Professional ta’limni rivojlantirish instituti

Germaniyaning Leypsig kasbiy ta’lim va malaka oshirish markazi bilan hamkorlik

2023-yilning 8-iyul kuni Oliy ta’lim, fan va innovatsiyalar vazirligi, Pedagogik innovatsiyalar, professional ta’lim boshqaruv hamda pedagog kadrlarni qayta tayyorlash va ularning malakasini oshirish instituti mas’ul xodimlari va О‘zbekistonga tashrif buyurgan Germaniyaning Leypsig kasbiy ta’lim va malaka oshirish markazi direktori Yorg Xnizdo boshchiligidagi delegatsiya ishtirokida uchrashuv tashkil etildi.

Unda О‘zbekistonning pilot professional ta’lim muassasalari sifatida taklif etilgan ta’lim muassasalarining xolatini о‘rganish natijalari, ularda hamkorlikni tashkil etishning istiqbollari va imkoniyatlari, xususan, Germaniyaning xalqaro tan olingan dual ta’lim tizimi ta’lim dasturlarini joriy etish, Leypsig kasbiy ta’lim va malaka oshirish markazida professional ta’lim muassasalari pedagog kadrlari va ishlab chiqarish ta’limi ustalarining malakasini oshirish, malaka oshirish kurslarini tamomlagan pedagog kadrlar, pilot ta’lim muassasalari bitiruvchilari va turli kasblarga ega fuqarolarni Leypsig Savdo-sanoat palatasi talablari asosida sertifikatlash masalalari istiqbollari muhokama qilindi.

Sertifikat olganlarni ichki va xorijiy mehnat bozorlarida о‘z ish о‘rinlarini egallashlariga asos yaratuvchi Pilot loyiha va uning bajarilishi bо‘yicha Yо‘l xaritasi tahlil qilinib, unga xamkorlikning samarasini yanada oshirishga yо‘naltirilgan tegishli о‘zgartirishlar kiritildi.

Toʻqimachilikdagi kasblar uchun yangi taʼlim dasturlari taqdim etildi
Oʻzbekistonda dual taʼlim va kadrlar tayyorlashga moʻljallangan kasbiy taʼlim dasturlari ilk bora namoyish qilindi.

world-news
2023-yil 4-iyul kuni Toshkent shahrida “Oʻzbekiston kasb-hunar taʼlimi tizimidagi islohotlar va modernizatsiya jarayonlarini qoʻllab-quvvatlash” loyihasi doirasida toʻqimachilik sanoatining 6 yoʻnalishi uchun kasbiy standartlar asosida ishlab chiqilgan asosiy kasbiy taʼlim dasturlarining taqdimoti boʻlib oʻtdi. Taʼkidlash lozim, Oʻzbekistonda dual taʼlim va kadrlar tayyorlashga moʻljallangan kasbiy taʼlim dasturlari ilk bora taqdim etilmoqda.

Gopa konsalting kompaniyasi tomonidan amalga oshirilayotgan GIZ loyihasining tarkibiy qismlari oʻtgan yilning iyul oyida boshlangan boʻlib, dastavval, birinchi komponent mutaxassislari tomonidan toʻqimachilik sanoatida mehnat bozorida talabgir boʻlgan 6 ta kasb uchun 3—4 malaka darajasi boʻyicha professional standartlar ishlab chiqildi.

Bu kasblar quyidagilar: tikuvchi, ip yigiruvchi, tikuvchilikda andozalar tayyorlovchi, elektron texnika asboblarini sozlovchi, toʻqimachilik korxonalari qurilmalari montajchisi, toʻqimachilik sohasida texnik-texnolog.

Tadbirda Oliy taʼlim, fan va innovatsiyalar vazirligi, Pedagogik innovatsiyalar instituti, “Oʻztoʻqimachiliksanoat” uyushmasi, toʻqimachilik korxonalarining kasbiy malaka boʻyicha tarmoq kengashlari, ish beruvchi korxonalar vakillari, ekspertlar va boshqa mahalliy muassasalar mutaxassislari ishtirok etishdi.

Ishlab chiqilgan asosiy kasbiy taʼlim dasturlari mualliflari Toshkent toʻqimachilik va yengil sanoat instituti dotsentlari va Pedagogik innovatsiyalar instituti metodistlaridir.

Maʼlumot uchun, loyihaning ushbu komponentlari kasb-hunar taʼlimi va taʼlim tizimini modernizatsiya qilish orqali toʻqimachilik sanoatini Oʻzbekiston iqtisodiyotining eng dinamik tarmoqlaridan biriga aylantirishni qoʻllab-quvvatlashga qaratilgan.

