Qashqadaryo viloyati yuridik texnikumi

Bank xodimi ishtirokida amaliy dars mashg‘uloti tashkil etildi

Joriy yilning 10-aprel kuni Qashqadaryo viloyati yuridik texnikumi o'quvchi-yoshlari uchun "Fuqarolik huquqi" fani oyligi doirasida "Asia Alliance Bank" Qarshi filialining bo'lim boshlig'i Nazarov Elbek tomonidan "Qarz, kredit va bank omonati shartnomasi" mavzusida amaliy dars mashg'uloti bo'lib o'tdi.

Dars davomida ma'ruzachi tomonidan kredit turlari, ularning foizlari va xususiyatlari haqida batafsil ma'lumotlar berib o'tildi. Yuzaga kelgan muammolar va ularni hal etish masalasida suhbatlar o‘tkazildi.

Qashqadaryo viloyati yuridik texnikumi o'quvchilari bilan Fuqarolik va iqtisodiy ishlar bo'yicha advokat U.Eshqobilov tomonidan “Sud protsesslarida advokat ishtiroki” mavzusida kouching oʻtkazildi.

Dars davomida mutaxassis tomonidan o'quvchilar bilan mavzu yuzasidan nazariy-huquqiy bilimlarni qo'llash amaliyoti bilan bog'lab mashg'ulot oʻtkazildi.

O'quvchilar mavzuga oid va amaliy ko'nikmalarni mustahkamlashga doir savollarga javoblar olishdi.

Qashqadaryo viloyati yuridik texnikumida o'zbek adabiyotining buyuk vakili Abdulla Qodiriy tavalludining 129 yilligi munosabati "O'zbek romanchiligining asoschisi" mavzusida ma'naviy-ma'rifiy tadbir bo'lib o'tdi.

Tadbirda texnikumning o'quv metodik bo'limi boshlig'i D.Ahmedova, texnikum o'qituvchisi N.Boynazarova hamda S.Nasafiy nomidagi viloyat axborot-kutubxona markazi mutaxassisi B.Jo'rayeva yig'ilganlarga "Sabr matonat va mustahkam iroda sohibi" mavzusida o'zbek adabiyotining yirik namoyandalaridan biri ulkan iste'dod egasi Abdulla Qodiriyning hayoti va ijodi, uning ijodiy merosi haqida ma'ruza qildi.

Shuningdek, texnikumning iqtidorli o'quvchi-yoshlari tomonidan Abdulla Qodiriyning hayoti va ijodiga bag'ishlangan sahna ko'rinishlari hamda o'zlarining adabiy-badiiy chiqishlari bilan faol ishtirok etishdi.

Bugungi k***a mamlakatimizda mustaqil, ochiq va shaffof sud tizimiga erishish borasida olib borayotgan islohotlar yanada takomillashtirilmoqda. Sudyalarning adolat va qonunning haqiqiy himoyachilari bo'lishiga erishish zarur va shartligi qonun doirasida mustahkamlanmoqda.

Joriy yilning 7-aprel kuni Qashqadaryo viloyati yuridik texnikumi o’quvchilari nazariy olgan bilimlarini amaliyot bilan mustahkamlash maqsadida viloyat jinoyat sudining ochiq sud majlisida ishtirok etishdi.

Avval xabar berganimizdek, QMII akademik litseyi va Qashqadaryo viloyati yuridik texnikumi o'quvchilari o'rtasida "ZAKOVAT" intellektual o'yini o'tkazilgan edi.

QMII akademik litseyi rahbariyati tomonidan "ZAKOVAT" intellektual bilimlar bellashuvining mart oyi final bosqichida "Oyning eng yaxshi zakovatchi guruhi" nominatasiyasi bilan Qashqadaryo viloyati yuridik texnikumining "Uzbek power" jamoasi faxrli 1-darajali diplom bilan taqdirlandi.

Ofarin, bardavom boʻlsin!

Yuridik texnikum bitiruvchilari qayerda ishlashi mumkin?

