Machine Hub Nepal

इन्टरलकिङ्ग इट्टा मेसिन - INTERLOCK BRICK MACHINES PRICE UPDATE

Machine Updated Prices:

Single Mould Interlock Machine with Plain Design: Rs. 270,000/-
Single Mould Interlock Machine with Side Design: Rs. 290,000/-
Double Mould Interlock Machine with Plain Design: Rs. 370,000/-
Double Mould Interlock Machine with Side Design: Rs. 390,000/-
Hydraulic Double to Triple Interlock Machine: Rs. 760,000/- to Rs. 1,060,000/-

आदरणीय ग्राहक महानुभावहरू,

विगत केही वर्षदेखि कच्चा पदार्थ, निर्माण सामग्री, श्रम, ढुवानी तथा अन्य उत्पादन सम्बन्धी खर्चहरूमा उल्लेखनीय वृद्धि भएको कारण हामीले हाम्रो इन्टरलकिङ्ग इट्टा मेसिनहरूको मूल्य पुनरावलोकन गर्न बाध्य भएका छौं।

हामीले करिब सात वर्षसम्म मेसिनको मूल्य यथावत् राखेका थियौं, जबकि यस अवधिमा कच्चा पदार्थ तथा उत्पादन लागत करिब १.५ देखि २ गुणासम्म वृद्धि भएको छ। यस बीचमा पनि हामीले आफ्ना ग्राहकहरूलाई निरन्तर सेवा तथा उत्पादन उपलब्ध गराउँदै आएका छौं।

हाम्रा सबै इन्टरलकिङ्ग मेसिनहरू नेपालमै उत्पादन गरिन्छन्। एक मेसिन निर्माण गर्न ९० भन्दा बढी पार्टपुर्जाहरू प्रयोग हुने र एक मेसिन तयार गर्न करिब १०–१२ दिनसम्मको दक्ष प्राविधिक श्रम आवश्यक पर्ने गर्दछ। तल उल्लेखित मूल्यहरू हाम्रो कारखानाबाट लागू हुने मूल्यहरू हुन्।

हामी ग्राहक महानुभावहरूलाई यो मूल्य समायोजनलाई अतिरिक्त नाफा कमाउने उद्देश्य नभई उत्पादन लागतमा भएको वास्तविक वृद्धिको परिणामका रूपमा बुझिदिन हार्दिक अनुरोध गर्दछौं। संशोधित मूल्यमा समेत ठूलो परिमाणमा उत्पादन गरी स्टक राख्न हामीलाई सहज छैन। तथापि, विगतका वर्षहरूदेखि प्रदान गर्दै आएको उत्पादन, सेवा तथा ग्राहक सहयोगलाई निरन्तरता दिनु हाम्रो जिम्मेवारी भएकाले हामी उत्पादन बन्द गर्न चाहँदैनौं।

भविष्यमा सरकारले उद्योगहरूलाई उपयुक्त औद्योगिक क्षेत्र, पर्याप्त कार्यस्थल, भरपर्दो विद्युत् तथा पानी सुविधा, सुरक्षा व्यवस्था तथा कच्चा पदार्थमा सहुलियत उपलब्ध गराएमा उत्पादन लागत घट्न सक्ने र त्यसको प्रत्यक्ष लाभ ग्राहकहरूलाई मूल्यमा कमी गरी दिन सकिने हाम्रो विश्वास छ।

हामीप्रति देखाउनुभएको निरन्तर विश्वास, सहयोग तथा समझदारीका लागि हार्दिक धन्यवाद व्यक्त गर्दछौं।