Loyiha, shuningdek, toʻqimachilik sanoatida yosh mutaxassislarni oʻqitish va shu orqali yosh mutaxassislarni ish bilan taʼminlash va ularning kelgusi yillarda barqaror daromad olishiga hissa qoʻshadi.
https://effect.uz/uz/3473

Professional ta'limda Germaniya tajribasi

Professional ta’Iim tizimini rivojlantirishda xorijiy hamkorlikni kuchaytirish borasida Oliy taʼlim, fan va innovatsiyalar vazirligining professional ta'limni o'quv me'yoriy va metodik muvofiqlashtirish boshqarmasi boshlig'i va Germaniyaning Leypsig kasbga o’qtish va malaka oshirish markazi “ZAW Leipzig Gmbh” o’rtasida hamkorlik ishlarini rivojlantirish maqsadida Navoiy shahar kasb-hunar maktabiga tashrif buyurdi.

Tashrif davomida Oliy taʼlim, fan va innovatsiyalar vazirligining professional ta'limni o'quv me'yoriy va metodik muvofiqlashtirish boshqarmasi boshlig'i O'tkir Alijonov, hududiy boshqarma hamda kasb-hunar maktabi mas’ul xodimlari ishtirokida ta’lim muassasada yaratilgan imkoniyatlarni o’rganib, ta'lim muassasada olib borilayotgan ishlar, qabul jarayonlari, kasb-hunar maktabida kelgusidagi istiqbolli rejalari va loyihalari borasida kelishib olindi.

GIZ “O‘zbekistonda kasb-hunar ta’limi tizimidagi islohotlar va modernizatsiya jarayonlarini qo‘llab-quvvatlash” loyihasi taqdimoti bo‘lib o‘tdi
2023-yil 4-iyul kuni Toshkent shahrida loyiha doirasida to‘qimachilik sanoatining 6 ta kasbi uchun ikkinchi komponent bo‘yicha kasbiy standartlar asosida ishlab chiqilgan asosiy kasbiy ta’lim dasturlarining taqdimoti bo‘lib o‘tdi.

Shuni qayd etish joizki, Oʻzbekistonda dual taʼlim va kadrlar tayyorlashga moʻljallangan kasbiy taʼlim dasturlari ilk bora taqdim etilmoqda.

2023-yilning 3-iyul kuni Oʻzbekiston Respublikasi Oliy taʼlim, fan va innovatsiyalar vaziri I. Abdurahmonov hamda Germaniyaning Leypsig dual taʼlim va malaka oshirish markazi direktori Hnizdo Yorg boshchiligidagi delegatsiya ishtirokida uchrashuv tashkil etildi.

Unda professional taʼlim sohasidagi hamkorlikni tashkil etishning istiqbollari va imkoniyatlari, xususan, Germaniyaning dual taʼlim tizimini O‘zbekistonga joriy etish, taʼlim dasturlarini ishlab chiqish, professional taʼlim muassasalari pedagog xodimlari va ishlab chiqarish taʼlimi ustalari malakasini oshirish, shuningdek, taʼlim muassasalari bitiruvchilari va malaka oshirish kurslarini tamomlagan pedagog xodimlarni Leypsig Savdo-sanoat palatasi talablari asosida sertifikatlash masalalari muhokama qilindi.

To’qimachilik sohasi kasblari uchun asosiy kasbiy ta’lim dasturlari muhokamasi bo‘lib o‘tdi

Joriy yilning 26-27-iyun kunlari Toshkentda professional standartlar asosida ishlab chiqilgan to’qimachilik sohasining 6 kasbi uchun asosiy kasbiy ta’lim dasturlarini taqdimoti bo’lib o’tdi.

Mualliflar jamoasi ip yigiruvchi, tikuvchi, andozalar tayyorlovchi, texnik-texnolog, montajchi, elektron texnika asboblarini sozlovchi kasblari uchun tayyorlangan asosiy kasbiy ta’lim dasturlarini mutaxassislar bilan birgalikda muhokama qilishdi.

Pedagogik innovatsiyalar institutida tinglovchilar o‘rtasida "ZAKOVAT" intellektual o‘yini tashkil etildi

Pedagogik innovatsiyalar institutida 2023-yil 23-iyun kuni professional ta’lim boshqaruv hamda pedagog kadrlarining iyun oyi malaka oshirish tinglovchilari o‘rtasida "ZAKOVAT" intellektual o‘yini bo‘lib o‘tdi.

YUNESKOning Yevropa Ittifoqi tomonidan moliyalashtirilgan “O‘zbekistonning qishloq joylarida ishga joylashish ko‘nikmalarini rivojlantirish” loyihasi doirasida Qishloq xo‘jaligi va Irrigatsiya kvalifikasiylari bo‘yicha o‘quv dasturlarini ishlab chiqish bo‘yicha ikkinchi seminar o‘z ishini davom ettirmoqda.

Trening qatnashchilari xalqaro va milliy ekspertlar ko‘magida qishloq va suv xo‘jaligi sohalari uchun kompetensiyaga asoslangan o‘quv materiallarini ishlab chiqishmoqda.

2023-yil 22-iyun, seminarning uchinchi kunidan fotolavhalar.

