Labirin kota

Iha loron 13 to’o 15 Juñu ALFeLa halo vizita ba Munisipiu Atauru hodi hasoru malu ho komandante Polisia Operasaun no membru investigasaun hodi hato’o misaun no visaun ALFeLa nian ba iha komandante Polisia liga ba fornesementu asisténsia legál ba vítima violénsia bazeia ba jeneru.

Objetivu husi vizita refere ALFeLa hakarak hakbesik an liu tan ba Polisia Operasaun no membru investigasaun Munisípiu Atauru atu halo refereral kazu ba mai ALFeLa bainhira hasoru vítima kazu violénsia bazeia ba jeneru.

Sorin seluk Parte polisia agradese ba presensa ALFeLa nian ne’ebé mak ajuda teb-tebes vítima sira bele asesu ba sistema justisa formal no informa mos katak iha Munusípiu Atauru seidauk estabelese Vuneral Personal Unite (VPU) ka Unidade ba ema vulneravel.
Entertantu parte polisia akresenta liu tan katak durante ne’e kazu violénsia bazeia ba jeneru akontese iha nivel suku to’o Aldeia maibe tanba distansia ne’ebé do’ok, falta ekipamentus no menus rekursu umanus.

Entertantu Munisípiu Atauru iha Postu Adminitrativu Atauru, iha suku 5 mak hanesan Atauru Vila, Makili, Makadade, Bikeli no Biloi. Husi suku 5 refere iha Aldeia hamutuk 19 nune’e husi fulan Janeiru to’o Juñu iha kazu hamutuk tolu no kazu sivil ida.