Taskar dadylasting

A cikin wata makarantar ƙauye, akwai wani jaki wanda kullum yake zuwa ya goga kansa a jikin tagar wani aji.
Sai malamin da yake cikin ajin ya ce wa ɗalibai:
“Wannan jakin kullum sai yazo nan ya yi haka... tabbas ba za'a rasa wani ɗan’uwansa na jini a cikin wannan ajin ba.”
Sai wani ɗalibi ya ce:
“To ai malam, wannan jakin baya taɓa zuwa wajen tagar nan sai lokacin darasinka!” 😂😂😂😂

Tamacen Kwado 🐸 Takan Wayance (Pretending) Ta Kwanta A kasa warwas t'ayi Kamar Ta mutu Don Gujewa Mating wato Saduwa Da Namijin Kwadon da bataso. Wanda be Kwanta mata a rai ba.

A Wani bincike da Masana Kimiyyar Dabbobi s**ayi,,, binciken su ya tabbatar da cewa Tamacen Kwado 🐸 jinsin European common frog,,, Suna Amfani da hikimomi Ko dabaru har salo kala (3) Don Gujewa Saduwa da Mazan Kwadi 🐸 a lokacin Breeding season Dinsu Wato lokacin da Kwadi suke saduwa Suyi Kwaï su haifi yaya a farkon damuna Kenan,,,,

A Irin Wannan Lokacin da Ake gasa tsakanin mazajen Kwadi Wajen Saduwa da Tamacen Kwadin, zaka tarar Mazan suna linka Matan yawane ,, Saboda haka pressure tana Hawa kan Matan sosai da Sosai,

Saboda haka don su huta Kokuma su Gujewa Wannan Babban alamarin da Mazan suke zuwa musu na biya musu bukatunsu .. su kuma Matan s**an kirkiri wasu dabaru kala (3) Wato three active strategic plans don Gujewa Saduwa da Mazan da basaaso Kokuma Insun gaji .

Bayaninmu zai tsallake hanyoyi biyu na farko ze Tafi izuwa ga Hanya ta (3) Domin Itace Mafi ban Mamaki daga ciki wato THANATOSIS.

THANATOSIS: Kokuma Kace tonic immobility Hanyace Wacce Matan Kwadi 🐸 suke wayancewa Dazarar sun Hango fusataccen Kwado yanufo garesu da bukatar sa, saisuyi sauri Suyi wanwar a kasa k**ar dai Yanda matacce yakeyi,

Wannan zesa Dazarar Mazan sun karaso da tsananin bukatarsu dasunga Macen a wanna yanayin jikinsu zeyi Sanyi saisuyi give up. Domin kosuma Kwadin sunsan ba'a yin tarayyar mating da matacciyar Kwado ,,, Daganan saisu hakura . Su Tafi .

Su Kuma Matan daman Likimo s**ayi . Suna Ganin Namijin ya Tafi zasuyi Tsalle su fada ruwa su Gudu Shikenan sun tsira.... Sai Wani jikon Kuma.

Wannan Hanyar tana mutukar temakawa Matan Kwadin musamman sabbin balagar cikinsu wajen kare Kansu daga injury da raunikan da gayyar fusatattun Mazan cikinsu suke yimusu Domin a wasu lokutan idan namijin Daya Yana mating da mace 1 Zakaga Sauran har compétition Sauran Kwadi na gefe suke Wajen rige rigen afkawa Macen Dazarar wancan ya gama Aiki da ITA . Daman Matan bas**ai Mazan Yawa ba . Haka akasarin ayarin Kwadi take. Mazan Sukan nunka Matan Sau k**ar 3 a Yawa. Saboda haka pressure tana Hawa kan Matan cikinsu over.

Bayan Wannan Kuma akwai wata hanyar da Matan suke Amfani da ITA wajen tarewa Saduwa da Mazan
Wato VOICE MIMICKING. suna Amfani da kwaikwayon muryar Mazan Kwadin in Wani Kwadon yataho Gurin matan, itakuma Macen Kwadob data Hangoshi zata fara kwaikwayon muryar Mazan Kwadin Wanda wannan zesa in Kwadon ya karaso hankalinsa ze rabu Gida 2. Zeke wasi wasi cewa Anya wannan ba GARDI da uwana nake kokarin haikewa ba ?? Daga karshen dai saiya hakura ya Tafi ITA Kuma Macen ta tsira kenan.

