Nókis rayonı qánigelestirilgen mektep

Sonday-aq, 2022-2023-oqıw jılı dawamında Nókis rayonı qánigelestirilgen mektebi kubogı ushın ótkerilip atırǵan "Zakawat" intellektual oyınınıń juwmaqlawshı turı ótkerildi.

Turnir juwmaǵı boyınsha:

5-7-klaslar arasında anıq pánler baǵdarınıń 7-klass oqıwshılarınan dúzilgen "Renesans" toparı;

8-10-klaslar arasında anıq pánler baǵdarınıń 8-klass oqıwshılarınan dúzilgen "Milliard" toparları jeńimpaz bolıp arnawlı "Mektep kubogı"n jeńip alıwǵa miyassar boldı.

Aldın xabar bergenimizdey, búgin Nókis rayonı qánigelestirilgen mektebi tárepinen 4-klass oqıwshıları ushın shólkemlestirilgen olimpiada barısınan fotoreportaj.

🏆XOSH XABAR!

Mektebimizdiń anıq pánler baǵdarınıń 5-klass oqıwshısı Nurhayat Nawrızbaeva sporttıń “Dzyu-do” túrinen Nókis rayonı birinshiliginde sıylı 1-orındı alıwǵa miyassar boldı.

N.Nawrızbaevnanı erisken jetiskenligi menen mektebimiz jámááti atınan qızǵın qutlıqlaymız.

🏆XOSH XABAR!

Mektebimizdiń anıq pánler baǵdarınıń 7-klass oqıwshısı Gozzal Abdijamilova sporttıń “Shaxmat” túrinen Nókis rayonı birinshiliginde sıylı 1-orındı alıwǵa miyassar boldı.

G.Abdijamilovanı erisken jetiskenligi menen mektebimiz jámááti atınan qızǵın qutlıqlaymız.

Búgin, 9-may "Eslew hám qádirlew kúni" múnásibeti menen rayon orayında jaylasqan "Hásiretli Ana" esteligine gúl qoyıw máresimine Nókis rayonı qánigelestirilgen mektebi jámááti de belsene qatnastı.

📚Ádebiyatımız juldızları izinen . . .

Búgin, mektebimizde Qaraqalpaq ádebiyatınıń qos bayteregi I.Yusupov hám T.Qayıpbergenovtıń tuwılǵan kúni múnásibeti menen “Ádebiyatımız juldızları” atamasında tańlaw shólkemlestirildi.

Tańlawǵa mektebimizdiń 7-10-klasları qatnasıp, belgilengen shártler boyınsha óz-ara qızǵın bellesiw alıp bardı.

Shártler juwmaǵı boyınsha;

1-orındı 9-a klass oqıwshısı Sh.Turǵanbaeva
2-orındı 10-klass oqwıshısı M.Mámbetnazarova
3-orındı 8-t klass oqıwshısı A.Arıslanbaevlar qolǵa kiritti.

Tańlaw juwmaǵı boyınsha jeńimpazlar hám belsene qatnasqanlar shólkemlestiriwshiler tárepinen estelik sawǵaları, diplom hám húrmet jarlıqları menen sıylıqlandı.

Oqıwshılar tımsal haqqında túsinikke iye boldı

Mektebimizdiń Qaraqalpaq tili hám ádebiyatı páni oqıtıwshısı N.Saǵındıqova ádebiyat páninen 5-b klass oqıwshılarına ''Tımsal haqqında túsinik (D.Aytmuratovtıń tımsalları mısalında saxnalıq kórinis tayarlaw)'' temasında ótilgen sabaq barısınan kórinis.

Sonday-aq, mámleketilik gerbimizde sáwlelengen, Nókis qalasına 43 kilometr uzaqlıqta, Ámiwdáryanıń oń jaǵasında jaylasqan Shılpıq esteligi (qorǵanı)ne de sayaxat shólkemlestirildi.

Mektebimiz oqıwshıların mámleketimizdiń milliy-mádeniy miyrasları menen jaqınnan tanıstırıw, olar arasında óz-ara doslıq múnásibetlerin ele de bekkemlew hám ishki turizmdi rawajlandırıw maqsetinde Xiywa qalasına sayaxat shólkemlestirildi.

