Coder Rina
Share
رحلة طفلة عمرها 5 سنوات
لاكتشاف متعة البرمجة والإبداع.....من هنا تبدأ الحكاية ✨💻
20/09/2026
التعلّم متل النبتة… ما بتكبر بيوم!
لما نزرع نبتة ما منطلب منها تصير شجرة بسرعة... منعطيها وقتها ومنهتم فيها خطوة بخطوة
وكمان طفلنا لازم نبدأ معه من السهل والممتع ومع كل مهارة جديدة منضيف تحدّي جديد يناسب عمره وقدراته 🧩
لازم كأهل مانستعجل عليه لأنه هدفنا مو أنه نعلّمه بأسرع وقت…هدفنا نخليه يحب يتعلم ويضل عنده فضول يكتشف أكتر 👏🏻
يسعد مساكم 🩷
يسعد مساكم 🩷
اليوم رح نبلش خطوتنا الأولى بالمشوار الجديد 🤩
تابعوني لنتعلم سوا codekidi 🎊
09/09/2026
لو كنت مكانها شو كنت رح تبرمج 😉؟
تخيل طفلك واقف قدام الشاشة وعم يشرح أول مشروع خاص فيه
بيكون هوي صاحب الفكرة وهوي يلي بيقرر شو يصير عالشاشة 👏🏻
ممكن يبرمج لعبة أو يصمم شخصية من خياله أو يخلق قصة خاصة فيه
لما نعطي الطفل الأدوات المناسبة ما بيضل يسأل شو فيني أعمل
إنما بيبلش يسأل شو ممكن أبتكر 🤩
وهون بيبدأ الفضول يتحول لإبداع 😍😊
06/09/2026
اليوم مو بس أول يوم مدرسة…
اليوم أول خطوة بمرحلة جديدة من حياة رينا 🎒🩷
من اليوم صار عندها صف ورفقات ودفاتر، وأحلام جديدة…
وبين كل هالشغلات رح تضل البرمجة مساحة صغيرة تحب تكتشف وتجرب فيها
كبرت الـ Coder Rina وصارت بالصف الأول 🥹🎒
يا رب تكون هالسنة سنة خير وفرح ونجاح لكل أطفالنا ويضلوا عطول حابين يتعلموا ويسألوا ويكتشفوا العالم بطريقتهم 🩷
من سنة بلشت مشوار كودر رينا
كل الناس بتفكر أني تعلمت سكراتش جونيور وcodekidi وسكراتش أو أي برامج بس هالكلام مو صحيح...
أنا تعلمت أعمل مشاريعي وفكر بالأخطاء وحلل يلي قدامي والأهم أنه الخطأ هوي جزء من حياتنا كبشر وأنه كتير عادي 🩷🩷
أنا عم أكبر مع كل مشروع وعقلي عم يفرح مع كل معلومة جديدة 😍
حبيت أهديكم لعبة صغيرة جربوها واعطوني رأيكم 👏🏻🎊🎉
رح اتركلكم الرابط بالتعليقات...
ان شاء الله أيامكم كلها هنا وسعادة 🤗😌
الأسبوع الجاي عيد ميلادي 😍😍
اقترحولي شعار جديد 🤗🎊
ليش تم اختيار codekidi كخطوة تالية لسكراتش جونيور؟
- لساتنا بمرحلة عدم التمكن من القراءة والكتابة
- عم ننتقل لبيئة بمستوى أعلى بشوي من سكراتش جونيور
- رح تحس حالها بتعرف أغلب الشغل فيه والأمور الزيادة بسيطة وهالشي رح يعزز عندها المفاهيم السابقة ويحسسها بالإنجاز + تكتسب الأمور الجديدة بسلاسة
تذكروا دايما خلي المفاهيم تكبر مع الطفل شوي شوي وبدون ضغط أفضل من أنو يستعجل ويحس بالنفور لاحقا 😉
ترقبوا المستوى الجاية مع كودر رينا 😍😍
أخيراً وصلنا لآخر درس بشرح سكراتش جونيور 🩷
اليوم عم أشرح كيف خلي القصة تنتقل من شريحة لشريحة 😍
بلوك بسيط بس بيفتح للطفل باب كبير ليصمم قصص ومشاريع فيها أحداث متتالية وكأنها مشهد حقيقي 🎭💻
هلأ صار فينا نقول خلصنا رحلة Scratch Jr! 🎉
برأيكم شو المحطة الجديدة يلي رح تنتقل عليها بعد Scratch Jr؟😉
اكتبوا توقعاتكم بالتعليقات🩷🩷 واعطوني رأيكم بكورسي الأول 😌
لما رينا تكون مندمجة زيادة بالشغل عاللابتوب 🤩🤗
حاولنا نصورها بلا ماتنتبه بس كشفتنا بالأخير 🤣🤣
أحلى اللحظات منعيشها لما الطفل يأنجز ويقول أنا عنجد عملت هاد لحالي 😍🥳
أحد النماذج من الأبطال الصغار🩷
ونماذج تانية رح تنزل عالستوري 🤩
التسجيل لكورس الصغار لسه مستمر حاكونا عالخاص للاستفسار 💻