Wannann Jawabin a takaice ne. Yauwa

Doctar Zoology 🙏👋

An soma rikicin ganin wata!
Masana yanayi da taurari sun ce 30, Masana yunwa da hamma sunce 29 za a yi, Teloli kuma 31 🤔😆🥱

KUSKURE MAFI GIRMA DA NAMIJI YAKE YI BAYAN YA CI NASARA A RAYUWA.

Mafi girman abin da yake kawo rugujewar maza da yawa a duniya shi ne wannan:

Muna fafutuka mu kaɗai: Lokacin da muke nema, babu wanda yake ganin mu, babu wanda ya damu da mu.

Muna shan wahala a shiru: Muna fuskantar yunwa, bashi, da wulakanci ba tare da mun kai kukanmu ga kowa ba.

Muna gina komai daga babu: Muna matse aljihunmu, muna hana kanmu barci da jin daɗi don gina gobe.

Amma babban kuskuren yana farawa ne a nan: Da zarar mun ci nasara.
Lokacin da kuɗi s**a zo, kwarjini ya bayyana, sai mu buɗe teburinmu mu zauna da matan da mutanen da:

Ba su taɓa ganin lokacin da muke neman abinci muka rasa ba.

Ba su taɓa jin matsin lambar da muke ciki lokacin da komai ya tsaya mana ba.

Ba su taɓa amincewa da burinmu ba lokacin da muke gaya musu muna da babban shiri.

Waɗannan matan da mutanen sun bayyana ne kawai domin KA CI NASARA. Sun zo ne domin su ci moriyar gumin da ba su san yadda aka zubar da shi ba. Abin takaici shi ne, wasu daga cikinku kuna kiran wannan SO.

Ɗan'uwana, namijin da ya san darajar kansa baya mance mutanen da s**a tsaya masa lokacin da ba shi da komai. Idan ka bar macen ko wani mutum da ta jure yunwa da kai, ka kwashe dukiyar ka ka dambara wa macen da mutanen s**a zo don motar ka, to ka sani ka riga ka dasa itacen da zai ruguza ka a nan gaba.

Ka bambanta tsakanin macen da mutanen da suke son KAI da mutanen da suke son NASARAR KA. Nasara tana iya tafiya kowane lokaci, idan ta tafi, mutanen da suke son nasarar ka su ma za su tafi.

Ka Tashi yau ka gina rayuwarka, amma ka kiyaye wajen zaɓar wadda za ta zauna a teburin nasararka. Kada ka bar kyau ko kwalliya su rufe maka ido ka mance da asalin wanene kai.

Namiji, kada ka zama soko. Ka koyi bambance tsakanin mutanen da suke sonka da wadanda suke son abin da kake da shi. Ka zama mai hikima wajen zaben wadanda za su zauna a teburinka. Nasararka ta yi tsada, don haka kada ka yarda kowa ya zo ya kwashe ta a banza.

UMAR ALIYU DAHIRU ✍️

Zaki ya tambayi kare:
“Me ya fi ɓata maka rai game da mutane..?”

Kare ya amsa:
“Abin da ya fi ɓata min rai shi ne yadda suke misalta ni wajen zagin junansu, aibatawa da kushewa. Duk lokacin da za su raina wani, sai su ce masa: banza kare.”

Zaki ya ce:
“Kana kashe musu ’ya’yansu ne?”

Kare ya ce:
“A’a, a maimakon haka, ni nake ba su kariya.”

Zaki ya ce:
“Kana kashe musu dabbobinsu ne?”

Kare ya ce:
“A’a, ni ne nake tsare musu dabbobinsu da dukiyoyinsu.”

Zaki ya ce:
“Kana yaudararsu ne?”

Kare ya ce:
“A’a, ni amintaccensu ne. A takaice, ni jarumi ne a rayuwarsu, domin ina sadaukar da rayuwata wajen kare su daga kowace irin barazana.”