Yuridik texnikum bitiruvchilariga davlat taʼlim standartlariga muvofiq oʻrta maxsus professional taʼlimdagi yoʻnalishlar, kasblar va mutaxassisliklar boʻyicha malaka darajasi koʻrsatilgan holda, oʻrta maxsus professional taʼlim toʻgʻrisida davlat namunasidagi diplom beriladi.

Yuridik texnikumni tamomlagan oʻquvchi respublika miqyosida malaka talablariga binoan oʻrta maxsus yuridik maʼlumot zarurati mavjud boʻlgan davlat organlari va tashkilotlarida, shu jumladan:

Oʻzbekiston Respublikasi Adliya vazirligi huzuridagi Davlat xizmatlari agentligining hududiy tuzilmalari,

Bosh prokuratura huzuridagi Majburiy ijro byurosining hududiy organlari,

notarial idoralar, advokatlik tuzilmalari va shu kabi qator idoralarning umumiy shtat birliklari soni doirasida vakant lavozimlarga ishga kirish boʻyicha tanlovda belgilangan tartibda ishtirok etish mumkin.

Talaba-o‘quvchilar ligasi bahorgi mavsumining 1-turidan keyingi reyting jadvali

Ligada Qashqadaryo viloyati yuridik texnikumi o'quvchilaridan iborat "UZBEK POWER" jamoasi ham faol ishtirok etib kelishmoqda.

Qashqadaryo viloyati yuridik texnikumida Sohibqiron Amir Temur tavalludining 687-yilligi munosabati bilan "Amir Temur - millat g'ururi" mavzusida ma'naviy-ma'rifiy tadbir tashkil etildi.

Unda texnikum direktori o'rinbosarlari Z.Oripov, Y.Eshqulov, ARM rahbari Sh.Qo'ldosheva va viloyat bolalar kutubxonasi mutaxassisi Sh.Amirov hamda o'quvchi-yoshlar qatnashgan tadbirda texnikum direktori R.Abdullayeva so'z olib, buyuk sarkarda va davlat arbobining hayot yo'li, mamlakatimizda Amir Temurga ko'rsatilayotgan ehtirom, Amir Temur va temuriylarning milliy davlatchilik, ilm-fan, madaniyat sohalari taraqqiyotiga qo'shgan ulkan va boy merosi haqida muhim fikrlarni aytib o'tdi.

Tadbir davomida so'zga chiqqanlar Temur shaxsi, hayoti va faoliyati, jahon ahlining uning siymosiga qiziqishlari, Sohibqiron tomonidan amalga oshirilgan xayrli ishlar haqida ma'ruzalar qilindi. Shuningdek, uning davlat ishlarini boshqarish, xalq tinchligi va farovonligi yo'lidagi g'amxo'rliklari, ezgu va adolatli amallari to'g'risida ma'lumot berildi.

Amir Temur hayoti va faoliyatiga oid qiziqarli ma'lumotlar, uning jasorati va matonatini o‘zida aks ettirgan jarayonlar texnikumning iqtidorli o'quvchilari tomonidan sahna ko'rinishlari orqali namoyish etildi. Tashkil etilgan davra suhbati barcha o'qituvchi va o'quvchilarga ma’qul bo‘ldi.

Qashqadaryo viloyati yuridik texnikumi tomonidan "Fuqarolik huquqi" fani oyligi doirasida viloyat Fuqarolik sudining ochiq sud majlisida ishtirok etishdi.

Sud protsessida ishtirok etish orqali o'quvchilar sud protsessi yuritilish tartibi, sud jarayonida sudyaning huquq va majburiyatlari, sud jarayoni ishtirokchilarining huquq va majburiyatlari haqidagi bilimlarini yanada mustahkamladi.

"Oyning eng zakovatli guruhi" nominatsiyaya bo'yicha o'quvchilardan tuzilgan "O'zbek Power" jamoasi 1- darajali diplom va texnikum jamoasiga tashakkurnoma taqdim etildi.

✅ Qashqadaryo viloyat Yuridik texnikumi talabalaridan tuzilgan "Adliya qanotlari" klubi a'zolari tomonidan fuqarolarga “O‘zbekiston Respublikasi Konstitutsiyasi to‘g‘risida”gi O‘zbekiston Respublikasi konstitutsiyaviy qonuni loyihasi mazmun-mohiyati yuzasidan tushuntirishlar berildi va tarqatma materiallar tarqatildi.

