CLAMO Rasmiy

🔬 Laboratoriyani jihozlashdagi muhim talabni bilasizmi?

“Laboratoriya ishi” ixtisosligini yo‘lga qo‘ymoqchi bo‘lgan tibbiyot tashkilotlari laboratoriyani zarur jihozlar bilan ta’minlashi lozim.

❗️ Xususan, laboratoriyada havo so‘rib oluvchi javon mavjud bo‘lishi talab etiladi.

Chunki biologik namunalar bilan ishlashda noxush hidlar tarqalishining oldini olish, xodimlar va atrof-muhit xavfsizligini ta’minlash zarur.

📌 Havo so‘rib oluvchi javon:
– zararli bug‘larning tarqalishini cheklaydi;
– xavfsiz mehnat sharoitlarini yaratishga xizmat qiladi.

⚠️ Shuning uchun “Laboratoriya ishi” ixtisosligi bo‘yicha litsenziya olish uchun ariza topshirishdan oldin laboratoriyangizning jihozlanish holatini belgilangan talablarga muvofiq ekanligini tekshirib chiqing.

🎈 1 iyun – Xalqaro bolalarni himoya qilish kuni!

Tibbiyot tashkilotlarini litsenziyalash va akkreditatsiyalash markazi barcha bolajonlarni ushbu bayram bilan tabriklaydi.

Bolajonlar mehrga, e’tiborga va ezgulikka to‘la baxtli bolalik og‘ushida ulg‘aysin!

Aziz yurtdoshlar!

Sizlarni mehr-oqibat, saxovat va ezgulik ayyomi bo‘lgan muborak Qurbon hayiti bilan samimiy tabriklaymiz.

Ushbu saodatli kun har bir xonadonga tinchlik, fayzu baraka va xotirjamlik olib kirsin. Qalblarimizda mehr-muruvvat, insoniylik va bag‘rikenglik tuyg‘ulari yanada mustahkam bo‘lsin.

Yurtimizda hamjihatlik va osoyishtalik bardavom bo‘lib, ezgu amallar, insoniy qadriyatlar hayotimizning ajralmas qismiga aylansin.

Qurbon hayiti muborak bo‘lsin!

Tibbiyot tashkilotlarini litsenziyalash va akkreditatsiyalash markazi

❓ HAMSHIRA O‘ZINI O‘ZI BAND QILGAN HOLDA SHIFOKOR KO‘RSATMASI ASOSIDA MUOLAJA XIZMATLARINI KO‘RSATISHI MUMKINMI, BUNING UCHUN LITSENZIYA TALAB ETILADIMI?

– Hamshira shifokor tavsiyasi (retsepti) asosida muolaja xizmatlarini ko‘rsatmoqchi bo‘lsa, u holda faoliyatni “o‘zini o‘zi band qilgan mustaqil hamshira” sifatida yo‘lga qo‘yish mumkin. Bunda:

– hamshiralik yo‘nalishi bo‘yicha tibbiy ma’lumoti bo‘lishi;
– diplom yoki malaka sertifikatlari mavjud bo‘lishi;
– soliq tizimida o‘zini o‘zi band qilgan shaxs sifatida ro‘yxatdan o‘tishi;
– Sog‘liqni saqlash vazirligining axborot tizimida “mustaqil hamshira” sifatida ro‘yxatdan o‘tishi;
– faoliyat davomida shifokor tavsiyasi asosidagi muolajalarni qayd etib borishi talab etiladi.

Agar alohida tibbiy punkt ochib, faoliyat kengroq tibbiy xizmat shaklida tashkil qilinsa, u holda litsenziya olish talab etiladi.

❓ BILASIZMI?

🧠 Bosh miyada og‘riqni sezuvchi nervlar deyarli mavjud emas.

📌 Shu sababli ayrim miya operatsiyalari bemor hushyor holatda amalga oshirilishi mumkin.

Xususan, miya o‘smalari yoki nutq va harakat bilan bog‘liq muhim hududlarda o‘tkaziladigan ayrim neyroxirurgik amaliyotlar vaqtida bemor shifokorlar bilan gaplashishi yoki oddiy harakatlarni bajarishi mumkin.

