Muhammad Tahir

اگر آپ ہمیشہ دوسروں کی طرح سوچیں گے، تو آپ کے نتائج بھی ویسے ہی ہوں گے جیسے دوسروں کے ہیں۔ لیکن اگر آپ زندگی میں کچھ نیا، منفرد یا بڑا حاصل کرنا چاہتے ہیں، تو آپ کو اپنی سوچ دوسروں سے الگ رکھنی ہوگی۔

فرض کریں ایک کلاس میں تمام طلباء روزانہ صرف کتاب کے سوال یاد کرتے ہیں تاکہ امتحان میں پاس ہو جائیں۔ لیکن ایک طالب علم یہ سوچتا ہے کہ “مجھے صرف پاس نہیں ہونا، بلکہ مضمون کو سمجھنا ہے تاکہ میں عملی زندگی میں بھی اسے استعمال کر سکوں۔”
وہ طالب علم کتاب کے علاوہ ویڈیوز دیکھتا ہے، سوالات پر غور کرتا ہے، اور اپنے استاد سے اضافی سوال کرتا ہے۔
نتیجہ یہ ہوتا ہے کہ باقی سب صرف پاس ہو جاتے ہیں، مگر وہ طالب علم نمایاں کامیابی حاصل کر لیتا ہے۔

یعنی اگر آپ سب کی طرح سوچیں گے تو آپ سب جیسے ہی بنیں گے،
اور اگر آپ نئی سوچ اپنائیں گے تو نئے نتائج حاصل کریں گے

محمد طاہر
بانی انسٹیٹیوٹ آف پرسنل ڈویلپمنٹ ملتان

خوف (Fear) انسان کے اندر موجود اعتماد، جرات، اور فیصلہ کرنے کی صلاحیت کو کم کر دیتا ہے۔ جب انسان ڈر جاتا ہے تو وہ قدم اٹھانے سے پہلے ہی ہار مان لیتا ہے، اور یہی رویہ کامیابی کے راستے میں سب سے بڑی رکاوٹ بن جاتا ہے۔
فرض کریں ایک طالب علم ہے احمد اور
اسےانگریزی بولنے کا بہت شوق ہے، مگر اسے یہ خوف ہے کہ اگر میں کلاس میں بولوں گا تو شاید مجھ سے غلطی ہو جائے، اور سب مجھ پر ہنسیں گے۔
اسی خوف کی وجہ سے وہ کبھی کوشش نہیں کرتا، کلاس میں خاموش رہتا ہے، اور اس کی بولنے کی صلاحیت بہتر نہیں ہو پاتی۔

اب دوسری طرف اس کا دوست علی ہے۔
علی بھی ابتدا میں غلطیاں کرتا ہے، مگر اسے ڈر نہیں لگتا۔ وہ ہنستا ہے، سیکھتا ہے، اور بار بار بولنے کی کوشش کرتا ہے۔ چند مہینوں میں علی کی انگریزی روانی سے بہتر ہو جاتی ہے اور وہ کلاس میں نمایاں ہو جاتا ہے۔

احمد کی ناکامی کی وجہ خوف تھی، اور علی کی کامیابی کی وجہ حوصلہ اور عمل لہٰذا کہا جا سکتا ہے کہ:

“خوف انسان کو کوشش سے روکتا ہے، اور کوشش کے بغیر کامیابی ممکن نہیں۔”

محمد طاہر
بانی انسٹیٹیوٹ آف پرسنل ڈویلپمنٹ ملتان