PUNTO Publication

𝐆𝐎𝐎𝐃 𝐋𝐔𝐂𝐊, 𝐃𝐀𝐕𝐒𝐔𝐑𝐃𝐀𝐀 𝐀𝐓𝐇𝐋𝐄𝐓𝐄𝐒!

Karong adlawa na ang pinakahulat nga kompetisyon sa DAVSURDAA 2026 sa Malalag, Davao del Sur. Ipakita ang inyong talento, kusog, ug determinasyon samtang inyong girepresentar ang inyong mga eskwelahan ug komunidad.

Padayon sa pagpakigbisog ug ihatag ang inyong pinakamaayo sa matag duwa. Ang tibuok Davao del Sur nag-uban sa pag-suporta kaninyo!

✒️: Ziara Mae Laman
🖥: Kirby Mar Surdilla

Magnitude 5.3 nga Linog, Nayanog sa Parte sa Mindanao; Hinay nga Nabatyagan sa Davao del Sur

Nabalaka ang pipila ka residente human nagdala og hinay nga pagtay-og sa porsyon sa Davao del Sur ang magnitude 5.3 nga linog nga natala sa lalawigan sa South Cotabato ug silingang mga dapit.

Subay sa report, ang sentro sa linog o epicenter nahimutang sa gibana-banang 106 kilometro ang kallayo gikan sa lungsod sa Polomolok, South Cotabato, ug natala kini sa gikusgong magnitude 5.3 sa porsyon sa Celebes Sea sa gihapon nga dapit.

Bisan pa man nga layo ang sentro sa pagtay-og, nabatyagan gihapon ang hinay nga paglihok sa yuta sa nagkadaiyang bahin sa Davao del Sur.

Sumala sa usab nga mga impormasyon, wala ray gidala nga kadaot sa mga propedad o imprastraktura ang maong linog sa bahin sa Davao del Sur. Bisan pa man sa kalinaw sa sitwasyon, usa ra gihapon ang gipahinumdom sa tanan—ang mag-amping kanunay sa tanang panahon.

𝗦𝗢𝗟𝗔𝗥 𝗟𝗜𝗚𝗛𝗧𝗦, 𝗚𝗜𝗗𝗨𝗚𝗔𝗡𝗚 𝗦𝗔 𝗦𝗘𝗚𝗨𝗥𝗜𝗗𝗔𝗗 𝗨𝗚 𝗞𝗔𝗟𝗔𝗠𝗕𝗢𝗔𝗡 𝗦𝗔 𝗦𝗜𝗧𝗜𝗢 𝗠𝗔𝗡𝗚𝗞𝗔𝗬

Giatubang na sa komunidad sa Sitio Mangkay, Barangay Kisulan, Kiblawan, Davao del Sur ang bag-ong solar lights nga opisyal nang giturn-over aron mapalambo ang kahayag ug seguridad sa maong lugar.

Ang proyekto gitumong sa paghatag og mas hayag ug mas luwas nga palibot alang sa mga residente, ilabina sa pagbiyahe ug paglihok sa komunidad panahon sa kagabhion. Usa usab kini ka lakang sa paghatag og praktikal ug mapuslanong pasilidad alang sa katawhan.

Gipasiugda usab ang suporta ni Governor Yvonne Roña Cagas sa mga proyekto nga nagtumong sa pagpauswag sa imprastraktura ug serbisyo alang sa mga komunidad sa Davao del Sur.

Ang turnover sa bag-ong solar lights nagtimaan sa dugang nga serbisyo ug pagtagad sa kaayohan sa mga residente sa Sitio Mangkay.

𝗕𝗔𝗚-𝗢𝗡𝗚 𝗣𝗘𝗥𝗜𝗠𝗘𝗧𝗘𝗥 𝗙𝗘𝗡𝗖𝗘, 𝗡𝗔𝗚𝗣𝗔𝗟𝗜𝗚-𝗢𝗡 𝗦𝗔 𝗦𝗘𝗚𝗨𝗥𝗜𝗗𝗔𝗗 𝗦𝗔 𝗘𝗠𝗜𝗟𝗢𝗣 𝗝𝗢𝗦𝗘, 𝗦𝗥. 𝗘𝗟𝗘𝗠𝗘𝗡𝗧𝗔𝗥𝗬 𝗦𝗖𝗛𝗢𝗢𝗟

Malampusong nadungagan og bag-o ug lig-on nga perimeter fence ug matahom nga gate ang Emilio Jose, Sr. Elementary School sa Barangay Dapok, Kiblawan, Davao del Sur, nga naghatag og mas luwas ug organisadong palibot alang sa mga estudyante, magtutudlo, ug kawani sa eskwelahan.

Ang maong proyekto kabahin sa mga paningkamot nga mapalambo ang mga pasilidad sa mga eskwelahan ug masiguro ang kaluwasan sa school community. Ang suporta ug pagpanguna ni Governor Yvonne Roña Cagas nakatampo sa paghatag og mas maayong learning environment alang sa mga kabataan.