Sayaxat dawamında oqıwshılar, milliy-mádeniy miyraslarımız benen tanısıw menen birge hár túrli kewil ashar oyınlarda da belsene qatnasıp qayttı.

Mektep oqıwshılarınıń pikir hám usınısların úyreniw, olarǵa durıs baǵdar beriw hám baslamaların qollap-quwatlaw maqsetinde “Direktor saatı” shólkemlestirildi.

Onda, oqıwshılar ózlerin qızıqtırǵan sorawları hám usınıslarına mektep direktorınan tiyisli juwaplar aldı.

🌸Xosh kediń - Nawrız!

Búgin mektebimizde Nawrız ulıwmaxalıqlıq bayramı múnásibeti menen saltanatlı bayram keshesi shólkemlestirildi.

Ótkerilgen bayram keshesine mektebimiz oqıwshılar tárepinen tayarlanǵan qosıqlar, ayaq oyınlar hám saz áspabında atqarılǵan namalar bayramǵa ózgeshe sán baǵıshlalı.

Onda, mádeniy ilaj benen birge milliy sport oyınlarımız bolǵan arqan tartıs hám tas kóteriw boyınsha jarıslar ótkerildi.

Usı orında, bayram ilajin joqarı dárejede shólkemlestiriwde belsendilik kórsetken barlıq shólkemlestiriwshilerge óz minnetdarshılıǵımızdı bildirip qalamız.

🏆XOSH XABAR!

Bilimlendiriw tarawınıń pedagog-oqıtıwshılarınıń arasında “Salamat denede – sapalı bilim” uranı astında ótkerilgen sport jarıslarınıń rayonlıq basqıshanda Nókis rayonı qánigelestirilgen mektebiniń komandası kishi futbol 3-orındı hám shaxmat túrinen 2-orındı iyeledi.

Mektebimizdiń ximiya páni oqıtıwshısı A.Kalillaeva tárepinen tábiyiy pánler baǵdarınıń 10-klass oqıwshılarına “Karbon kislotalar” temasında ashıq sabaq ótkerildi.

Mektebimizdiń tariyx páni oqıtıwshısı N.Axnazarova tárepinen anıq pánler baǵdarınıń 8-klass oqıwshılarına “1800-1870-jıllarda AQSH” temasında ashıq sabaq ótkerildi.

🌸Báhar malikası anıqlandı

8-mart – Xalıqaralıq hayal-qızlar kúni múnásibeti menen oqıwshılardıń bos waqıtların mazmunlı shólkemlestiriw, olardı mádeniyat, kórkem-óner tarawlarına qızıǵıwshılıǵın arttırıw hám belgili bir kásipke baǵdarlaw maqsetinde “Báhar malikası” tańlawı ótkerildi.

Tańlaw shártleriniń juwmaǵı boyınsha tóreshiler tárepinen nominaciyalar jeńimpazları anıqlandı hám 2023-jılǵı máwsimde mektebimizdiń 10-klass oqıwshısı Shaxnoza Sharafatdinova “Báhar malikası” dep tabıldı.

🏆XOSH XABAR!

Bilimlendiriw tarawınıń pedagog-oqıtıwshılarınıń arasında “Salamat denede – sapalı bilim” uranı astında ótkerilgen sport jarıslarınıń kishi futbol hám shaxmat túrlerinen Nókis rayonı qánigelestirilgen mektebiniń komandası rayonlıq aymaqlıq basqıshta 1-orındı iyelep juwmaqlawshı final basqıshına jollamanı qolǵa kiritti.

Komandamızǵa juwmaqlawshı final basqıshta áwmetler tilep qalamız.

🌍

Mektebimizdiń geografiya páni oqıtıwshısı R.Esemuratov tárepinen anıq pánler baǵdarınıń 9-klass oqıwshılarına “Iran, Awǵanstan, Pakistan Islam Respublikaları” temasında ashıq sabaq ótkerildi.

Jumbaqlı dúnya intellektual oyını shólkemlestirildi.

Mektep oqıwshı jasları menen birge islesiwdi nátiyjeli shólkemlestiriw, oqıwshılardıń oylaw qábiletin asırıw maqsetinde 5-6-klass oqıwshıları arasında “Jumbaqlı dúnya” intellectual oyını shólkemlestirildi.