Pedagogik innovatsiyalar, professional ta’lim boshqaruvi hamda pedagog kadrlarni qayta tayyorlash va ularning malakasini oshirish instituti direktori, professor Zayniddin Xudoyberdiyevning "Необходимость повышения квалификации определяет перспективу профессионального образования" (https://yuz.uz/file/newspaper/973e64183a14ee5cee46584625108384.pdf) mavzusidagi maqolasi "Правда Востока" gazetasida chop etildi.

Markaziy Osiyo va Yevropa Ittifoqi mamlakatlari o‘rtasida hamkorlik

19-21-iyun kunlari Olmaota shahrida bo‘lib o‘tayotgan Markaziy Osiyo va Yevropa Ittifoqi mamlakatlarida ta’limning turli shakllarini tan olish, tasdiqlash sohasidagi so‘ngi ishlanmalar, ustuvorliklar va joriy etish bo‘yicha seminarda Oliy ta’lim, fan va innovatsiyalar vazirligi vakillari ham ishtirok etmoqda.

DARYA loyihasining asosiy maqsadi – mintaqada ta’lim berish va bandlikni ta’minlash tizimlarining sifati va inklyuzivligini rivojlantirish orqali Markaziy Osiyoda COVID-19 pandemiyasidan keyin ushbu sohalarni tiklanishga ko‘maklashishdan iborat.

2023-yil 15-17-iyun kunlari Pedagogik innovatsiyalar institut xodimlari “Kattalar ta’limida rejalashtirish, tashkil etish va baholash” trening dasturida ishtirok etishmoqda

О‘qitish yakunida trening ishtirokchilar Kattalar ta’limi sohasida rejalashtirish, tashkil etish va baholash tamoyillari, ta’lim tadbirlarini rejalashtirish va tashkil etish bosqichlari, oldingi modullar kompetensiyalarining ta’lim jarayonini rejalashtirish jarayoni bilan о‘zaro bog‘liqligi tо‘g‘risida bilimlarga ega bо‘ladi.

О‘qitishning belgilangan maqsad va vazifalariga muvofiq о‘quv dasturlarini ishlab chiqish va mashg‘ulotlarni rejalashtirishda ta’lim oluvchilarning ehtiyojlarini aniqlash, mustaqil ta’limni rejalashtirish va tashkil etish xususiyatlarini bilish, kattalarni о‘qitish jarayonini rejalashtirishning amaliy kо‘nikmalarini rivojlantirish zaruratini tushunadi.

Mustaqil ravishda о‘qitishning maqsadlari va vazifalarini belgilash, ta’lim jarayonini rejalashtirishning usullari va vositalarini qо‘llash, ta’lim natijalarini baholash mezonlarini shakllantirish va ularni amaliyotga tadbiq etish, kattalarni о‘qitishga zamonaviy yondashuvlar asosida maqsadli guruhning xususiyatlarini inobatga olgan holda o‘quv dastur va rejalarni ishlab chiqish kabi amaliy kо‘nikmalariga ega bо‘ladilar.

Professional ta’limni rivojlantirish yо‘lida

Pedagogik innovatsiyalar instituti va Belarus Respublikasining Professional ta’lim respublika instituti о‘rtasida 2020-yil noyabr oyida professional ta’lim sohasida hamkorlik tо‘g‘risida Kelishuv imzolangan.
2023-yil 13-iyun kuni Pedagogik innovatsiyalar institutida Professional ta’lim respublika instituti rektori V.N.Golubovskiy boshchiligidagi (PTRI) vakillari bilan bо‘lib о‘tgan uchrashuvda Kelishuv ijrosi bо‘yicha qabul qilingan 2021-2023 yillarga mо‘ljallangan chora-tadbirlar rejasi hamda “Energiya tejaydigan texnologiyalarni joriy etish sharoitida qurilish sohasini malakali kadrlar bilan ta’minlash mexanizmi sifatida professional ta’limning ijtimoiy sherikligining nazariy va metodologik asoslarini ishlab chiqish” qо‘shma belorus-о‘zbek loyihasining ijrosi muhokama etildi.
Uchrashuv davomida erishilgan Kelishuv doirasida professional ta’lim tizimini rivojlantirish, О‘zbekistonda muqobil energiya manbalaridan foydalanishni kengaytirish, muqobil energiya manbalariga xizmat kо‘rsatish va ta’mirlash, jumladan shu sohada kadrlar tayyorlash bо‘yicha hamkorlikni amalga oshirishni ta’minlovchi 2023-2025 yillarga mо‘ljallangan chora-tadbirlar rejasi imzolandi.

