Ang Moog

𝐈𝐂𝐘𝐌𝐈: 𝐂𝐚𝐧𝐝𝐚𝐰𝐚𝐠𝐚 𝐍𝐇𝐒, 𝐥𝐮𝐦𝐚𝐡𝐨𝐤 𝐬𝐚 𝐃𝐢𝐯𝐢𝐬𝐢𝐨𝐧 𝐅𝐞𝐬𝐭𝐢𝐯𝐚𝐥 𝐨𝐟 𝐓𝐚𝐥𝐞𝐧𝐭 𝟐𝟎𝟐𝟔

Dalawang mag-aaral at apat na mga g**o mula sa Candawaga National High School ang lumahok sa Division Festival of Talent na ginanap sa Brooke’s Point National High School noong Pebrero 24-27, 2026.

Ipinamalas ni Edel Jeff A. Roco ang talas ng pag-iisip at husay sa pagsasalita sa patimpalak na “Speak Up!” (Impromptu) habang nakipagtagisan naman ng talino sa PopDev Quiz Bee si Dorothy Grace Amar.

Naging tagapagsanay ng mga mag-aaral sina Ma’am Lorena Cuadrante para sa Impromptu, at Sir Jeffry Operiano, Ma’am Ronalyn Pedro, at Ma’am Shenna Mae Alvaro para naman sa PopDev Quiz Bee.

Ang Festival of Talent ay isang taunang gawain na binubuo ng iba’t ibang patimpalak para sa mga piling mag-aaral. Ngunit higit pa sa kompetisyon, ito ay nagsisilbi ring selebrasyon ng talento at husay ng mga mag-aaral sa iba’t ibang larangan na may layong ipakita hindi lamang sa loob ng kanilang mga silid-aralan kundi maging sa dibisyon, rehiyonal, at nasyonal na entablado.

📷: Ma’am Lorena Cuadrante

Candawaga National High School
𝐌𝐀𝐏𝐄𝐇 𝐏𝐢𝐒𝐓𝐀 𝟐𝟎𝟐𝟔
February 27, 2026

Paghubog ng kasanayan at paglikha ng oportunidad para sa mga mag-aaral, tampok sa Candawaga NHS OSOP ‘26 Trade Fair

Muling nabigyan ng pagkakataong maipamalas ng mga mag-aaral ang kanilang kahusayan sa paglikha ng mga produkto at paghatid ng iba’t ibang serbisyo na kanilang pinagkakitaan sa ginanap na “One School, One Product/Services” (OSOP) 2026 Trade Fair sa Candawaga National High School, Pebrero 27.

Kabilang sa mga lumahok sa programa ay ang mga mag-aaral ng Grade 10, Grade 12, at ALS.

Ang programa ay pinangunahan ng mga g**o sa TLE sa junior high school, at mga g**o naman ng TVL para sa senior high school.

Sa huli, ang mga mag-aaral mula sa Grade 12 GAS ang itinanghal na kampeon para sa OSOP 2026 Trade Fair.

📷: Ma’am Richeal Mariano, Sir Jhun Sobrevega

𝐌𝐔𝐋𝐈𝐍𝐆 𝐁𝐀𝐋𝐈𝐊𝐀𝐍: Araling Panlipunan Department, nagsagawa ng symposium patungkol sa bullying

Nagsagawa ng symposium patungkol sa bullying ang Araling Panlipunan Department ng Candawaga National High School noong Pebrero 19, 2026.

Sa temang “Building a Safe and Respectful School Community: Choose Kindness, Reject Bullying”, ang naturang gawain ay dinaluhan ng mga mag-aaral mula sa baitang 7.

Naging tagapanayam sa symposium si Gng. Annelyn T. Asis, RSW. Binigyang-diin niya ang kahalagahan ng pagkakaroon ng isang paaralang ligtas at hindi nagbibigay-daan sa anumang klase ng bullying.

Layunin din ng gawain ang hikayatin ang mga mag-aaral na iwasang makasakit ng kapwa mag-aaral sa anumang paraan at laging piliing maging mabuti sa lahat ng pagkakataon.

✍️: Rexica Omar
📷: Zeah Key Matus, Athaliah Nixie Española

𝐂𝐚𝐧𝐝𝐚𝐰𝐚𝐠𝐚 𝐍𝐚𝐭𝐢𝐨𝐧𝐚𝐥 𝐇𝐢𝐠𝐡 𝐒𝐜𝐡𝐨𝐨𝐥
𝐂𝐀𝐑𝐄𝐄𝐑 𝐃𝐀𝐘 𝟐𝟎𝟐𝟔

𝐂𝐁-𝐍𝐂𝐀𝐄, 𝐦𝐚𝐭𝐚𝐠𝐮𝐦𝐩𝐚𝐲 𝐧𝐚 𝐧𝐚𝐢𝐬𝐚𝐠𝐚𝐰𝐚 𝐬𝐚 𝐂𝐚𝐧𝐝𝐚𝐰𝐚𝐠𝐚 𝐍𝐇𝐒

Matagumpay na naisagawa ang Computer-Based National Career Assessment Examination (CB-NCAE) sa Candawaga National High School na nagsilbing opisyal na testing center ng mga paaralan sa ikalawang distrito ng Rizal.

