Gulzar-e-Sabri

معروف عالمِ دین حضرت مولانا مفتی محمد تقی عثمانی نے اپنی تصنیف "حضرت معاویہؓ اور تاریخی حقائق" میں حضرت معاویہ رضی اللہ عنہ کے مقام اور ان کے دورِ حکومت پر روشنی ڈالتے ہوئے لکھا ہے کہ حضرت معاویہ رضی اللہ عنہ ان جلیل القدر صحابہ کرام میں سے ہیں جنہوں نے نبی اکرم صلی اللہ علیہ وسلم کے لیے کتابتِ وحی کے اہم فرائض انجام دیے۔

مفتی تقی عثمانی کے مطابق، حضرت علی رضی اللہ عنہ کی وفات کے بعد حضرت معاویہ رضی اللہ عنہ کا دورِ حکومت تاریخِ اسلام کے ان درخشاں اور سنہری زمانوں میں سے ہے جس میں ملک کے اندر مکمل طور پر امن و اطمینان کا دور دورہ تھا، جبکہ ملک سے باہر بیرونی دشمنوں پر مسلمانوں کی ہیبت اور دھاک بیٹھی ہوئی تھی۔

انہوں نے مزید کہا کہ اس تمام تر کامیابی کے باوجود حضرت معاویہ رضی اللہ عنہ کے مخالفین نے ان پر اعتراضات اور الزامات کا کچھ اس انداز سے انبار لگایا ہے کہ تاریخِ اسلام کا یہ تابناک اور روشن زمانہ سبائی پروپیگنڈے کے گرد و غبار میں روپوش ہو کر رہ گیا ہے۔