“Insonga e’tibor va sifatli ta’lim” yilida о‘quv-uslubiy seminar

Joriy yilning 26-may kuni Samarqand davlat veterinariya meditsinasi, chorvachilik va biotexnologiyalar universitetida “Insonga e’tibor va sifatli ta’lim” yilida yangi 2023/2024-о‘quv yiliga tayyorgarlik bо‘yicha “Veterinariya va chorvachilik sohalarida kadrlar tayyorlashda oliy ta’lim va texnikumlar uchun о‘quv dasturlarini takomillashtirish hamda ta’lim sifatini oshirishning asosiy tamoyillari” mavzusida respublika о‘quv-uslubiy seminar bо‘lib о‘tdi.
Seminarda Oliy ta’lim, fan va innovatsiyalar vazirligi, Qishloq xо‘jaligi vazirligi, Veterinariya va chorvachilikni rivojlantirish qо‘mitasi, mazkur yо‘nalish bо‘yicha mutaxassisis kadrlar tayyorlaydigan professional ta’lim muassasalari rahbar va pedagoglari, shuningdek, Pedagogik innovatsiyalar instituti bosh mutaxassisi B.Raxmatov ham ishtirok etdi.
Xususan, mutaxassis kadrlar tayyorlash sifatini oshirish, xorij tajribalarni о‘rganish va tatbiq etish, amaldagi ta’lim dasturlarini takomillashtirish, ishlab chiqarish sohalari uchun sifatli kadrlar tayyorlash bilan bir qatorda texnikum bitiruvchilarini mos yо‘nalishlari bо‘yicha oliy ta’lim muassasalarining ikkinchi kursiga qabul qilishda integrallashgan ta’lim dasturlarini joriy etish, texnikumlarni zamonaviy о‘quv-laboratoriya jihozlari bilan ta’minlash, pedagoglar malakasini va ilmiy salohiyatini oshirish kabi bir qator dolzarb masalallar keng muhokama qilindi.
Seminar yakunida ishtirokchilar universitetning zamonaviy texika va texnologiyalari bilan jihozlangan о‘quv-laboratoriya xonalari bilan tanishishdi.

Pedagogik innovatsiyalar institutida muloqot darsi о‘tkazildi
Pedagogik innovatsiyalar institutida joriy yilning 27-may kuni Oliy ta’lim, fan va innovatsiyalar vazirligining professional ta’limga mas’ul rahbarlari ishtirokida bugungi k***a tinglovchilarni faoliyatiga oid qiynab kelayotgan muammolari va ularning yechimlariga bag‘ishlangan muloqot darsi о‘tkazildi.
Tinglovchilar tomonidan ta’lim jarayonini tashkil etish, meyoriy hujjatlar, qabul jarayonlarini tashkil etish, moddiy texnik baza va boshqa yо‘nalishlar bо‘yicha о‘zlarini qiziqtirgan savollarni berishdi va ularga mas’ullar tomonidan javoblarni olishdi.

О‘qitish materiallar tо‘plamlari bо‘yicha uslubiy seminar tashkil etildi

2023-yil 26-may kuni Pedagogik innovatsiyalar, professional ta’lim boshqaruv hamda pedagog kadrlarni qayta tayyorlash va ularni malakasini oshirish instituti bosh mutaxassisi О‘.Farmonova tomonidan Toshkent viloyati Chinoz tuman 1-son kasb-hunar maktabining rahbar va pedagog xodimlari uchun “Umumkasbiy, maxsus fanlar va о‘quv amaliyotlarining о‘qitish materiallari tо‘plamlarini ishlab chiqish metodikasi” mavzusida uslubiy seminar tashkil etildi.

Seminarda professional ta’lim dasturlari bо‘yicha amalga oshirilayotgan ishlar hamda Oliy va о‘rta maxsus ta’lim vazirligining 2020-yil 4-sentabrdagi “Professional ta’lim muassasalari uchun о‘qitish materiallari tо‘plamlarini yaratishni tashkil etish tо‘g‘risida”gi 465-son buyrug‘iga asosan bugungi k***a professional ta’lim muassasalari о‘qituvchilari va ishlab chiqarish ta’limi ustalari tomonidan yaratilayotgan о‘qitish materiallari tо‘plami (О‘MT) tо‘g‘risida kerakli ma’lumotlar berib о‘tildi.

О‘quvchilarga yetarli bilim, kо‘nikma va malakalarni berish uchun О‘MTning naqadar muhimligi va uni ommalashtirishda sifat va mazmunga e’tibor qaratish lozimligi alohida ta’kidlab о‘tildi va bu borada tegishli amaliy yordam kо‘rsatildi.

Seminar sо‘ngida ta’lim dasturlari va О‘MTlarini yaratish bо‘yicha turli taklif va mulohazalar bildirildi.

