SIMAD Alumni

Dhamaan Maamulka, macalimiinta iyo qalinjebiyaasha Jaamacadda SIMAD waxay tacsi tiiraanyo leh udirayaan qoyskii uu ka geeriyooday walaalkeen 𝗠𝗼𝗵𝗮𝗺𝗲𝗱 𝗔𝗯𝗱𝗶𝗿𝗮𝗵𝗺𝗮𝗻 𝗔𝗯𝗱𝘂𝗹𝗹𝗲 .

Marxuumka waxaan Alle uga baryaynaa inuu janaddii firdowsa ka waraabiyo, eheladii iyo asxaabtii ay ka geeriyoodayna samir iyo iimaan ka siiyo. AAAMIN .

Mohamed wuxuu katirsanaa qalinjebiyaasha Jaamacadda SIMAD, Gaar Ahaan Kulliyadda xisaabaadka ( Class : 𝗕𝗔𝗖𝗖𝟮𝟮 ).

Hoggaanka Fasalka 𝗕𝗜𝗧𝟮𝟳 ayaa si heer sare ah u soo qabanqaabiyay kulan sanadeed muhiim ah oo ay isugu yimaadeen xubnaha qalinjabiyaaasha fasalka BIT27.

Kulankan waxaa kasoo qeybgalay Guddoomiyaha Naadiga Qalinjebiyaasha Jaamacadda SIMAD Mukhtar Adan Hassan iyo qaar kamid ah xubnaha firfircoon ee fasalka BIT27, kuwaas oo muujiyay midnimo iyo isku xirnaan la taaban karo.

Ujeeddada kulanka ayaa ahayd is-xogwareysi iyo xog-isdhaafsi, iyadoo si qoto dheer looga sheekeystay waayihii ardeynimada, xusuustii quruxda badnayd ee jaamacadda, iyo safarkii nololeed ee ka dambeeyay qalinjebinta.

Sidoo kale, kulanka waxaa si gaar ah diiradda loogu saaray gurmadka abaaraha, iyadoo la isla qaatay in fasalka BIT27 ay door muuqda ka qaataan ka jawaabidda xaaladaha adag ee abaaraha dalka ka jira, iyagoo ka duulaya mas’uuliyad bulsho iyo damiir wadaninimo.

Ugu dambeyn, Gudomiyaha Naadiga Qalinjebiyaasha Jaamacadda SIMAD wuxuu si weyn u bogaadinayaa isku xirnaanta,wadajirka, iyo ka go’naanta fasalka BIT27 ee ku aaddan is-garab istaagga bulshada, gaar ahaan ka qeyb qaadashada arrimaha abaaraha.

Hiiraan, Soomaaliya – Maarso 2026

Guddoomiyaha Naadiga Qalinjabiyeyaasha Jaamacadda SIMAD, Mudane Mukhtar Adan Hassan, oo wakiil ka ah bahda Jaamacadda SIMAD, ayaa gargaar biyo-dhaamin ah gaarsiiyay deegaanka Xuduleey ee gobolka Hiiraan. Gurmadkan ayaa loogu talagalay qoysaska ay sida daran u saameeyeen abaaraha, gaar ahaan kuwa ka soo barakacay deegaanno kala duwan oo ka tirsan gobolka.

In ka badan 90 qoys ayaa ka faa’iidaystay biyo-dhaamintan, taas oo qayb ka ah dadaallada lagu taageerayo bulshada nugul ee la daalaa dhacaysa biyo-yarida iyo saameynta abaaraha. Tallaabadan ayaa sidoo kale muujinaysa doorka muhiimka ah ee ay qalinjabiyeyaasha Jaamacadda SIMAD ka qaadanayaan ka jawaabista baahiyaha degdegga ah ee bulshada.

Barnaamijkan bini’aadantinimo wuxuu ka mid yahay dadaallada lagu xoojinayo gurmadka abaaraha, laguna yareynayo culaysyada nololeed ee saaran qoysaska ay saameeyeen xaaladaha adag ee deegaanka.

Ugu dambayn, bahda Jamacada SIMAD iyo Qalinjabiyasha waxay markasta ka go’an inay garab istaagaan bulshada Soomaaliyeed, gaar ahaan xilliyada adag ee ay wajahaan abaaraha iyo biyo la’aanta.

Hiiraan, Soomaaliya – 12 Maarso 2026

Guddoomiyaha Naadiga Qalinjabiyayaasha Jaamacadda SIMAD, Mudane Mukhtar Adan Hassan, oo wakiil ka ah Jaamacadda SIMAD, ayaa gurmad biyo dhaamin ah ka fuliyay degmada Farlibaax iyo deegaannada hoos yimaada ee ka tirsan gobolka Hiiraan. Gurmadkan ayaa loogu talagalay in lagu caawiyo bulshada ay si daran u saameeyeen abaaraha iyo biyo la’aanta baahsan ee ka jirta dalka.

