Ghizer Markhor

موضوع: پنگل میں دریا میں ڈوبنے کا افسوسناک واقعہ

پنگل میں دریا میں تیراکی کے دوران ایک شخص کے ڈوبنے کی اطلاع موصول ہوتے ہی ریسکیو 1122 غذر کی گوپس اور سنگل اسٹیشنوں سے امدادی ٹیمیں فوری طور پر روانہ کر دی گئیں۔ ٹیموں نے سرچ آپریشن شروع کیا ہے۔

ڈسٹرکٹ انچارج ریسکیو 1122 غذر، راجہ اجمل نذیر، نے اس افسوسناک واقعے پر گہری تشویش کا اظہار کرتے ہوئے کہا کہ خصوصاً نوجوانوں کی جانب سے دریاؤں میں تیراکی اور دیگر خطرناک سرگرمیوں کے ذریعے اپنی قیمتی جانوں کو خطرے میں ڈالنا انتہائی تشویشناک ہے۔ انہوں نے عوام سے ایک بار پھر پُرزور اپیل کی کہ موجودہ شدید گرمی اور گلیشیئرز کے تیزی سے پگھلنے کے باعث دریاؤں میں پانی کی سطح بلند اور بہاؤ انتہائی خطرناک ہو چکا ہے، لہٰذا دریا میں نہانے، مچھلی پکڑنے، لکڑیاں جمع کرنے اور غیر ضروری طور پر دریا کے کناروں پر جانے سے مکمل اجتناب کریں۔
انہوں نے مزید کہا کہ عوام کے جان و مال کے تحفظ کے پیشِ نظر ڈپٹی کمشنر غذر کی جانب سے دریاؤں کے کناروں پر دفعہ 144 نافذ ہے، اور اس کی خلاف ورزی کرنے والوں کے خلاف قانون کے مطابق سخت کارروائی عمل میں لائی جائے گی۔