FERA

Buibere lee hamutuk kontinua hasoru malu hodi diskute Kona-ba livru sira ne’ebé ami lee hela, no kontinua explora livru seluk ne’ebé atu lee tuirmai 🌹📚✊🏽

Buibere sira 🌹,

Semana kotuk, Grupu “Maria Tapo” aprezenta livru ne’ebé sira lee Ona “Perempuan di Titik Nol” husi Nawal El Saadawi

Novel Ida ne’e hatudu istória Kona-ba feto oan Ida naran Firdaus nia experiénsia moris iha ne’ebé hatudu momos oinsá patriarkia no klase serbisu hamutuk hodi halo exploitasaun ba feto.

Esperiensia Firdaus nian ne'e hatudu katak opresaun feto nian ne'e estruturál. Firdaus la'o liuhosi etapa moris oioin , husi etapa moris sira ne’e hatudu katak feto nia serbisu no isin hetan kontrolu no desvalorizadu.

Novel ne'e la oferese istória Ikus ne’ebé kaman ka esperansa ne'ebé fásil. Maibe, nia husik hela pergunta ida ne'ebé forte: se sistema ne'e rasik harii iha feto nia exploitasaun no subordinasaun,
saida maka ita tenki halo ba sistema ne’e ?

Obrigada barak Ekipa “Maria Tapo”✊🏽

Olá Buibere sira,

Aban ita iha aprezentasaun livru husi grupu “Maria Tapo” kona-ba novel ida ne’e.

Hamutuk ho ami ba aprezentasaun novel ida ne’e, ne’ebé ko’alia kona-ba istória feto ida ne'ebé maka rekuza silénsiu no espoin realidade brutál sira hosi patriarkia.

Keta haluha marka imi-nia tempu no até aban!
🌹✨✊🏽📚

Buibere sira,✊🏽🌹

Ida ne’e hatudu problema estuturál ida ne’ebé oras ne’e ita hasoru. Povu hetan kastigu bainhira hakilar ba lialoos. Feto sira-nia ibun ema kontinua taka, atu servi de’it, la’os atu transforma.

To’o bainhira ita tolera ida ne’e? Ida ne’e la’os problema jestaun ka lideransa ladi’ak deit. Ida ne’e hatudu karakter kapitalismu patriarkál, tanba sistema ne’e hakarak povu opremidu nia oan nonok, hakruk, no simu de’it bainhira iha injustisa.

Ita-nia istória la hanorin ita ida ne’e.
Hamutuk ba, hamutuk ita tau forsa hodi hakilar ba injustisa, solidariza ba malu no kontinua luta nafatin✊🏽✊🏽

📚Hasoru malu Daruak husi Buibere Lee Hamutuk!

Buibere husi grupu idak-idak fahe sira nia hanoin Kona-ba saida maka sira komprende husi livru ne’e no reflete ba Timor-Leste nia kontestu no moris Loron-Loron nian.

Diskusaun sira kobre tópiku kona -ba Feminismu, Patriarka, luta no Rezisténsia feto sira nian Iha moris loron-loron.

🌹✊🏽📚

Buibere sira,

Imi lee ona livro ne’e ?📚?
Luta Feminismu, Luta ba emansipasaun povo ne’e moris nanis husi ita-nia istoria Rezisténsia.

Mai join ami-nia ekipa “Bui Lear” atu aprende, fahe no reflete hamutuk livru nee.

🗓️ 21 Marsu
⏰ 3pm
📍Jardin Uma Laku Farol

Se mak lee ona novel ne’e?📖
Mai join Buibere Lee hamutuk nia grupu “Maria Tapo” sei halo diskusaun no sharing Kona-ba livru ne’e ♥️🌹

🗓️ 21 Marsu
⏰ 3pm
📍 Jardin Uma Laku Farol

✨♥️🌹

Olá Buibere sira 🌹,
Sabado agora , ekipa Lee hamutuk “Rosa Muki” sei fahe no diskute Kona-ba livro Ida ne’e, husi pajina 1-44.

Espasu Ida ne’e nakloke ba ema hotu.
Buibere sira ne’ebé la konsegue registo, bele buka livru ne’e rasik Iha lian portuguese, Inglés ka Bahasa Indonesia, lee no ita bele diskute hamutuk Iha sábado.

🗓️ 21 Marsu
⏰ 3pm
📍 Jardin Uma Laku Faról

Mai join Ami..
Ita lee, ita husu, ita deskute , ita harii solidaridade no ita hakilar ba Injustisa ✊🏽♥️

Ohin Buibere Lee Hamutuk hasoru malu ba dahuluk✨✨📚

Hasoru malu ne’e halibur buibere sira ne’ebé nokonu ho kuriozu no nakloke ba konversa husi perspetiva oioin. Iha tempu hanesan, ami koñese malu, no diskute kona-ba feminizmu no papél lee nian hodi forma oinsá ita komprende Kona-ba Sosiedade

Aleide klubu ba lee hamutuk, ita hein katak ida-ne'e sai hanesan espasu iha ne'ebé ita bele aprende hamutuk, dezafia ideia sira, hari solidaridade no apoia ida-idak nia kreximentu hodi kontribui ba luta koletivu. 🌹✊🏽