𝗠𝗢𝗛𝗔𝗠𝗘𝗗 𝗢𝗠𝗔𝗥

𝗪𝗔𝗦𝗔𝗔𝗥𝗔𝗗𝗗𝗔 𝗔𝗥𝗜𝗠𝗔𝗛𝗔 𝗚𝗨𝗗𝗔𝗛𝗔 𝗜𝗬𝗢 𝗗𝗜𝗕 𝗨 𝗛𝗘𝗦𝗛𝗜𝗜𝗦𝗜𝗜𝗡𝗧𝗔 𝗝𝗙𝗦 𝗪𝗔𝗫𝗔𝗬 𝗨 𝗔𝗦𝗧𝗘𝗬𝗦𝗔𝗬 𝟭𝟬-𝗞𝗔 𝗝𝗨𝗟𝗔𝗔𝗬 𝟮𝟬𝟮𝟱 𝗜𝗡 𝗟𝗔 𝗤𝗔𝗕𝗧𝗢 𝗦𝗛𝗜𝗥𝗪𝗘𝗬𝗡𝗔𝗛𝗔 𝗗𝗛𝗔𝗠𝗘𝗬𝗦𝗧𝗜𝗥𝗞𝗔 𝗠𝗔𝗔𝗠𝗨𝗟𝗞𝗔 𝗦𝗦𝗖-𝗞𝗛𝗔𝗧𝗨𝗠𝗢.

Iyadoo lagu saleynayo qodobka 49aad ee Dastuurka KMG ah iyo go’aankii Golaha Wadatashiga Qaranka, Wasaaradda Arrimaha Gudaha ee JFS waxay caddeysay in shirweynaha dhameystirka maamulka SSC-Khatumo lagu qaban doono 10-ka July 2025. Sidoo kale, wasaaraddu waxay magacaabeysaa xubno farsamo oo ka shaqeeya diyaarinta iyo fulinta howlaha shirweynahaas.

𝗫𝗨𝗨𝗧𝗜𝗬𝗜𝗜𝗡 𝗦𝗔𝗥𝗘 𝗢𝗢 𝗟𝗔𝗚𝗨 𝗗𝗜𝗟𝗔𝗬 𝗬𝗔𝗠𝗔𝗡: 𝗜𝗦𝗥𝗔𝗘𝗟 & 𝗜𝗠𝗔𝗔𝗥𝗔𝗔𝗧𝗞𝗔 𝗢𝗢 𝗟𝗔𝗚𝗨 𝗘𝗘𝗗𝗘𝗘𝗬𝗔𝗬 𝗪𝗘𝗘𝗥𝗔𝗥 𝗟𝗔𝗚𝗔 𝗦𝗢𝗢 𝗤𝗔𝗔𝗗𝗔𝗬 𝗕𝗢𝗢𝗦𝗔𝗔𝗦𝗢, 𝗣𝗨𝗡𝗧𝗟𝗔𝗡𝗗.

Warar sirdoon oo la helay ayaa xaqiijinaya in sarkaal sare oo ka tirsan kooxda Xuutiyiinta ee ka dagaalanta Yemen lagu dilay duqeyn cirka ah oo ka dhacday gudaha dalka Yemen, waxaana weerarkaasi loo adeegsaday diyaarad galtaan ah oo ay fuliyeen Israel iyo Imaaraatka Carabta.

Waxa la sheegay in duqeynta laga soo qaaday saldhig ku yaalla gudaha Puntland, gaar ahaan magaalada Boosaaso, taas oo kicisay caro xoog leh oo ka timid dhinaca Xuutiyiinta. Kooxdaasi waxay ku hanjabtay in ay jawaab adag ka bixin doonaan weerarka, ayna ka fiirsan doonaan mowqifka ay Soomaaliya iyo gaar ahaan Puntland kaga jiraan khilaafka gobolka.

XEEL-DHEERAYAAL SIYAASADEED IYO MILATARI ayaa sheegaya in haddii warbixintani run noqoto, ay Puntland gelin karto Soomaaliya dagaal aysan qayb ka ahayn, iyadoo dhulka Soomaaliyeed loo adeegsado goob weerar shisheeye.

𝗪𝗜𝗜𝗟 𝗦𝗢𝗢𝗠𝗔𝗔𝗟𝗜 𝗔𝗛 𝗢𝗢 𝗟𝗔𝗚𝗨 𝗫𝗨𝗞𝗨𝗠𝗔𝗬 𝗫𝗔𝗥𝗜𝗚 𝗞𝗔 𝗗𝗜𝗕 𝗠𝗔𝗥𝗞𝗜𝗜 𝗨𝗨 𝗞𝗨 𝗞𝗔𝗖𝗔𝗬 𝗙𝗔𝗟 𝗞𝗨 𝗧𝗜𝗟𝗠𝗔𝗔𝗠𝗔𝗡 𝗪𝗘𝗘𝗥𝗔𝗥 𝗚𝗔𝗟𝗠𝗢 🙀.

Dalka Ireland, wiil Soomaali ah oo lagu magacaabo Cabdiwali, da'diisuna tahay 24 sano jir, ayaa lagu xukumay 8 bilood oo xabsi ah, ka dib markii uu ku kacay fal anshax-darro ah oo ka dhacay gudaha taraamka magaalada.