Yunesko eksperti ishtirokida master klass tashkil etildi
Bugungi k***a professional ta’limni rivojlantirishda xorijiy ta’lim muassasalari bilan hamkorlikni rivojlantirish, zamonaviy innovatsion о‘quv loyihalarini birgalikda amalga oshirish uchun malakali xorijiy mutaxassislarni jalb etish vazifalari belgilab berilgan.
Pedagogik innovatsiyalar institutida joriy yilning 26 may kuni Yevropa ta’lim jamg‘armasining malaka tizimlari bо‘yicha katta mutaxassisi, Yunesko eksperti, hozirgi k***a О‘zbekistonda Milliy professional ta’limni 2030 yilgacha rivojlantirish strategiyasini ishlab chiqish bо‘yicha ish olib borayotgan Jan Mark Kastejon ishtirokida Institut professor-о‘qituvchilari va tinglovchilar uchun seminar tashkil etildi.
Jan Mark Kastejon Xindiston, Suriya, Iordaniya, Misr, Tunis, Marokash, Fransiya, Ispaniya, Italiya va boshqa bir qator davlatlarning milliy malaka darajalarini, Davlat ta’lim standartlarini holatini о‘rganish hamda yangi loyihalarni ishlab chiqishda ishtirok etganligi asosida tо‘plangan tajribalari hamda Milliy malaka talablari qanday ishlab chiqilishi bо‘yicha ma’ruza qildi. Ushbu islohotni amalga oshirishning aniq muddatlari va asosiy manfaatdor tomonlarning vazifalari nimalardan iborat ekanligi tо‘g‘risidagi dolzarb masalalar bо‘yicha ma’lumotlar berdi.
Tinglovchilar о‘zlarini qiziqtirgan savollarga javoblar olishdi.

Pedagogik innovatsiyalar, professional ta’lim boshqaruv hamda pedagog kadrlarni qayta tayyorlash va ularning malakasini oshirish instituti va Rossiya Federatsiyasi Professional ta’limni rivojlantirish instituti (PTRI) bilan 2023-yilning 21-may yakuni “Milliy malaka tizimlari, malakalarni baholash markazlarini tashkil etish: muammo va yechimlar” mavzusida seminar-trening bo‘lib o‘tdi.

Seminar-treningda O‘zbekiston va Rossiya Federatsiyasi Milliy malaka tizimlari, Tarmoq kengashlari faoliyati, kengashlar huzuridagi Malakani baholash markazlari faoliyatlari qiyosiy tahlili o‘tkazildi, mavjud muammolar va ular yechimi yuzasidan tomonlar fikrlari esh*tildi. Kelgusida o‘zaro hamkorlik doirasida professional ta’lim tizimini metodik ta’minlash, ta’lim mazmuni va sifatini oshrish bo‘yicha ilmiy-amaliy tadbirlar o‘tkazish kelishib olindi.

Pedagogik innovatsiyalar institutida xalqaro uchrashuv

2023-yilning 22-may kuni “О‘zbekistonda professional ta’lim tizimini isloh qilish va modernizatsiyalash jarayonini qо‘llab-quvvatlash” loyihasi doirasida Germaniya xalqaro hamkorlik jamiyati (GIZ)ning TexVET (texnika yо‘nalishidagi professional ta’lim) akademiyasi bilan Pedagogik innovatsiyalar institutida uchrashuv tashkil etildi.

Ushbu uchrashuvda Pedagogik innovatsiyalar instituti direktori Z.Xudayberdiyev boshchiligida institut vakillari hamda akademiyaning bosh mutaxassislari Detlev Yan va Martina Myulerlar ishtirok etishdi. Muloqot davomida dual ta’lim shakli doirasida professor-о‘qituvchilarning hamda xodimlarning malakasini oshirish, inson kapitalini rivojlantirish, о‘quv-me’yoriy hujjatlarni ishlab chiqishdagi hamkorlik kabi masalalar muhokama qilindi.

Ilmiy tadqiqot loyihalari uchun davlat buyurtmasini shakllantirish (loyiha tematik mavzularini ishlab chiqish)

Pedagogik innavatsiyalar, professional ta’lim boshqaruv hamda pedagog kadrlarni qayta tayyorlash va ularning malakasini oshirish institutida 2023 yil 19 may kuni institut professor-о‘qituvchilari, boshqarma va bо‘lim boshliqlari, doktorantlar va ilmiy tadqiqotchilar uchun “Ilmiy tadqiqot loyihalari uchun davlat buyurtmasini shakllantirish (loyiha tematik mavzularini ishlab chiqish)” mavzusida seminar-trening tashkil etildi.
Seminar-treningda ilmiy faoliyatga oid davlat dasturlari doirasida ilmiy tadqiqot loyihalarini olib borish yо‘nalishlari, ilmiy tadqiqot loyihalari uchun davlat buyurtmalarini shakllantirish metodikasi, ilmiy loyihalarni grant asosida moliyalashtirishning yangi mexanizmi va qiyosiy tahlili tematik mavzularni Innovatsion rivojlanish agentligiga taqdim qilish bо‘yicha belgilangan talablarga doir ma’lumotlar va tavsiyalar berildi.
Seminar-trening sо‘ngida ishtirokchilar bilan professional ta’lim tizimini rivojlantirish bо‘yicha ilmiy tadqiqot loyihalarini amalga oshirish bо‘yicha aniq kо‘rsatma va tavsiyalar berib о‘tildi.