Ang bag-ong perimeter fence ug gate dili lamang dugang sa seguridad, kundili simbolo usab sa padayong pagtagad sa kaayohan sa mga estudyante ug sa pagpauswag sa mga pasilidad sa edukasyon sa probinsya.

Congratulations, Emilio Jose, Sr. Elementary School, sa inyong bag-o, lig-on, ug matahom nga perimeter fence ug gate!

𝗖𝗢𝗖𝗔-𝗖𝗢𝗟𝗔 𝗡𝗔𝗚𝗣𝗔𝗟𝗜𝗚-𝗢𝗡 𝗦𝗔 𝗪𝗔𝗦𝗧𝗘 𝗠𝗔𝗡𝗔𝗚𝗘𝗠𝗘𝗡𝗧 𝗦𝗔 𝗦𝗨𝗟𝗢𝗣 𝗨𝗚 𝗠𝗔𝗧𝗔𝗡𝗔𝗢

𝗗𝗮𝘃𝗮𝗼 𝗱𝗲𝗹 𝗦𝘂𝗿 — Nagpadayon ang paningkamot sa Coca-Cola Europacific Aboitiz Philippines (CCEAP) sa pagsuporta sa lokal nga mga inisyatibo alang sa hustong pagdumala sa basura sa mga lungsod sa

Sulop ug Matanao, Davao del Sur.
Pinaagi sa pakigtambayayong sa lokal nga pangagamhanan, gitumong sa inisyatibo nga mapalambo ang mga pamaagi sa waste management ug mapalig-on ang responsableng pagdumala sa basura sulod sa mga komunidad.

Gipakita niini ang kamahinungdanon sa panaghiusa tali sa pribadong sektor ug lokal nga pangagamhanan aron maprotektahan ang kalikupan ug mapalambo ang kahinlo ug kahapsay sa mga komunidad. Ang maong suporta kabahin sa mas lapad nga paningkamot sa pagpalambo sa malungtarong waste management sa Davao del Sur.

🇵🇭 | 𝐏𝐀𝐆𝐇𝐈𝐍𝐔𝐌𝐃𝐎𝐌 𝐒𝐀 𝐌𝐆𝐀 𝐁𝐀𝐘𝐀𝐍𝐈 𝐒𝐀 𝐍𝐀𝐒𝐔𝐃

Karong National Heroes Day, atong gisaulog ug gihinumdoman ang kaisog, sakripisyo, ug pagkamakabayan sa mga bayani nga mitampo sa kagawasan ug kaugmaon sa atong nasud.

Dili lamang sila mga ngalan sa kasaysayan, kundili mga ehemplo sa pagbarog alang sa kamatuoran, pagserbisyo sa katawhan, ug paghigugma sa Pilipinas. Ang ilang kabilin nagpahinumdom kanato nga ang kabayanihan nagpadayon sa matag Pilipinong andam motabang, motindog, ug moserbisyo alang sa uban.

Atong ipadayon ang ilang panulondon pinaagi sa pagpakabana sa komunidad ug pagbarog alang sa kaayohan sa tanan.

Mabuhay ang atong mga bayani! 🇵🇭

𝗦𝗞 𝗕𝗔𝗥𝗔𝗡𝗚𝗔𝗬 𝗕𝗔𝗧𝗢, 𝗕𝗔𝗖𝗞-𝗧𝗢-𝗕𝗔𝗖𝗞 𝗥𝗔𝗡𝗞 𝟭 𝗜𝗡𝗚𝗢𝗡 𝗠𝗢𝗦𝗧 𝗙𝗨𝗡𝗖𝗧𝗜𝗢𝗡𝗔𝗟 𝗦𝗞 𝗦𝗔 𝗦𝗔𝗡𝗧𝗔 𝗖𝗥𝗨𝗭

𝗦𝗮𝗻𝘁𝗮 𝗖𝗿𝘂𝘇, 𝗗𝗮𝘃𝗮𝗼 𝗱𝗲𝗹 𝗦𝘂𝗿 — Mipabilin sa unang pwesto ang Sangguniang Kabataan (SK) Barangay Bato human makab-ot pag-usab ang Rank 1 isip Most Functional SK sa Municipal Monitoring and Assessment sa Santa Cruz, nga nahimong ikaduhang sunod-sunod nga tuig nga ilang nakuha ang maong pagkilala.

Ang assessment nga gipahigayon sa Local Youth Development Office (LYDO) sa Santa Cruz naglangkob sa 4th Quarter sa 2024 hangtod 3rd Quarter sa 2025. Gisusi niini ang performance sa SK sa aspeto sa pagdumala, mga programa ug proyekto, ingon man ang mga inisyatiba alang sa kabatan-onan.

Ang duha ka sunod-sunod nga Rank 1 finishes nagpakita sa padayong dedikasyon sa SK Barangay Bato sa pagtuman sa ilang mga responsibilidad ug paghatag og mga programa, oportunidad, ug serbisyo nga makatubag sa panginahanglan sa kabatan-onan sa ilang barangay.

