Newa Youtube

किपू लागां ग्यानापुम्ह सर्प लुगु दु । मंगलवाः थथे ग्यानापुम्ह सर्प खनेवं यल महानगर प्रहरी र स्थानीयवासीया मंकाः कुतलय् सर्पया सफल उद्धार याःगु दु ।

Source: Sitaram Hachhethu
https://www.facebook.com/share/v/1FnrTUYy9Y/

२०७२ सालय् नेपाःया न्हूगुु सबिधान पित बिइ धुकाः नेवाः जागरण मंचया ग्वसालय् येँया इतुबहालय् जुगु न्हूगु सबिधानय् झिगु असमति बिषययात कयाः जुगु सभाय् नेवाः न्ह्यलुवाः पद्मरत्न तुलाधरं न्हूगु संबिधानयात कयाः प्वंकादिगु असमति । थौं संविधान संशोधनया खँ वयाच्वंगु इलय् सान्दर्भिक तायेका न्ह्यब्वयाच्वना ।

येँया २२ वडा टेबहाःया पालाः द्यःथाय् -संकटा द्यः) शनिवाः द्यः पूज्यायेत वःपिं भक्तजनपिं । पालाः द्यःयात दर्शन यात धाःसा दसा ग्रह फालावनिगु धार्मिक बिश्वास दु ।

युगकवि सिद्धिचरण श्रेष्ठया ११५ क्वःगु जन्मजयन्तीया लसताय् सिद्धिचरण स्मृति गुथि पाखें जेठ ८ गते शुक्रवाः सिद्धिचरणमार्ग आमबहालय् श्रद्धाजलि ज्याझ्वः लिपा ययेँ महानगरपालिकाया नेवाः छेँ जुगु सभाय् लोककवि राजभाई जकःमिं यानादिगु कविता वाचन ।

११४६ अनलाथ्व पष्ठी जेष्ठ ८ गते शुक्रवाः युगकवि सिद्धिचरण श्रेष्ठया ११५ क्वःगु जन्मजयन्तीया लसताय् युगकवि सिद्धिचरण श्रेष्ठया म्हसिका ।

युगकवि सिद्धिचरण श्रेष्ठया ११५ क्वःगु जन्मजयन्तीया लसताय् सिद्धिचरण स्मृति गुथि पाखें जेठ ८ गते सुथय् ८ बने सिद्धिचरणमार्ग आमबहालय् श्रद्धाजलि ज्याझ्वः यायेत्यंगु दु ।
थुगु लसताय् युगकवि सिद्धिचरण श्रेष्ठया “सीस्वां” सफूया “मृत्यु भय्..” कविता कबित्रि प्रतिशरा साय्मिया सलय् थन न्ह्यब्वयाच्वना– - https://www.youtube.com/watch?v=9X-W5yyUt44 पाखें )

धरान सुनसरीयो बराह लागा नगरपालिका १ य् च्वंगु प्रसिद्ध धार्मिक स्थल बराहलागा द्यःथाय् आन्तरिक व भारतीय धार्मिक पर्यटकयमा मुख्य केन्द्रया कयातःगु दु । विशेष यानाः कोशी खुसि सिथय् लानाच्वंगु तीर्थस्थलय् हिन्दु धर्मावलम्बीतय्सं महत्वपूर्ण धामया कथं कायेगु याः । थन भगवान विष्णुया वराह अवतार नाप स्वागु धार्मिक विश्वास यानातःगु दु ।

गुठी संस्थानयाके जिल्लागत जग्गाया अभिलेख मदूगु महालेखा परीक्षकया ६३ क्वःगु प्रतिवेदनय् न्ह्यथनातःगु दु ।अभिलेख मदूगुलिं मुक्कं जग्गाया क्षेत्रफल एकिन जुइ मपूmगु महालेखापरीक्षकया ज्याकुथिया ६३ क्वःगु प्रतिवेदनया सारांशय् च्वयातःगु दु ।

संस्थानया नामय् दूगु जग्गा व सम्पत्तिया एकीकृत व कार्यालयगत अभिलेख तयार यानाः जग्गाया संरक्षण व उपयोग यायेगु व्यवस्था मिले यायेत सुजाः ब्यूगु दु । संस्थानय् दूगु जग्गामध्ये धनुषा जिल्लाय् ४३।५ बिघा, महोत्तरीइ १२२ बिघा, बाराय् २७ बिघा, पर्साय् न्हय्गू बिघा लिसें येँय् झिंप्यपी, यलय् झिंनिपी व ख्वपय् निपी जग्गा अतिक्रमण जूगु प्रतिवेदनय् न्ह्यथनातःगु दु ।

संस्थानं थुकिया पूवंकं लगत तयार मयागुलिं तयार यायेत व मेमेगु जिल्लाय् अतिक्रमण जूगु जग्गाया एकीकृत लिसें अद्यावधिक लगत तयार यानाः अतिक्रमित जग्गाया संरक्षण यायेमाः । संस्थान कार्यव्यवस्था विनियम, २०४९ या १७ ९१० कथं अधिकार क्षेत्रदुनेया जग्गा सम्बन्धी ब्यागलं लगत तयार यानाः अद्यावधिक यायेमाःगु व्यवस्था दु । संस्थानं थीथी ६८ जिल्लाअन्तर्गत पहाडय् न्यागू लख ६१ द्वः ९९० पी व तराईलय् ६६ द्वः ३२० बिघा जग्गा गुठीया नामय् दूगु प्रतिवेदनय् न्ह्यथनातःगु दु ।

आइतवाः निसें अनला न्ह्यायेवं स्वनिगःया दक्षिण पश्चिम ब्वय् लाःगु मत्स्यनारायण देगलय् सुथं निसें म्वःम्वः भक्तजनत थ्यंकाच्वंगु दु । स्वदँय् छक्वः लाइगु अनला पुरुषोत्तम महिनाय् चन्द्रागिरी नगरपालिका–९ लय् लाःगु उगु देगलय् लच्छियंकं मेला जुइगु याइ । थ्व मेलायात मत्स्यनारायण मेला नापं धायेगु याः । थौं सुथं निसें भक्तजनत म्वः म्वः थ्यंकाच्वंगु मत्स्यनारायण मेला व्यवस्थापन समितिया कजि अच्युत अधिकारीं राससयात जानकारी बियादिल । देगःलिसेंया कुण्डय् म्वः ल्हुयाः उकिया दथुइ लाःगु भगवान् मत्स्यनारायणया दर्शन याःसा पाप नास जुइगु जनविश्वास दु । नापं छ्यंगूया ल्वय् नापनापं घाः, कैया ल्वय् नापं लनीगु तायेकातःगु दु ।