Codka Runta TV

TRUMP OO GEESKA AFRIKA BEDELI DOONA: SAAMEYNTA SOMALIA IYO SOMALILAND?

Madaxweyne Trump ayaa shalay warqad si rasmi ah loo shaaciyay u diray Madaxweynaha Masar Cabdifataax Al-Siisii, isaga oo u sheegay qorshe uu Mareykanka wado oo ah in la isu keeno Masaarida iyo Itoobiya, si ay uga heshiiyaan khilaafka biyaha wabiga Nile.

Masar waxay taageertay ISRAA'IIL si loo jabiyo kooxda Xamaas oo ah koox ka tirsan Ikhwaan Muslimiinka. Trump wuu uga mahadceliyay shaqada ay u qabatay Israa'iil.

Toddobaad kayar ayaa laga joogaa markii Kooxda Ikhwaanka lagu daray liiska ARGAGIXISADA caalamiga, laguna soo rogay cunaqabateyn. Arrinkaas Masar way ka mahadcelisay.

Dhanka Geeska Afrika, MASAR waxay kujirtaa xulufada Sacuudiga oo hadda taageersan dhanka SOOMAALIYA, laakiin Masaarida, UAE iyo Sacuudiga waxay isku RAACSAN YIHIIN in la burburiyo Ikhwaan Muslimiinka - oo ay u arkaan halis ku soo fool leh xukunka boqorrada Carbeed.

Sacuudiyiinta waxay iyaguna ku biiri doonaan heshiiska Abraham Accords oo TRUMP ku faano inuu yahay ninkii bud-dhigaha u ahaa.

Isla warqadda TRUMP waxaa ogeysiin la siiyay UAE. Sacuudiga iyo Itoobiya.

Masar iyo Itoobiya labaduna ma diidi KARAAN amarka TRUMP oo hadda isu arka nin nabadeed oo colaadaha xallin kara.

Masar waxay sannadkii qaadataa $1.4 billion gargaar ah oo WASHINGTON ay bixiso.

Itoobiyaanka waa saaxiibka ugu dhow ISRAA'IIL Geeska Afrika. UAE waxay kalsooni weyn ku qabaan Itoobiya -oo ay iyaga iyo UK shirko ku yihiin mashruuca dekedda .

Itoobiya iyo Masar oo heshiiya, oo lagu daray qorshaha SALDHIGGA AFRICOM ee (xilli maamulka Trump dib u eegis ku haayo siyaasaddiisa arrimaha dibadda ee Geeska Afrika), waxay noqon doontaa miisaan CULUS oo ku kordhay xulufada ISRAAIIL iyo Washington.

Trump ayaa warqad u diray Madaxweynaha Masar Cabdifatax Al-Sisi, isagoo sheegay in Mareykanku diyaar u yahay inuu dib u bilaabo dhexdhexaadinta u dhexeysa Masar iyo Itoobiya si loo gaaro heshiis k**a dambeys ah oo ku saabsan biyaha Wabiga Niilka.

Trump wuxuu carrabka ku adkeeyay muhiimadda Niil u leeyahay Masar, isla markaana sheegay in aysan sax ahayn in hal dal keligiis xakameeyo biyaha Niilka. Wuxuu rajo ka muujiyay in wada-xaajoodyo caddaalad ah iyo doorka Mareykanka lagu gaari karo heshiis waara oo ay ku qanacsan yihiin Masar, Suudaan iyo Itoobiya.

Fariin Muhiim ah Shacabka Soomaaliyeed ee Reer Puntland iyo Jubbaland 🇸🇴

Shacabka reer Puntland iyo Jubbaland waa inay si wadajir ah uga hortagaan aqoonsiga Israel 🇮🇱 ee ay ku sheegtay Somaliland. Tani waa tallaabo cad oo ka soo horjeeda midnimada iyo sharafka Soomaaliya.

Waxaa lagama maarmaan ah in mudahaaardyo iyo wacyigelin bulsho la sameeyo si codka shacabka loo muujiyo, loona caddeeyo in aan la aqbali doonin danaha shisheeye iyo qiyaanka lagu haysto dhulka Soomaaliyeed.

Midnimo, wadajir iyo difaac qaran ayaa kaliya naga ilaalin kara in la qaybsado dalka iyo shacabka Soomaaliyeed.

Aamusnaantu ma aha xal – waa waajib inaad codkaaga ka dhiibato!

FADEEXAD DUL HOGANAYSA XUKUUMADA HASSAN SHEIKH!
Somalia 🇸🇴 maanta waxay isu beddeshay goob ay quwadaha shisheeye ku hardamaan.
Xukuumadda Hassan Sheikh Mohamud waxay ku fashilantay ilaalinta qarannimada, amniga iyo danaha dalka, iyadoo oggolaatay in Soomaaliya loo adeegsado xero militari.