Mektebimizdiń biologiya páni oqıtıwshısı G.Bekpanova tárepinen tábiyiy pánler baǵdarınıń 8-klass oqıwshılarına “Vitaminler, olardıń áhmiyeti” temasında ashıq sabaq ótkerildi.

Mektebimizdiń matematika páni oqıtıwshısı M.Baltabaev tárepinen anıq pánler baǵdarınıń 7-klass oqıwshılarına “Toplamlar hám onıń elementleri. Toplamlardıń beriliw usılları. Elementler sanı” temasında ashıq sabaq ótkerildi.

Mektebimizdiń Inglis tili páni oqıtıwshısı B.Ernazarova tárepinen tábiyiy pánler baǵdarınıń 7-klass oqıwshılarına “Have to/ Has to” temasında ashıq sabaq ótkerildi.

Mektebimizdiń matematika páni oqıtıwshısı T.Kóshkinbaev tárepinen anıq pánler baǵdarınıń 8-klass oqıwshılarına “Tańlaw usılı menen kombinatoriyalıq máseleler sheshiw” temasında ashıq sabaq ótkerildi.

🏆XOSH XABAR!

Mektebimizdiń anıq pánler baǵdarı boyınsha 7-klass oqıwshısı Sultanbek Bekbergenov jas óspirimler arasında ótkerilgen sporttıń “REGBI” túrinen Nókis rayonı birinshiliginde jeńimpaz dep tabıldı.

Usı orında, S.Bekbergenovtı jarısqa tayarlaǵan oqıtıwshıları hám ata-anasına mektep jámááti atınan minnetdarshılıq bildiremiz.

"Ertekler álemine sayaxat" shólkemlestirildi.

Oqıwshı-jaslar menen islesiwdi nátiyjeli shólkemlestiriwde mádeniyat, kórkem-óner, sport, xabar-texnologiyaları, kitap oqıwǵa qızıǵıwshılıǵın arttırıw, oqıwshı-qızlardı sociallıq jedel turmısqa tartıw boyınsha bes áhmiyetli baslamanıń tórtinshisi jónelisi boyınsha "jaslar mánawiyatın asırıw, olar ortasında kitapqumarlıqtı keń en jaydırıw boyınsha sistemalı islerdi shólkemlestiriw" baǵdarında oqıwshılardı kitap oqıwǵa baǵdarlaw, kitapqumarlıqtı rawajlandırıw maqsetinde mekteptiń 5-6-klass oqıwshıları arasında jarıs shólkemlestirildi.
Jarıs juwmaǵında belsene qatnasqanlar hám jeńimpazlar shólkemlestiriwshiler tárepinen húrmet jarlıqları menen sıylıqlandı.

🏆"Zakovat"tıń úshinshi turı juwmaqlandı.

Mektep oqıwshılarınıń intellektual bilimin ele de jetilistiriw maqsetinde "Mektep Kubogı" ushın 2022-2023-oqıw jılı dawamında "Zakovat" intellektual oyının shólkemlestirip barıw belgilengen edi.
Búgin turnirdiń úshinshi turı ótkerildi.

5-7-klaslar úshinshi turdıń juwmaǵı boyınsha;

5-a klastıń “Shaqqanlar” toparı 10 ball,
5-b klastıń “Bilimdanlar” toparı 3 ball
6-a klastıń “Pifagor” toparı 17,5 ball
7-a klastıń “Renesans” toparı 18 ball
7-t klastıń “Jas Mendeleevler” toparı 8,5 ball

8-10-klaslar úshinshi turdıń juwmaǵı boyınsha;

8-a klastıń “Milliard” toparı 23,5 ball,
8-t klastıń “Liderler” toparı 16 ball
9-a klastıń “Turan” toparı 22,5 ball
9-t klastıń “Juldızlar” toparı 8 ball
10-a klastıń “Bermut” toparı 20,5 ball
10-t klastıń “Jayxun” toparı 19 ball

Ata-analar menen ushırasıw ótkerildi.

