Ivan Ricafrente

𝐉𝐎𝐈𝐍𝐓 𝐂𝐎𝐌𝐌𝐈𝐓𝐓𝐄𝐄 𝐌𝐄𝐄𝐓𝐈𝐍𝐆 | 𝐌𝐚𝐲 𝟐𝟖, 𝟐𝟎𝟐𝟔

Dumalo po ang inyong lingkod sa lingguhang Joint Committee Meeting ng Sangguniang Bayan na pinamunuan ni Konsehal Dan Banal. Naging panauhin ang Department of Agrarian Reform (DAR) at Public Attorney's Office (PAO) upang pag-usapan ang ukol sa mga isyu sa ating bayan.

𝐍𝐀𝐓𝐈𝐎𝐍𝐀𝐋 𝐅𝐋𝐀𝐆 𝐃𝐀𝐘𝐒 | 𝐌𝐚𝐲 𝟐𝟖 𝐭𝐨 𝐉𝐮𝐧𝐞 𝟏𝟐, 𝟐𝟎𝟐𝟔

Ipagmalaki natin at idambana ang sagisag ng ating kasarinlan at ng ating bansa, ang Pambansang Watawat ng Pilipinas!

Nakikiisa po ang inyong lingkod sa pagdiriwang ng "National Flag Days."

𝐒𝐈𝐓𝐈𝐎 𝐓𝐀𝐂𝐋𝐎𝐁𝐀𝐍 𝐁𝐀𝐑𝐀𝐍𝐆𝐀𝐘 𝐇𝐄𝐀𝐋𝐓𝐇 𝐒𝐓𝐀𝐓𝐈𝐎𝐍 𝐎𝐑𝐃𝐈𝐍𝐀𝐍𝐂𝐄, 𝐍𝐀𝐊𝐀𝐒𝐔𝐋𝐈𝐓 𝐍𝐀 𝐒𝐀 𝐈𝐊𝐀𝐓𝐋𝐎𝐍𝐆 𝐏𝐀𝐆𝐁𝐀𝐒𝐀!

One step closer na sa pagiging ganap na ordinansa ang kautusang nag-aatas na magtatag ng bagong Barangay Health Station (BHS) sa Sitio Tacloban, Barangay Lucanin, matapos itong maluwalhating makasulit sa Ikatlong Pagbasa sa Sangguniang Bayan ng Mariveles.

Layunin nitong mas mailapit ang serbisyong pangkalusugan para sa ating mga kababayan. Mahigit tatlong libong populasyon ang paglilingkuran nito maliban sa Sitio Tacloban, kasama na dyan ang Sitio Upper Hardin, Sitio Lower Hardin, Sitio Paliparan at Empressa Subdivision.

Sa ilalim ng 2026 General Appropriations Ordinance ng Mariveles, pinapondohan na po ni Mayor AJ Concepcion at Sangguniang Bayan ang pagtatayo ng bagong BHS sa Sitio Tacloban, Barangay Lucanin.

Nagpapasalamat po tayo sa ating mga kasamahan sa Sangguniang Bayan sa pamumuno ni Vice Mayor Jesse I. Concepcion para sa kanilang buong suporta sa ating panukala.

Ito po ngayon ay dadaan sa Tanggapan ng ating Punong Bayan para sa kanyang konsiderasyon.

𝐂𝐎𝐍𝐆𝐑𝐀𝐓𝐔𝐋𝐀𝐓𝐈𝐎𝐍𝐒 𝐓𝐎 𝐓𝐇𝐄 𝐅𝐎𝐔𝐑 (𝟒) 𝐁𝐀𝐑𝐀𝐍𝐆𝐀𝐘𝐒 𝐎𝐅 𝐌𝐀𝐑𝐈𝐕𝐄𝐋𝐄𝐒 𝐅𝐎𝐑 𝐁𝐄𝐈𝐍𝐆 𝐀𝐖𝐀𝐑𝐃𝐄𝐃 𝐓𝐇𝐄 𝟏𝐁𝐀𝐓𝐀𝐀𝐍 𝐒𝐄𝐀𝐋 𝐎𝐅 𝐇𝐄𝐀𝐋𝐓𝐇𝐘 𝐁𝐀𝐑𝐀𝐍𝐆𝐀𝐘!

Taos-puso po nating binabati ang mga sumusunod na barangay sa Mariveles sa kanilang pagkakamit ng prestihiyosong 1Bataan Seal of Healthy Barangay para sa unang dalawang buwan ng 2026:

