IsangAwit

Lucas 15:4-7
"Kung ang sinuman sa inyo ay may isandaang tupa at mawala ang isa, hindi ba niya iiwan ang siyamnapu’t siyam sa ilang at hahanapin ang nawawala hanggang sa ito’y matagpuan? Kapag ito’y kanyang natagpuan, masaya niya itong papasanin sa kanyang balikat. Pagdating niya sa bahay, aanyayahan niya ang kanyang mga kaibigan at mga kapitbahay at sasabihin, ‘Makipagsaya kayo sa akin sapagkat natagpuan ko na ang tupa kong nawawala.’ Sinasabi ko sa inyo, magkakaroon ng higit na kagalakan sa langit dahil sa isang makasalanang nagsisi kaysa sa siyamnapu’t siyam na matuwid na hindi nangangailangan ng pagsisisi."

Paliwanag:
Ang Diyos ay matapat at hindi nagpapabaya sa Kanyang mga anak. Kahit anong dilim o kalayuan ng iyong kinaroroonan, si Hesus ay lalapit, hahanapin ka, at ibabalik sa Kanyang piling. Dahil ikaw ay Kanyang minamahal, at sa Kanya ka kabilang.

Santiago 1:2-4
"Mga kapatid, magalak kayo kapag kayo’y dumaranas ng iba’t ibang uri ng pagsubok, sapagkat alam ninyo na ang pagsubok sa inyong pananampalataya ay nagbubunga ng pagtitiyaga. At hayaan ninyong lubos na mahubog sa inyo ang pagtitiyaga upang kayo’y maging ganap at walang kakulangan."

Paliwanag:
Ang mga pagsubok ay hindi parusa kundi pagkakataon mula sa Diyos upang mapalakas ang ating pananampalataya. Kapag nalagpasan natin ang mga ito, tayo ay mas tumatatag, mas nagiging handa sa mas malaking pagpapala, at higit na nalalapit sa Kanya. Ang bawat hamon ay isang hakbang patungo sa mas mataas na tagumpay.

Jeremias 29:11
"Sapagkat nalalaman ko ang mga plano ko para sa inyo,’ sabi ng Panginoon. ‘Mga plano para sa inyong ikabubuti at hindi sa ikasasama, upang bigyan kayo ng pag-asa at magandang kinabukasan.’"

Paliwanag:
Bagamat walang sino man ang nakakaalam kung ano ang magaganap sa hinaharap, maaasahan natin ang pangako ng Diyos. Si Hesus, na nagmamahal sa atin, ay may tiyak na plano—isang plano na puno ng pag-asa at kagandahan. Hindi natin kailangang matakot sa 2025 o sa anumang taon dahil ang ating buhay ay nasa Kanyang mga kamay.

Hebreo 13:8
"Si Jesu-Cristo ay siya ring kahapon at ngayon, oo, at magpakailanman."

Paliwanag:
Ang mundo ay patuloy na nagbabago, pati na ang ating mga sitwasyon, pero ang Diyos ay nananatiling tapat at hindi nagbabago. Ang Kanyang pagmamahal at katapatan sa atin ay walang hanggan. Kahit magbago ang lahat sa paligid natin, maaasahan natin na ang Panginoon ay mananatiling pareho—mapagmahal, maawain, at tapat sa Kanyang mga anak.

Deuteronomio 28:2
"At darating sa iyo ang lahat ng mga pagpapalang ito, at aabot sa iyo, kung iyong didinggin ang tinig ng Panginoon mong Diyos."

Paliwanag:
Kapag sinunod natin si Hesus nang buong puso, hindi lamang basta tayo pagpapalain; ang mga biyaya mula sa Diyos ay kusang darating sa atin, kahit hindi natin ito aktibong hinahanap. Ang pagiging masunurin sa Kanyang kalooban ay nagdadala ng mga pagpapala na higit pa sa inaasahan natin, sapagkat ang Diyos ay tapat sa Kanyang mga pangako. Ang biyaya Niya ay palaging higit pa sa sapat.