Zaki ya ce:
“To, wa ne suke kira jarumi a cikin mutane?”

Kare ya ce:
“Zaki.”

Zaki ya ce:
“Na taɓa baka shawarar ka rayu a daji k**ar mu, amma ka ƙi. Duk da cewa ni zaki ne — ina kashe su, ina kashe ’ya’yansu, ina kashe dabbobinsu — amma duk da haka suna ɗaukaka sunana, har suna kiran jaruman cikinsu da zakuna.”

Sai zaki ya ƙara da cewa:
“Ka koyi darasi a rayuwar mutane: suna miƙa wuya tare da jinjina da yabo ga masu azabtar da su, amma suna wulakanta masu aminci da tausayi gare su. Haka ɗabi’ar mutane take.”

Darasi:
A rayuwa, kada ka auna darajarka da yadda mutane ke kallonka. Sau da yawa, nagari ana raina shi, mugun kuwa ana ɗaukaka shi.

---

# # # **Darasin Shugabanci da Mulki**

Wannan labari yana nuna mana wani babban darasi game da yanayin **shugabanci**:

"Mafi yawan mutane ba su san darajar **shugaba mai tausayi** da sadaukarwa ba, har sai sun dandana kuda a hannun **shugaba mai mulkin k**a-karya**.

Kamar yadda mutane suke kiran kansu da 'Zakuna' domin nuna iko da tsoratarwa, amma suke kiran amintaccen mai gadinsu da 'Kare' don kaskanci; haka talakawa suke girmama shugaban da yake danne su, yake cinye dukiyarsu, yake kuma juya musu baya lokacin bukatar su. Shi kuwa shugaba na kwarai, wanda yake sadaukar da jin dadinsa domin kare talakawansa, sau da yawa kaskantar da shi ake yi, ana yi masa kallon rago ko mara amfani.

**Gargaɗi ga Shugabanni:**

> Kada ka zama 'Kare' ta yadda za a rika juya ka yadda aka ga dama saboda tsabar taushin ka, kuma kada ka zama 'Zaki' mai zaluncin da ake girmama shi don tsoro kawai. Shugabanci na gari shi ne hada **amincin kare** wajen kare talakawa, da kuma **kwarjinin zaki** wajen tabbatar da adalci."

Wata rana, Hi**er ya shigo taron majalisar ministoci yana ɗauke da kaza.
Ya matse kan kazar ƙarfi a ƙarƙashin hannunsa. Yayin da yake tafiya, sai ya fara zubar mata gashi ɗaya bayan ɗaya. Kazar tana ihu da azaba, tana ta faman kuɓuta daga hannun Hi**er. Amma Hi**er bai sake ta ba, kuma bai kula da kukanta ba—ya ci gaba da zubar mata gashi kawai.
’Yan majalisar s**a ce masa:
“Kar ka azabtar da wannan talakiyar dabba haka. Ka sake ta.”
Amma Hi**er ya ƙi sauraron kowa.
A ƙarshe, bayan ya gama zubar mata dukkan gashinta, sai ya jefa kazar ƙasa. Daga nan ya fitar da ɗan hatsi daga aljihunsa, ya fara ba ta. A wannan hali, kazar—tana cikin matsanancin yunwa—ta fara kallon hannun Hi**er.
Hi**er ya kira ta ta zo kusa, yana miƙa mata hatsin. Bayan ɗan lokaci, kazar ta zo ta zauna kusa da shi, tana cin waɗancan ’yan hatsin kaɗan. Ita ce kazar da tun farko take ta faman tserewa daga hannunsa, amma yanzu ta sake komawa ta zauna kusa da shi—saboda ’yan hatsin kaɗan.
’Yan majalisar s**a tambaya cikin mamaki:
“Mene ne wannan?”
Hi**er ya amsa:
“Masu jefa ƙuri’a suna k**a da haka. Tsawon shekara huɗu da rabi, muna zubar musu da gashinsu (muna zaluntarsu). Sannan a watanni shida na ƙarshe, sai mu jefa musu ’yan hatsin kaɗan. Saboda waɗancan ’yan hatsin, masu jefa ƙuri’a s**an manta da duk zaluncin da muka yi musu tsawon shekara huɗu da rabi—sai su sake zaɓenmu.”

