Addl. Assistant Commissioner Topi

عالمی یومِ ماحولیات کے حوالے سے ایڈیشنل اسسٹنٹ کمشنر ٹوپی ڈاکٹر یمین ثناء صاحبہ کی ہدایت پر ایک آگاہی ریلی کا انعقاد کیا گیا۔
ریلی میں SDFO، ٹی ایم اے، لوکل گورنمنٹ، ریسکیو 1122، سول ڈیفنس اور دیگر متعلقہ اداروں کے اہلکاروں نے شرکت کی۔ ریلی کا مقصد عوام میں ماحولیاتی تحفظ، شجرکاری اور صفائی کی اہمیت کے بارے میں شعور اجاگر کرنا تھا۔
شرکاء نے ماحول دوست سرگرمیوں کو فروغ دینے اور سرسبز و صاف ستھرا معاشرہ قائم کرنے کے عزم کا اعادہ کیا۔

لکڑی مافیا کے خلاف کریک ڈاؤن کے سلسلے میں ایڈیشنل اسسٹنٹ کمشنر ٹوپی ڈاکٹر یمین ثناء صاحبہ نے گدون کے مختلف مقامات اور لکڑی کی خرید و فروخت کے مراکز کا دورہ کیا۔ انہوں نے متعلقہ دستاویزات، ریکارڈ اور پرمٹس کی جانچ پڑتال کی۔ ضلعی انتظامیہ کی جانب سے غیر قانونی لکڑی کٹائی کے خلاف زیرو ٹالرنس پالیسی پر سختی سے عمل درآمد کیا جا رہا ہے۔ اس موقع پر اُن صنعتی یونٹس کا بھی معائنہ کیا گیا جو لکڑی کی فراہمی پر انحصار کرتے ہیں، اور ان کے ریکارڈ کی بھی جانچ کی گئی۔

عوامی شکایات کے پیشِ نظر، ایڈیشنل اسسٹنٹ کمشنر ٹوپی ڈاکٹر یمین ثناء نے گدون انڈسٹریل ایریا کا دورہ کیا اور بغیر ٹریٹمنٹ کے آلودہ پانی براہِ راست خارج کرنے والے یونٹس کو سیل کر دیا، جو سنگین ماحولیاتی خطرات کا باعث بن رہے تھے۔

ایڈیشنل اسسٹنٹ کمشنر ٹوپی ڈاکٹر یمین ثناء صاحبہ نے عطائیوں اور دیگر طبی بدعنوانیوں کے خلاف کارروائی کی ـ

ایڈیشنل اسسٹنٹ کمشنر ٹوپی ڈاکٹر یمین ثناء نے The Brainiac college کا دورہ کیا اور طلبہ کے لیے فراہم کی گئی مختلف سہولیات کا معائنہ کیا

ڈپٹی کمشنر صوابی جناب ڈاکٹر طارق اللہ صاحب کی خصوصی ہدایت پر ایڈیشنل اسسٹنٹ کمشنر ٹوپی ڈاکٹر یمین ثناء صاحبہ نے مین ٹوپی بازار میں کھلے مین ہولز کے مقام کا دورہ کیا۔ انہوں نے متعلقہ عملے اور اہلکاروں کو ہدایت جاری کی کہ کسی بھی ناخوشگوار واقعے سے بچنے کے لیے فوری اقدامات لیے جائیں ـ

ویسٹ مینجمنٹ انتظامات
ایڈیشنل اسسٹنٹ کمشنر ٹوپی ڈاکٹر یمین ثناء صاحبہ نے عید الاضحیٰ کے موقع پر ٹی ایم اے ٹوپی کی جانب سے جاری کھدائی اور ویسٹ ڈسپوزل انتظامات کا تفصیلی معائنہ کیا۔
دورے کے دوران عید الاضحیٰ پر قربانی کے جانوروں کی آلائشوں کو محفوظ اور ماحول دوست طریقے سے دفن کرنے کے لیے جاری اقدامات کا جائزہ لیا گیا۔ اس موقع پر متعلقہ افسران نے بریفنگ دیتے ہوئے بتایا کہ ٹی ایم اے ٹوپی کی ٹیمیں فیلڈ میں متحرک ہیں اور مختلف مقامات پر مقررہ ایس او پیز کے مطابق آلائشوں کو ٹھکانے لگانے کا عمل جاری ہے۔
اے اے سی صاحبہ نے موقع پر ہدایت جاری کرتے ہوئے کہا کہ صفائی کے عمل کو مزید مؤثر بنایا جائے، عوامی مقامات پر فوری کلیکشن کو یقینی بنایا جائے اور کسی بھی قسم کی غفلت برداشت نہیں کی جائے گی۔ انہوں نے مزید کہا کہ عید الاضحیٰ کے دوران ماحول کی صفائی اور عوامی صحت کا تحفظ اولین ترجیح ہے۔
انہوں نے متعلقہ عملے کی کارکردگی کو سراہتے ہوئے ہدایت کی کہ تمام دستیاب وسائل کو بروئے کار لا کر شہر کو صاف ستھرا رکھا جائے اور شکایات کے فوری ازالے کو یقینی بنایا جائے۔
ٹی ایم اے ٹوپی کی جانب سے عید کے موقع پر خصوصی صفائی مہم جاری ہے، جس کے تحت مختلف یونین کونسلز میں مشینری اور عملہ ہمہ وقت فیلڈ میں موجود ہے۔