Ma'muriy huquq – huquq sohasi. Davlatni idora etish jarayonida, ya'ni ijro va farmoyish faoliyatini amalga oshirishda yuzaga keladigan ijtimoiy munosabatlarni tartibga soluvchi yuridik normalar majmuini o'z ichiga oladi. Boshqaruv faoliyati turlarining xilma-xilligi Ma'muriy huquqning keng ko'lamli va ko'p tarmoqliligini taqozo etuvchi asosiy omildir.

Qashqadaryo viloyati yuridik texnikumi "Ommaviy huquqiy fanlar" kafedrasi o'qituvchisi A.Shonazarovning "Ma'muriy huquq va protsess" fanidan "Ma'muriy hujjat" mavzusida Yuridik xizmat yo'nalishi 203-21-guruhda ochiq dars mashg‘uloti bo‘lib o‘tdi.

🎁Tug'ilgan kun muborak!

🎉Bugun Qashqadaryo viloyati yuridik texnikumi direktorning moliya-xo'jalik ishlari bo'yicha o'rinbosarisi Hamroyev Baxtiyor Abdimalikovichning tavallud ayyomi!

🏛Shu munosabat bilan Qashqadaryo viloyati yuridik texnikumi jamoasi Sizga kelgusi ishlaringizda muvaffaqiyat, oilaviy totuvlik hamda sog'lik-salomatlik tilaydi!

Xalqimizning tarixiy yutug'i – bu mustaqillik hisoblanadi. Mustaqillik tufayli milliy davlatchiligimizga asos solindi, mustahkam huquqiy tizim barpo etildi, davlat oliy hokimiyat organlari tashkil etildi. Prezident davlat boshlig'i va davlat hokimiyati organlarining kelishilgan holda faoliyat yuritishini hamda hamkorligini ta'minlaydigan eng oliy mansabdor shaxs sifatida konstitutsiyaviy maqomga ega bo‘ldi.

Qashqadaryo viloyati yuridik texnikumi "Ommaviy huquqiy fanlar" kafedrasi mudiri J.Baxtiyorovning "Konstitutsiyaviy huquq" fanidan "O'zbekiston Respublikasi Prezidentining Konstitutsiyaviy maqomi" mavzusida Davlat-huquqiy faoliyat yo'nalishi 101-22-guruhda ochiq dars mashg‘uloti bo‘lib o‘tdi.

Yodingizda bo'lsa, (https://t.me/kaslofficial/9273) Qashqadaryo viloyati yuridik texnikumi tashabbusi bilan Sohibqiron Amir Temur tavalludining 687-yilligi munosabati bilan "Amir Temur - millat g'ururi" mavzusida esse va rasmlar tanlovini e'lon qilgan edik.

Bo'lib o'tgan ushbu tanlovda texnikumning 40 ga yaqin o'quvchi-yoshlari faol ishtirok etib, mavzu yuzasidan o'z fikr va mulohazalarini esse va rasm ko'rinishida qog'ozga tushirdilar. Tanlov ishtirokchilarini texnikum o'qituvchilari va mas'ul xodimlaridan tashkil topgan hakamlar hay'ati nazorat qilib, munosib va holisona baholab bordi.

📝Esselar bo'yicha:
🥇Sayfullayeva Muqaddas - 106-22-guruh o'quvchisi
🥈Ergasheva Mahliyo - 101-22-guruh o'quvchisi
🥈Shoyimova Abiba - 102-22-guruh o'quvchisi
🥉Jalilova Shobuvi - 104-22-guruh o'quvchisi
🥉Ismatova Gulsara - 106-22-guruh o'quvchisi

🎨Rasmlar bo'yicha:
🥇Suyunova Sarvinoz - 105-22-guruh o'quvchisi
🥈Salimjonova Sevinch - 101-22-guruh o'quvchisi
🥉Yo'ldoshev Diyorbek - 101-22-guruh o'quvchisi

Respublikamiz bo'ylab "Konstitutsiya meniki, seniki, bizniki! Konstitutsiya o'zimizniki" shiori ostida konstitutsiyaviy qonun loyihasi bo'yicha targ'ibot tadbirlari tashkil etilib, keng omma hukmiga havola etilmoqda.

