NU Clark COMEX

𝗣𝗔𝗥𝗔 𝗣𝗢 𝗦𝗔 𝗜𝗡𝗬𝗢: 𝗦𝘂𝗺𝗮-𝗧𝘂𝘁𝗮𝗹 𝗻𝗴 𝗡𝗮𝗹𝗶𝗸𝗼𝗺 𝗻𝗮 𝗣𝗶𝗻𝗮𝗻𝘀𝘆𝗮𝗹 𝗻𝗮 𝗗𝗼𝗻𝗮𝘀𝘆𝗼𝗻, 𝗶𝗸𝗮-𝟮𝟲 𝗻𝗴 𝗔𝗯𝗿𝗶𝗹, 𝟭:𝟬𝟬 𝗣𝗠

Halos nobenta porsyento na ng target funds ang nabuo ng NU Clark COMEX sa pangunguna ng Professional and General Education Department, katuwang ang HR Office, Admissions Office, at ITSO.

Nagkakahalagang Php 90,334, ang funds na nalikom ay gagamitin upang makabili ng 70 na kaban ng bigas na hahatiin para sa 350 na Jeepney Drivers ng Dau Transport Coop.

Maraming maraming salamat sa pakikiisa sa inisyatiba na ito!

𝗣𝗔𝗥𝗔 𝗣𝗢 𝗦𝗔 𝗜𝗡𝗬𝗢: 𝗦𝘂𝗺𝗮-𝗧𝘂𝘁𝗮𝗹 𝗻𝗴 𝗡𝗮𝗹𝗶𝗸𝗼𝗺 𝗻𝗮 𝗣𝗶𝗻𝗮𝗻𝘀𝘆𝗮𝗹 𝗻𝗮 𝗗𝗼𝗻𝗮𝘀𝘆𝗼𝗻, 𝟮𝟱 𝗔𝗯𝗿𝗶𝗹 𝟮𝟬𝟮𝟲, 𝟰:𝟬𝟬 𝗣𝗠

Nabuo na ang higit 85% ng kinakailangang pinansyal na donasyon upang makalikom muli ng 36 na kaban ng bigas.

Ito ay matapos makapamili na ng 34 na kaban kamakailan lamang.

Mananatiling bukas ang donation drive hanggang April 30.

Maraming salamat, kabaleNU!

𝗣𝗔𝗥𝗔 𝗣𝗢 𝗦𝗔 𝗜𝗡𝗬𝗢: 𝗦𝘂𝗺𝗮-𝗧𝘂𝘁𝗮𝗹 𝗻𝗴 𝗡𝗮𝗹𝗶𝗸𝗼𝗺 𝗻𝗮 𝗣𝗶𝗻𝗮𝗻𝘀𝘆𝗮𝗹 𝗻𝗮 𝗗𝗼𝗻𝗮𝘀𝘆𝗼𝗻, 𝗜𝗸𝗮-𝟮𝟰 𝗻𝗴 𝗔𝗯𝗿𝗶𝗹 𝟮𝟬𝟮𝟲, 𝗔𝗹𝗮𝘀-𝗗𝗼𝘀𝗲 𝗻𝗴 𝗧𝗮𝗻𝗴𝗵𝗮𝗹𝗶

Umabot na sa 75 porsyento ng target na donasyon ang nalikom ng Professional and General Education para sa proyektong PARA PO SA INYO, isang kampanya para sa Dau Transport Coop Jeepney Drivers.

Aming pinapasalamatan ang buong NU Clark Community at higit sa lahat ay ang mga pribadong indibidwal na nakibahagi sa proyektong ito.

Nakapamili na rin ng 34 na kaban ng bigas sa naturang porsyento ng donasyon at 25% o Php 25,000 na lamang ang kulang na halaga para makabili pa ng 36 na kaban ng bigas.

[Repost from NU Clark SEAT]

Aklat ng Pag-asa at Paghilom 📚✨

The Architecture Department of National University Clark has taken the first step in a meaningful project in collaboration with Alaya Women’s Center 🤝. This initiative aims to develop a library that will serve as a safe space for learning, reflection, and healing 💛.