Mektep administraciyası tárepinen bilimlendiriw ornındaǵı oqıwshılardıń ata-analarınan kelip atırǵan soraw hám usınısların úyreniw, olarǵa óz waqtında sheshim tabıw maqsetinde keńeytirilgen jıynalıs shólkemlestirildi.

Shólkemlestirilgen jıynalısqa rayon hákiminiń orınbasarı S.Urazaliev, qánigelelestirilgen bilimlendiriw mákemeleri agentligi Qaraqalpaqstan Respublikalıq aymaqlıq bólimi baslıǵı B.Xamdullaev hám mektep direktorı S.Bakievlar qatnastı.

Shólkemlestiriwshiler tárepinen mekteptiń tiykarǵı imaratında alıp barılıp atırǵan jumıslar, oqıw-tárbiya jumısların shólkemlestiriw hám da kún tártibine qoyılǵan basqa de máseleler boyınsha jıynalǵanlarǵa keń túrde túsinik jumısları alıp barıldı.

⚡️XOSH XABAR!

14-yanvar "Watan qorǵawshıları kúni" múnásibeti menen mektebimizdiń jaslardı shaqırıqqa shekemgi baslanǵısh tayarlıq páni oqıtıwshısı, kapitan Azat Urazbaev Nókis rayonı hákimliginiń húrmet jarlıǵı menen sıylıqlandı.

A.Urazbaevtıń aldaǵı jumıslarında tabıslar tileymiz.

🎄Jıl juwmaǵında belsendiler xoshametlendi.

Nókis rayonı qánigelestirilgen mektebinde 2022-jıldıń juwmaǵı boyınsha ótkerilgen pán olimpiadası hám jámiyetlik jumıslarda belsene qatnasqan belsendiler sıylıqlandı.

🏹Mektep oqıwshıları "Oq jaydan atıw" sport túrinen óz ara bellesti.

Ózbekstan Respublikası Milliy gvardiyası Qaraqalpaqstan Respublikası Qorǵaw basqarması xızmetkerleri tárepinen Nókis rayonı qánigelestirilgen mektebi oqıwshıları arasında "Oq jaydan atıw" sport túrinen jarıs shólkemlestirildi.
Jarıs juwmaǵı boyınsha 3-orındı mekteptiń 9-klass oqıwshıları, 2-orındı 7-klass oqıwshıları hám 1-orındı 10-klass oqıwshıları iyelep shólkemlestiriwshiler tárepinen diplom menen sıylıqlandı.

⚡️XOSH XABAR!

Ózbekstan Respublikası Konstituciyasınıń 30 jıllıǵı múnásibeti menen 12 jasqa shekemgi er balalar arasında sporttın "Shaxmat" túrinen Qaraqalpaqstan Respublikası Shaxmat Federaciyasınıń birinshiliginde mektebimizdiń 6-klass oqıwshısı Gafur Nurullaev sıylı 2-orındı iyeledi.

G.Nurullaevtıń tabısı menen mektep jámááti atınan qutlıqlaymız!

Nókis rayonı qánigelestirilgen mektebiniń 'Qaraqalpaq tili hám ádebiyatı páni oqıtıwshısı N.Sagindikovanıń 1-dekabr “Ótesh Alshınbay ulınıń ómiri hám dóretiwshligi” temasında ámeliy sabaǵınan kórinis.

Nókis rayonı qánigelestirilgen mektebiniń biologiya páni oqıtıwshısı G.Bekpanovanıń 1-dekabr “Xalıqaralıq AIJSna qarsı gúresiw kúni”ne baǵıshlanǵan ámeliy sabaǵınan kórinis.

Bayram sánesi múnásip belgilendi

Qaraqalpaq tiline til biyligi berilgenine 33 jıl tolıwı múnásibeti menen
“Ana tilim - altın ǵáziynem” atamasında ádebiy bayram keshesi ótkerildi.

Ilaj dawamında hápte dawamında sánege baǵıshlap ótkerilgen bir qansha tańlaw, viktorina hám jarıslarda sıylı orınlardı iyelegen, sonday-aq, belsene qatnasqan bir qansha oqıwshı jaslar sıylıqlandı.