𝙅𝘼𝙉𝙐𝘼𝙍𝙔
𝘽𝙖𝙧𝙖𝙣𝙜𝙖𝙮 𝘼𝙡𝙞𝙤𝙣
𝘽𝙖𝙧𝙖𝙣𝙜𝙖𝙮 𝙎𝙖𝙣 𝘾𝙖𝙧𝙡𝙤𝙨

𝙁𝙀𝘽𝙍𝙐𝘼𝙍𝙔
𝘽𝙖𝙧𝙖𝙣𝙜𝙖𝙮 𝙇𝙪𝙘𝙖𝙣𝙞𝙣
𝘽𝙖𝙧𝙖𝙣𝙜𝙖𝙮 𝙈𝙖𝙡𝙞𝙜𝙖𝙮𝙖
𝘽𝙖𝙧𝙖𝙣𝙜𝙖𝙮 𝙎𝙖𝙣 𝘾𝙖𝙧𝙡𝙤𝙨

𝐁𝐚𝐫𝐚𝐧𝐠𝐚𝐲 𝐒𝐚𝐧 𝐂𝐚𝐫𝐥𝐨𝐬: 𝐏𝐮𝐧𝐨𝐧𝐠 𝐁𝐚𝐫𝐚𝐧𝐠𝐚𝐲 𝐉𝐚𝐞𝐥 𝐀𝐧𝐧 𝐆. 𝐏𝐞𝐭𝐚𝐥𝐚𝐧

𝐁𝐚𝐫𝐚𝐧𝐠𝐚𝐲 𝐀𝐥𝐢𝐨𝐧: 𝐏𝐮𝐧𝐨𝐧𝐠 𝐁𝐚𝐫𝐚𝐧𝐠𝐚𝐲 𝐌𝐚𝐫𝐜𝐢𝐚𝐥𝐢𝐭𝐨 𝐃. 𝐁𝐚𝐥𝐚𝐧

𝐁𝐚𝐫𝐚𝐧𝐠𝐚𝐲 𝐌𝐚𝐥𝐢𝐠𝐚𝐲𝐚: 𝐏𝐮𝐧𝐨𝐧𝐠 𝐁𝐚𝐫𝐚𝐧𝐠𝐚𝐲 𝐀𝐥𝐟𝐫𝐞𝐝𝐨 𝐆. 𝐒𝐮𝐠𝐜𝐚𝐧𝐠

𝐁𝐚𝐫𝐚𝐧𝐠𝐚𝐲 𝐋𝐮𝐜𝐚𝐧𝐢𝐧: 𝐏𝐮𝐧𝐨𝐧𝐠 𝐁𝐚𝐫𝐚𝐧𝐠𝐚𝐲 𝐑𝐢𝐭𝐨 𝐋. 𝐀𝐧𝐝𝐨

Kinikilala po natin ang collective efforts ng ating mga barangay lalo na ang mga kasapi ng Barangay Health Board buhat sa pagpaplano hanggang sa pagpapatupad ng mga ito para lamang mapanatili at lalo pang maisulong ang kalusugan ng ating mga kababayan.

Inaasahan natin, at tayo po ay nananalangin, na mas maraming barangay pa ang makakapagkamit nito sa mga susunod na buwan.

Muli po, CONGRATULATIONS sa ating mga huwarang barangay!

𝐁𝐀𝐑𝐀𝐍𝐆𝐀𝐘 𝐁𝐎𝐔𝐍𝐃𝐀𝐑𝐘 𝐃𝐈𝐒𝐏𝐔𝐓𝐄𝐒 𝐒𝐄𝐓𝐓𝐋𝐄𝐌𝐄𝐍𝐓 𝐎𝐑𝐃𝐈𝐍𝐀𝐍𝐂𝐄 𝐎𝐅 𝐌𝐀𝐑𝐈𝐕𝐄𝐋𝐄𝐒, 𝐏𝐀𝐒𝐀𝐃𝐎 𝐍𝐀 𝐒𝐀 𝐈𝐊𝐀𝐓𝐋𝐎𝐍𝐆 𝐏𝐀𝐆𝐁𝐀𝐒𝐀!

Pinagtibay na po ng Sangguniang Bayan ng Mariveles sa Ikatlong Pagbasa ang ating akdang ordinansang, "Barangay Boundary Disputes Settlement Ordinance of Mariveles" matapos pagbotahan ito sa plenaryo noong ika-46 Regular na Sesyon ng Sangguniang Bayan.

Ang ordinansa ang nagtatakda ng mga panuntunan, standard of proof, at quantum of evidence na kinakailangan para maisaayos ang mga pagtatalo ukol sa mga hangganan ng mga barangay sa ating bayan para sa isang mas maayos na serbisyo mula sa ating mga barangay.

Nagpapasalamat po tayo sa ating mga kasamahan sa Sangguniang Bayan sa pamumuno ni Vice Mayor Jesse I. Concepcion para sa kanilang buong suporta sa ating panukala.

Ito po ngayon ay dadaan sa Tanggapan ng ating Punong Bayan para sa kanyang konsiderasyon.

𝐇𝐄𝐀𝐋𝐓𝐇𝐘 𝐖𝐎𝐑𝐊𝐏𝐋𝐀𝐂𝐄 𝐒𝐄𝐓𝐓𝐈𝐍𝐆𝐒 𝐎𝐑𝐃𝐈𝐍𝐀𝐍𝐂𝐄, 𝐏𝐀𝐒𝐀𝐃𝐎 𝐍𝐀 𝐒𝐀 𝐈𝐊𝐀𝐓𝐋𝐎𝐍𝐆 𝐏𝐀𝐆𝐁𝐀𝐒𝐀!