Kabilang sa mga paaralang kumuha ng CB-NCAE ay ang sumusunod: Panalingaan National High School, Taburi National High School, Candawaga National High School, at Campong-Ulay National High School- Candawaga NHS Extension.

Naunang sumailalim sa CB-NCAE ang mga mag-aaral ng Grade 10 mula sa Panalingaan NHS noong Enero 27 hanggang 28. Ito ay sinundan ng Taburi NHS, Candawaga NHS, at Campong-Ulay NHS- Candawaga NHS Annex.

Ang CB-NCAE ay isinagawa sa Computer Laboratory ng Candawaga NHS na pinamahalaan nina Gng. Richeal Mariano at Gng. Melnore Española katuwang ang tagapayo ng mga mag-aaral.

Ang CB-NCAE ay isang pagsusulit na naglalayong masukat ang interes, kakayahan, at kasanayan ng mga mag-aaral upang magsilbing gabay sa pagpili ng kanilang kurso o karera sa hinaharap.

Samantala, mahigpit namang sinunod ang mga alituntunin ng Department of Education (DepEd) upang matiyak ang kaayusan at kredibilidad ng pagsusulit.

✍️: Mayorie Basilio
📷: Ma’am Richeal Mariano

𝐌𝐀𝐘 𝐍𝐀𝐍𝐀𝐋𝐎 𝐍𝐀!

Nagwagi si Baby Almisa Amis bilang bagong pangulo ng Candawaga National High School Supreme Secondary Learner Government (SSLG) sa katatapos lamang na eleksiyon matapos makakuha ng 308 kabuuang boto, Pebrero 12.

Ang halalan ay pinangunahan ng mga kasalukuyang opisyal at tagapayo ng SSLG na sina Gng. Lorena Cuadrante at Cherry Fe Sarmiento.

Narito ang listahan ng mga bagong halal na opisyal ng SSLG:

President: Baby Almisa M. Amis

Vice President: Micca-Ella C. Borris

Secretary: Dally Ann Alipoon, Joanne Faith Paradiro

Treasurer: Rychelle Jane Tangeres

Auditor: Princess Sarah Cuysona

P.I.O: Romelyn Joy J. Gamusaran

Protocol Officer: Ritchelle B. Barrios

Grade 8 Representatives:
Vovetha S. Galicia
Kaiser F. Lacson

Grade 9 Representatives:
Cris Laurence S. Abayon
Reanlee T. Agustin

Grade 10 Representatives:
Arlve Jean-Mae Becidilla
Princess Loraine T. Arsenio

Grade 11 Representatives:
Chrizel B. Paguntalan
Jaya Radha Priya R. Rioja

Grade 12 representative:
Jesyl Ann T. Besite
Ferhana O. Omar

Samantala, dahil nakakuha ng parehong bilang ng boto ang mga kumandidatong mag-aaral bilang kalihim, bukas pa malalaman ang kikilalaning opisyal na kalihim sa pamamagitan ng coin toss ayon kay Gng. Cuadrante.

Inaasahan namang magiging mabuting lider at magtataguyod ng gawain at proyekto para sa kapakanan ng mga mag-aaral sa Candawaga National High School ang mga bagong halal na opisyal.

Pagbati sa lahat ng nagwagi.

✍️: Rojanna Chloe Gargola at Hanna Florian Escala
📷: Gng. Lorena Cuadrante

𝐂𝐍𝐇𝐒 𝐒𝐒𝐋𝐆 𝐆𝐫𝐚𝐧𝐝 𝐑𝐚𝐥𝐥𝐲, 𝐢𝐬𝐢𝐧𝐚𝐠𝐚𝐰𝐚

Matagumpay na naisagawa ang Supreme Secondary Learner Government (SSLG) Grand Rally sa Candawaga National High School gymnasium kaninang umaga, Pebrero 12.

Husay sa pagsasalita at makabuluhang mga plataporma ang inihain ng mga kumakandidato sa kanilang kapwa mag-aaral upang himuking sila ang karapat-dapat na magwagi sa halalan.

Samantala, agad namang sinimulan ang eleksiyon pagsapit ng ika-1 ng hapon kung saan ang bawat mag-aaral ay nabigyan ng kapangyarihang pumili ng lider na kanilang nais mamuno.

Manatiling nakaantabay para sa resulta ng

Para sa kaugnay na balita:
https://www.facebook.com/share/p/17mBgvzu9e/?mibextid=WC7FNe

📷: Athaliah Nixie Española, Zeah Key Matus

TINGNAN: Kasalukuyang isinasagawa ang halalan ng Candawaga National High School SSLG para sa taong panuruan 2026-2027.

Nagsimula ang pagboto ng mga mag-aaral ganap na ika-1 ng hapon, sa CNHS gymnasium.

Samantala, kaninang umaga naman isinagawa ang Grand Rally kung saan nagkaroon ng pagkakataon ang mga mag-aaral na makilala ang mga kumakandidato na posibleng mamuno sa kanila sa susunod na taong panuruan.

Para sa kaugnay na balita:
https://www.facebook.com/share/p/1KQpkH98xD/?mibextid=WC7FNe

📷: Shekainah Sarmiento, Rexica Omar