Job 42:2
"Nalalaman ko na magagawa mo ang lahat ng bagay, at walang layunin kang mabibigo."

Paliwanag:
Ang talatang ito ay nagpapatunay na walang mahirap o imposible para sa Diyos. Anuman ang ating sitwasyon, kayang-kaya Niya itong baguhin sa isang iglap. Sa isang "kisap mata," maaaring gawing buo ng Diyos ang sirang buhay, ibalik ang nawalang pag-asa, at magbigay ng tagumpay sa gitna ng kahirapan. Ang Diyos ay may kapangyarihang gumawa ng higit pa sa ating iniisip o hinihiling. Kaya’t magtiwala tayo sa Kanya at sa Kanyang tamang panahon.

Lucas 1:37
"Sapagka't walang anumang bagay na hindi kayang gawin ng Diyos."

Paliwanag:
Ang talatang ito ay nagpapaalala sa atin na ang Diyos ay makapangyarihan sa lahat. Walang sitwasyon na napakahirap o imposible para sa Kanya. Maaaring sa paningin natin ay wala nang solusyon ang ating mga pinagdadaanan, ngunit ang Diyos ay laging may paraan. Siya ang Diyos na buhay, na kayang gumawa ng mga himala at magbago ng mga kalagayan sa sandaling panahon. Kaya’t sa gitna ng mga pagsubok, tayo’y manalig at umasa sa Kanya, sapagkat walang imposible sa Diyos.

Awit 34:15
"Ang mga mata ng Panginoon ay nakatuon sa mga matuwid, at ang kanyang mga tainga ay nakikinig sa kanilang pagdaing."

Ang talatang ito ay nagpapaalala na bawat pagsamba, panalangin, at pagtawag natin sa Diyos ay nakikita at naririnig Niya, at may nakahandang pagpapala para sa Kanyang mga anak.

Ecclesiastes 3:11
"Ginawa niya ang lahat ng bagay na maganda sa kanyang kapanahunan. Ibinigay din niya sa mga tao ang pagnanais na unawain ang walang hanggan, ngunit hindi nila lubos na mauunawaan ang lahat ng ginagawa ng Diyos mula simula hanggang wakas."

Ang talatang ito ay nagpapaalala na ang Diyos ay may tamang panahon para sa lahat ng bagay, at sa Kanyang panahon, ang lahat ng ating pangangailangan ay matutugunan nang perpekto.

Isaias 40:31
"Ngunit silang nagtitiwala sa Panginoon ay magpapanibagong sigla; sila'y lilipad na parang mga agila. Sila'y tatakbo at hindi mapapagod, sila'y lalakad at hindi manghihina."

Ang talatang ito ay nagpapaalala na ang paghihintay sa Diyos ay hindi kailanman mawawalan ng kabuluhan; may nakalaang biyaya at kalakasan para sa mga nagtitiwala sa Kanya.

Sabay Sabay po naten panoodin. Sandali lang po eto

Di mo makukuha ang Sagot Ngaun - Kailangan mong Lakbayin Eto po ang Link sa aming Facebook Group https://www.facebook.com/groups/bornagainchristiansphSali po kayo.---- ----Kadalasan,...

1 Pedro 1:7
"Ang ginto, bagama't nasisira, ay pinaparaan sa apoy upang subukin ang kadalisayan nito. Gayundin naman, ang inyong pananampalataya na higit na mahalaga kaysa ginto ay sinusubok upang ito'y mapatunayang tapat at magdulot ng papuri, kaluwalhatian, at karangalan sa pagpapakahayag ni Jesu-Cristo."

Ang talatang ito ay nagpapaalala na ang mga pagsubok ay bahagi ng proseso ng Diyos upang patunayan at ihanda tayo para sa mas dakilang layunin at pagpapala.