Ithad-e-Akbar

سرگودھا: بھلوال روڈ، لک موڑ کے قریب ہائی ایس اور موٹر سائیکل کے درمیان تصادم کے نتیجے میں 31 سالہ محمد علی اور 51 سالہ ضیا اللہ موقع پر جاں بحق ہو گئے۔ حادثے میں چار افراد زخمی ہوئے جنہیں ریسکیو 1122 نے فوری طور پر ڈی ایچ کیو ہسپتال منتقل کیا۔

زخمیوں میں 21 سالہ بلاول حسین، 60 سالہ نذر حیات، 50 سالہ بلقیس اور 45 سالہ کنیز شامل ہیں۔ عینی شاہدین کے مطابق حادثہ زیادہ رفتار کے باعث پیش آیا۔حکام نے کہا کہ متاثرہ علاقوں میں ڈرائیونگ کے دوران احتیاط برتی جائے۔

سرگودھا: ڈپٹی کمشنر حسین احمد رضا چوہدری نے ٹی ایچ کیو ہسپتال 90 جنوبی کا دورہ کیا اور عمارت کے خراب اور خطرناک حصوں کا جائزہ لیا۔ اس موقع پر سی او ہیلتھ اور ایکسین بلڈنگز بھی ان کے ساتھ موجود تھے۔

انہوں نے افسران کو ہدایت دی کہ خستہ حال عمارت کی مرمت اور بہتری کا کام فوری طور پر شروع کیا جائے تاکہ مریضوں اور عملے کی حفاظت یقینی بنائی جا سکے۔ اس منصوبے پر تقریباً 16 کروڑ روپے خرچ ہونے کا اندازہ ہے۔

ڈپٹی کمشنر نے کہا کہ حکومت عوام کو بہتر اور محفوظ طبی سہولیات فراہم کرنے کے لیے کام کر رہی ہے، جبکہ ہسپتالوں میں صفائی، ادویات کی فراہمی اور عملے کی حاضری کو بھی یقینی بنایا جا رہا ہے۔

سرگودھا — ڈپٹی کمشنر حسین احمد رضا چوہدری کی ہدایت پر غیر قانونی سگریٹس کے خلاف کارروائی کے دوران اسسٹنٹ کمشنر کوٹ مومن اختر ملک نے ٹیم کے ساتھ چھاپہ مار کر 7 ہزار سے زائد سگریٹ پیکٹس برآمد کر لیے۔

شیخ مصطفیٰ کریانہ سٹور سے تقریباً 4 ہزار پیکٹس ملے جبکہ 3 ملازمین کو حراست میں لے لیا گیا۔ مزید کارروائی میں ورکاں والی سے مزید 3 ہزار پیکٹس اور پیکنگ کا سامان بھی قبضے میں لے لیا گیا۔

انتظامیہ کے مطابق یہ غیر ٹیکس شدہ سگریٹس مقامی طور پر تیار ہو کر مارکیٹ میں فروخت کیے جا رہے تھے۔ ڈپٹی کمشنر نے کہا ہے کہ ایسے غیر قانونی کاموں کے خلاف کارروائی جاری رہے گی۔

کمشنر سرگودھا ڈویژن کا امتحانی کنٹرول روم کا دورہ

سرگودھا (30 مارچ 2026) – کمشنر سرگودھا ڈویژن حافظ شوکت علی نے بورڈ آف انٹرمیڈیٹ اینڈ سیکنڈری ایجوکیشن کے جاری امتحانات کی مؤثر نگرانی کے لیے قائم مرکزی کنٹرول روم کا دورہ کیا۔

دورے کے دوران کمشنر کو جدید کیمروں کے ذریعے حساس امتحانی سنٹرز کی مسلسل مانیٹرنگ کے نظام سے بریفنگ دی گئی۔ انتظامیہ نے بتایا کہ امتحانات شفاف، منصفانہ اور نقل سے پاک بنانے کے لیے تمام ضروری اقدامات کیے گئے ہیں۔

کمشنر نے ہدایت کی کہ امتحانات کے دوران زیرو ٹالرنس پالیسی پر سختی سے عمل کیا جائے اور کسی بھی بے ضابطگی کی صورت میں فوری کارروائی کی جائے۔ انہوں نے کہا کہ طلبہ کو پرسکون اور سازگار ماحول فراہم کرنا انتظامیہ کی اولین ترجیح ہے تاکہ وہ بغیر کسی دباؤ کے امتحانات دے سکیں۔

ون ڈش ایکٹ کی خلاف ورزی پر 2 لاکھ 75 ہزار روپے جرمانہ

سرگودھا (30 مارچ 2026) – ڈپٹی کمشنر حسین احمد رضا چوہدری کی ہدایت پر ضلع بھر میں شادی ہالز اور ہوٹلز کی سخت چھان بین کی گئی۔ خلاف ورزی پر مجموعی طور پر 2 لاکھ 75 ہزار روپے جرمانہ عائد کیا گیا۔ ڈپٹی کمشنر نے کہا کہ قانون کی خلاف ورزی ہرگز برداشت نہیں کی جائے گی اور بلا امتیاز کارروائی جاری رہے گی۔

پنجاب میں تعلیمی ادارے یکم اپریل سے بحال
صوبائی وزیر تعلیم رانا سکندر حیات نے اعلان کیا کہ پنجاب بھر کے تمام تعلیمی ادارے یکم اپریل 2026 سے معمول کے مطابق کھول دیے جائیں گے۔
تعلیمی سرگرمیاں ہفتے میں پانچ روز (پیر تا جمعہ) جاری رہیں گی، ہائبرڈ یا مختصر اوقاتِ کار کی تجاویز مسترد کر دی گئیں۔

سرگودھا میں عوام نے ایک کم عمر لڑکے کو ڈمپر چلانے کے دوران پکڑ لیا۔ بھاری گاڑیوں کو نا تجربہ کار ڈرائیورز کے حوالے کرنے سے حادثات اور جانی نقصان کا خطرہ بڑھ گیا ہے۔ ڈمپر مالکان اور متعلقہ یونین سے فوری نوٹس لینے اور ذمہ داروں کے خلاف سخت کارروائی کرنے کی درخواست کی گئی ہے۔

16-12-25

11-12-25

09-12-25

Abdul Wahab