Shunday tadbirlarning navbatdagisi Qashqadaryo viloyati yuridik texnikumida bo'lib o'tdi. Unda Qashqadaryo viloyati adliya boshqarmasi mas'ul xodimlari, V.Boboyeva, Sh.Halilov, texnikum direktori o'rinbosari Z.Oripov va o'qituvchi-o'quvchilar ishtirok etdi.

So'zga chiqqanlar Konstitutsiyamizning mamlakatimiz va unda istiqomat qiluvchi fuqarolar hayotida tutgan o'rni, yoshlarga qaratilgan e'tibor, kiritilayotgan yangi qo'shimcha va o'zgarishlar mohiyati xususida, shuningdek, Konstitutsiyaning yangilanish zaruriyati, yangi Konstitutsiyaning oldingisidan farqi va afzalliklari, yangilanayotgan Konstitutsiya taraqqiy etgan davlat – Yangi O'zbekistonni qurish g'oyasi atrofida butun jamiyatimizni jipslashtirishi, unda barcha qatlam manfaatlari inobatga olinganligi, loyihani ishlab chiqishda keng jamoatchilik, siyosiy partiyalar, jamoat tashkilotlari, ekspertlar va ilmiy doiralar vakillari, ziyolilar faol ishtirok etganligi alohida ta'kidlandi.

O'quvchi-yoshlar tomonidan fikr va mulohazalar bildirilib, mamlakatimizda o'tkaziladigan muhim siyosiy jarayonda faol ishtirok etish har bir fuqaroning burchi ekanligi e'tirof etildi.

Qashqadaryo viloyati yuridik texnikumi "Umumta'lim fanlar" kafedrasi o'qituvchisi A.Adilbekova "Yuristlar uchun ingliz tili" modulidan "Language of the law of Tort" mavzusida 2-bosqich "Yuridik xizmat" yo'nalishi 203-21-guruh o'quvchilari uchun ochiq dars mashg'ulotini o'tkazdi.

Ochiq dars mashg'uloti slaytlar, audio va video materiallar hamda interfaol metodlardan unumli foydalangan holda olib borildi.

Darsda turli xil topshiriqlar, interaktiv metodlar, individual tasks, group-work, kahoot patformasidan, baamboozle saytidan fishbone usulidagi mashg'ulotlardan keng foydalanildi.

Qashqadaryo viloyati yuridik texnikumi o'quvchilari S.Qahhor-Zoda, A.O'ralova va Ch.Uzoqova FM 102,3 to'lqinlarida "Oltin voha" radiosining navbatdagi soni mehmoni bo'ldi.

Jonli muloqot davomida 30-aprelda bo'lib o'tadigan Referendum jarayonlari hamda yangilanayotgan Konstitutsiyaning mazmun-mohiyati haqida tinglovchilarga ma'lumotlar berildi.

Yangilanayotgan Konstitutsiyada surishtiruv, tergov va sud jarayonida inson huquqlariga oid 9️⃣ ta eng muhim kafolatdan xabardormisiz?

1️⃣ Shaxsni ushlash chog'ida unga tushunarli tilda uning huquqlari va ushlab turilishi asoslari tushuntirilishi shart.

2️⃣ Shaxs o'zining aybsizligini isbotlashi shart emas va istalgan vaqtda sukut saqlash huquqidan foydalanishi mumkin.

3️⃣ Aybdorlikka oid barcha shubhalar gumon qilinuvchi, ayblanuvchi, sudlanuvchi yoki mahkumning foydasiga hal qilinishi kerak.

4️⃣Agar shaxsning o'z aybini tan olganligi unga qarshi yagona dalil bo'lsa, u aybdor deb topilishi yoki jazoga tortilishi mumkin emas.

5️⃣Shaxs o'ziga va yaqin qarindoshlariga qarshi guvohlik berishga majbur emas.

