MOO Mercedes

𝐂𝐨𝐧𝐠𝐫𝐚𝐭𝐮𝐥𝐚𝐭𝐢𝐨𝐧𝐬, 𝟒𝐏𝐬 𝐆𝐫𝐚𝐝𝐮𝐚𝐭𝐞𝐬!

𝐂𝐨𝐧𝐠𝐫𝐚𝐭𝐮𝐥𝐚𝐭𝐢𝐨𝐧𝐬, 𝟒𝐏𝐬 𝐆𝐫𝐚𝐝𝐮𝐚𝐭𝐞𝐬 𝐨𝐟 𝐁𝐢𝐜𝐨𝐥 𝐑𝐞𝐠𝐢𝐨𝐧!

Buong pusong binabati ng Department of Social Welfare and Development Field Office V - Bicol Region ang lahat ng 4Ps monitored children na nagsipagtapos ngayong school year.

Ipinagmamalaki ng ahensya ang inyong natanggap na sertipiko at iba't-ibang pagkilala!

Ang inyong tagumpay ay bunga ng sipag, tiyaga, at sakripisyo, hindi lamang ninyo, kundi pati ng inyong mga magulang na patuloy na nagsisikap para sa inyong kinabukasan.

Nawa’y magsilbi itong inspirasyon upang ipagpatuloy ninyo ang pag-aaral, abutin ang inyong mga pangarap, at maging pag-asa ng inyong pamilya at komunidad. Patuloy na sumusuporta ang DSWD Bicol sa inyong paglalakbay tungo sa mas maliwanag na bukas.

𝐖𝐨𝐦𝐞𝐧’𝐬 𝐌𝐨𝐧𝐭𝐡 𝐂𝐞𝐥𝐞𝐛𝐫𝐚𝐭𝐢𝐨𝐧 𝟐𝟎𝟐𝟔

Ang Municipal Operations Office (MOO) ng Mercedes ay aktibong nakibahagi sa malawakang pagdiriwang ng Buwan ng Kababaihan, na nagpapakita ng matibay na komitment nito sa pagtataguyod ng pagkakapantay-pantay ng kasarian at pagpapalakas ng kababaihan sa antas ng komunidad.

Nakilahok ang tanggapan sa iba’t ibang aktibidad na pinangunahan ng Lokal na Pamahalaan ng Mercedes, kabilang ang 𝐀𝐝𝐯𝐨𝐜𝐚𝐜𝐲 𝐖𝐚𝐥𝐤 at 𝐙𝐮𝐦𝐛𝐚 𝐌𝐨𝐛 na ginanap noong ika-9 ng Marso 2026. Ito ay dinaluhan ng MOO Mercedes staffs at mga Parent Leaders. Layunin ng mga gawaing ito na mapataas ang kamalayan hinggil sa karapatan ng kababaihan, mapalakas ang pagkakaisa, at mahikayat ang aktibong partisipasyon ng komunidad sa pagsusulong ng mga programang gender-responsive.

Dagdag pa rito, inimbitahan si Social Welfare Officer III ng MSWDO Mercedes na si 𝐌𝐚𝐫𝐲 𝐉𝐨𝐲 𝐂𝐚𝐧̃𝐞𝐛𝐚, 𝐑𝐒𝐖 upang magbahagi ng karagdagang kaalaman sa Gender Sensitivity sa isinagawang FDS sa Barangay San Roque noong ika-16 ng Marso 2026. Ang kanyang paglahok ay nakatulong upang higit na mapalalim ang talakayan at pag-unawa ng mga kalahok hinggil sa usaping pangkasarian.

Bukod dito, ang MOO, sa pamamagitan ng mga Municipal Link, ay nagsagawa ng 𝐅𝐚𝐦𝐢𝐥𝐲 𝐃𝐞𝐯𝐞𝐥𝐨𝐩𝐦𝐞𝐧𝐭 𝐒𝐞𝐬𝐬𝐢𝐨𝐧𝐬 (𝐅𝐃𝐒) sa lahat ng 26 na barangay na nakatuon sa 𝐆𝐞𝐧𝐝𝐞𝐫 𝐒𝐞𝐧𝐬𝐢𝐭𝐢𝐯𝐢𝐭𝐲. Sa mga sesyong ito, nabigyan ang mga benepisyaryo ng mas malalim na pag-unawa sa papel ng kasarian, naitaguyod ang paggalang at pagkakapantay-pantay sa loob ng tahanan, at nahikayat ang aktibong pakikilahok ng kababaihan sa mga proseso ng pagdedesisyon.

