ចំណេះដឹងទិញលក់អចលនទ្រព្យ

“ ហេតុអ្វីបានជាភ្នាក់ងារអចលនវត្ថុជាជម្រើសដ៏ល្អប្រសើរនៅពេលដែលអ្នកដើររកទិញផ្ទះនិងដី ? “

គន្លឹះ៨យ៉ាងក្នុងការទិញផ្ទះលើកដំបូង
#ចំណេះដឹងទិញលក់អចលនទ្រព្យ

១. ​ ដំបូងត្រូវមើល​ប្លង់កម្មសិទ្ធិអចលនទ្រព្យ

#ចំណេះដឹងទិញលក់អចលនទ្រព្យ
ប្លង់កម្មសិទ្ធិអចលនទ្រព្យគឺជាវត្ថុតាងដ៏សំខាន់មួយ​សម្រាប់ការសម្រេចចចិត្ត​ទិញផ្ទះរបស់អ្នក។ ក្នុងប្រទេសកម្ពុជាបច្ចុប្បន្ន មានប្រភេទប្លង់កម្មសិទ្ធជាច្រើនដែលក្នុងនោះភាសានិយាយសាមញ្ញចូលចិត្តហៅថាប្លង់រឹងឈរ ឬប្លង់បំបែកក្បាលដី(វិញ្ញាបនបត្រសម្គាល់ម្ចាស់អចលនទ្រព្យ) និងប្លង់រឹងដេក (ប័ណ្ណ​សំគាល់​សិទ្ធិកាន់កាប់​អចលនវត្ថុ) និងប្លង់មួយប្រភេទ​ទៀតហៅថាប្លង់ទន់ (ចេញត្រឹមសង្កាត់ខណ្ឌ)។ ដូចនេះ​ អ្នកត្រូវដឹង​ថា អចលនទ្រព្យ​ដែលអ្នកកំពុងតែចង់ទិញនោះ មានប្លង់កម្មសិទ្ធិ​ស្របច្បាប់ដែរទេ? (ល្អបំផុតគឺមានប្លង់រឹងដែល​អាផ្តល់ទំនុកចិត្តដល់យើង តែតំបន់ខ្លះគឺមានត្រឹមតែប្លង់ទន់ប៉ុណ្ណោះ) តើផ្ទះដែលអ្នកទិញ​អាច​មានទំនាស់ ឬជម្លោះកម្មសិទ្ធដែរឬទេ? ប្រសិនបើអ្នកថ្មីសម្រាប់ការទិញលក់អចលនវត្ថុ អ្នកគួរចៀសវាង​ទិញផ្ទះដែលមានប្លង់កម្មសិទ្ធមិនច្បាស់លាស់ និង​ប្លង់ដែលមានទំនាស់ ដែលអាច​បង្កភាពឈឺក្បាលជាច្រើនដល់អ្នក។ យុទ្ធសាស្ត្រល្អបំផុតមុនពេលទិញ ឬកក់លុយនោះ អ្នកអាច​ស៊ឺបសួរពីមន្ត្រីសូរិយោដីត្រួតពិនិត្យភាពស្របច្បាប់ជាមុន ឬក៏ស្វែងរក​ក្រុមហ៊ុនភ្នាក់ងារអចលនទ្រព្យ​ដែលមានជំនាញវិជ្ជាជិវៈសម្រាប់ជួយប្រឹក្សាយោបល់ដល់អ្នក។

២. មើលទីតាំង

#ចំណេះដឹងទិញលក់អចលនទ្រព្យ
អ្នកដែលធ្លាប់​មានបទពិសោធន៍ច្រើនក្នុងការទិញផ្ទះ គាត់តែងតែនិយាយថា “ទិញផ្ទះ អ្វីដែលសំខាន់បំផុតគឺទីតាំង ទីតាំង ទីតាំង”។ ព្រោះថា ទីតាំងគឺជាកត្តាដ៏សំខាន់មួយដែលជះឥទ្ធិពលលើការឡើងថ្លៃតម្លៃអចលនវត្ថុនោះ។ ប្រសិនបើផ្ទះរបស់អ្នកស្ថិតនៅទីតាំងដែល​សមប្រកប ទីដែលមានមនុស្សឆ្លងកាត់ច្រើន ទោះបីជាស្ថានភាព​ទីផ្សារអចលនវត្ថុ​ធ្លាក់ចុះ ឬនៅត្រឹង ក៏នឹងមិនអាច​ទាញទម្លាក់តម្លៃរបស់អចលនវត្ថុអ្នកដែរ។ ទោះបីជាអ្នកទិញផ្ទះសម្រាប់រស់នៅក៏ដោយ កត្តាទីតាំងពិតជាមានសារៈសំខាន់ណាស់ក្នុងការផ្តល់ភាពងាយស្រួលក្នុងការរស់នៅ និងការលក់បន្តទៀតដើម្បីបានចំណេញ។ ប្រសិនបើអ្នកមានលទ្ធភាព អ្នកមិនគួររិះថាំតម្លៃ​ខុសគ្នាបន្តិចបន្តួច ហើយជ្រើសរើសផ្ទះដែលមានទីតាំងមិនអំណោយផលនោះទេ។ ដូចនេះ ប្រសិនបើអ្នក​រំពឹងចង់បានចំណេញច្រើនពីផ្ទះដែលអ្នកបានទិញនោះ នៅពេលដែលអ្នកសម្រេចចិត្តទិញផ្ទះណាមួយ អ្វីដែលអ្នកត្រូវគិតពិចារណានោះគឺ​ជ្រើសរើស​ទីតាំងដែលល្អ។ ធ្វើដូចនេះទើបអ្នកអាចទទួលបានផលចំណេញច្រើនពីការវិនិយោគទិញផ្ទះនេះ។

តើគួរទិញផ្ទះមុន ឬទិញឡានមុន?

#ចំណេះដឹងទិញលក់អចលនទ្រព្យ
ទិញផ្ទះមុន ឬឡានមុន? នេះជា​ចម្ងល់មួយដែលមនុស្ស​ជាច្រើន​ពិបាកស​ម្រេចចិត្ត​នៅពេលដែលមានលុយក្នុងដៃមានកំណត់។ បើអ្នកសួរមនុស្សទូទៅ ឬ​ស្តាប់ពីការចែករំលែក​លើបណ្តាញសង្គម ប្រាកដណាស់ចម្លើយ​ភាគច្រើន​គួរនឹងនិយាយ​ថា អ្នកគួរទិញផ្ទះមុន ព្រោះផ្ទះជាទ្រព្យ ហើយឡាន​ទិញទៅ​និង​ធ្លាក់ថ្លៃ ហើយវាបំណុល​ជាក់ជាមិនខានឡើយ។