6️⃣Shaxs sudning qarorisiz qirq sakkiz soatdan ortiq muddat ushlab turilishi mumkin emas.

7️⃣Hibsga olish, qamoqqa olish va qamoqda saqlashga faqat sudning qaroriga ko'ra yo'l qo'yiladi.

8️⃣Yozishmalar, telefon orqali so'zlashuvlar, pochta, elektron va boshqa xabarlar sir saqlanishini cheklashga hamda uy-joyda tintuv o'tkazishga faqat qonunga muvofiq va sudning qaroriga asosan yo'l qo'yiladi.

9️⃣Har kimga malakali yuridik yordam olish huquqi kafolatlanadi. Qonunda nazarda tutilgan hollarda yuridik yordam davlat hisobidan ko'rsatiladi.

"Men befarq emasman" shiori ostidagi "Targ‘ibot poyezdi" Qashqadaryoda

Aholining, ayniqsa yoshlarning referendumga oid bilimlarini rivojlantirish, ularning huquqiy madaniyatini yuksaltirish, mamlakatimizda amalga oshirilayotgan keng kо'lamli demokratik, ijtimoiy va siyosiy islohotlarga faol jalb qilish maqsadida O'zbekiston Respublikasi Adliya vazirligi va Toshkent davlat yuridik universiteti tomonidan "Men befarq emasman" shiori ostida hududlarda "Targ'ibot poyezdi" loyihasi o'tkazilmoqda.

Joriy yilning 3-aprel kuni targ'ibot guruhi a'zolari Qashqadaryoga yetib kelishdi. Ular Qashqadaryo viloyat adliya boshqarmasi, Qashqadaryo viloyati yuridik texnikumi hamda Qashqadaryo viloyat sudi bilan hamkorlikda tashkil etilgan "Men befarq emasman" shiori ostida o'tkazilgan davra suhbatida ishtirok etishdi.

Yoshlar bilan muloqotda vatanimiz kelajagi va ravnaqi yо'lida amalga oshirilayotgan islohotlar, jumladan Konstitutsiyaga kiritilayotgan o'zgartirish va qo'shimchalar mazmun-mohiyati xususida so'z bordi. Shuningdek, loyiha doirasida yosh targ'ibotchilar tomonidan turli interfaol o'yinlar tashkil etilib, yoshlar konstitutsiyaviy islohotlarga befarq bo'lmaslikka chaqirildi.

O'zbekiston Respublikasi Adliya vazirligi yuridik texnikumlari o'rtasida "Yilning eng yaxshi o'qituvchisi" hamda "Eng iqtidorli o'quvchi" tanlovining respublika bosqichi bo'lib o'tmoqda.

Tanlov Toshkent viloyati Bo'stonliq tumanida joylashgan Adliya vazirligining "Olmos" konvension markazida bo'lib o'tmoqda.

Unda Qashqadaryo viloyati yuridik texnikumida "Yilning eng yaxshi o'qituvchisi" hududiy bosqichi g'olib sifatida texnikum o'qituvchisi Qo'ldoshev Sherzod Mansur o'g'li, shuningdek, "Eng iqtidorli o'quvchi" tanlovining texnikum bosqichi g'olibi Nusratullayev Barkamol Iftixor o'g'li ishtirok etishmoqda.

Maqola nomi: ПРЕПОДАВАНИЕ АНГЛИЙСКОГО ЯЗЫКА С ПОМОЩЬЮ ИГР

Muallif: Qashqadaryo viloyati yuridik texnikumi o'qituvchisi Adilbekova Aziza Vladimirovna

Talaba-o‘quvchilar ligasi qishki mavsumining 10-turidan keyingi reyting jadvali

Ligada Qashqadaryo viloyati yuridik texnikumi o'quvchilaridan iborat "UZBEK POWER" jamoasi ham faol ishtirok etib kelishmoqda.

"YANGI O'ZBEKISTONDA YANGI TAHRIRDAGI KONSTITUTSIYA" MAVZUSIDA TARG'IBOT TADBIRI BO'LIB O'TDI

Qashqadaryo viloyati yuridik texnikumida "Yangi O'zbekistonda yangi tahrirdagi Konstitutsiya" mavzusida targ'ibot tadbiri o'tkazildi.