Falka ayaa dhacay xilli taraamku uu buuxsamay, waxaana la sheegay in Cabdiwali uu si ula kac ah u taabtay gabar cadaan ah isagoo ku dhex sugan gaadiidka dadweynaha. Gabadhii la dhibay waxay markii h**e fahmi weyday waxa dhacay, balse baaritaan ay booliisku sameeyeen kadib ayaa lagu caddeeyay in falkaasi uu ahaa weerar galmo (sexual assault).

Maxkamadda ayaa markii dambena ku heshay eedda, waxayna go’aamisay in lagu ciqaabo 8 bilood oo xarig ah, taasoo tusaale u noqon karta falalka la midka ah ee ka dhaca goobaha dadweynuhu ku badan yahay.

𝗛𝗜𝗜𝗚𝗦𝗜𝗚𝗔 𝗤𝗔𝗥𝗡𝗜-𝗝𝗜𝗥𝗞𝗔 𝟮𝟬𝟲𝟬: 𝗦𝗢𝗢𝗠𝗔𝗔𝗟𝗜𝗬𝗔 𝗖𝗨𝗦𝗨𝗕 𝗢𝗢 𝗛𝗔𝗡𝗔-𝗤𝗔𝗔𝗗𝗔𝗬𝗦𝗔

Madaxweynaha Jamhuuriyadda Federaalka Soomaaliya, Dr. Xasan Sheekh Maxamuud, ayaa si rasmi ah u daahfuri doona Hiigsiga Qarni-jirka 2060 — qorshe fog oo dalka u horseedi doona horumar, midnimo, iyo dhaqaale kobca.

Hiigsigan wuxuu ka kooban yahay 7 Qorshe Qaran oo 5-sanadle ah, wuxuuna Soomaaliya u jihaynayaa in ay gaarto heerka waddamada dakhliga dhexe ee sare (UMIC) marka la gaaro 2060.

Inkasta oo aynu dib uga soo dhacnay dalalka qaaradda Afrika, haddana maanta waa guul taariikhi ah in Soomaaliya cagta saarto dhabihii horumarka iyo iskaashi qaran.

𝗛𝗔𝗟𝗬𝗘𝗬𝗔𝗗𝗔 𝗔𝗙𝗥𝗜𝗞𝗔 𝗢𝗢 𝗠𝗨𝗤𝗗𝗜𝗦𝗛𝗢 𝗞𝗨 𝗖𝗜𝗬𝗔𝗔𝗥𝗔𝗬𝗔 – 𝗜𝗙𝗧𝗜𝗜𝗡 𝗜𝗬𝗢 𝗦𝗛𝗔𝗥𝗔𝗙 𝗔𝗬 𝗗𝗢𝗪𝗟𝗔𝗗𝗗𝗔 𝗦𝗢𝗢𝗠𝗔𝗔𝗟𝗜𝗬𝗔 𝗞𝗔 𝗦𝗛𝗔𝗤𝗔𝗬𝗦𝗔𝗬.

Waxaa maanta magaalada Muqdisho ku sugan halyeeyada waaweyn ee kubadda cagta Afrika – 𝗦𝗮𝗺𝘂𝗲𝗹 𝗘𝘁𝗼’𝗼, 𝗘𝗺𝗺𝗮𝗻𝘂𝗲𝗹 𝗔𝗱𝗲𝗯𝗮𝘆𝗼𝗿 𝗶𝘆𝗼 𝗝𝗮𝘆-𝗝𝗮𝘆 𝗢𝗸𝗼𝗰𝗵𝗮 – kuwaas oo usoo ciyaaray kooxaha ugu waa weyn Yurub. In ay maanta garoomada Muqdisho kusoo ciyaaraan waa astaan u taagan 𝗻𝗮𝗯𝗮𝗱, 𝗵𝗼𝗿𝘂𝗺𝗮𝗿 𝗶𝘆𝗼 𝗸𝗮𝗹𝘀𝗼𝗼𝗻𝗶 dib ugu soo laabatay Soomaaliya.

Tani ma aha kaliya ciyaar, waa fariin dunida u diraysa in Soomaaliya ay diyaar u tahay in ay martigeliso dhacdooyin caalami ah, una gogol xaarayso mustaqbal ifaya. Waxaa mahad gaar ah leh 𝗗𝗼𝘄𝗹𝗮𝗱𝗱𝗮 𝗙𝗲𝗱𝗲𝗿𝗮𝗮𝗹𝗸𝗮 𝗦𝗼𝗼𝗺𝗮𝗮𝗹𝗶𝘆𝗮 oo dadaal badan gelisay martigelinta iyo amniga munaasabaddan.

𝗠𝘂𝗾𝗱𝗶𝘀𝗵𝗼 𝗺𝗮𝗮𝗻𝘁𝗮 𝘄𝗮𝘅𝗮𝘆 𝗶𝗳𝘁𝗶𝗶𝗻 𝘂 𝘁𝗮𝗵𝗮𝘆 𝗔𝗳𝗿𝗶𝗸𝗮.