As part of the initial phase, the team conducted site measurements to support the planning and potential as-built improvements of the facility. This effort marks the beginning of creating a thoughtfully designed environment that will uplift and empower the community 🌱.

At NU Clark, we connect with the community by extending our expertise to help build a better future 🌍✨.

𝗣𝗔𝗥𝗔 𝗣𝗢 𝗦𝗔 𝗜𝗡𝗬𝗢: 𝟲𝟱% 𝗻𝗴 𝗧𝗮𝗿𝗴𝗲𝘁 𝗻𝗮 𝗣𝗼𝗻𝗱𝗼, 𝗡𝗮𝗮𝗯𝗼𝘁 𝗻𝗮 𝗻𝗴 𝗗𝗼𝗻𝗮𝘁𝗶𝗼𝗻 𝗗𝗿𝗶𝘃𝗲 𝗻𝗴 𝗡𝗨 𝗖𝗹𝗮𝗿𝗸 𝗽𝗮𝗿𝗮 𝘀𝗮 𝗝𝗲𝗲𝗽𝗻𝗲𝘆 𝗗𝗿𝗶𝘃𝗲𝗿𝘀

Patuloy na nagpapakita ng malasakit at pagkakaisa ang komunidad ng NU Clark matapos maabot ang 65% ng target na pondo para sa isinagawang donation drive na naglalayong makatulong sa mga drayber ng jeepney ng Dau Transport Cooperative.

Nagkakahalagang Php 65,746, ang nasabing tagumpay ay bunga ng sama-samang pagsisikap ng iba’t ibang tanggapan ng unibersidad, kabilang ang Admissions Office, ITSO, HR Office, at Professional and General Education (PGE) Department, na nanguna sa pangangalap ng pinansyal na donasyon mula sa mga mag-aaral, g**o, kawani, at iba pang katuwang ng institusyon.

Bilang bahagi ng implementasyon ng proyekto, nakatakda ngayong araw ang pagbili ng 35 kaban ng bigas, na katumbas ng kalahati ng kabuuang target na 70 kaban.

Ang inisyatibang ito ay tugon sa patuloy na pagtaas ng presyo ng krudo na lubhang nakaaapekto sa kabuhayan ng mga drayber. Sa pamamagitan ng proyektong ito, layunin ng NU Clark na makapagbigay ng agarang tulong sa pamamagitan ng mga pangunahing pangangailangan tulad ng bigas at iba pang pagkain.

Patuloy ang panawagan ng unibersidad sa publiko na makiisa sa donation drive upang tuluyang maabot ang natitirang bahagi ng target na pondo. Sa sama-samang pagkilos, inaasahang mas marami pang drayber ang matutulungan sa gitna ng patuloy na hamon sa sektor ng transportasyon.

𝗣𝗔𝗥𝗔 𝗣𝗢 𝗦𝗔 𝗜𝗡𝗬𝗢: 𝗡𝗦𝗧𝗣, 𝗻𝗮𝗻𝗴𝘂𝗻𝗮 𝘀𝗮 𝗥𝗲𝗽𝗮𝗰𝗸𝗶𝗻𝗴 𝗻𝗴 𝗗𝗼𝗻𝗮𝘀𝘆𝗼𝗻 𝗽𝗮𝗿𝗮 𝘀𝗮 𝗝𝗲𝗲𝗽𝗻𝗲𝘆 𝗗𝗿𝗶𝘃𝗲𝗿𝘀

Bilang bahagi ng proyektong Para Po Sa Inyo, matagumpay na sinimulan ng mga mag-aaral ng National Service Training Program (NSTP) ng NU Clark ang repacking ng mga in-kind na donasyon ngayong ika-21 ng Abril.

Pinangunahan ng ACT 101 NSTP students ang gawain sa Community Extension Office, kung saan masusing inihanda ang bawat donation bag na kasalukuyang naglalaman ng:

1 pakete (6 piraso) ng instant noodles
5 sachets ng instant na kape
3 piraso ng de-latang pagkain

Patuloy pa ang pagdaragdag ng iba pang food items upang makumpleto ang bawat bag.

