Mariveles Rural Health Unit I

Ngayong araw ng Martes, ika-18 ng Nobyembre 2025, nagkaroon po tayo ng libreng bakuna ng Pneumonia Vaccine para sa ating mga senior citizen na ginanap sa sa Brgy. Maligaya covered court.

Sa pangunguna ng ating Rural Health Physician, Dr. Danny Velasco, naging matagumpay ang pagbabakunang ito.

Ang programang ito ay dinaluhan ng ating Punong Bayan, Mayor Concepcion, at nagagalak siyang makita ang ating mga senior citizen ay mabibigyan ng proteksyong pangkalusugan laban sa pneumonia.

Patuloy po naming hinihikayat na magpabakuna ang mga senior citizens na samantalahin ang libreng pagkakataong ito para maprotektahan ang kalusugan para sa mas malakas at mas malusog na pangangatawan.

RURAL HEALTH UNIT 1 -
DOH LTO - PRIMARY CARE FACILITY

Health Services Rendered (Updated Pricelist as of January 20, 2025)

𝗘𝗠𝗘𝗥𝗚𝗘𝗡𝗖𝗬 𝗥𝗘𝗦𝗖𝗨𝗘 𝗔𝗦𝗦𝗜𝗦𝗧𝗔𝗡𝗖𝗘

Kung kayo po ay nangangailangan ng agarang pag-rescue, mangyaring i-comment ang inyong 𝗸𝘂𝗺𝗽𝗹𝗲𝘁𝗼𝗻𝗴 𝗹𝘂𝗴𝗮𝗿 𝗮𝘁 𝗰𝗼𝗻𝘁𝗮𝗰𝘁 𝗻𝘂𝗺𝗯𝗲𝗿 upang agad naming maipadala ang aming team.

— Kumpletong detalye po ang inyong ibigay para mas mabilis po kaming makatugon.
— Maaari ring i-share ang post na ito para mas marami tayong maabot.

Mag-iingat po ang lahat.

𝙈𝘼𝙍𝙄𝙑𝙀𝙇𝙀𝙎 𝙀𝙈𝙀𝙍𝙂𝙀𝙉𝘾𝙔 𝙃𝙊𝙏𝙇𝙄𝙉𝙀
Command Center: 0968-852-5602
MDRRMO: 0998-956-7276 / 0917-634-4474
PNP Mariveles: 0998-598-5362
Maritime Police: 0945-248-3587
AFAB Public Security: 0917-850-9759 / 0917-580-1896
PSO: 0956-440-9125
BFP Mariveles: 0998-482-6065 / 0967-265-6657
Mariveles Rescue Medics: 0918-421-2937 / 0995-117-2855

Health Services Offered and Laboratory Pricelist ( as of January 2025)

YAKAP ( Yaman Kalusugan Program) Konsulta Package

👣🖐️🤒 Alam niyo ba na ang HFMD (Hand, Foot and Mouth Disease) ay mabilis kumalat lalo na sa mga bata?

Maaaring magsimula lang ito sa lagnat at singaw, pero maaari ring magdulot ng pantal at abala sa buong pamilya.

📌 Basahin ang post na ito para malaman ang sintomas, paraan ng pagkalat, at kung paano makakaiwas.

Mahalaga ang may alam, huwag balewalain ang HFMD ‼️

𝗣𝗔𝗚𝗛𝗔𝗛𝗔𝗡𝗗𝗔 𝗦𝗔 𝗕𝗔𝗡𝗧𝗔 𝗡𝗚 𝗧𝗥𝗢𝗣𝗜𝗖𝗔𝗟 𝗦𝗧𝗢𝗥𝗠 𝗢𝗣𝗢𝗡𝗚

Ayon sa pinakahuling ulat ng PAGASA, inaasahang daraan sa ating bayan ang Tropical Storm Opong. Kaya’t kami po ay muling nananawagan sa lahat ng Mariveleño na mag-ingat, maging handa, at manatiling mapagmatyag para sa ating kaligtasan.

𝗠𝗴𝗮 𝗱𝗮𝗽𝗮𝘁 𝗶𝗵𝗮𝗻𝗱𝗮:
1. Malinis na inuming tubig
2. Flashlight at ekstrang baterya
3. Fully-charged na cellphone at powerbanks
4. Extrang damit at kumot
5. Pito o whistle para sa senyales ng saklolo
6. First Aid Kit at mga kinakailangang gamot
7. Pagkaing hindi madaling mapanis gaya ng delata at biskwit
8. Mahalagang dokumento sa waterproof na lalagyan (valid IDs, titulo, birth certificates, atbp.)
9. Alkohol, face mask, at iba pang pangkalinisan

𝗞𝗮𝗿𝗮𝗴𝗱𝗮𝗴𝗮𝗻𝗴 𝗽𝗮𝗮𝗹𝗮𝗹𝗮:
1. Siguraduhing nakasave ang mga emergency hotlines ng Pamahalaang Bayan at ng inyong Barangay.
2. Alamin ang pinakamalapit na evacuation center at maging handa kung kinakailangang lumikas. (https://www.facebook.com/kuyaajconcepcionofficial/posts/757445290168319)
3. Huwag basta lumabas ng bahay lalo na sa kasagsagan ng bagyo.
4. Makinig lamang sa mga opisyal na abiso mula DOST-PAGASA, Provincial Disaster Risk Reduction Office, Municipal Government of Mariveles at MDRRMO Mariveles upang makaiwas sa maling impormasyon.