Xalqaro hamkorlik

Koreya texnik universitetining (Tech University of Korea) taklifiga muvofiq О‘zbekiston Respublikasi Oliy ta’lim, fan va innovatsiyalar vazirligi va vazirlik huzuridagi Pedagogik innovatsiyalar, professional ta’lim boshqaruv hamda pedagog kadrlarni qayta tayyorlash va ularning malakasini oshirish instituti delegatsiyasi tajriba almashish hamda “Global raqamlashtirish transformatsiyasi” mavzusida xalqaro seminarda ishtirok etish uchun Koreya Respublikasiga tashrif buyurdi.

Tashrif davomida 2023-yil 19-may kuni Koreya texnik universitetida Pedagogik innovatsiyalar instituti va Koreya texnik universiteti hamda uning Axborot-kommunikatsiya texnologiyalari konvergensiyasi tadqiqot markazi (ICT Intelligence Convergence Research Center (IICRC) Tech University of Korea, Republic of Korea) vakillari orasida о‘zaro uchrashuv bо‘lib о‘tdi.

Uchrashuvda Pedagogik innovatsiyalar instituti direktori Z.Xudayberdiyev va Axborot-kommunikatsiya texnologiyalari konvergensiyasi tadqiqot markazi direktori janob You Suk Bae tomonidan О‘zbekiston Respublikasi va Koreya Respublikasi о‘rtasida professional ta’limni rivojlantirishda hamkorlik masalalari muhokama etildi.

Shu kuni Pedagogik innovatsiyalar instituti hamda Koreya texnik universitetining Axborot-kommunikatsiya texnologiyalari konvergensiyasi tadqiqot markazi о‘rtasida о‘zaro hamkorlik Memorandumi imzolandi.

Tomonlar ta’lim, ilm-fan, texnologiyalar va innovatsiyalarni rivojlantirish borasida о‘zaro anglashuvga erishdilar, ushbu sohalarda hamkorlikni kengaytirish, ikki tomonlama manfaatli tadqiqotlar yо‘nalishlariga aniqlik kiritish, laboratoriyalar va tadqiqot markazlarini yaratish va rivojlantirish, professional ta’limni raqamlashtirish, AKT sohasida kadrlar tayyorlash bо‘yicha tegishli tajribalarni almashish masalalarini muhokama qildilar.

Pedagogik yuklamalarini soddalashtirish va hisobot shakllarini kamaytirish bo‘yicha seminar o‘tkazildi
2023-yilning 15-may kuni Pedagogik innovatsiyalar institutitutida professional ta’lim muassasalarida faoliyat yuritayotgan pedagog kadrlar “Pedagogik yuklamalarini soddalashtirish va hisobot shakllarini kamaytirish” yuzasidan loyiha hujjatlarining muhokamasi o‘tkazildi.
Seminarda Oliy ta’lim, fan va innovatsiyalar vazirligi mutaxassisi, Pedagogik innovatsiyalar instituti mutaxassislari, professsional ta’lim tizimida faoliyat yuritayotgan rahbar-xodimlar ishtirok etishdi.
Seminardan kо‘zlangan asosiy maqsad, pedagogik yuklamalarini soddalashtirish, hisobot shakllarini kamaytirish orqali ta’lim sifatini oshirish, pedagoglarni kо‘proq о‘z ustida ishlashi uchun xizmat qiladigan hujjatni shakllantirishdan iborat.

Professional ta’lim tizimini boshqarish asoslari va sifatni ta’minlash mexanizmlari hamda Professional ta’lim tizimida xususiy sektorni roli

2023-yilning 11-may kuni Pedagogik innovatsiyalar institutiga Shveytsariya Federal Texnologiya Universiteti (ETH Zurich) Ta’lim tizimi kafedrasi mudiri, professional ta’lim bo‘yicha ekspert, professor Ursula Renold va “Helvetas Swiss Intercooperation” kompaniyasining O‘zbekiston Respublikasidagi filialining “O‘zbekistonda kasb-hunar ta’limi sohasida islohotlarni qo‘llab-quvvatlash” loyiha rahbari Gabriyela Damian-Timoshenkolar tashrif buyurishdi. Tashrifi davomida “Professional ta’lim tizimini boshqarish asoslari va sifatni ta’minlash mexanizmlari hamda Professional ta’lim tizimida xususiy sektorni roli” mavzusida seminar tashkil etildi. Unda Pedagogik innovatsiyalar instituti mutaxassislari, ilmiy izlanuvchilari, professional ta’lim muassasalari rahbar va pedagoglari qatnashishdi.

Seminarda professor Ursula Renold professional ta’lim tizimini boshqarish va sifatni ta’minlash mexanizmlari bo‘yicha amalga oshirilishi lozim bo‘lgan ishlar yuzasidan maslahatlar berdi hamda Yevropada bu borada amalaga oshirilgan ishlar bilan o‘rtoqlashdi. Seminarda ishtirokchilar о‘zlarini qiziqtirgan savollarga javob oldilar.