Samantala, opisyal ding isinagawa ng mga mag-aaral mula sa ITE 107, MKG 103, at ITE 102 ang turnover ng kanilang mga donasyon bilang suporta sa inisyatiba.

Ang proyektong ito ay para sa kapakinabangan ng mga drayber ng jeepney ng Dau Transport Cooperative, at inaasahang maisasagawa ang pamamahagi ng mga in-kind na donasyon sa darating na Mayo 4–8.

Aming pinapasalamatan ang NSTP students at instructors na nakiisa sa proyekto na ito.

Patuloy ang ating panawagan sa lahat na makiisa: ang bawat ambag ay may katumbas na ginhawa para sa ating mga drayber. Sama-sama, isinasabuhay natin ang diwa ng bayanihan.

𝗣𝗔𝗥𝗔 𝗣𝗢 𝗦𝗔 𝗜𝗡𝗬𝗢: 𝗦𝘂𝗺𝗮-𝘁𝘂𝘁𝗮𝗹 𝗻𝗴 𝗻𝗮𝗹𝗶𝗸𝗼𝗺 𝗻𝗮 𝗽𝗶𝗻𝗮𝗻𝘀𝘆𝗮𝗹 𝗻𝗮 𝗱𝗼𝗻𝗮𝘀𝘆𝗼𝗻, 𝗔𝗯𝗿𝗶𝗹 𝟮𝟬, 𝟲:𝟬𝟬 𝗣𝗠

Halos 50% na ng ating target funds ang ating nalikom sa loob lamang apat na araw. Nagkakahalaga na sa Php 48,078 ang ating pinansyal na donasyon na siyang magsisilbing pambili ng 70 kaban ng bigas para sa 350 jeepney draybers ng Dau Transport Coop.

Nais naming magpasalamat sa buong komunidad ng NU Clark lalo na sa sangka-estudyantehan dahil sa pagmamalasakit na ipinamamalas ninyo para sa ating mga tsuper ng jeepney!

ito! Mananatiling bukas ang ating donation channels hanggang ika-30 ng Abril. Para sa mga nais magdonate ng in-kind goods, mangyari lamang magmensahe sa chat box ng page na ito.

𝗣𝗔𝗥𝗔 𝗣𝗢 𝗦𝗔 𝗜𝗡𝗬𝗢: 𝗦𝘂𝗺𝗮-𝗧𝘂𝘁𝗮𝗹 𝗻𝗴 𝗣𝗶𝗻𝗮𝗻𝘀𝘆𝗮𝗹 𝗻𝗮 𝗗𝗼𝗻𝗮𝘀𝘆𝗼𝗻, 𝗔𝗯𝗿𝗶𝗹 𝟭𝟱, 𝟱:𝟬𝟬 𝗣𝗠

Nakabuo na ng suma-tutal na Php 26,794.75 ang Professional and General Education Department sa pamamagitan ng mga donasyon mula sa mga estudyante at pribadong indibidwal.

Kami ay nagpapasalamat dahil ito ay higit 25% na ng target funds na nais nating mabuo upang makapambili ng 70 na kaban ng bigas para sa 350 Jeepney Drivers ng Dau Transport Cooperative.

Maraming salamat sa pakikiisa sa inisyatiba na ito. Muli naming inaaanyayahan ang lahat na magshare ng post ng NU Clark COMEX upang mas maraming maabot na indibidwal na maaaring nagnanais makiisa sa proyekto na ito PARA PO sa ating Jeepney Drivers!

𝗣𝗔𝗥𝗔 𝗣𝗢 𝗦𝗔 𝗜𝗡𝗬𝗢: 𝗦𝘂𝗺𝗮-𝗧𝘂𝘁𝗮𝗹 𝗻𝗴 𝗣𝗶𝗻𝗮𝗻𝘀𝘆𝗮𝗹 𝗻𝗮 𝗗𝗼𝗻𝗮𝘀𝘆𝗼𝗻, 𝗔𝗯𝗿𝗶𝗹 𝟭𝟰, 𝟱:𝟬𝟬 𝗣𝗠

Sa unang araw pa lamang ng ating donation drive, nakapaglikom na tayo ng kabuuang ₱11,830—isang patunay ng malasakit at pagkakaisa ng komunidad ng mga estudyante, pribadong indibidwal, at kaguruan.

