GNN MEDIA

Wasiirka Wasaaradda Maaliyadda iyo Horumarinta Dhaqaalaha Jamhuuriyadda Somaliland 𝐌𝐝. 𝐂𝐚𝐛𝐝𝐢𝐥𝐚𝐚𝐡𝐢 𝐗𝐚𝐬𝐚𝐧 𝐀𝐚𝐝𝐚𝐧, ayaa maanta Dalka ku soo dhaweeyay U qaabilsanaha Baanka Adduunka ee Jamhuuriyadda Somaliland 𝐌𝐝. 𝐇𝐢𝐝𝐞𝐤𝐢 iyo wefti uu hoggaaminayo oo booqasho shaqo ku yimid Somaliland.

Wasiirka oo ay weheliyaan Wasiiru-dawlaha Wasaaradda iyo Agaasimaha Guud ayaa kulan muhiim ah la yeeshay weftiga Baanka Adduunka, kaas oo lagaga wada hadlay mashaariicda kala duwan ee Baanka Adduunku ka wado Somaliland, mashaariicda cusub ee soo socda iyo xoojinta wada shaqaynta u dhexaysa Jamhuuriyadda Somaliland iyo Baanka Adduunka.

Kulanka ayaa si gaar ah diiradda loogu saaray horumarka mashaariicda uu Baanka Adduunku ka taageero Somaliland, kuwaas oo taabanaya dhinacyo muhiim u ah horumarka Qaranka sida; 𝐰𝐚𝐱𝐛𝐚𝐫𝐚𝐬𝐡𝐚𝐝𝐚, 𝐛𝐞𝐞𝐫𝐚𝐡𝐚, 𝐛𝐢𝐲𝐚𝐡𝐚, 𝐜𝐚𝐚𝐟𝐢𝐦𝐚𝐚𝐝𝐤𝐚, 𝐦𝐚𝐚𝐦𝐮𝐥-𝐰𝐚𝐧𝐚𝐚𝐠𝐠𝐚, 𝐢𝐬𝐠𝐚𝐚𝐝𝐡𝐬𝐢𝐢𝐧𝐭𝐚, 𝐜𝐚𝐬𝐫𝐢𝐲𝐞𝐲𝐧𝐭𝐚 𝐧𝐢𝐝𝐚𝐚𝐦𝐲𝐚𝐝𝐚 𝐝𝐚𝐰𝐥𝐚𝐝𝐝𝐚 𝐢𝐲𝐨 𝐚𝐝𝐞𝐞𝐠𝐲𝐚𝐝𝐚 𝐤𝐚𝐥𝐞 𝐞𝐞 𝐛𝐮𝐥𝐬𝐡𝐚𝐝𝐚.

Wasiirka Wasaaradda Maaliyadda iyo Horumarinta Dhaqaalaha JSL 𝐌𝐝. 𝐂𝐚𝐛𝐝𝐢𝐥𝐚𝐚𝐡𝐢 𝐗𝐚𝐬𝐚𝐧 𝐀𝐚𝐝𝐚𝐧, ayaa intii kulanku socday ka warbixiyay muhiimadda ay mashaariicda Baanka Adduunku u leeyihiin horumarka Dalka, isagoo tilmaamay in taageeradaasi door weyn ka qaadatay xoojinta adeegyada bulshada, kobcinta awoodda hay’adaha dawladda iyo hirgelinta mashaariic horumarineed oo wax-ku-ool ah.

Wasiirku waxa uu sidoo kale hoosta ka xarriiqay in Wasaaradda Maaliyadda iyo Horumarinta Dhaqaalaha ay ka go’an tahay in si hufan, daahfuran, isla markaana waafaqsan nidaamyada Maamulka maaliyadda loo maamulo mashaariicda ay taageeraan Baanka Adduunka iyo hay’adaha kale ee horumarinta kala shaqeeya Somaliland.

Dhinaciisa, U qaabilsanaha Baanka Adduunka ee Jamhuuriyadda Somaliland Md. Hideki, ayaa Dowladda Somaliland uga mahadceliyay sida ay u maamushay una fulisay mashaariicda Baanka Adduunku ka taageeray Somaliland. Waxa uu bogaadiyay wada shaqaynta wanaagsan ee ka dhaxaysa Baanka Adduunka iyo hay’adaha Dowladda Somaliland, gaar ahaan Wasaaradda Maaliyadda iyo Horumarinta Dhaqaalaha oo door muhiim ah ku leh isku-duwidda, maamulidda iyo dabogalka mashaariicda horumarineed.

Waxaana gabogabadii kulanka la iskula qaatay sidii loo sii xoojin lahaa iskaashiga labada dhinac, loona dardargelin lahaa mashaariicda socda iyo kuwa cusub ee qorshaysan, si ay si toos ah uga qayb qaataan horumarinta adeegyada bulshada, kobcinta dhaqaalaha, shaqo-abuurka iyo xoojinta hay’adaha qaranka. Kulamadan shaqo ee u dhexeeya Wasaaradda Maaliyadda iyo weftiga Baanka Adduunka waxay sii socon doonaan labada maalmood ee soo socda, kuwaas oo lagu sii ambaqaadi doono wada-hadallada ku saabsan mashaariicda socda, fursadaha cusub ee iskaashi, iyo mudnaanta horumarineed ee Somaliland.

