Yahu Blog 256

Who's your next Kampala Member of parliament?

ALEX LUSWA LUWEMBA/MUHAMMAD.

Omuganda agamba nti; Olidde jji kwesubya muwula! Olugero luno lwakutuukiddeko bulungi oluvanyuma lw'ekibiinakyo ekya National Unity Platform okukola okusalawo okwayawukana ku ndowooza yo, bw'otyo n'owabisibwa ne wewagula n'okola ebibyo!

Bulijjo, amaanyi ameemanye, gamala ebita embuga. Kaliba kasajja, akuliisa engo. Okwewaggula newesimbawo obwa namunigina, kaali kabonero akooleka;
-Nti gwe olowooza nti oli Wa kitalo nnyo.
-Nti gwe oli munene okusinga ekibiina.
-Nti wayinza okubeerawo akuli emabega.
-Nti gwe mu NUP wanonamu bifo si kununula gwanga nga bano abalala.

Tekyali kirowoozo kirungi kwewaggula. Ebirootobyo wabitta mu kaseera mpa we kaaga! Kigenda kukubeerera kizibu okwesimba awantu wona abantu nebakwesiga nebakulonda. Olaba onyooma kibiinakyo ku nsonga entono, ate olwo ku balonzi!

Wetegereze kino;
Okubeera nga Wali muyambi Wa Ssegirinya, tekiyina kakwate Kona kukufuula ye. Abantu baali tebabagaala kyenkanyi. Obuwagizi bwa Ssegirinya bwaali bubwe, so si bubwo Oba 'bwamwe'. Y'ensonga lwaki olumu olaba ne president w'ekibiina Bobi Wine anoonyeza abantu obululu ate abalonzi nebamuwakanya nebalonda mulala.
Alex, tewaliiwo ngeri yona gye Wali oyinza kusinza bantu abo maanyi... Opozisoni yona, nedda nawe!

Wabula walina okukola bino wamanga;
-Kukkiririza mu kusalawo okwa wamu nti ye yalı aweereddwa kanadı, olwo newegatta ku bantu bona n'omudda emabega ne munoonya akalulu!
-Nga eyali mukamaawo omugenzi Ssegirinya Muhammad FANS PAGE bwe yakola, nawe wandisoose kwesimbawo ku bwa kansala Oba meeya (kubanga Wali toweereddwa kaadi ku bwa MP) olwo ensi n'esooka eraba enkolayo.
Okukkiririza mu byaava mu kusalawo kyaali kigenda kukuweesa obubonero bw'otalabanga. Wabula ng'omuganda bw'agamba nti ataafune asuubula magi na nsuwa, nawe bw'otyo bwe wapapa...

Kiki ky'olina okukola!
-Okuddamu okugula emitima gy'abantu nga obeera mwetowaze eri ekibiina kyo. Kino Wabula kugenda kukutwaalira akaseera akawerako sseruganda. Oyina okubeera omugumiikiriza kubanga nkakasa nti ne mu kalulu akaddako oyinza obutaweebwa kaadi ate nga ffena tukakasa nti olabika toyina bugumiikiriza ate olabika olina akuli emabega.
-Osooke olindike Okwesimba awantu wona mpaka 2031. Wabula ekibuuzo kiri nti onoosobola okulinda?
-Bwekiba kituufu oyina omuntu akuli emabega, genda omwegateko akuwe omulimu. Naye ekizibu kiri nti ye anakwesiga nga naye akusigudde busiguzi?

Eby'obufuzi bya kubala, Mukisa oluusi n'ani akuwagira. Kw'ebyo tewaaliwo kye Wali mulungi mu kyo.
Singa wawagira Nalukoola, singa ogenda kubeera muyambiwe osanga, Laba bye wakola.
Kirowozeeko muganda wange, Jukira National Unity Platform tekugobangako era nkakasa nga bw'ononaaba olweza bulungi n'ebbombo n'otukula, era n'omatiza abakulu mu bikolwa si mu bigambo, okyasobolera ddala okusituka. Kiriza mu mutimagwo ensobi era ogyigolole olwo ojja kwambala engule ekunyumire mu Uganda empa.🤝

La President!
Bobi Wine

!
Edda, mu Buganda n'amawanga amalala, ekitiibwa ky'obulangira ky'abeera nga ky'amaanyi era nga buli muntu eyayitibwanga 'Mulangira', yabeera nga wansa.