Turkey 🇹🇷 k**a shaqaynayso danaha Soomaaliya, balse waxay raadinaysaa maslaxaddeeda istiraatiijiga ah, iyadoo ka dhigatay dalka base militari oo ay danaha gobolka kaga fuliso.

Soomaaliya maxaa u dan ah?
Dal la dayacay, go’aanadiisana lagu beddeshay dano shisheeye — taasi waa mas’uuliyadda xukuumadda maanta jirta.

Houthi-yada Yemen: “Joogitaanka Israel ee Dhulka ay haysato Jabhada Somaliland waa bartilmaameed TARGET ah oo militari”

Hoggaamiyaha Houthiyiinta ee Yemen, Abdel-Malik al-Houthi, ayaa si adag uga digay in joogitaan kasta oo Argagixisada Israel ay ku yeelato Dhulka ay haysato Jabhada Somaliland loo aqoonsan doono bartilmaameed militari, kadib markii Israel ay ku dhawaaqday inay aqoonsatay Jabhada Somaliland.

Al-Houthi ayaa sheegay in tallaabada Israel ay tahay gardarro ka dhan ah Soomaaliya iyo Yemen, isla markaana ay halis ku tahay amniga Geeska Afrika, Badda Cas, iyo dalalka ku teedsan labada cirif ee Badda Cas.

“Joogitaanka Israel ee Somaliland waa bartilmaameed militari, waana gardarro ka dhan ah Soomaaliya, Yemen iyo xasilloonida guud ee gobolka,” ayuu yiri al-Houthi.

Xaalad sii cakirmaysa

Israel ayaa Jimcihii ku dhawaaqday inay si rasmi ah u aqoonsatay Jabhada Gooni Goosadka Somaliland — tallaabo noqotay tii ugu horreysay ee caalami ah tan iyo markii Somaliland ay si keligeed ah uga go’day Soomaaliya sannadkii 1991.

Falanqeeyayaasha gobolka ayaa sheegaya in xiriirka Israel iyo Jabhada Gooni goosadka Somaliland uu siin karo Israel gelitaan istiraatiiji ah oo ay ku gaarto Badda Cas, taasoo u sahli karta inay bartilmaameedsato Houthi-yada Yemen.

Asalka xiisadda

Tan iyo Oktoobar 2023, markii Argagixisada Israel ay billowday dagaalka Gaza, Houthi-yada Yemen ayaa qaaday weerarro ay ku sheegeen inay taageero u yihiin Falastiiniyiinta. Israel ayaana marar badan duqeymo ka fulisay Yemen. Weeraradaas ayaa hakad galay kadib xabbad-joojin jilicsan oo Gaza ka bilaabatay Oktoobar.

Cambaarayn caalami ah

Go’aanka Israel ayaa si weyn loo cambaareeyay, waxaana diiday:
• Midowga Afrika
• Masar
• Turkiga
• GCC
• Ururka Iskaashiga Islaamka (OIC)

Hay’adahan ayaa ku adkeystay in xuduudaha caalamiga ah ee Soomaaliya aan si hal dhinac ah loo beddeli karin.

Gunaanad

Jabhada Gooni Goosadka Somaliland, oo Samaystay ciidan Yar oo aan Damaanad Qaadi Karin Amniga Deegaanka ay haystaan, Baa haddana Gashay Go’doon diblomaasiyadeed, iyo khilaaf heer gobol iyo mid caalami ah, taasoo khatar ku ah xasilloonida Geeska Afrika.

CODKA RUNTA TV – War sugan, xog dhab ah.

Midowga Yurub (EU) ayaa si cad u sheegay in midnimada, madax-bannaanida iyo xuduudaha Soomaaliya la ixtiraamo, kadib markii Israel ay sheegtay inay aqoonsatay Somaliland.

Dowladda Federaalka Soomaaliya ayaa tallaabadaas si adag u diidday, kuna tilmaantay xadgudub ku ah sharciga caalamiga ah iyo madax-bannaanida dalka.

Dalal badan oo ay ka mid yihiin Masar, Turkiga, Jabuuti, GCC, Midowga Afrika iyo IGAD ayaa ka digay in arrintani khatar ku tahay xasilloonida Geeska Afrika iyo Badda Cas.

Mareykanka ayaa sheegay inuu weli aqoonsan yahay Soomaaliya oo mideysan, isla markaana uusan aqoonsanayn wax gooni-goosad ah.