𝗕𝗨𝗚𝗨𝗜𝗦-𝗟𝗔𝗧𝗜𝗔𝗡 𝗙𝗠𝗥 𝗦𝗔 𝗦𝗨𝗟𝗢𝗣, 𝗚𝗜𝗣𝗔𝗨𝗦𝗪𝗔𝗚 𝗨𝗚 𝗚𝗜𝗧𝗨𝗥𝗡-𝗢𝗩𝗘𝗥

𝗦𝘂𝗹𝗼𝗽, 𝗗𝗮𝘃𝗮𝗼 𝗱𝗲𝗹 𝗦𝘂𝗿 — Gipauswag ug opisyal nga giturn-over ang Buguis-Latian Farm-to-Market Road (FMR) sa lungsod sa Sulop, Davao del Sur, nga nagtinguha sa pagpalambo sa transportasyon ug paghatag og mas sayon nga access sa mga komunidad ug mga produktibong lugar sa maong lungsod.

Ang maong proyekto gilauman nga makatabang sa mga mag-uuma ug residente pinaagi sa mas hapsay ug mas luwas nga pagbiyahe sa ilang mga produkto, panginahanglanon, ug serbisyo. Pinaagi sa mas maayong kahimtang sa dalan, mapadali usab ang pagdala sa mga produkto gikan sa uma padulong sa mga merkado.

Ang turnover sa Buguis-Latian FMR nagpakita sa padayong paningkamot sa pagpalig-on sa imprastraktura sa kabanikanhan ug paghatag og mas maayong koneksyon sa mga komunidad. Gilauman nga ang proyekto maghatag og dugang nga oportunidad alang sa lokal nga ekonomiya ug makatampo sa kauswagan sa mga residente sa Sulop.

𝗕𝗔𝗚-𝗢𝗡𝗚 𝗦𝗘𝗠𝗘𝗡𝗧𝗔𝗗𝗢𝗡𝗚 𝗙𝗠𝗥 𝗦𝗔 𝗣𝗔𝗥𝗔𝗠𝗜, 𝗦𝗨𝗟𝗢𝗣, 𝗚𝗜𝗧𝗨𝗥𝗡-𝗢𝗩𝗘𝗥

𝗦𝘂𝗹𝗼𝗽, 𝗗𝗮𝘃𝗮𝗼 𝗱𝗲𝗹 𝗦𝘂𝗿 — Giturn-over na ang bag-ong sementadong Farm-to-Market Road (FMR) sa Barangay Parami, Sulop, Davao del Sur, nga gilauman nga makatabang sa mas sayon ug mas luwas nga pagbiyahe sa mga residente ug mag-uuma sa maong lugar.

Gipakita sa proyekto ang pagpalig-on sa koneksyon tali sa mga komunidad ug mga umahan, ilabi na sa pagdala sa mga produkto sa agrikultura ngadto sa merkado. Pinaagi sa maong imprastraktura, mas mapaayo usab ang access sa mga residente ngadto sa lain-laing serbisyo ug oportunidad.

Mitambong sa turnover ang mga opisyal sa lokal nga pangagamhanan, mga representante sa komunidad, ug mga benepisyaryo sa proyekto. Gipadayag usab ang pagpasalamat sa mga residente alang sa bag-ong dalan nga ilang gilauman nga maghatag og dugang kahigayunan ug kausaban sa ilang panginabuhi.

Ang paghuman ug pag-turn over sa FMR nagtimaan sa padayong paningkamot sa lokal nga pangagamhanan sa pagpauswag sa imprastraktura ug paghatag og mas maayong serbisyo alang sa mga komunidad sa Davao del Sur.

𝗕𝗔𝗚-𝗢𝗡𝗚 𝗔𝗚𝗥𝗜𝗖𝗨𝗟𝗧𝗨𝗥𝗘 𝗨𝗚 𝗗𝗘𝗩𝗖𝗢𝗠𝗠 𝗔𝗖𝗔𝗗𝗘𝗠𝗜𝗖 𝗕𝗨𝗜𝗟𝗗𝗜𝗡𝗚: 𝗗𝗦𝗦𝗖 𝗡𝗔𝗞𝗔𝗗𝗔𝗪𝗔𝗧

𝗗𝗮𝘃𝗮𝗼 𝗱𝗲𝗹 𝗦𝘂𝗿 — Nadawat sa Davao del Sur State College (DSSC) ang bag-ong Agriculture and Development Communication (DevComm) Academic Building niadtong Agosto 19, 2026, sa main campus niini.

Ang bag-ong academic building nagtimaan sa pagkompleto sa construction project nga nagsugod pa niadtong Marso 2022. Ang pasilidad gilauman nga mahimong dugang nga learning space alang sa mga estudyante ug magamit sa mga programa nga may kalabotan sa Agriculture ug Development Communication.

Ang pagkompleto sa maong building nagpakita sa padayong pagpalambo sa mga pasilidad sa DSSC aron masuportahan ang kalidad sa edukasyon ug mga panginahanglanon sa akademikong komunidad.