Mommy and SRL Daily Routine

‘HINDI KAMI NAKAKALIMOT’

May pahaging ang aktres na si Ivana Alawi kaugnay sa isyu sa flood control sa bansa.

“‘Wag tayo maghanap ng ibang issue para matakpan ang mga pinakaimportanteng issue,” bahagi ng kaniyang caption kalakip ang mga litrato sa paghahanda niya ng relief packs para sa mga binaha.

Ibinahagi ito ni Ivana matapos ang ulat ng Philippine Amusement and Gaming Corporation (PAGCOR) na pinagmulta nila ang isang gaming firm dahil sa promo campaign ni Ivana na mamigay ng cellphone.

KITANG-KITA SA DAVAO CITY ANG BAHA?

Binuweltahan ng Palasyo ang pahayag ni Vice Pres. Sara Duterte tungkol sa problema sa baha sa Pilipinas.

Sa isang online statement, iginiit ng bise na lubog na umano ang bansa sa baha at kahirapan pero wala umanong mapapanagot dahil sa impeachment, budget, at paglabag sa Konstitusyon ang prayoridad umano ng administrasyon at kaalyado nito.

Sinang-ayun naman ni Palace Press Officer Usec. Claire Castro na totoo ang sinabi ni VP Sara dahil makikita umano ito sa Davao City.

“Kaya nga po nagpabigay na agad ng utos ang Pangulo kay (Public Works) Sec. Vince Dizon na ayusin ang pagbabaha na malalang pagbabaha sa Davao City,” banat ni Castro.

VP SARA VS. USEC. CLAIRE

Bumuwelta ang Palasyo sa bagong pahayag ni Vice Pres. Sara Duterte tungkol sa kaniyang impeachment.

Sa naturang statement, sinabi ni VP Sara na dapat patunayan ang mga akusasyon laban sa kaniya gamit ang ebidensya at hindi insulto o political theatrics.

Hindi rin umano katanggap-tanggap na tinawag na “stupid” ng isang senador ang isang testigo. Inalmahan din ng bise ang pagbansag sa kaniya ng isang abogado bilang “mastermind of scam.”

Banat naman ni Palace Press Officer Usec. Claire Castro: Kung ayaw ni VP ng mga ad hominem o nakakainsultong pananalita, dapat magsimula ito sa kaniya.