𝐍𝐚𝐭𝐢𝐨𝐧𝐚𝐥 𝐖𝐨𝐦𝐞𝐧’𝐬 𝐌𝐨𝐧𝐭𝐡 𝐒𝐜𝐡𝐨𝐨𝐥-𝐁𝐚𝐬𝐞𝐝 𝐂𝐞𝐥𝐞𝐛𝐫𝐚𝐭𝐢𝐨𝐧

Inimbitahan ng Mercedes High School ang isa sa mga Municipal Link ng MOO Mercedes na si Raymark L. Llarena, RSW, bilang tagapagsalita sa pagdiriwang ng Women’s Month na ginanap kahapon, ika-6 ng Marso 2026, sa Mercedes High School Covered Court mula ika-8:00 hanggang ika-11:00 ng umaga.

Sa kanyang talakayan, tinalakay ni G. Llarena ang mahahalagang paksa tulad ng gender equality, kahalagahan ng mga positibong huwaran, at ang pagbasag sa mga gender stereotypes. Dinaluhan ang nasabing gawain ng mga mag-aaral, mga magulang, at mga g**o at non-teaching staff ng Mercedes High School.

Isa sa mga tampok na mensahe ng talakayan ay ang pagbibigay-diin na nawawala ang potensyal ng isang tao lalo na ng mga kababaihan kapag hinahayaan na kontrolin ng mga stereotype ang mga oportunidad. Hinikayat din ang mga kalahok na hamunin ang mga ganitong paniniwala at itaguyod ang isang kapaligiran kung saan ang lahat ay may pantay na pagkakataong umunlad at magtagumpay.

𝟏𝐬𝐭 𝐐𝐮𝐚𝐫𝐭𝐞𝐫 𝟐𝟎𝟐𝟔 𝐌𝐮𝐧𝐢𝐜𝐢𝐩𝐚𝐥 𝐀𝐝𝐯𝐢𝐬𝐨𝐫𝐲 𝐂𝐨𝐮𝐧𝐜𝐢𝐥 (𝐌𝐀𝐂) 𝐌𝐞𝐞𝐭𝐢𝐧𝐠

Ginanap ngayong araw ang Unang Quarter ng Municipal Advisory Council (MAC) Meeting na pinangunahan ni Mr. Jayson M. Lo, Municipal Administrator ng LGU-Mercedes.

Dinaluhan ito ng mga kinatawan mula sa iba’t ibang kaakibat na ahensya at mga katuwang na sektor ng Lokal na Pamahalaan ng Mercedes bilang bahagi ng patuloy na koordinasyon at pagpapalakas ng mga programa para sa kapakanan ng mga benepisyaryo ng Pantawid Pamilyang Pilipino Program (4Ps).

Pormal ding ipinakilala ang bagong Municipal Link na si ML Jeric B. Bermas at ang bagong Officer-in-Charge (OIC) ng MOO-Mercedes na si ML Nica T. Nueva.

Ang aktibidad na ito ay nagpapakita ng patuloy na pagtutulungan ng lokal na pamahalaan at mga katuwang na ahensya upang mas mapahusay ang implementasyon ng mga programa at masig**ong natutugunan ang pangangailangan ng mga benepisyaryo sa bayan ng Mercedes.

Sama-samang pagtupad para sa mas ligtas, mas matatag, at mas maunlad na komunidad!

𝐅𝐃𝐒 𝐟𝐨𝐫 𝐭𝐡𝐞 𝐌𝐨𝐧𝐭𝐡 | 𝐏𝐚𝐠𝐤𝐚𝐭𝐮𝐭𝐨 𝐬𝐚 𝐑𝐞𝐬𝐩𝐨𝐧𝐬𝐚𝐛𝐥𝐞 𝐚𝐭 𝐌𝐚𝐚𝐲𝐨𝐬 𝐧𝐚 𝐏𝐚𝐠𝐛𝐚-𝐛𝐮𝐝𝐠𝐞𝐭 𝐚𝐭 𝐏𝐚𝐠-𝐢𝐢𝐦𝐩𝐨𝐤

Sa isinagawang Family Development Session (FDS) ngayong buwan sa bayan ng Mercedes, mas pinalalim ang kaalaman ng ating mga 4Ps beneficiaries tungkol sa tamang pagba-budget at pag-iimpok.

Isa sa mga pangunahing gawain sa FDS ngayong buwan ay ang paggawa ng cash flow, kung saan natutunan ng mga kalahok kung paano ilista at suriin ang kanilang kita at gastusin. Sa pamamagitan nito, mas malinaw nilang nakita kung saan napupunta ang kanilang pera at paano makakapaglaan ng ipon para sa pangangailangan at emergency.

Bilang bahagi ng FDS, ilang piling kalahok ang nagbahagi ng kanilang mga natutunan sa ating “Pulot of the Day.” Ibinahagi nila ang kanilang realizations tungkol sa pag-prioritize ng needs kaysa wants, pag-iwas sa hindi kinakailangang gastos, at ang kahalagahan ng paglalaan ng kahit maliit na halaga para sa ipon.

Ang bawat kwento at insight ay patunay na ang tamang kaalaman at gabay ay nagbubunga ng mas responsableng pagdedesisyon para sa kapakanan ng pamilya.

