تعال وانظر - مركز الدعوات الفرنسيسكاني في الأراضي المقدسة

عمرك بين ال 17 و 33؟! ... يلا نعيش مع بعض مغامرة المسيرة الفرنسيسكانية ... خلينا نرجع نكتشف من جديد ومع بعض نعم الله الكثيرة في حياتنا.

ما ضل شي للمسيرة و رابط التسجيل صار هون 👇🏼 .. شو بتستنوا ؟ 💪🏼🔥


https://docs.google.com/forms/d/13vrSE7wkpQ6K67ccstw2TeclZ_9FAtensBVHOjbf2AA/edit

شبيبتنا الفرنسيسكانية الأحباء ... سلام وخير!
إشتقنالكم ...
بالرغم من الظروف الصعبة يلي بتمر فيها بلادنا المقدسة من عدة أشهر ويلي فرقتنا عن بعض ... شبيبة مار فرنسيس - بيت لحم بتشجعكم تنضموا إلها حتى تعيشوا يوم مميز مع يسوع في البرية ...

والى لقاء قريب في الشمال 😉

من مدينة الميلاد، مدينة السلام، كل عام وأنتم بألف خير، بمناسبة بداية زمن المجيء المبارك، طالبين السلام والعدل لبلادنا المقدسة، آمين

وصول شباب وشابات المسيرة الفرنسيسكانية إلى جبل طابور، حيث تجلى الرب، ولقاء الأب ابراهيم فلتس، نائب حارس الأراضي المقدسة، وبطريرك القدس للاتين، الكاردينال بيير باتيستا بيتسابالا.😍😍

في مدينة المغار في الجليل، حيث سجد شباب المسيرة الفرنسيسكانية للقربان الإلهي، وفاضت قلوبهم بالخشوع والإيمان. ركعوا أمام جسد المسيح الأقدس، متذكرين تضحياته العظيمة من أجل خلاصهم، وحبه غير المشروط.🙏🙏

«اليوم معي في الفردوس»

هو عنوان المسيرة الفرنسيسكانية ال ٣٢ في الأراضي المقدسة.

هالجملة اللّي قالها يسوع للص يلي ربح الفردوس بالنهاية، بس نسينا انه الفردوس بيبدأ من هون من الارض.
يسوع قال هالكلمات لكلّ تعبان، لكل مهموم،
قالها من بَعد يوم وايام من التعب والعذابات،
قالها من بعد حياة فيها حزن وخيبة وفشل. حتى ممكن كان فيها اوقات سعادة بس كانت مزيفة وعابرة بس بنفس اللحظة بعدين كل شي تبخر.
قالها وبعده عم بقولها اليوم لكل واحد عايش بلحظات مشابهة،
قالها وبعده عم بقولها لكل واحد
ما عم يثمر أو عم يحصد بحياته الداخلية.
ما بيجني نتيجة، ما في فرح حقيقي بحياته، مش عارف شو هدف الحياة، مش عارف من وين يبدا، واذا بدا كيف يكمل....

فإنت وإنتي مدعو معنا اليوم للسير بهالمسيرة الفرنسيسكانيّة ال ٣٢،
وللدخول الى الفردوس الداخلي وتحويل الفكر والنظر من جديد الى العلاء وتذوق هاي الحالة الفردوسية (السلام والحرية الداخلية).
انت مدعو معنا لتتجاوب مع نداء المسيح اللي بقولك:
«اليوم معي في الفردوس الذي بداخلك»، لانه عارف أسباب فشلنا،
والسبب الأساسي لفشلنا هو انه منبعد عن ينبوع الحياة.
السبب الأساسي لعدم سعادتنا هو انه:
منبعد عن الداخل..
منبعد عن الجوهر..
منبعد عن الاشياء الاساسيّة،
ومنكتفي بالسطحيّات..
فبتصير علاقاتنا سطحيّة بدون معنى..
بتصير أعمالنا سطحيّة بدون طعم..
بتصير صلواتنا سطحيّة بدون مذاق..
حتّى اوقات الترفيه، اللعب والتسلية، بتصير كلّها سطحيّة..
وبتلتغى السعادة من هالصفحة.
لمّا منبعد عن الداخل،
منصير نكتفي بالقراءات التافهة..
والبرامج المضيعة للوقت..
والكلمات الليّ ما الها معنى..
وهون بيتدخّل المسيح وبيعطينا الطريقة الصحيحة
إذا كنّا منرغب للحياة معنى..
إذا كُنّا منرغب السعادة في هالحياة.
وهي، انه «نكون معه بالفردوس يلي بداخلنا»..
والفردوس بيتطلّب
انه تكون اعمالنا جيّدة ورصينة..
انه تكون صلواتنا ملتهبة عميقة.
انه تكون علاقتنا تنوصف بالإحساس والشعور..
خروج من دوامة الافكار من خلال اكتشاف مخاوف متعددة تبقينا في غربة سجننا المنفرد، من اكتشاف طرق الفكر العديدة والمبادئ ونظريات الي نزرعت ونمت في اذهاننا اليوم كشباب وصبايا الي بتقيدنا وبتصعب علينا الاختيار والتمييز بين الاشياء الفرعيّة عن الاشياء الثانوية، بين الاشياء الجوهريّة والمهمة، والاشياء الشكليّة والتافهة..
بل، بـِخَلّينا نعرف نميّز بين المهم والأهم..
بـِخَلّينا نعرف نكتشف سعادتنا.
بـِخَلّينا نعرف نميّز ونرتّب أولوياتنا في الحياة،
والاولويّة الأولى هي خلاص نفسنا.
هون يمكن بظن انّك فهمت قصد المسيح اليوم لمّا رح يقولك معنا: «اليوم معي في الفردوس».

فأهلاً وسهلاً معنا بهالمسيرة ... وما تنسو انكم تدعو أصدقائكم وأصحابكم حتى نعيش مع بعض فرح اللقاء مع يسوع.

للتسجيل استخدم ال QR Code، وقم بتعبئة البيانات المطلوبة.
كل ما عليك هو تسليط كاميرة الموبايل على المربع في أسفل "البوستر" والدخول الى "لينك التسجيل"، أو من خلال الرابط التالي:

https://docs.google.com/forms/d/14UXDiKsD20ZI2dErhtdQfOTyTM_m-of6UVeDrzrXF-o/viewform?edit_requested=true