Sa botong 10-0, maluwalhati na pong nakasulit sa Ikatlong Pagbasa ang akda nating ordinansang "Healthy Workplace Settings Ordinance of Mariveles" kung saan nilalayon nitong mas maging malusog ang mga opisina ng pamahalaang bayan sa pamamagitan ng pagtataguyod ng healthy lifestyle.

Batid nating kapag mas malusog ang ating mga kawani ay mas makakapaglingkod silang mabuti sa ating mga kababayan.

Buong-pusong pasasalamat sa ating mga kasamahan sa Sangguniang Bayan sa pamumuno ni Vice Mayor Jesse I. Concepcion para sa kanilang buong suporta sa ating panukala.

Ito po ngayon ay dadaan sa Tanggapan ng ating Punong Bayan para sa kanyang konsiderasyon.

𝟓𝐓𝐇 𝐋𝐎𝐂𝐀𝐋 𝐇𝐄𝐀𝐋𝐓𝐇 𝐁𝐎𝐀𝐑𝐃 𝐌𝐄𝐄𝐓𝐈𝐍𝐆 | 𝐌𝐚𝐲 𝟐𝟔, 𝟐𝟎𝟐𝟔

Pinamunuan po ni Mayor AJ Concepcion ang Local Health Board Meeting upang patuloy pang pagbutihin ang mga serbisyong pangkalusugan para sa bawat Mariveleño.

𝐖𝐎𝐑𝐋𝐃 𝐓𝐔𝐁𝐄𝐑𝐂𝐔𝐋𝐎𝐒𝐈𝐒 𝐃𝐀𝐘 | 𝐌𝐚𝐲 𝟐𝟔, 𝟐𝟎𝟐𝟔

Sa pagnanais ng ating pamahalaang bayan na matukoy at magamot ang may sakit na Tuberculosis, nagsagawa ang Municipal Health Office ng active case finding sa mga residente ng mga barangay sa Upper Mariveles, bilang paggunita sa World TB Day.

Libre po ang gamutan ng mga may sakit na TB at ito po ay ibinibigay ng ating mga rural health units sa pamamagitan ng Tutok Gamutan Program.

𝐎𝐕𝐄𝐑𝐒𝐈𝐆𝐇𝐓 𝐇𝐄𝐀𝐑𝐈𝐍𝐆 𝐔𝐊𝐎𝐋 𝐒𝐀 𝐌𝐄𝐍𝐓𝐀𝐋 𝐇𝐄𝐀𝐋𝐓𝐇 𝐏𝐑𝐎𝐆𝐑𝐀𝐌 𝐍𝐆 𝐌𝐀𝐑𝐈𝐕𝐄𝐋𝐄𝐒 | 𝐌𝐚𝐲 𝟐𝟓, 𝟐𝟎𝟐𝟔

Dahil sa patuloy na pagtaas ng mental health cases sa ating bayan at lalawigan, minarapat po ng inyong lingkod na magpatawag ng isang pagdinig ukol sa kasalukuyang estado ng Mental Health Program ng Bayan ng Mariveles upang masigurong mayroong epektibo at maasahang programa ang ating mga kababayan ukol sa kalusugang pangkaisipan.

Noong 2023, kauna-unahan ang Bayan ng Mariveles sa buong Bataan na nakapagpasa ng Mental Health Ordinance na iniakda ng inyong lingkod.

Nakasama natin sa pagdinig ang mga kinatawan buhat sa Municipal Health Office, Local Youth Development Office, at Population Office.

Magpapatawag pa ng dalang pagdinig bago inaasahang maglalabas ng ulat ang komite ukol sa paksa.

𝐏𝐀𝐆𝐁𝐈𝐒𝐈𝐓𝐀 𝐍𝐈 𝐃𝐑. 𝐄𝐈𝐍𝐆 𝐌𝐈𝐍𝐆 𝐖𝐔 𝐒𝐀 𝐁𝐀𝐘𝐀𝐍 𝐍𝐆 𝐌𝐀𝐑𝐈𝐕𝐄𝐋𝐄𝐒 | 𝐌𝐚𝐲 𝟐𝟓, 𝟐𝟎𝟐𝟔

Bumisita si Dr. Eing Ming Wu ng Kaohsiung City, Taiwan sa Bayan ng Mariveles para sa isang courtesy visit at pakikipagpulong sa inyong mga lingkod, sa pamumuno nina Mayor AJ Concepcion at Vice Mayor Jesse Concepcion, para ibahagi ang mga best practices ng Kaohsiung City sa Taiwan sa iba't-ibang bahagi ng pamamahala tulad ng smart city, transportation, good governance, solid waste management, edukasyon at kalusugan.

Si Dr. Wu ay Executive Director ng Edu-Connect Southeast Asian Association; Chair Professor at Shu-Te University; Visiting Professor sa UP-NCPAG.

Kasama niya rin si Ma. Caren Claire Avenido ng Bayanihan Lab Network Philippines at iba pang mentees ni Dr. Wu.