Mazkur tadbirda texnikum direktori R.Abdullayeva, Oliy Majlis Qonunchilik palatasi deputati G.Xudoyorova, Respublika Ma'naviyat va ma'rifat markazining viloyat bo'limi rahbari L.Saodatova, texnikum direktorining yoshlar bilan ishlash bo'yicha o'rinbosari Y.Eshqulov, o'qituvchilar hamda 100 nafar o'quvchilar ishtirok etdi.

Tadbirda so'zga chiqqanlar referendum tushunchasining mazmun-mohiyati, yangilanayotgan Konstitutsiyamizning mamlakatimiz va unda istiqomat qiluvchi fuqarolar hayotida tutadigan o'rni, yoshlarga qaratilgan e'tibor, kiritilayotgan yangi qo'shimchalar va o'zgarishlar xalqimizning turmush tarzini yanada farovonlashishiga, inson qadrini yuksaltirishga qaratilganligini ta'kidlab o'tdilar. Bundan tashqari, qatnashchilar yangilanayotgan Qomusimizda pedagog-o'qituvchilar va ta'limga oid ko'plab normalar kiritilayotgani haqida ma'lumot olishdi.

Jamiyatda yoshlarning huquqiy ongi va madaniyatini yuksaltirish, qonun buzilishi holatlariga murosasizlik hissini uyg‘otish maqsadida Qashqadaryo viloyati yuridik texnikumida "Yoshlar va qonun" tanlovini e'lon qilamiz.

Mazkur tanlovning Qashqadaryo viloyati yuridik texnikumi bosqichi quyidagi shartlar asosida baholanadi:

1-shart: "Huquqiy muammoga tezkor yechim" (kazus)

2-shart: "Huquqiy penalti" (jamoalar qur'a tashlash orqali o'zaro bellashadilar)

3-shart: "Mening qonunchilik tashabbusim"

4-shart: "Sud majlislari modeli"

Ko'rik-tanlovda har bir guruh 8 nafar ishtirokchidan iborat jamoa bilan qatnasha oladi. 📥Tanlov bo'yicha: profiliga murojaat qilishlaringiz mumkin.

Tanlov joriy yilning📆25-aprel kuni texnikum binosida o'tkaziladi.

🎖G'olib deb topilgan jamoa texnikum direktori tomonidan diplom hamda esdalik sovg'alari bilan taqdirlanishadi.

🗂Tanlov nizomi bilan tanishish...

(https://drive.google.com/file/d/17h01QpFprEttVOfSRUJQkTJFSmFbY4xB/view?usp=sharing)

Respublikamiz bo'ylab "Konstitutsiya meniki, seniki, bizniki! Konstitutsiya o'zimizniki" shiori ostida konstitutsiyaviy qonun loyihasi bo'yicha targ'ibot tadbirlari tashkil etilib, keng omma hukmiga havola etilmoqda.

Shu munosabat bilan Qashqadaryo viloyati yuridik texnikumi va QMII akademik litseyi bilan hamkorlikda "Men yangilanayotgan Konstitutsiyaga befarq emasman" shiori ostida QMII akademik litseyida “Zakovat” intellektual bellashuvining "mart oyi" final bahsi bo'lib o'tdi.

Bellashuvning adolatli va shaffof tarzda o'tkazilishi uchun hakam sifatida texnikum va litsey direktorining yoshlar bilan ishlash bo'yicha o'rinbosarlari, pedagog-xodimlar kuzatib borishdi.

Unda Qashqadaryo viloyati yuridik texnikumining "Uzbek power" va QMII akadmik litseyining 106,108, 109, 201, 208, 209-guruhlaridan iborat bilimdon yoshlar o'zaro kuch sinashdilar.

Yakuniy natijalarga ko'ra, texnikumning "Uzbek power" jamoasi 1-o'rinni qo'lga kiritishdi.