Bu usul shifokorlarga miya faoliyatini real vaqt rejimida nazorat qilish hamda muhim funksiyalarga zarar yetkazmaslikka yordam beradi.

⚠️ Biroq bosh terisi, bosh suyagi va miya pardalari og‘riqni sezadi. Shu sababli operatsiya boshida bemorga anesteziya qo‘llaniladi.

❗️Tibbiy xizmatlar ko‘rsatishda sog‘lom raqobat muhiti shakllantiriladi!

🇺🇿O‘zbekiston Respublikasi Prezidentining “Tibbiyot sohasida xususiy sektorni qo‘shimcha qo‘llab-quvvatlash chora-tadbirlari to‘g‘risida”gi 05.05.2026dagi PF-74 Farmoniga muvofiq:

📆 2026-yil 1-iyuldan boshlab:

✅Tibbiyot tashkilotlari tomonidan tibbiy faoliyat uchun litsenziya talablari va shartlari buzilgan taqdirda, litsenziyaning amal qilishini faqat bunday buzilishlarga yo‘l qo‘yilgan tibbiy ixtisoslik turi qismida to‘xtatib turish amaliyoti yo‘lga qo‘yiladi.

📍 Hududlarda aholiga ko‘rsatilayotgan tibbiy xizmatlar sifati, zamonaviy yondashuvlar va klinikalarda yaratilayotgan sharoitlar bilan tanishtirishda davom etamiz.

Navbatdagi lavhamiz Namangan shahrida faoliyat yuritayotgan "Doctor A " nodavlat tibbiyiot muassasi haqida.

✅ Mazkur ko‘p tarmoqli klinikada diagnostika va davolashning zamonaviy usullari yo‘lga qo‘yilgan bo‘lib, MRT, U*I, laborator tahlillar hamda endoskopik tekshiruvlar kabi xizmatlar aholiga taqdim etilmoqda.

✅ Klinikada turli yo‘nalishlarda malakali mutaxassislar faoliyat yuritib, bemorlarga kompleks yondashuv asosida tibbiy xizmat ko‘rsatilmoqda.

❓ XUSUSIY KLINIKAGA XORIJDAN SHIFOKOR JALB QILISH UCHUN TIBBIYOT TASHKILOTLARINI LITSENZIYALASH VA AKKREDITATSIYALASH MARKAZIGA QANDAY TARTIBDA MUROJAAT QILISH VA QANDAY HUJJATLAR TAQDIM ETISH KERAK?

– Ushbu masala yuzasidan Tibbiyot tashkilotlarini litsenziyalash va akkreditatsiyalash markazining elektron pochtasi [email protected] manziliga murojaat xati yuborish lozim.

Murojaatda shifokorlar jalb etilayotgan davlat va tibbiyot muassasasi ko‘rsatilishi kerak.

Shuningdek, xorijlik shifokorning:
– pasporti (nusxasi va notarial tarjimasi)
– fotosurati
– tibbiy ta’lim diplomi
– sertifikatlari / mutaxassisligi (ordinatura, kurslar va h.k.)
– ish tajribasini tasdiqlovchi hujjatlar (CV, tavsiyanomalar) ilova qilinadi.

Taqdim etilgan hujjatlar Markaz tomonidan belgilangan tartibda ko‘rib chiqiladi va tegishli xulosa taqdim etiladi.

Tibbiyot tashkilotlarini litsenziyalash va akkreditatsiyalash markazi vakillari Qoraqalpog‘iston ilmiy-amaliy tibbiyot akademiyasida bo‘ldi.

➖ Tashrif davomida tibbiyot sohasida qabul qilingan yangi me’yoriy hujjatlar mazmun-mohiyatiga bag‘ishlangan seminar-trening tashkil etildi. Unda litsenziyalash va akkreditatsiyalash jarayonlaridagi yangiliklar, amaldagi talablar hamda sohada olib borilayotgan islohotlar haqida batafsil ma’lumot berildi.

🤝 Shuningdek, tadbir doirasida Tibbiyot tashkilotlarini litsenziyalash va akkreditatsiyalash markazi hamda Qoraqalpog‘iston ilmiy-amaliy tibbiyot akademiyasi o‘rtasida o‘zaro hamkorlik memorandumi imzolandi.