Saif Awad

شرق- حرف الكلام حلقي


-شرق- ريد المحنة صباح ....


-طبق- سلمت فيو قلبي


و -طبق- هجرك كلامي الراح .....


-عجن- حسنك احاسيسي


و -عجن- غنجك ملاني جراح ......


-نصيح- انا رغم جني البي


-نصيح- انا والهم النواح .........


-بريدك- بحت بي حبي


و -بريدك- بالسلام ما باح .........


و -أكيد- باللقيا عزالي


و -أكيد- أنا بي لقاك برتاح .........


و -بستناكا- في الميعاد


و -بس تناكا- قمري اللاح........


-أسيل- تتدفق أشواقي


و -أسيل- خدك تقول مصباح ........


و -أراضيك- وانت تقسى علي


و -اراضيك- دونا مافي براح ..........


-سحر- ضلم كحل عينيك


-سحر- عيني وليا اجتاح ..........


-رقيق - لحظك أسرني بقيت


-رقيق- رمشا كحيل ضباح ..........


و -نور- نور ضلام العين


و -نور- أزهارك الفواح .........


-بروق- لو مرة تطراني


و -بروق- نورك تلوحلي لواح ..........

- ولا من ذكرياتي البوح ....

- ولامن جيت أبوح بصراح ...

-شرق حرف الكلام حلقي ...

- وشرق ريد المحنة صباح ..




وئام كمال الدين ...

لا تسأل الدار عن من كان يسكنها
الباب يخبر ان القوم قد رحلوا
ما ابلغ الصمت لما جئت اسأله
صمت يعاتب من خانوه و ارتحلوا
يا طارق الباب رفقاً حين تطرقهُ
فإنه لم يعد في الدار أصحابُ .
تفرقوا في دروبِ الأرض وانتثروا
كأنه لم يكن انسٌ واحبـــــــابُ .
أرحم يديك فما في الدار من أحد
لا ترج رداً فأهل الودُ قد راحوا .
ولترحم الدار ..لا توقظ مواجعها
للدور روحٌ ....كما للناس أرواح..

أنا وقبائل الشوق
حالفين هانستناك
ما تطول الغيبة
عارف قلوبنا معاك

ما تبقى ماسك في الاباكـ
ما تبقى ياااخ دمكـ تقيل..
ايه يعني ما قدّر هواااكـ
خليهو كان ناوي الرحيل..
خليهو بي اسم الغرااام
والريده والعُشره القبيل..
م يخوفكـ درب الفراق
امشيهو بي صبراً جميل..
🍁🍂 🍂🍁😍❤️

نضال حسن 💚

ﺩﺍﻳﺮﻩ ﺍﻭﺻﻴﻚ ﻳﺎ ﺑﻨﻴﻪ ﻓﻲ ﺯﻣﻦ ﻓﻘﺪ
ﺍﻟﻮﺻﻴﻪ
ﺍﻟﻨﺼﻴﺤﻪ ﺗﺒﻘﻲ ﻣﺎﻓﻲ ﻭﺍﻟﺒﻌﺮﻓﻮ ﺍﻟﺤﺐ
ﺷﻮﻳﻪ
ﺍﻟﺒﻐﺶ ﺍﻟﻨﺎﺱ ﺑﻌﻴﺶ ﻭﺍﻟﺒﺤﺐ ﺑﺎﻟﺠﺪ
ﺿﺤﻴﻪ
ﻓﻲ ﺍﻟﺒﻴﺴﺮﻕ ﻓﻲ ﺍﻟﺒﻴﻨﻬﺐ ﻭﻓﻲ
ﺍﻟﺒﻴﺨﻄﻒ ﺯﻱ ﺣﺪﻳﻪ
ﻓﻲ ﺍﻟﺒﺮﻳﺪﻙ ﺭﻳﺪﺓ ﺻﺎﻓﻴﻪ ﻭﻓﻲ ﺍﻟﺒﺠﻴﻚ
ﻧﺎﻭﻱ ﻧﻴﻪ
ﻭﻓﻲ ﺍﻟﺘﻘﻮﻟﻲ ﻋﻠﻴﻬﻮ ﻭﺍﻋﻲ ﻭﻳﺒﻘﻲ ﻓﻲ
ﺍﻻﺧﺮ ﺍذﻳﻪ
ﺧﻠﻲ ﻋﻘﻠﻚ ﺻﺎﻓﻲ ﺟﻮﺍﻙ ﻣﺎ ﺣﺘﻮﻗﻌﻲ
ﻓﻲ ﺍﻟﻬﻮﻳﻪ
ﺷﻴﻠﻲ ﻣﻦ ﺟﻮﺍﻛﻲ ﺧﺎﻃﺮﺓ ﺍﺳﻤﻬﺎ
ﺍﻟﺤﺐ ﻭﺍﻟﺒﻠﻴﻪ
ﺑﻜﺮﺓ ﻳﻠﻌﺐ ﺑﻴﻜﻲ ﻭﺍﺣﺪ ﻭﺍﻧﺘﻲ ﺭﻭﺣﻚ
ﻟﺴﻪ ﻧﻴﻪ
ﺑﺎﺑﺘﺴﺎﻣﺔ ﺟﻤﻴﻠﻪ ﻣﻨﻮ ﻭﺳﺎﻋﻪ ﻓﻲ
ﺻﻨﺪﻭﻕ ﻫﺪﻳﻪ
ﺗﻠﻘﻲ ﻧﻔﺴﻚ ﺗﺎﻳﻬﻪ ﺟﻮﺍﻙ ﺗﻔﻘﺪﻱ ﺯﻣﺎﻡ
ﺍﻟﻘﻀﻴﻪ
ﻭﺗﺒﻘﻲ ﻓﻲ ﺍﻻﺧﺮ ﻣذﻟﻪ ﻫﻮ ﺍﻟﺒﻘﻮﻟﻮ
ﺍﻟﻨﺎﺱ ﺷﻮﻳﻪ
ﺍﻟﺒﺠﻴﻚ ﺑﺎﻟﺒﺎﺏ ﺣﺒﺎﺑﻮ ﻭﺍﻟﺒﻨﻂ ﺍﻟﺴﻮﺭ
ﺍﻛﻮﻳﻬﻮ ﻛﻴﻪ
ﻭﺍﺑﻘﻲ ﻋﺸﺮﺓ ﻳﺎ ﺑﻨﻴﻪ ...

