https://www.facebook.com/101079835231563/

Hip Hop Mena

منصّة هدفها نشر ثقافة مزيكا الهيب هوب في مصر و الشرق ال?

12/19/2021

😄😄

12/15/2021

🚨🚨مقال رأي للناقد الموسيقي محمد شميس.. تتفق ولا تختلف معاه؟ ✍️✍️✍️

مع نهاية السنة مفيش عمل غنائي أقدر أقول عليه ألبوم بالشكل الصحيح غير "مولود سنة 80 لحمزة نمرة"، و"كنترول لمروان بابلو".
الباقي كله يصنف كـ"كوكتيلات".

الكوكتيل هو تجميعه لأغاني سينجل غير مترابطة مع بعضها موسيقياً ولا هي ليها هدف عايزة تقوله من خلال المواضيع.

الالبوم تنفع كل أغنيه فيه تبقى موضوع مستقل، لكن لما ترص كل أغانيه جنب بعض هتشوف صورة أوسع وهدف محدد وكل واحدة بتكمل التانية.
الألبومين دول فيهم المؤي الصوتي مشارك في الصناعة مش حد بينقي كأنه في سوبر ماركت.

الأتنين دول فيهم حاجات ذاتية، والشخصية الفنية لصاحب العمل ظاهرة في كل الأغاني.

أنا منحاز لـ"كنترول" لأن بابلو بيكتب وبيلحن وبيعمل الميكس والهندسة لنفسه، شخصيته واضحة طبعا في كل الأغاني، الأغاني ذاتية، بيتكلم عن ضعفه وانكساره، بيحكي مواضيع "خاصة" لكن الخاص بتاعه عام، ومشترك مع ناس تانية.

قدر انه يعبر عن بيئة "فاسدة" اتربى فيها وشاف المخدرات والزبالة والتعدي على القانون والشحاتة والفقر وقدر من المكونات دي يعمل أغاني ليها مدلول اجتماعي وسياسي وتبقى راقصة وتصلح انها تشتغل في العربيات والتجمعات الشبابية.

حتى في استخدامه للشتايم كان موفق بالنسبالي، لأنه بيأكد عليا أني بسمع بشر بيغلط وبيتعصب وبيشتم، مش ملاك بيتكلم عن نفسه، شخص حقيقي زي اللي بتعامل معاهم يوميا، وزيي لما بتعصب وبشتم وبسب لكل اللي حواليا من ضيقتي.

وكمان منحاز له عشان هو من ضمن الأسماء اللي شاركت في تحويل الراب من فن له جمهور خاص، لفن بيتسمع في شرائح جماهيرية أوسع، وبقى يتعمله حفلات يحضرها بالـ10 والـ20 ألف، وكمان يقتحموا الميديا ويبقى نجوم اعلانات وما الى ذلك.

دي انحيازاتي الشخصية وده رأيي الشخصي وأسبابي اللي بنيت عليها الرأي، ومش بالضرورة تكون صح "بالنسبالك"