BaadeShimal TV

سکردو: پاکستان پیپلز پارٹی کے سینئر رہنما اور حلقہ 4 روندو سے امیدوار محمد خان وزیر، گانچھے سے پاکستان مسلم لیگ (ن) کے ضلعی جنرل سیکرٹری رضاالحق مدنی اور پاکستان مسلم لیگ (ق) کے صدر وزیر اسحاق نے استحکام پاکستان پارٹی میں شمولیت اختیار کر لی، راجہ جلال ہاؤس سکردو میں شمولیتی تقریب کا اہتمام کیا گیا

گانچھے: پاکستان پیپلز پارٹی کے سینئر رہنما محمد جعفر نے آئندہ گلگت بلتستان انتخابات سے دستبردار ہونے کا اعلان کر دیا۔ انہوں نے جی بی اے 22 گانچھے ون اور جی بی اے 24 گانچھے تھری سے اپنی نامزدگیاں واپس لینے کا باضابطہ اعلان کرتے ہوئے پارٹی قیادت کے فیصلوں پر مایوسی کا اظہار کیا ہے۔
محمد جعفر نے اپنے بیان میں کہا کہ وہ گزشتہ 51 برسوں سے پاکستان پیپلز پارٹی سے وابستہ رہے اور ہر مشکل وقت میں پارٹی کا ساتھ دیا، تاہم طویل وفاداری اور سیاسی جدوجہد کے باوجود انہیں پارٹی ٹکٹ نہ ملنا انتہائی افسوسناک اور مایوس کن عمل ہے۔
انہوں نے کہا کہ پارٹی کے لیے اپنی زندگی کا بڑا حصہ وقف کیا، مگر کارکنوں اور نظریاتی ساتھیوں کی قربانیوں کو نظر انداز کیا گیا۔ ان کا کہنا تھا کہ وہ پارٹی فیصلوں سے دل برداشتہ ہیں، جس کے باعث انہوں نے انتخابات سے دستبردار ہونے اور اپنی نامزدگیاں واپس لینے کا فیصلہ کیا۔

گانچھے: ضلع گانچھے میں پاکستان مسلم لیگ (ن) کے ضلعی جنرل سیکرٹری اور جی بی اے 22 حلقہ 01 گانچھے سے امیدوار رضا الحق مدنی نے پارٹی کو خیر باد کہہ دیا۔ انہوں نے یہ فیصلہ پارٹی ٹکٹ نہ ملنے پر کیا۔
ہفتہ کی شام کور کمیٹی کے اجلاس میں حالیہ سیاسی صورتحال پر طویل مشاورت کی گئی۔ اجلاس میں کارکنوں کی دیرینہ وابستگی، سیاسی جدوجہد اور قربانیوں کے باوجود پارٹی قیادت کی جانب سے ٹکٹ ابراہیم ثنائی کے نام کرنے پر شدید تشویش اور ناراضگی کا اظہار کیا گیا۔
رضا الحق مدنی نے پارٹی قیادت کے اس فیصلے کو کارکنوں کے ساتھ ناانصافی قرار دیتے ہوئے مسلم لیگ (ن) سے اپنی سیاسی وابستگی ختم کرنے کا اعلان کر دیا۔

قائد ن لیگ میاں محمد نواز شریف نے گلگت بلتستان کے 22 حلقوں کے امیدواروں کو پارٹی ٹکٹ جاری کردیا

معرکہ حق وجشن بہاراں کے موقع پر بہترین کھیل کا مظاہرہ کرنے والے بچوں کو مہمانان گرامی انعامات تقسیم کررہے ہیں