P**I BASA: Bahagi Po Ng Pagdiriwang ng Local Civil Registration month , ang LGU Mercedes sa pangunguna ng LCR office ay nag takda ng 1- Araw na libreng PABUKLAT Ng Birt certificate EXCLUSIVE sa mga TAGA Mercedes lamang Po.

Sa lahat ng nais maka - avail magdala po Ng valid ID preferably National ID.

Venue: Municipal Hall Bldg
Time : 8am onwards
Date: February 27, 2026

𝐘𝐨𝐮𝐭𝐡 𝐃𝐞𝐯𝐞𝐥𝐨𝐩𝐦𝐞𝐧𝐭 𝐒𝐞𝐬𝐬𝐢𝐨𝐧 𝐕𝐨𝐥𝐮𝐦𝐞 𝐈𝐈𝐈: 𝐒𝐞𝐬𝐬𝐢𝐨𝐧 𝟏𝟎 & 𝐀𝐰𝐚𝐫𝐝𝐢𝐧𝐠 𝐂𝐞𝐫𝐞𝐦𝐨𝐧𝐲

Matagumpay na naisagawa ang huling sesyon ng Youth Development Session Volume III na nakatuon sa mahalagang paksa na “The Purpose of Family.”

Sa sesyong ito, na tinalakay ni ML Christal Margarette E. Mapa, RSW, mas napalalim ang pag-unawa ng ating mga kabataan na ang pamilya ay hindi lamang binubuo ng mga taong magkakasama sa iisang tahanan, kundi ito ang unang pinagmumulan ng pagmamahal, suporta, gabay, at mga pagpapahalaga sa buhay. Sa pamamagitan ng pagbabahagi at pagninilay, naipaalala sa kanila ang kanilang mga tungkulin bilang mga anak at bilang magiging magulang sa hinaharap na magtataguyod ng pamilyang may respeto, pananagutan, at malasakit.

Sinundan ito ng makabuluhang 𝐀𝐰𝐚𝐫𝐝𝐢𝐧𝐠 𝐂𝐞𝐫𝐞𝐦𝐨𝐧𝐲 bilang pagkilala sa aktibong pakikilahok, dedikasyon, at pag-unlad ng ating mga kabataan sa buong YDS III.

𝐂𝐨𝐧𝐠𝐫𝐚𝐭𝐮𝐥𝐚𝐭𝐢𝐨𝐧𝐬, 𝐆𝐫𝐚𝐝𝐞 𝟗-𝐂𝐨𝐮𝐫𝐭𝐞𝐨𝐮𝐬 𝐬𝐭𝐮𝐝𝐞𝐧𝐭𝐬 𝐧𝐠 𝐌𝐞𝐫𝐜𝐞𝐝𝐞𝐬 𝐇𝐢𝐠𝐡 𝐒𝐜𝐡𝐨𝐨𝐥!
Nawa’y magsilbing gabay ang mga aral na inyong natutunan upang kayo ay maging responsableng indibidwal at mabuting miyembro ng pamilya at komunidad.

𝙷𝙸𝚁𝙸𝙽𝙶! 📢
𝗗𝗢𝗠𝗘𝗦𝗧𝗜𝗖 𝗛𝗘𝗟𝗣𝗘𝗥𝗦

𝗠𝗜𝗖𝗛𝗔𝗘𝗟𝗔𝗡𝗚𝗘𝗟𝗢 𝗠𝗔𝗡𝗣𝗢𝗪𝗘𝗥 𝗘𝗫𝗣𝗢𝗡𝗘𝗡𝗧, 𝗜𝗡𝗖.

Michaelangelo Manpower Exponent, Inc. will be conducting a Special Recruitment Activity on:

📅 𝗙𝗲𝗯𝗿𝘂𝗮𝗿𝘆 𝟱 & 𝟲, 𝟮𝟬𝟮𝟲
📍 𝗣𝗘𝗦𝗢 𝗠𝗲𝗿𝗰𝗲𝗱𝗲𝘀
(Barangay 5, Eco Avenue, Mercedes, Camarines Norte)

𝗗𝗲𝗽𝗹𝗼𝘆𝗺𝗲𝗻𝘁 𝗖𝗼𝘂𝗻𝘁𝗿𝗶𝗲𝘀:
Hongkong
Cyprus
Jordan
Qatar

For inquiries, please coordinate with 𝘗𝘌𝘚𝘖 𝘔𝘦𝘳𝘤𝘦𝘥𝘦𝘴 𝘰𝘳 𝘷𝘪𝘴𝘪𝘵 𝘵𝘩𝘦 𝘳𝘦𝘤𝘳𝘶𝘪𝘵𝘮𝘦𝘯𝘵 𝘷𝘦𝘯𝘶𝘦 𝘰𝘯 𝘵𝘩𝘦 𝘴𝘤𝘩𝘦𝘥𝘶𝘭𝘦𝘥 𝘥𝘢𝘵𝘦𝘴.

Don’t miss this opportunity to work abroad and build a better future!

See you there! ☺️