نقطة بتفرق ...

تزرع وسط (الزحمة) (الرحمة) وتقلب (حن) العاشق (جن) .،؛

وتبني بدال ( البيت) (البين) وتحول (طن) الريد لي (ظن) .،؛

مرة (تعرب) فيك الكلمة ومرة (تغرب) حرفك يطش .،؛

(تحني ) غرامك يزرع وردة و (تجني) عقابا فراقا هش .،؛

(تحوي) و (تخوي) وقلبك يئن .،؛

وأصلو (الفاضي ) بيعمل (قاضي) .،؛

يخلي هزارك يصل (الحد) ويقلب (جد) .،؛

يرمي (الحب) في أعمق (جب) .،؛

يمد (للراد) (الزاد) من سم .،؛

ويسقي (الجوف) (الخوف) بالدن .،؛

ما نقطة بتفرق !!

تزرع وسط الزحمة الرحمة وتقلب حن العاشق جن

•
وئام كمال...

فاكر نفسك لاعب بيها؟
مرجيحة تلاعبك و إت مبسوط
قلبك مسكين أمن ليها
خشبة وعراضة حبل مربوط
مابين عاليها و واطيها
واطيها الغم والدنيا تجوط
أهي بس أيام بنعديها
إحساس أفراح بالهم مخلوط

مابين جرة شهقة و زفرة
مسكين الوطن المترتو و مجنونة خيالات الفكرة
وعلشان ما تحس بي إنك فوق
لابد غيرك يديك دفرة
وقبال ما تشمو نسيم النيل
لازم تعرف ريحة الغبرة
و أكيد قبل دموع الفرحة
حيضوق حلقك طعم العبرة

حبيتك بي منطق شفع
ما عرفو الحب غير بالفطرة
يتشابو عشان يلمسو غيمة
و يمدو كفوفم للقمرة
يتشبكو فيها و اذا غابت
عينيهم تفضل منتظرة
دمعاتم تجري إذا صد
المحبوب أو غير في النبرة
و إذا جرحت هواهم يوم
بس أضحك والجرح حيبرا

حبيتك وقالو الحب نعمة
والريدة الهين تجريحا
شفافة كما موية الكلمة
واللهفة الزايدة تباريحا
سايقاني خطاها علي الضلمة
و أشواقي المترامية طريحة
ماعرفت إنو الحب أعمى
و بتطوطح متل المرجيحة

يا عاشق وواصلك طرف السوط
فاكر نفسك لاعب بيها؟؟

مرجيحة تلاعبك وإت مبسوط
قلبك مسكين آمن ليها
خشبة وعراضة حبل مربوط
مابين عاليها و واطيها
واطيها الغم والدنيا تجوط
أهي بس أيام بنعديها
إحساس أفراح بالهم مخلوط

وئام كمال الدين

✨
طريت برق الفويطر الشال
وسال دمعي البكب والشال