Áhmiyetlisi sonda, ótkerilgen tańlawlarǵa mektep oqıwshıları menen birge rayon aymaǵındaǵı bir qansha mekteplerden de oqıwshılar qatnastı.

Háptelik sheńberinde “Shayırlar portretin jaratıw'' boyınsha súwretler tańlawına da ótkerildi.

“Ana tilim - altın ǵáziynem” atamasında ''Qaraqalpaq tili hám ádebiyatı'' hápteligi sheńberinde 7-8-9-10-klaslar arasında ''Eń sulıw qol tańba'' tańlawı ótkerildi.

⚡️"Zakovat"tıń ekinshi turı juwmaqlandı.

Mektep oqıwshılarınıń intellektual bilimin ele de jetilistiriw maqsetinde "Mektep Kubogı" ushın 2022-2023-oqıw jılı dawamında "Zakovat" intellektual oyının shólkemlestirip barıw belgilengen edi.
Búgin turnirdiń ekinshi turı ótkerildi.

5-7-klaslar ekinshi turdıń juwmaǵı boyınsha;

5-a klastıń “Shaqqanlar” toparı 6,5 ball,
5-b klastıń “Bilimdanlar” toparı 2 ball
6-a klastıń “Pifagor” toparı 11 ball
7-a klastıń “Renesans” toparı 11 ball
7-t klastıń “Jas Mendeleevler” toparı 7,5 ball

8-10-klaslar ekinshi turdıń juwmaǵı boyınsha;

8-a klastıń “Milliard” toparı 10,5 ball,
8-t klastıń “Liderler” toparı 9 ball
9-a klastıń “Turan” toparı 13 ball
9-t klastıń “Juldızlar” toparı 8 ball
10-a klastıń “Bermut” toparı 14,5 ball
10-t klastıń “Jayxun” toparı 13 ball

📚Kitapqumarlıqtı ele de eń jaydırıw boyınsha memorandum dúzildi.

Mekteptiń oqıwshı jasları hám pedagog kadrlardıń kitapqumarlıq mádeniyatın turaqlı túrde asırıp barıw, ruwxıy dúnyasın joqarılatıw, hám olar arasında kitapqumarlıqtı keń túrde úgit-násiyatlaw boyınsha sistemalı jumıslardı birgelikte ámelge asırıw maqsetinde Nókis rayonı qánigelestirilgen mektebi hám rayonlıq Málimleme-kitapxana orayı ortasında memorandum dúzildi.

Ilaj sońında Málimleme-kitapxana orayı tárepinen qánigelestirilgen mektepke hár túrli atamadaǵı 100 dana kitap sawǵa etildi.

́ı_saplanıw

Búgin, Nókis rayonı qánigelestirilgen mektebinde tańǵı saplanıw ótkerildi.
Onda, 18-noyabr - Ózbekstan Respublikasınıń “Mámleketlik bayraǵı haqqında”ǵı nızam qabıl qılınǵan kún múnásibeti menen oqıwshılarǵa jáne bir márte keń túrde túsinik jumısları alıp barıldı.

⚡️XOSH XABAR!

Nókis rayonı qánigelestirilgen mektebiniń Qaraqalpaq tili páni muǵallimi Nursulıw Sagindikova “Ájiniyaz Qosıbay ulı” atındaǵı stipendiya tańlawı jeńimpazına aylandı.

N.Sagindikovanıń jetiskenligi menen mektep jámááti atınan qızǵın qutlıqlaymız.

🤝 Sport bul - doslıq

Tarawda xızmet etip atırǵan oqıtıwshılardıń bos waqıtların mazmunlı ótkeriw maqsetinde Nókis rayonı qánigelestirilgen mektebi hám Kegeyli rayonı qánigelestirilgen mektepleriniń baslaması menen sporttıń "Voleybol" túrinen "Doslıq jarısı" ótkerildi.

Ǵalabalıq sport túrlerinen usınday jarıslar turaqlı túrde shólkemlestirip barılsa, biz oqıtıwshılardıń jumıstan bos waqıtlarımiz mazmunlı ótiw menen birge óz-ara doslıq múnásibetleri jáne de bekkemlenip barǵan bolar edi deydi matematika páni oqıtıwshısı M.Baltabaev.