Layunin nating makalikom ng ₱101,500 upang makabili ng 70 kaban ng bigas na ilalaan sa 350 drayber ng jeepney ng Dau Transport Cooperative bilang bahagi ng ating donation bags.

Ang tagumpay na ito ay naisakatuparan sa pangunguna ng Professional and General Education Department, na nanguna sa pagsisimula ng ating monetary donation drive ngayong araw.

Inaanyayahan namin ang lahat—mga mag-aaral, g**o, kawani, at ang publiko—na patuloy na makiisa at magbahagi ng tulong. Sa inyong munting ambag, makakatulong tayong maibsan ang hamon na kinakaharap ng ating mga drayber sa gitna ng patuloy na pagtaas ng presyo ng krudo.

Sama-sama nating abutin ang layunin ng ating proyekto. Para po sa kanila—PARA PO SA INYO.

𝗣𝗔𝗥𝗔 𝗣𝗢 𝗦𝗔 𝗜𝗡𝗬𝗢: 𝗣𝗶𝗰𝗸𝗹𝗲𝗯𝗮𝗹𝗹 𝗖𝗖𝗖 𝗢𝗽𝗲𝗻 𝗣𝗹𝗮𝘆-𝗳𝗼𝗿-𝗮-𝗖𝗮𝘂𝘀𝗲

Ang Crosscourt Club ay nag-organisa ng isang Open Play for a Cause, kung saan ang lahat ng malilikom mula sa nasabing gawain ay direktang ipagkakaloob sa ating mga drayber ng jeepney na kasalukuyang humaharap sa matinding hamon dulot ng krisis sa langis. Ang inisyatibang ito ay bilang suporta sa proyekto ng NU Clark na PARA PO sa Inyo.

Sa mga nagnanais maging bahagi ng palaro na ito, narito ang mga detalye, o ‘di kaya naman ay icopy at paste ang link sa inyong web browser para makapagrehistro.

——
SERVE IT FORWARD! CCC Open Play for a Cause.

⏰ Fri, May 1 6:00 PM
📍 Courtside Pickleball

RSVP: https://reclub.co/m/VFMYJL

——

Taos-puso po naming ipinapaabot ang aming pasasalamat sa Crosscourt Club (CCC) sa kanilang suporta sa inisyatiba para sa ating mga drayber ng jeepney.

[Photos lifted from Crosscourt Club’s Instagram Account]

𝗣𝗔𝗥𝗔 𝗣𝗢 𝗦𝗔 𝗜𝗡𝗬𝗢: 𝗠𝗴𝗮 𝗞𝗶𝗻𝗮𝗸𝗮𝗶𝗹𝗮𝗻𝗴𝗮𝗻𝗴 𝗜𝗻-𝗞𝗶𝗻𝗱 𝗗𝗼𝗻𝗮𝘁𝗶𝗼𝗻𝘀

[𝑩𝑼𝑲𝑨𝑺 𝑺𝑨 𝑷𝑼𝑩𝑳𝑰𝑲𝑶]

Ang NU Clark ay magsasagawa ng pangangalap ng mga in-kind na donasyon para sa ating mga drayber ng jeepney sa terminal ng SM City Clark Complex.

Mananatiling bukas ang tanggapan ng NU Clark upang tanggapin ang inyong mga donasyon. Layunin ng proyektong ito na makabuo ng 𝟯𝟱𝟬 na donation bags, kung saan ang bawat bag ay maglalaman ng mga sumusunod:
• 5 kilo ng bigas
• 3 piraso ng de-latang pagkain
• 1 pakete (6 piraso) ng instant noodles
• 3 piraso ng mga rekado (toyo, patis, at s**a)
• 1 pakete (6 piraso) ng instant na kape

Ang donation drive din na ito ay bukas sa publiko. Kung ikaw ay naghahanap ng paraan upang makapag-abot ng tulong sa ating mga Jeepney Drivers sa munti mong paraan, maaari tayong makiisa sa NU Clark simula Abril 14 hanggang Abril 30.