Deeqdan biyaha ah ayaa gaartay ku dhowaad 180 qoys, kuwaas oo muddo la tacaalayay biyo yari iyo xaalado nololeed oo adag. Tallaabadan waxay muujinaysaa doorka muhiimka ah ee ay jaamacadaha iyo qalinjabiyayaashoodu ku leeyihiin u gurmashada bulshada iyo ka qayb qaadashada xal u helidda dhibaatooyinka saameeya dadka Soomaaliyeed.

Barnaamijkan gurmadka ah waa qayb ka mid ah dadaallada joogtada ah ee lagu yareynayo saamaynta abaaraha, isla markaana lagu garab istaagayo bulshada Soomaaliyeed ee u baahan taageerada iyo isku duubnida.

Dhamaan Maamulka, macalimiinta iyo qalinjebiyaasha Jaamacadda SIMAD waxay tacsi tiiraanyo leh udirayaan qoyskii ay ka geeriyootay walaasheen Falastin Abdullahi Abdi .

Marxuumadda waxaan Alle uga baryaynaa inuu janaddii firdowsa ka waraabiyo, eheladii iyo asxaabtii ay ka geeriyootayna samir iyo iimaan ka siiyo. AAAMIN .

Falastiin waxay katirsaneyd qalinjebiyaasha Jaamacadda SIMAD, Gaar Ahaan Kulliyadda Sharciga ( Class : BLAW10 ).

Hogaanka Fasalka 𝗕𝗕𝗔𝟬𝟲 ayaa soo qabanqaabiyay kulan sanadeedka fasalka .

Kulanka waxaa kasoo qeybgalay maamulka xafiiska qalinjebiyaasha , maamulka kulliyada , Macalimiinta iyo xubnaha fasalka BBA06.

Ujeedka kulanka ayaa ahaa is-xogwareysi iyo xog-isdhaafsi , waxaana laga sheekeeyay waayihii ardeynimada iyo hayaankii nolosha ee kadanbeeyay.
Sidoo kale , kulanka waxaa looga hadlay 𝗴𝘂𝗿𝗺𝗮𝗱𝗸𝗮 𝗮𝗯𝗮𝗮𝗿𝗮𝗵𝗮 iyo sidii ay fasalka BBA06 kaalin weyn ugu qaadan lahaayeen arintaas .

Ugu danbeyn, Xafiiska qalinjebiyaasha wuxuu bogaadinayaa isku xirnaanta iyo iska war qabka bahda BBA06 .

Sida aan wada ognahay dalkeennu waxa uu kujiraa xaalad adag oo abaaro iyo biya la'aan ah, taas oo bulshadeenna saamaysay naf iyo maalba.

Iyadoo aan sii guda galeyno billowga wajiga 3aad ee gurmadka abaaraha, waxa aan dhammaan ardayda, shaqaalaha, qalinjebiyayaasha iyo guud ahaan bahda SIMAD ku baraarujinaynaa in ay ka qayb qaataan gurmadka iyo kaalmada loo fidinayo walaalaheenna tabaalaysan.

Nagala qayb qaado gurmadka abaaraha.

Naadiga Qalinjabiyaasha Jaamacadda SIMAD waxa uu taageeraya, sidoo kalana bogaadinayaa go’aankan masuuliyadda leh ee Jaamacaddu qaadatay.

Waxbarashadu kuma koobna fasallada oo keliya, balse waxay ka muuqataa damqashada, garab istaagga iyo u adeegidda bulshada soomaliyeed xilliyada adag. Waxaana garab taaganahay walaalaheenna ay saameeyeen abaaraha iyo biyo-la’aanta.

Waxaan ku boorrinaynaa dhammaan qalinjabiyaasha in ay ka qayb qaataan gurmadkan bani’aadannimo.

𝗙𝗮𝗮𝗳𝗶𝗻 𝗿𝗮𝘀𝗺𝗶 𝗮𝗵: Sanadkan, annaga oo ka duulayna masuuliyadda naga saaran bulshadeenna iyo xaaladda adag ee uu dalkeennu kujiro, waxa aan go’aansannay in Afur-wadareedkeennii sannadlaha ahaa u beddelno Gurmad Bani’aadannimo oo kaalmo toos ah iyo biyo-dhaamin lagu gaarsiinayo dadka ay saameeyeen abaaraha iyo biyo-la’aanta baahsan ee dalka.

SIMAD Alumni - Xukuumadda Ardayda Jaamacadda SIMAD -XAJSi.

𝗪𝗲𝗷𝗶𝗴𝗶𝗶 𝟮𝗮𝗮𝗱 𝗲𝗲 𝗯𝗶𝘆𝗮 𝗱𝗵𝗮𝗮𝗺𝗶𝗻𝘁𝗮 .