Sama-sama tayong magbantay, maghanda, at magtulungan upang mapanatiling ligtas ang ating pamilya at buong bayan ng Mariveles.

Mag-iingat po ang lahat.

📢 Maging Alerto at Handa para sa Papalapit na Typhoon “Opong.”

Siguraduhin ang kaligtasan ng inyong pamilya at ihanda ang mga pangunahing pangangailangan. Narito ang ilang mahahalagang paalala para sa kahandaan sa banta ng bagyo, alamin at gawin‼️

Para sa mga ilang pang impormasyon makipagugnayan sa inyong mga Barangay Disaster Risk Reduction Management for Health Committee at Barangay Health Station.

Narito ang opisyal na Mariveles 24/7 Emergency Hotlines para sa inyong mga emergency concerns. Mangyaring i-save po natin ang mga numerong ito para sa ating kahandaan at kaligtasan. Maraming salamat po at patuloy po tayong mag ingat.

𝙈𝘼𝙍𝙄𝙑𝙀𝙇𝙀𝙎 𝙀𝙈𝙀𝙍𝙂𝙀𝙉𝘾𝙔 𝙃𝙊𝙏𝙇𝙄𝙉𝙀

Command Center: 0968-852-5602
MDRRMO: 0998-956-7276 / 0917-634-4474
PNP Mariveles: 0998-598-5362
Maritime Police: 0945-248-3587
AFAB Public Security: 0917-850-9759 / 0917-580-1896
PSO: 0956-440-9125
BFP Mariveles: 0998-482-6065 / 0967-265-6657
Mariveles Rescue Medics: 0918-421-2937 / 0995-117-2855

Flu at Pneumococcal Vaccination para sa mga Kawani ng Pamahalaang Bayan ng Mariveles
September 12, 2025

Bilang bahagi ng pagpapaigting ng kalusugan at kaligtasan ng mga lingkod-bayan, isinagawa ang Flu at Pneumococcal Vaccination para sa mga empleyado ng Lokal na Pamahalaang Bayan ng Mariveles. Layunin ng programang ito na maprotektahan ang mga kawani laban sa mga sakit na maaaring makaapekto hindi lamang sa kanilang kalusugan kundi maging sa kanilang mahalagang tungkulin sa paglilingkod sa komunidad.

Pinangunahan ang aktibidad ng Mariveles Municipal Health Office (MHO) sa pamumuno ni Dr. Gerald Sebastian, katuwang ang mga health workers na masigasig na nagbigay serbisyo upang matiyak ang maayos na pagbabakuna.

Ipinapakita rin ng programang ito ang matatag na paninindigan ng Pamahalaang Bayan ng Mariveles sa pamumuno ni Mayor Atty. Ace Jello Concepcion, kasama ang buong Sangguniang Bayan sa pangunguna ni Vice Mayor Hon. Jesse Concepcion, na patuloy na naglalayong magpatupad ng mga makabuluhang programa para sa kapakanan ng mga kawani at mamamayan.

Sa pamamagitan ng ganitong inisyatiba, higit na napagtitibay ang adhikain ng lokal na pamahalaan na magkaroon ng isang malusog, ligtas, at produktibong pamayanan - isang pamayanang may kakayahang harapin ang anumang hamon ng kalusugan.

Initial Assessment ng Animal Bite Treatment Center sa RHU V, Mariveles
September 11, 2025

Matagumpay na isinagawa ang Initial Assessment ng Animal Bite Treatment Center (ABTC) sa Rural Health Unit V, Mariveles. Pinangunahan ang pagsusuri nina Dr. Maria Belina Ibasco mula sa Provincial DOH Office – Bataan at Gng. Bernadeth Manahan, Provincial Coordinator ng Rabies Prevention and Control Program mula sa PHO – Bataan.

Nakapasa ang ABTC sa nasabing pagsusuri matapos makakuha ng 54 puntos mula sa kabuuang 62, lagpas sa itinakdang passing score na 50. Patunay ito ng kahandaan ng pasilidad para sa accreditation. Ang positibong resulta ay bunga ng dedikasyon at pagtutulungan ng mga health staff na pinangungunahan nina Dr. Sherwin Pontanilla at Dr. Joanne Panangui-Lumabi, katuwang ang ating mga ABTC Nurses sa pagbibigay ng dekalidad na serbisyo para sa kaligtasan at kalusugan ng kanilang mga pasyente.

Malaki rin ang naging ambag ng Mariveles Municipal Health Office (MHO) sa pamumuno ni Dr. Gerald Sebastian, na nagsilbing gabay at katuwang sa pagpapatupad ng mga serbisyo at programa para sa rabies prevention sa bayan.

Kinikilala rin ang suporta ng Pamahalaang Bayan ng Mariveles sa pamumuno ni Mayor Atty. Ace Jello Concepcion, na patuloy na naglalaan ng tulong at suporta upang matiyak ang maayos na pagpapatupad ng mga programang pangkalusugan.

Ang pagkakapasa ng ABTC–RHU V sa initial assessment ay hindi lamang isang hakbang papunta sa accreditation, kundi isang patunay ng seryosong pagtutulungan ng lokal na pamahalaan, mga health workers, at komunidad tungo sa isang mas ligtas at mas malusog na Mariveles. Ang ABTC–RHU V din ang magiging ikalawang rehistrado at kwalipikadong pasilidad para mapanatiling ligtas sa banta ng rabies ang bayan ng Mariveles.