Swat TV

اپ کے خیال میں کس صوبے کے وزیر اعلی سب سے بہتر ؟

پٹرولیم مصنوعات کے قیمتوں میں کمی کا امکان

سیاحوں کی حفاظت اور محفوظ ماحول کو یقینی بنانے کے لیے ٹورازم پولیس ہر وقت اپنی ذمہ داریاں احسن طریقے سے انجام دے رہی ہے

عید قربان کی خوشیاں دوبالا کرنے کے لیے سیاحوں کی بڑی تعداد نے سوات کا رخ کیا۔ سیاحوں کو ہر ممکن مدد فراہم کرنے کے لیے ڈی پی او سوات محمد عمر خان کے احکامات پر ضلع سوات کے مختلف مقامات پر ٹورسٹ فیسیلیٹیشن سنٹرز قائم کیے گئے ہیں۔ ان مراکز پر سوات پولیس سیاحوں کی رہنمائی کر رہی ہے، ان کا گرم جوشی سے استقبال کر رہی ہے اور انہیں ٹھنڈے مشروبات و مٹھائیاں بھی پیش کر رہی ہے۔

ڈسٹرکٹ پولیس آفیسر سوات محمد عمر خان نے عید قربان کے دوسرے روز ٹورسٹ فیسیلیٹیشن سنٹر بابِ سوات کا دورہ کیا، پولیس اہلکاروں سے ملاقات کی اور عید کی مبارکباد بھی دی۔ انہوں نے ٹورسٹ فیسیلیٹیشن سنٹر پر سیاحوں کو پولیس کی جانب سے فراہم کی جانے والی سہولیات کا جائزہ لیا۔ اس موقع پر ایس پی ٹریفک وارڈن سوات پرویز خان بھی ہمراہ تھے۔

واضح رہے کہ ڈی پی او سوات کی ہدایات کے مطابق وادی سوات کے سیاحتی مقامات پر اندرون و بیرونِ ملک سے آنے والے سیاحوں اور مہمانوں کی بھرپور مدد و رہنمائی کے لیے سوات پولیس کے افسران و جوان مکمل طور پر متحرک ہیں۔ وہ سیکیورٹی اقدامات کے ساتھ امدادی کارروائیوں میں بھی مصروفِ عمل ہیں۔

ترجمان سوات پولیس