At kung naglalayon ang inyong pamilya o organisasyon na makisalamuha bilang isang partner para sa proyektong ito, mangyari lamang ipagbigay alam sa NU Clark COMEX sa pamamagitan ng pagpapadala ng mensahe sa chatbox sa Page na ito.

Maraming salamat sa pakikiisa PARA PO sa ating mga magigiting na Jeepney Drivers ng Mabalacat!

𝗣𝗔𝗥𝗔 𝗣𝗢 𝗦𝗔 𝗜𝗡𝗬𝗢: 𝗜𝘀𝗮𝗻𝗴 𝗞𝗮𝗺𝗽𝗮𝗻𝘆𝗮 𝘀𝗮 𝗣𝗮𝗴𝗸𝗮𝗹𝗮𝗽 𝗻𝗴 𝗣𝗶𝗻𝗮𝗻𝘀𝘆𝗮𝗹 𝗮𝘁 𝗜𝗻-𝗞𝗶𝗻𝗱 𝗻𝗮 𝗗𝗼𝗻𝗮𝘀𝘆𝗼𝗻 𝗣𝗔𝗥𝗔 𝗣𝗢 𝘀𝗮 𝗺𝗴𝗮 𝗞𝗮𝗽𝗮𝗺𝗽𝗮𝗻𝗴𝗮𝗻 𝗻𝗮𝘁𝗶𝗻𝗴 𝗝𝗲𝗲𝗽𝗻𝗲𝘆 𝗗𝗿𝗶𝘃𝗲𝗿𝘀

Sa gitna ng patuloy na pagtaas ng presyo ng krudo, lalong nahihirapan ang ating mga drayber ng jeepney na maitaguyod ang kanilang kabuhayan.

Bilang tugon, ang NU Clark ay magmomobilisa muli ng Project Puso sa Bawat Piso, isang kampanya sa pangangalap ng tulong upang makapagbigay ng agarang tulong at ginhawa sa mga jeepney drivers ng Mabalacat, Pampanga para sa kanilang pang-araw-araw na pangangailangan.

Inaanyayahan ang publiko, mga g**o, at ang buong mag-aaral na komunidad na makiisa sa pamamagitan ng pagbibigay ng pinansyal at in-kind na donasyon.

Bukas ang pintuan ng NU Clark upang tanggapin ang inyong mga donasyon tulad ng de lata, bigas, at instant noodles at iba pang maaaring makatulong para sa ating mga tsuper.

𝙋𝙖𝙧𝙖 𝙨𝙖 𝙄𝙣-𝙆𝙞𝙣𝙙 𝘿𝙤𝙣𝙖𝙩𝙞𝙤𝙣𝙨:
Mangyari lamang ihatid ang inyong mga donasyon sa NU Clark Lobby Entrance, at ipagbigay alam sa ating guwardiyang-on-duty na ang inyong donasyon ay tatanggapin ng NU Clark COMEX upang ito ay maayos na maipag-ugnay at mapangasiwaan.

𝙋𝙖𝙧𝙖 𝙨𝙖 𝙋𝙞𝙣𝙖𝙣𝙨𝙮𝙖𝙡 𝙣𝙖 𝘿𝙤𝙣𝙖𝙨𝙮𝙤𝙣:
Mangyaring gamitin ang mga QR Code na matatagpuan sa litrato na kasama ng post na ito. Anumang halaga ay malaki nang tulong dahil ang bawat puso ninyo ay siyang ramdam na sa bawat halaga ng pisong malilikom.

Sa sama-samang pagkilos, maipapakita natin na ang lakas ng komunidad ay susi upang mapagtagumpayan ang anumang mga hamon sa lansangan.

sa inyo ito!