JK Films Nepal

एउटा पीडितको मन अर्को पीडितले जस्तो त कसैले बुझ्न सक्दैन। हुन त म त्यो घटनाबाट धेरै टाढा र अगाडि बढिसकेकी छु, तर ती दिनहरू सम्झिँदा आज पनि मन भित्रैदेखि चिरिन्छ। यो समाजले मलाई बाँच्न कहाँ दिएको थियो र म दिनदिनै मरीमरी बाँच्थेँ। त्यो अँध्यारो जङ्घार कसरी काटेँ, आज सम्झिँदा पनि शरीर सिरिङ्ग हुन्छ। तर मनभित्र एउटा बलियो हिम्मत थियो मैले गलत गरेको छैन, एकदिन सबैले मलाई अवश्य बुझ्नेछन् भन्ने विश्वास थियो।

अहिलेसम्म पनि धेरै कुरा भोगिरहेकी छु, तर बानी जस्तै भइसकेको छ। त्यतिबेला म एउटा छोरी मान्छे भएर अझै १८ वर्ष पनि पुगेकी थिइनँ, र यो समाजसँग म एक्लै लडिरहेकी थिएँ। मेरो आवाज सुन्ने मेरो परिवार बाहेक कोही थिएन। कसैले साथ दिन खोज्दा पनि उनीहरूकै चरित्रमाथि औंला उठाइन्थ्यो। त्यो बेला म कति टुटेँ, कति रोएँ सायद शब्दमै भन्न सक्दिनँ। सायद त्यही बेला मैले हिम्मत हारेको भए, आज म यो संसारमै हुने थिइनँ होला। तर म रोकिइनँ… म लडिरहेँ

आज पनि हरेक पीडित छोरी मान्छेलाई जब यो समाजले भन्छ—“किन ढिलो बोलिस्? त्यतिबेलै किन उजुरी गरिनस्?”—त्यो सुन्दा मन भित्रैदेखि दुख्छ। तपाईंहरूलाई के थाहा, त्यतिबेला कस्तो अवस्था थियो? छोरी मान्छे भएपछि डरले र समाजको दबाबले कति कुरा मनमै दबाउनुपर्छ। “मलाई नै गलत भन्ला कि?” भन्ने डरले आत्मा नै थिचिन्छ। मन मिल्दा ‘चमत्कार’ र नमिल्दा ‘बलात्कार’ भन्ने सोचले झन् पीडा दिन्छ।

एउटा अनुरोध छ—कृपया कसैको पीडालाई अरूसँग नदाँज्नुहोस्। हरेक घाउको आफ्नै गहिराइ हुन्छ। मलाई त्यो दिन सम्झनु पनि पीडादायी छ, फेरि कोट्याउन मन छैन। म यहाँ कसैलाई दोष दिन आएकी होइन। तर जुन पीडितलाई आज ज जसले सजिलै नराम्रो भनिरहनु भएको छ, एकपटक आफ्नै घर सम्झिनुहोस्—तपाईंहरूको घरमा पनि दिदीबहिनी, छोरीहरू छन्।

म हरेक दिन प्रार्थना गर्छु—कसैलाई पनि यस्तो दिन नआओस्। कसैको भावनासँग खेलबाड नगरियोस्। किनकि यस्तो पीडा जसलाई पर्छ, उसैले मात्र बुझ्छ।

संगम बिष्टको केसमा दुवै पक्षको सत्य बाहिर आओस् र दोषीलाई कडा भन्दा कडा कारबाही होस्।
म सधैं पीडितहरूको साथमा छु।
Samiksha Adhikari ✍️

सहकारी ठगी प्रकरणमा फरार जीबी राई जीवित रहेकोमा रास्वपा सांसद पुकार बमले शंका व्यक्त गरेका छन्। पत्रकार राजेन्द्र बानियाँसँग नेपाल लिडमा कुरा गर्दै बमले यस्तो दाबी गरेपछि सामाजिक सञ्जाल तातेको छ। बालेन शाह नेतृत्वको सरकारले राई जीवित भेटिए तत्काल नेपाल झिकाउने तयारी थालेको छ। रवि लामिछानेका पूर्व पार्टनर राईको अवस्थाबारे सांसदको यो टिप्पणीले नयाँ तरंग ल्याएको छ।

गृहमन्त्री सुदन गुरुङ राष्ट्रपति भवनमा सभामुख अर्यालको सपथग्रहण कार्यक्रममा ।