Maanta waxaa noo qabsoomay 𝘄𝗲𝗷𝗶𝗴𝗶𝗶 𝟮𝗮𝗮𝗱 ee barnaamijka 𝗕𝗶𝘆𝗼 𝗱𝗵𝗮𝗮𝗺𝗶𝗻𝘁𝗮 , waxaana kafaaideestay qoysas danyar ah oo kunool tuulooyin hoos-taga gobolka 𝗕𝗮𝗮𝘆 .

Barnaamijkaan ayaa qeyb ka ah gurmadka loo fidinaayo walaalaheena soomaaliyeed oo ay abaarta kusaameysay gobolada dalka .

Maamulka Xafiiska Qalinjebiyaasha wuxuu hambalyo iyo bogaadin udirayaa Mr. Jamal Hashi Ture oo loo magacaabay 𝗠𝗮𝗱𝗮𝘅𝗮 𝗪𝗮𝘅𝗯𝗮𝗿𝗮𝘀𝗵𝗮𝗱𝗮 ee Xiriirka kubadda cagta soomaaliyeed .

Mr. Jamal wuxuu katirsanyahay qalinjebiyaasha Jaamacadda SIMAD, Gaar Ahaan kulliyadda culuumta maamulka ( Class : 𝗕𝗕𝗔𝟭𝟴 ) .

Waxaan Alle kaaga baryaynaa in uu kula garabgalo shaqada culus iyo masuuliyadda laguu igmaday.

Ururka qalinjebiyaasha ee kulliyadda sharciga ayaa soo qabanqaabiyay 𝗸𝘂𝗹𝗮𝗻 𝗰𝗶𝘆𝗮𝗮𝗿𝗲𝗲𝗱 udhaxeeyay qalinjebiyaasha kulliyadda sharciga iyo ardayda hadda dhigata kulliyadda sharciga .

Ciyaarta ayaa kusoo dhamaatay 𝟱 - 𝟰, waxayna guusha raacday kooxdii kasocotay qalinjebiyaasha.

Ujeedka ciyaaarta ayaa ahayd isdhaxgal iyo sidii la isugu xiri lahaa qalinjebiyaashii kulliyadda iyo ardayda hadda dhigata kulliyadda.

𝐆𝐮𝐝𝐝𝐨𝐨𝐦𝐢𝐲𝐚𝐡𝐚 𝐍𝐚𝐚𝐝𝐢𝐠𝐚 𝐐𝐚𝐥𝐢𝐧𝐣𝐚𝐛𝐢𝐲𝐚𝐬𝐡𝐚 𝐉𝐚𝐚𝐦𝐚𝐜𝐚𝐝𝐝𝐚 𝐒𝐈𝐌𝐀𝐃 𝐚𝐲𝐚𝐚 𝐦𝐚𝐧𝐭𝐚 𝐱𝐚𝐟𝐢𝐢𝐬𝐤𝐚 𝐍𝐚𝐚𝐝𝐢𝐠𝐚 𝐐𝐚𝐥𝐢𝐧𝐣𝐚𝐛𝐢𝐲𝐚𝐬𝐡𝐚 𝐉𝐚𝐚𝐦𝐚𝐜𝐚𝐝𝐝𝐚 𝐒𝐈𝐌𝐀𝐃 𝐤𝐮 𝐪𝐚𝐛𝐢𝐥𝐚𝐲 𝐌𝐚𝐝𝐞𝐱𝐰𝐞𝐲𝐧𝐚𝐡𝐚 Xukuumadda Ardayda Jaamacadda SIMAD -XAJSi. 𝐢𝐲𝐨 𝐪𝐚𝐚𝐫 𝐤𝐚𝐦𝐢𝐝 𝐚𝐡 𝐠𝐨𝐥𝐚𝐡𝐢𝐢𝐬𝐚 𝐱𝐮𝐤𝐮𝐮𝐦𝐚𝐝𝐚.

Booqashadan rasmiga ah waxeey ku saleysan tahay xoojinta xiirika Naadiga qalinjabiyasha Jaamacadda SIMAD SIMAD Alumni iyo Xukuumadda XAJSi iyadoo diiradda la saaraya iskuxirnaanta Qalinjabiyasha iyo ardeyda dhigata Jaamacadda SIMAD, ka qeyb qadashada abaaraha kajiro dalka guud ahaan.

Ujeeddadu kulankan waa in la abuuro Nidaam joogto ah oo ardaydu uga faa’iideystaan qibradda, hagista (mentorship) iyo shabakadaha xirfadeed ee qalinjabiyeyaasha, si loo tayeeyo ardeyda jaamacadda dhigta mustaqbalkooda waxbarasho iyo midkooda xirfadeed.

Ugu dambeyn, Guddoomiyuhu wuxuu adkeeyay in iskaashi dhab ah oo dhex mara Naadiga Qalinjabiyeyaasha iyo
Xukuumadda ardayda uu yahay tiirka lagu dhisi karo mustaqbal ifaya, isla markaana ardaydu ka heli karaan taageero joogto ah oo aqooneed iyo mid xirfadeed.