📌P.S: yodingizda bo'lsa, fevral oyi (https://t.me/kaslofficial/8967) final bosqichida ham jamoamiz 1-o'rinni egallagan edi.

Ofarin, bardavom boʻlsin!

INVESTITSIYA FAOLIYATINING XALQARO HUQUQIY KAFOLATLARI

Oʻzbekiston Respublikasi adliya vazirligi, Toshkent davlat yuridik universiteti, Qashqadaryo viloyat adliya boshqarmasi va viloyat yuridik texnikumi tomonidan hokimliklar va boshqa tashkilotlar, respublika va viloyatimizdagi OTMlar va yuridik texnikumlar bilan hamkorlikda “Investitsiya faoliyatining xalqaro huquqiy kafolatlari” mavzusida xalqaro ilmiy-amaliy konferensiyasi bo'lib o'tdi.

Qashqadaryo viloyati yuridik texnikum o'quvchilari Yanka Kupala nomidagi Grodno davlat universiteti, uning yuridik fakulteti faoliyati bilan hamda Grodno shahri bilan yaqindan tanishdilar.

Tadbir davomida qo'shma ta'lim asosida Grodno shahrida ta'lim olib kelayotgan tendoshlarining universitetdagi sharoit haqidagi qiziqarli roliklarni kuzatdilar.

Tadbir davomida o'quvchilar o'zlarini qiziqtirgan savollarga kafedra mudirlari va o‘quvchilardan batafsil javob oldilar.

Qashqadaryo viloyati yuridik texnikumida Belarus Respublikasining Yanka Kupala nomidagi Grodno davlat universiteti bilan hamkorlikda masofaviy tarzda onlayn dars mashg'uloti bo‘lib o‘tdi.

Dars mashg'uloti Yanka Kupala nomidagi Grodno davlat universiteti yuridik fakulteti dekani, yuridik fanlari nomzodi, dotsent Cheburanova Svetlana Yegorovna tomonidan "O'rta asrlarda G'arb davlatlari va huquqi tarixi, Yevropa madaniyati" mavzusida olib borildi.

Dars jarayoni qiziqarli bahs-munozaralarga boy tarzda olib borildi hamda o'quvchilar o'zlarini qiziqtirgan savollarga javob olishdi.

Qashqadaryo viloyati yuridik texnikumi "Ommaviy huquqiy fanlar" kafedrasi mudiri J.Baxtiyorovning "Konstitutsiyaviy huquq" fanidan "O'zbekiston Respublikasi Oliy Majlisi" mavzusida Yuridik xizmat yo'nalishi 104-22-guruhda ochiq dars mashg‘uloti bo‘lib o‘tdi.

Ochiq dars jarayoni zamonaviy pedagogik texnologiyalardan hamda interfaol metodlardan keng foydalangan xolda oʻtkazildi.

Respublikamiz bo'ylab "Konstitutsiya meniki, seniki, bizniki! Konstitutsiya o'zimizniki" shiori ostida konstitutsiyaviy qonun loyihasi bo'yicha targ'ibot tadbirlari tashkil etilib, keng omma hukmiga havola etilmoqda.

Shunday tadbirlarning navbatdagisi Qashqadaryo viloyati bojxona boshqarmasida bo'lib o'tdi. Tadbirda Qashqadaryo viloyati yuridik texnikumi direktori, II darajali adliya maslahatchisi R.Аbdullayeva, Respublika Ma'naviyat va ma'rifat markazining viloyat bo'limi rahbari L.Saodatova, boshqarma boshlig'i o'rinbosari O.Qodirov, Bojxona qo'mitasining Surishtiruv va ma'muriy amaliyot boshqarmasi boshlig'i o'rinbosari M.Bo'ronov hamda boshqarma shaxsiy tarkibi ishtirok etdi.

Tadbirda so'zga chiqqanlar barchani 30-aprel kuni o'tkaziladigan referendumda faol ishtirok etishga chaqirib, bosh qomusimizga kiritilayotgan o'zgarishlar haqida ma'lumot berdi.

Seminar davomida tinglovchilar qonun loyihasi yuzasidan o'zlarini qiziqtirgan savollariga javob oldilar.