𝐖𝐚𝐬𝐢𝐢𝐫𝐤𝐚 𝐌𝐚𝐚𝐥𝐢𝐲𝐚𝐝𝐝𝐚 Somaliland 𝐨𝐨 𝐊𝐚 𝐐𝐚𝐲𝐛-𝐠𝐚𝐥𝐚𝐲 𝐒𝐡𝐢𝐫 𝐇𝐞𝐞𝐫-𝐒𝐚𝐫𝐞 𝐚𝐡 𝐨𝐨 𝐋𝐚𝐠𝐚𝐠𝐚 𝐇𝐚𝐝𝐥𝐚𝐲𝐞𝐲 𝐆𝐚𝐧𝐚𝐜𝐬𝐢𝐠𝐚 𝐢𝐲𝐨 𝐈𝐬-𝐝𝐡𝐞𝐱𝐠𝐚𝐥𝐤𝐚 𝐃𝐡𝐚𝐪𝐚𝐚𝐥𝐞 𝐞𝐞 𝐆𝐨𝐛𝐨𝐥𝐤𝐚.
……………………………………………………………………………………
𝐍𝐚𝐢𝐫𝐨𝐛𝐢 𝟑 𝐉𝐮𝐧𝐞 𝟐𝟎𝟐𝟔-Wasiirka Wasaaradda Maaliyadda iyo Horumarinta Dhaqaalaha JSL 𝐌𝐝. 𝐂𝐚𝐛𝐝𝐢𝐥𝐥𝐚𝐚𝐡𝐢 𝐗𝐚𝐬𝐚𝐧 𝐀𝐚𝐝𝐚𝐧, ayaa maanta ka qayb-galay shir heer-sare ah oo ay isugu yimaaddeen 𝐆𝐮𝐝𝐢𝐠𝐚-𝐬𝐚𝐫𝐞 𝐄𝐞 𝐋𝐚 𝐒𝐨𝐜𝐨𝐝𝐤𝐚 𝐃𝐡𝐚𝐪𝐝𝐡𝐚𝐪𝐚𝐚𝐪𝐲𝐚𝐝𝐚 𝐆𝐚𝐧𝐜𝐬𝐢𝐠𝐚 𝐀𝐟𝐫𝐢𝐜𝐚 (NOC), Golaha Maamulka iyo Golaha Wadatashiga ee 𝐇𝐚𝐲'𝐚𝐝𝐝𝐚 𝐓𝐫𝐚𝐝𝐞𝐦𝐚𝐫𝐤 𝐀𝐟𝐫𝐢𝐜𝐚 (𝐓𝐌𝐀), kaas oo ay ka soo qayb-galeen masuuliyiin sare oo dawladeed, bah-wadaagta horumarinta iyo hoggaamiyeyaal ka kala socday dalalka Afrika.

Shirkan waxa guddoominayey Ra’iisul Wasaarihii h**e ee Itoobiya ahna Guddoomiyaha Golaha Maamulka ee Trademark Africa Md. Hailemariam Desalegn Boshe, iyo Ku-xigeenka Safiirka Finland ee Bariga-Afrika ahna Guddoomiyaha Golaha Wadatashiga ee TMA Md. Leo Svahnback.
Sidoo kale waxa ka qayb-galay Wasiirka Gaadiidka iyo Sahayda ee Jamhuuriyadda Dimuqraadiga Federaalka Itoobiya Dr. Alemu Sime Feyisa, wasiirro kale, masuuliyiin iyo wakiillo ka socday dalal kala duwan oo Afrikaan ah iyo hay’ado horumarineed oo caalami ah.

𝐖𝐚𝐬𝐢𝐢𝐫 𝐂𝐚𝐛𝐝𝐢𝐥𝐥𝐚𝐚𝐡𝐢 𝐗𝐚𝐬𝐚𝐧 𝐀𝐚𝐝𝐚𝐧 oo hadal ka jeediyey madasha ayaa carabka ku adkeeyey sida ay Somaliland uga go’an tahay xoojinta is-dhexgalka ganacsiga gobolka, iskaashiga dhaqaalaha iyo fududaynta isu socodka ganacsiga. Waxa uu tilmaamay in ganacsigu aanu ahayn oo keliya matoorka koboca dhaqaalaha, balse uu sidoo kale yahay aalad muhiim u ah nabadda, abuurista shaqooyinka iyo adkaysiga dhaqaalaha muddada fog.

Wasiirku waxa uu sharaxaad ka siiyey shirka, maalgashiyada ay Somaliland ku samaysay kaabeyaasha ganacsiga, gaar ahaan casriyeynta iyo ballaadhinta Dekedda Berbera, iyo sidoo kale dedaallada lagu xoojinayo nidaamyada kastamyada, ka shaqaynta habsami-u-socodka sahayda iyo isu socodka gaadiidka, isla markaana lagu kordhinayo tartanka marinnada ganacsi ee gobolka.