Israel ayaa sheegtay in go’aankeedu la xiriira danaha istiraatiijiga ah iyo amniga gobolka, halka Somaliland ay rajaynayso in tani jabiso go’doomintii diblomaasiyadeed ee muddada dheer.

CODKA RUNTA TV – War sugan, xog dhab ah.

Turkiga ayaa dedejinaya dhismaha saldhig millateri oo ay ka samaysanayaan magaalada Laasqoray ee Gobolka Sanaag, tan oo ay sheegeen in ay kaga hor-tagayaan saameynta Israa|l ee Somaliland, sida ay ku warrantay warbaahinta Turkida TRT.

Maxay Israa’iil u Aqoonsatay Somaliland? – Soo Koobid Falanqeyn

Israa’iil ayaa ku dhawaaqday inay Somaliland u aqoonsatay dal madax-bannaan, isla markaana ay la yeelanayso xiriir diblomaasiyadeed oo toos ah. Go’aankan waxaa ku dhawaaqay Ra’iisul Wasaaraha Israa’iil, Benjamin Netanyahu, kaddib markii uu saxiixay aqoonsiga, isla markaana taleefan kula hadlay Madaxweynaha Somaliland, Cabdiraxmaan Cirro.

Netanyahu wuxuu go’aankan ku ammaanay Wasiirka Arrimaha Dibadda Gideon Sa’ar iyo Madaxa Mossad David Barnea, taasoo muujinaysa in arrintan muddo dheer laga shaqeynayay. Madaxweynaha Somaliland isna wuu soo dhaweeyay go’aanka, wuxuuna caddeeyay diyaar garowga Somaliland ee xiriir buuxa la yeelashada Israa’iil.

Sidee ayuu heshiiskani ku bilowday?

Warar la helay ayaa tilmaamaya in booqashadii ugu horreysay ee Madaxweyne Cirro ee Dubai lagu soo bandhigay qorshe ah in Somaliland ay xiriir la yeelato Israa’iil, taasoo ay ku beddelanayso aqoonsi rasmi ah. Qorshahan wuxuu la xiriiraa Heshiisyada Abraham Accords, oo uu hindisay Madaxweynihii h**e ee Mareykanka Donald Trump, isla markaana uu hormuud ka ahaa Jared Kushner.

Markii aqoonsigu soo baxay, Somaliland waxay si rasmi ah u muujisay diyaar garow ay ugu biirto Abraham Accords, inkasta oo weli su’aalo ka taagan yihiin doorka Mareykanka oo ah dammaanad-qaadaha heshiisyadaas.

Maxay Israa’iil uga faa’iideysaa?

Israa’iil waxay heshiiskan ka leedahay dano istaraatiiji ah, gaar ahaan:
• Joogitaan amni iyo sirdoon oo ay ka hesho marin-biyoodka muhiimka ah ee Bab al-Mandab
• Xakameyn dhaqdhaqaaqyada amni iyo ganacsi ee Badda Cas iyo Kanaalka Suweys
• La socodka saameynta dalal ay ka mid yihiin Iran, Turkey, Masar iyo Yemen
• Dib-u-habeyn ku sameynta khariidadda saameynta Geeska Afrika

Arrintan waxay Israa’iil u oggolaanaysaa inay yeelato saameyn amni, mid milatari iyo mid siyaasadeed oo ka baxsan Bariga Dhexe.

Falcelinta Gobolka iyo Soomaaliya

Dalal ay ka mid yihiin Turkey, Masar iyo Jabuuti ayaa si cad uga hor yimid aqoonsiga Israa’iil ee Somaliland, iyagoo ku tilmaamay tallaabo sharci-darro ah oo dhaawacaysa midnimada dhuleed ee Soomaaliya.

Dowladda Federaalka Soomaaliya ayaa lagu eedeeyay dayac diblomaasiyadeed iyo sirdoon, maadaama la sheegay in Madaxweynaha Soomaaliya h**e loogu wargeliyay qorshahan, balse aan la qaadin tallaabo wax ku ool ah. Arrintan waxay muujisay daciifnimo ku jirta siyaasadda arrimaha dibadda iyo xulafada istaraatiijiga ah ee Soomaaliya.

Maxaa la gudboon Madaxweyne Xasan Sheekh?

Xaaladdan cusub waxay u baahan tahay:
• Midnimo qaran iyo wadatashi ballaaran
• In la joojiyo khilaafaadka gudaha, gaar ahaan kuwa la xiriira doorashooyinka
• In dib loo habeeyo siyaasadda arrimaha dibadda
• In la xoojiyo xiriirka Midowga Afrika iyo Jaamacadda Carabta
• In si wadajir ah loo difaaco midnimada dhulka iyo danaha badda Soomaaliya

⸻