayroqlarimizni tarqatishdan asosiy maqsad, haydovchilarda davlat bayrog’iga bo’lgan milliy g’ururni yuksaltirish va ularga yana bir bor  O‘zbekiston Respublikasi Davlat bayrog‘i qabul qilingan kunni eslatib o’tishdan iborat.

Xorazm viloyati transport boshqarmasi Matbuot xizmati

15/11/2022

Xorazm viloyatida joriy yilning 1-sentyabridan 15-noyabr oyiga qadar 2436 ta fuqarolar o‘zini – o‘zi band qilib tegishli tartibda yo’lovchi tashish faoliyatlarini qonuniy rasmiylashtirganlar.

Xabaringiz bor avtotransport vositalaridan foydalanishda aholiga qo‘shimcha qulayliklar yaratish maqsadida Prezidentimizning 2022-yil 7-iyulidagi PQ-311 son qaroriga asosan 2022-yil 1-sentyabridan yo‘lovchilarni haydovchidan tashqari to‘rttadan ortiq bo‘lmagan o‘rindiqlarga ega bo‘lgan yengil avtotransport vositalarida tashish faoliyati o‘zini o‘zi band qilgan shaxslar shug‘ullanishi mumkin bo‘lgan faoliyat turlari ro‘yxatiga kiritildi.

Shahar va tumanlar kesimida:
Urganch shahar 570 ta
Urganch tuman 284 ta
Xiva shahar 212 ta
Xiva tuman 99 ta
Xonqa tuman 157 ta
Bog’ot tumani 84 ta
Hazorasp tuman 129 ta
Tuproqqal’a tuman 31 ta
Qo’shko’pir tuman 260 ta
Yangiariq tuman 115 ta
Yangibozor tuman 156 ta
Gurlan tuman 58 ta
Shovot tuman 175 ta

Xorazm viloyati transport boshqarmasi Matbuot xizmati

14/11/2022

14-noyabr kuni Urganch avtovokzalidan quyidagi yoʼnalishlar boʼyicha avtobus qatnovlari amalga oshiriladi.

09:00 Urganch - Nukus 25 000 soʼm
09:00 Urganch - Shaxrisabz 110 000 soʼm
14:00 - Hazorasp - Toshkent -150 000 soʼm (Hazorasp buyum bozori avtobekatidan)
15:00 Xiva-Chirchiq 162 000 soʼm (Xiva vokzali bekatidan)
15:00 - Urganch - Toshkent -150 000 soʼm
18:00 Urganch - Samarqand 105 000 soʼm

Maʼlumot uchun telefon:
(+99895) 602 87 77
(+99899) 451 73 93
(+99899) 506 67 72

Xorazm viloyati transport boshqarmasi Matbuot xizmati

Photos from Хоразм вилояти Транспорт бошқармаси's post 26/10/2022

Bugun, 26-oktabr kuni O‘zbekiston Respublikasi Transport vazirligining Avtomobil tashuvlarini nazorat qilish boshqarmasi boshlig'i S.Sattarov Xorazm viloyati transport boshqarmasi boshlig‘i boshchiligida sohada olib borilayotgan ishlar va vujudga kelayot muammo va takliflar yuzasidan yig‘ilish tashkil kilindi.

Yig‘ilishda, bugungi k***a avtotransport sohasida amalga oshirilayotgan ishlar va ularning natijalari, yo‘lovchi tashish sohasidagi haydovchilarga yaratilayotgan imkoniyatlarning ijrosi bo’yicha so‘z yuritildi

Shuningdek, Oʻzbekiston Respublikasi Prezidentining 2022-yil 7-iyuldagi “Avtotransport vositalarini boshqarishda va yoʻnalishsiz taksi faoliyatini amalga oshirishda qoʻshimcha qulayliklar yaratish toʻgʻrisida”gi PQ-311-son qarorining ijrosi yuzasidan Xorazm viloyatida amalga oshirilishi lozim bo‘lgan bir qator ishlarni jadallashtirish lozimligi ta’kidlandi.

Xorazm viloyati transport boshqarmasi Matbuot xizmati

Photos from Хоразм вилояти Транспорт бошқармаси's post 24/10/2022

Transport boshqarmasi tomonidan Gurlan tumanida o'rganish oʻtkazildi.

Xorazm viloyati transport boshqarmasi boshligʻi rahbarligida joriy yilning 24-oktabr kuni Gurlan tumanidagi yoʻlovchi tashish faoliyati bilan shugʻullanuvchi korxonalarning faoliyati hamda tuman hududidagi avtomobil yo'llarining holati bo'yicha o'rganish o'tkazildi.

O'rganish davomida, korxonalarning avtotransport vositalarini ishga chiqish oldi ko'rik ishlarida yo'l qo'yilayotgan kamchiliklar yuzasidan mas'ullarga ko'rsatmalar berildi.
Bundan tashqari, kelgusida yo'l qurish va ta'mirlash rejasiga taklif kiritish maqsadida tuman hududidagi avtomobil yoʻllarining holati ham o'rganildi.

O'rganishdan koʻzlangan maqsad, xavfsiz tashishlarni tashkil qilishdan iborat.

Xorazm viloyati transport boshqarmasi Matbuot xizmati

Videos (show all)

Президент Шавкат Мирзиёев: "Жалолиддин Мангуберди эл-юрт истиқлоли учун курашган, бунга ўз ҳаётини бағишлаган аждодларим...
Joriy yilning 5 avgust kunidan Urganch shahrida yo‘lovchilar uchun barcha shart-sharoitlar yaratilgan avtovokzal faoliya...
Toshkentda O‘zbekiston–Ozarbayjon–Turkiya muloqot formatining birinchi yig‘ilishi o‘z ishini boshladi.Tadbirda uch mamla...
Bugungi kunda Xorazm viloyati transport boshqarmasining avtomobil tashuvlarini nazorat qilish bo'limi inspektorlari va Y...
2022-yil 1-sentabrdan 2024-yil oxiriga qadar yo‘lovchilarni haydovchidan tashqari to‘rttadan ortiq bo‘lmagan o‘rindiqlar...
2022-yil 1-sentabrdan 2024-yil oxiriga qadar yo‘lovchilarni haydovchidan tashqari to‘rttadan ortiq bo‘lmagan o‘rindiqlar...
Azimut aviakompaniyasi tomonidan "Mineralniye Vodi-Urganch" yo'nalishi bo'yicha ilk parvoz amalga oshirildi.Xorazm viloy...
Президент Шавкат Мирзиёев "тонировка" бўйича енгиллик ҳақида: Ҳар бир ислоҳотимиз, таклиф ва ташаббусларимиз – энг аввал...
Президент Шавкат Мирзиёев "тонировка" бўйича енгиллик ҳақида: Ҳар бир ислоҳотимиз, таклиф ва ташаббусларимиз – энг аввал...
Ichan qalʼadagi tarixiy obidalarni ziyorat qilgan Shavkat Mirziyoyev hamda Ilhom Аliyev
Президент Шавкат Мирзиёев: "Бу кунларни бутун юраги, вужуди билан ота-боболаримиз ният қилган". Ўзбекистон ва Тожикистон...

Telephone