Guud ahaan doodaha shirka ayaa diiradda lagu saaray laba qodob oo muhiim ah kuwaas oo kala ah:

𝟏. 𝐃𝐨𝐨𝐫𝐤𝐚 𝐠𝐚𝐧𝐚𝐜𝐬𝐢𝐠𝐮 𝐤𝐮 𝐥𝐞𝐞𝐲𝐚𝐡𝐚𝐲 𝐬𝐡𝐚𝐪𝐨-𝐚𝐛𝐮𝐮𝐫𝐤𝐚
𝟐. 𝐈𝐲𝐨 𝐬𝐚𝐚𝐦𝐚𝐲𝐧𝐭𝐚 𝐚𝐲 𝐝𝐡𝐚𝐜𝐝𝐨𝐨𝐲𝐢𝐧𝐤𝐚 𝐜𝐚𝐚𝐥𝐚𝐦𝐤𝐮 𝐤𝐮 𝐥𝐞𝐞𝐲𝐢𝐡𝐢𝐢𝐧 𝐝𝐡𝐚𝐪𝐝𝐡𝐚𝐪𝐚𝐚𝐪𝐚 𝐠𝐚𝐧𝐚𝐜𝐬𝐢𝐠𝐚 𝐀𝐟𝐫𝐢𝐤𝐚.

Ka qayb-galayaashu waxay is dhaafsadeen aragtiyo ku saabsan yaraynta caqabadaha aan cashuuraha ahayn ee ganacsiga, yaraynta kharashaadka badan ee ku baxa ganacsiga, hagaajinta habraacyada shaqo ee kastamyada, xoojinta nidaamyada ganacsiga dijitaalka ah iyo isku-duwidda siyaasaddaha gobolka.

Wasiir Cabdillaahi Xasan Aadan ayaa mar kale bayaamiyey sida ay Somaliland uga go’an tahay casriyeynta kastamyada, isbeddelka dijitaalka ah, iskaashiga gobolka iyo horumarinta dhaqaalaha ay horseedka u yihiin ganacsiyada gaarka loo leeyahay. Waxa kale oo uu ku baaqay in la xoojiyo iskaashiga u dhexeeya dawladdaha Afrika, bah-wadaagta horumarinta iyo hay’addaha gobolka si loo abuuro fursado cusub oo dhinacyada ganacsiga, maalgashiga iyo abuurista jawi horseeda koboc dhaqaale oo waara oo la is ku halayn karo.

Shirkan ayaa ahaa madal muhiim ah oo ay hoggaamiyeyaasha gobolka ku wadaageen khibradahooda isla markaana ku falanqeeyeen xalal wax ku ool ah oo lagaga gudbi karo caqabadaha ganacsi ee soo kordhaya, iyada oo la sii xoojinayo iskaashiga lagu dardargelinayo is-dhexgalka dhaqaale ee Qaaradda Afrika.

FARRIIN CAAFIMAAD

Muwaadin, Wasaaradda Horumarinta Caafimaadka Somaliland, iyadoo ka duulaysa siyaasadda ka hortagga iyo dabargoynta cudurrada faafa, waxay shacabka ku wargelinaysaa inuu jiro xanuun ay faafiso kaneecadu oo loo yaqaano Dengue Fever.

Wasiirka Caafimaadka Somaliland oo ku sugan Gobolka Sanaag ayaa kormeer Ku sameeyay Habsami-socodka adeega caafimaadka ee Cusbitaalka Guud ee Ceerigaabo.

Wasiirka ayaa maamulka ku wareejiyey agab iyo dawooyin caafimaad oo muhiim ah, kuwaas oo loogu talagalay inay xoojiyaan adeegyada caafimaad ee uu cusbitaalku siiyo bulshada Gobolka Sanaag iyo deegaannada ku xeeran.

Sidoo kale, Wasiirka caafimaadka ayaa galay qaybaha kala duwan ee cusbitaalka iyo bukaanada jiifa.

Wax ka ogoow 13-ka Camal ee ay tahay inay qabtaan Xujaajta Gudanaysa waajibaadka iyo Tiirarka Xajka.

1-in la xidho dharka loo yaqaan Ixraamka.
2- in cumro lagu dawaafo Kacbada
3 in la gucleeyo Saffa iyo Marwa (sacyiga)
4-in la d**o Mina.
5-in Banka Carrafa la istaago oo la ducaysto.
6-in La d**o Musdalifa.
7-in dhagaxa la Tuuro (Jamaratul Caqaba)
8-in Neef la gawraco.
9-in Timaha la xiiro ama la gaabiyo
10-in la dawaafo kacbada iyo sacyiga(dawaaf Ifaadah)
11-in lagu noqdo oo la d**o Mina
12-in mar kale la tuuro Dhagaxa
13- in la sameeyo Dawaafkii u dambeyay ee kacbada( Alwidaac).

Wakiilka Cusub ee Fly Dubia oo Casho sharaf u sameeyay Madaxda Xafiisyada Jara tigidhada Diyaaradaha.