Tashrif Helvetas Intercoorperation kompaniyasining O‘zbekistondagi filiali Shveytsariya elchixonasi tomonidan amalga oshirilayoitgan “O‘zbekistonda kasb-hunar ta’limi islohotlarini qo‘llab-quvvatlash” (VET4UZ) loyihasi ko‘magida amalga oshirildi.

Oliy ta’lim, fan va innovatsiyalar vazirligi, Yevropa Ittifoqi va YuNESKOning O‘zbekistondagi vakolatxonasi bilan hamkorlikda “O‘zbekiston professional ta’lim tizimida sifatni ta’minlash va kasbiy ko‘nikmalarni rivojlantirish” mavzusida xalqaro konferensiya tashkil etildi

Unda 20 dan ortiq vazirlik va idoralar, ta’lim sifati sohasidagi xalqaro tashkilot va loyihalarning vakillari hamda ekspertlar ishtirok etdi.

Xalqaro anjumanda EQAVETni professional ta’lim tizimiga joriy etish imkoniyatlari, bu yo‘nalishda amalga oshirilishi kerak bo‘lgan ustuvor vazifalar hamda ilg‘or xorijiy tajribalar bo‘yicha xalqaro va mahalliy ekspertlar taqdimotlari o‘tkazildi.

О‘zbekiston professional ta’lim muassasalarida Rossiya Federatsiyasining “KAMAZ” kompaniyasi uchun о‘rta bо‘g‘in kadrlar tayyorlashni yо‘lga qо‘yishni tashkil etish bо‘yicha uchrashuv bo‘lib o‘tdi

2023-yilning 4-may kuni Pedagogik innovatsiyalar institutida Rossiya Federatsiyasining “KAMAZ” kompaniyasi vakillari bilan О‘zbekiston professional ta’lim muassasalarida Rossiya Federatsiyasining “KAMAZ” kompaniyasi uchun о‘rta bо‘g‘in kadrlar tayyorlashni yо‘lga qо‘yishni tashkil etish bо‘yicha uchrashuv bo‘lib o‘tdi.

Uchrashuv maqsadi О‘zbekiston professional ta’lim tizimida о‘rta bо‘g‘in kadrlar tayyorlashda Oliy ta’lim, fan va innovatsiyalar vazirligi hamda Rossiya Federatsiyasining “KAMAZ” kompaniyasining о‘zaro hamkorlik aloqalarini yо‘lga qо‘yish va bitiruvchilar bandligini ta’minlashdir.

Pedagogik innovatsiyalar institutida Germaniya xalqaro hamkorlik jamiyati (GIZ) bilan hamkorlika trening o'tkazildi

Pedagogik innovatsiyalar institutida Germaniya xalqaro hamkorlik jamiyati (GIZ)ning “O‘zbekiston kasb-hunar ta’limi tizimida islohot va modernizatsiya jarayonini qo‘llab-quvvatlash” loyihasi doirasida jalb qilingan Germaniyalik xalqaro ekspert Yoaxim Lents tomonidan o‘tkazilgan Yashil iqtisodiyot, to‘qimachilik sektoridagi barqarorlik, shuningdek, gender va inklyuziya mavzulari bo’yicha ikki kunlik (2023-yil 2-3-may) trening Respublika hududlaridagi loyihaning 16 hamkor professional ta’lim muassasalarining o’qituvchilari uchun tashkil etildi.

➖Treningning birinchi kuni barqarorlik kontseptsiyasi tarixi, suvni barqaror boshqarish, shuningdek, to'qimachilik sohasida standartlar va sertifikatlashtirish bo'yicha texnik ma'lumotlarga bag'ishlandi.

➖Ikkinchi kuni professional ta’limi muassasalarida yashil mavzularni tez orada o‘qitishga integratsiya qilish maqsadida loyiha g‘oyalari va metodologiyalari bo‘yicha guruhlarda ishladilar.

Pedagogik innovatsiyalar institutida YUNESKO bilan hamkorlikda seminar-trening tashkil etildi

2023-yilning 25-27-aprel kunlari Pedagogik innovatsiyalar institutida YUNESKO tomonidan amalga oshirilayotgan “О‘zbekistonning qishloq hududlarda ish bilan ta’minlash uchun kо‘nikmalarni rivojlantirish” loyihasi doirasida agrar va suv xо‘jaligidagi ta’lim dasturlarini ishlab chiqish va metodik ta’minlash masalalari bо‘yicha seminar-treninglar о‘tkazilmoqda.

Loyiha doirasida xalqaro ekspertlar, Pedagogik innovatsiyalar institutidan mas’ullar, tanlangan professional ta’lim muassasalari, oliy ta’lim muassasalari va ish beruvchi korxonalardan mutaxassislari ishtirok etishdi.

Mazkur seminar-treningda quyidagi malakalar bo‘yicha o‘quv dasturlari ishlab chiqiladi:
• chorvachilik;
• o‘simlikshunoslik;
• umumiy fermer xo‘jaligi ishchisi;
• bolalar bog‘chasi menejeri;
• irrigatsiya bo‘yicha texnik;
• avtomatlashtirilgan sug‘orish bo‘yicha texnik.