Bwenalabye akatambi nga omuyimbi omulangira Suuna alaajanira Mukulu Salim Saleh, enaku yankutte nga newuunya eggwanga lyetulimu.
Ovanga ku nsi erina omuntu nga okubeera obubeezi nti ayına oluganda ku president w'eggwanga eryo naye nga naye alinga government namba.

Abantu bangi, kino tebayinza kumanya bulabe bukirimu kubanga obutamanya babwesiiga nga bizigo. Ebiseera ebisinga babimalira ku bintu bitabagattako, so nga ate omusimbi omwami oyo gw'agaba gwabwe.
Sirinaayo bantu mu Uganda bemanyi berowozaako bokka (selfish) nga bayimbi.

Webuuze, nti omulangira Suuna okugenda aweebwe ssente ewa Salim Saleh, Kiki ennyo ky'akoleddd eggwanga ekyo ekimwawula ku bantu abalala?
Eky'enaku era eky'enyamiza, nti oyo Suuna singa enkya wabeerawo obutali bwenkanya gamba nga omukungu Wa government eyabbye ssente, bw'omugamba nti beerako ky'oyogera, ajja kukugamba nti; "Nze siri mu nabyabufuzi"!

Uganda erabye. Omuyimbi okufuuka ekisekererwa nga sirwakuba nti katonda bw'asazeewo, wabula lwakuba nga omuyimbi ye kenyini mujega, muwutta, musiru. Baddira obutasoma (abamu) nebabugattako obutabeera na magezi mazaale, wama olwo negujabagira nga omunafu azadde kaliira.

Mukifo ky'okussa government ku nninga ebateerewo enkola ennungamu mwebakolera, basaalawo kufuuka basabirizi. Obuyinza n'amaanyi gebalina bagamalira mu kulya mayirungi, Kunywa njaga, na kusabiriza.
Naye mu nsi ez'abagunjufu, oddira otya omuntu nga Salim Saleh nga buli ayına ky'ayagala asaba ye! Olwo ffe abatamumanyi era abatali betegefu kusabiriza, tetuufune mu musolo gwetusasula?

Abantu betaaga ddagala mu malwaliro, enguudo ziri mu mbeera mbi, abasomesa b'eggwanga basasulwa obussente butono, ab'ebyokwerinda, n'obuweereza obulala bungi bubuliramu ddala. Lwaki abantu kinnoomu ate nga batono, balowooza nti bankizo mu gwanga lino?
Eky'ewunyisa, abayimbi bukyanga batandika kusabiriza, embeera era kumpi ekyali mbi gyebali.

Wakati mu mbeera nga ffena twetaaga okubeera obulungi mu nsi yaffe Uganda era nga ffena tuwa omusolo, ba ssebo ne ba nyabo abayimbi, temuli banjawulo nga bwemwagala okukinogaanya.
Ndi mukakafu nti government tebetaaga, olunaku singa lukya Bobi Wine n'ava mu by'obufuzi, lwemuyinza okukakasa nti bali mu kubakozesa bukozesa!

Mwasalawo kusirika nga ebigenda mu maaso mwefudde abatabiraba, embeera bwebatabangukangako temukomangawo eno mu bantu.

Teebereza, singa tekaabadde katambi ako, omuntu bweyandibadde asanze Suuna n'amubuuza gy'abulidde yandimulimbye mbu abaddeyo nga akyafumbira bawagizibe nyimba!

Bayimbi mwe mukimanye nti ezo essente zemusabiriza zaffe. Bwemuba music abalemye mugende ku Kyeeyo nga banamwe abalala Oba mugende mulime!

Ku lwa Katonda n'ensi yange Uganda!