Pedagogik innovatsiyalar institutida ta’lim dasturlarini takomillashtirish bo‘yicha seminar-trening o‘tkazildi

Oliy ta’lim, fan va innovatsiyalar vazirining 2023-yil 14-apreldagi “Professional ta’lim tizimida tayyorlanadigan kasb va mutaxassisliklarning ta’lim dasturlarini takomillashtirish to‘g‘risida”gi 93-sonli buyrug‘i bilan Ta’lim dasturlarini ishlab chiqish va takomillashtirish uchun 51 ta ishchi guruh tuzildi.
Ushbu ishchi guruhlar tarkibida 1057 nafar mutaxassislar jalb qilindi. Shundan, 634 nafari professional ta’lim muassasalaridan, 164 nafari oliy ta’lim muassasalaridan, 56 nafari vazirlik va idoralardan, 203 nafari ish beruvchilar korxonalardan jalb qilindi.
Yuqoridagi ishchi guruh a’zolari uchun ta’lim dasturlarini takomillashtirish bo‘yicha 2023-yilning 25-apreldan – 4-mayiga qadar davom etadigan sohalar kesimidagi seminar-trening jarayonlari Pedagogik innovatsiyalar institutida boshlandi. Seminar-treningni maqsad va vazifalari to‘g‘risida direktor o‘rinbosari B.Shoyqulov batafsil ma’lumot berdi.

Germaniya jamg‘arma kassalari fondi bilan hamkorlikda seminar-trening o‘tkazildi

O‘zbekiston Respublikasi Oliy ta’lim, fan va innovatsiya vazirligi tomonidan Germaniya jamg‘arma kassalari fondi (German Sparkassenstiftung) bilan hamkorlikda bugungi yoshlarning tadbirkorlik ko‘nikmalarini oshirish maqsadida Toshkent davlat transport universitetida “Mikro biznes o‘yini” bo‘yicha seminar-trening tashkil etildi.
Mazkur “Mikro biznes oʻyini” treningining maqsadi:
Tadbirkorona fikrlash va harakat qilish, maqsad sari intilish;
Mikrofirmalarning qiyinchiliklari va imkoniyatlari hamda ularga qanday munosabatda bo‘lish;
Buxgalteriya hisobi va nazorat qilishning asosiy prinsiplari va simulyatsiya (o‘yin) davomida moliyaviy vositalardan foydalanish yo‘llari;
Mijozlarni chuqurroq tushunish va marketing bo‘yicha asosiy bilimlarni rivojlantirish;
Bozor dinamikasi va raqobatni anglash hamda mustaqil qarorlarni qabul qilish;
Mikro moliya tashkilotlari va mijozlar o‘rtasidagi o‘zaro munosabatlarni o‘rnatish masalalari va ularning oqibatlarini anglash.
Shuningdek, ushbu seminarlar yoshlarni tadbirkorlikka jalb etish, ularda sohaga bo‘lgan qiziqishni uyg‘otish va ko‘nikma hosil qilishdagi ahamiyatini inobatga olib, boshqa hududlardagi ta’lim muassasalarida ham bosqichma-bosqich tashkil etilishi rejalashtirilgan.

Pedagogik innovatsiyalar instituti doktorantlari va ilmiy tadqiqotchilari uchun seminar-trening tashkil etildi

2023-yil 12-aprel kuni “Innovatsion loyihalar, fan va ta’lim texnologiyalari transferi” bo‘limining taklifiga koʻra, Toshkent davlat iqtisodiyot universitetining iqtisod fanlari boʻyicha falsafa doktori A.Zikriyoyev tashrif buyurdi hamda doktorantlar va ilmiy tadqiqotchilar uchun “Ilmiy faoliyat va yoshlar, xalqaro tajribalar va Oʻzbekiston” mavzusida seminar-trening oʻtkazildi.
Seminarda hozirgi shiddatli globallashuv davrning ilmiy faoliyat hamda ta’lim sifatiga ijobiy va salbiy ta’sirlari, Oʻzbekistonda yoshlar oʻrtasida ilmiy faoliyatni yuksaltirish kabi masalalar yuzasidan fikrlar bildirildi. Shuningdek, Oʻzbekistonda ta’lim sifatini oshirishdagi ustuvor vazifalarni amalga oshirish uchun doktorantlar va ilmiy tadqiqotchilarning oʻrni beqiyos ekanligi ta’kidlandi, chunki ularning oldida biror-bir sohaning muammosi yechimini topishdek ulkan marralar borligi aytildi.
Professional ta’limni rivojlantirishda xalqaro dasturlarni oʻrganish, tahlil qilish hamda takliflar tayyorlash kerakligi ham muhim ekanligi aytib oʻtildi.
Davra suhbat soʻngida doktorantlar va ilmiy tadqiqotchilar oʻzlarini qiziqtirgan savollariga javob oldilar.