Darasi
Zaɓen shekarar 2027 a Nijeriya ya k**ata ya zama darasi da farkarwa ga dukkanmu.

A wani ƙauye, akwai wani saurayi mai suna Sadiq, yana da ƙwazo amma bai da haƙuri. Duk abin da zai yi, sai da gaggawa.

Wata rana aka ba shi damar aiki tare da wani dattijo mai suna Malam Bello, wanda yake samun riba kaɗan-kaɗan amma kullum bai taɓa shiga matsala ba.

Sadiq ya raina dattijon yana cewa: “Ni ina son riba mai yawa cikin lokaci kaɗan.”

Sai ya shiga wani aiki da bai yi bincike ba, cikin sauri ya zuba duk jarinsa. Kwana biyu kacal sai komai ya lalace, ya rasa duk abin da yake da shi.

Da ya koma wurin Malam Bello cikin kunya, sai dattijon ya ce masa: “Ba sauri ke kai mutum ga nasara ba, hankali da haƙuri su ne ginshiƙi.”

Tun daga wannan rana, Sadiq ya canja halinsa, ya fara yin abu a hankali, yana tunani kafin yanke hukunci. A ƙarshe, sai ya fi inda yake a da.


Darasi:
Wanda ya yi haƙuri ya yi tunani kafin aiki, shi ne ke kai wa ga nasara ingantatce

Wani matashi yana aiki a kasuwa yana sayar da kayan hannu. Kullum idan aka tambaye shi farashi, sai ya ce: “Duk dai ɗaya ne, ka biya abin da ka ga dama.”

Saboda haka mutane suna ɗaukar kaya su ba shi kuɗi kaɗan, wasu ma su tafi ba tare da biyan komai ba.

Wata rana wani dattijo ya ce masa: “Me yasa ba ka saka farashi ba?”

Matashin ya ce: “Ina jin tsoron mutane su gudu.”

Dattijon ya ce: “Idan ka raina darajar kanka, mutane za su koya maka yadda za su raina ka.”

Tun daga wannan rana, matashin ya saka farashi, ya tsaya da gaskiya. Abin mamaki, mutane s**a fara girmama shi, kasuwancinsa ya bunƙasa.

---

Darasi

👉 Wanda bai san darajarsa jarin sa ba ya tambayi wani Dan kasuwa Daya karye yasha labari
👉 Tsoron rasa mutane wani lokaci shi ne ke sa ka rasa kanka.

Wani matashi yana korafi yana cewa: “Ba ni da komai, rayuwa ta gagare ni.”

Amma kullum yana wucewa kusa da wani tsohon malami mai gyaran takalma, yana raina aikinsa.

Wata rana sai malamin ya ce masa: “Ka san wannan aikin da kake rainawa shi ne ya gina min gida, ya aurar da ’ya’yana, ya ba ni mutunci.”

Matashin ya yi shiru sannan yayi nazari

A nan ne ya gane cewa babu karamar sana,a, saide yadda ka dauki sana,ar ka haka rayuwa zata tafi dakai

---

Darasi

👉 Kada ka raina abin da ke hannunka.
👉 Abin da ka ɗauka ƙarami, wani ya gina rayuwarsa da shi.

Wani saurayi yana ta kuka yana cewa duniya ta rufe masa hanya.
Yana zaune yana jiran wani ya zo ya buɗe masa ƙofa, alhali mabuɗin ƙofar yana cikin aljihunsa.

Yana ganin mutane suna wucewa suna aiki, yana cewa: “Su sun yi sa’a, ni kuma ba ni da kowa.”

Amma gaskiyar magana ita ce: bai taɓa gwada abin da yake da shi ba.

Wata rana wani tsoho ya tsaya ya ce masa: “Ba kowanne ƙofa ake buɗe ta da taimako ba. Wasu ƙofofi jarumta suke jira.”

Saurayin ya ɗauki mabuɗin, ya gwada, ƙofar ta buɗe.

A nan ne ya gane cewa babbar matsala ba rashin dama ba ce, rashin yunƙuri ne.

---

Darasi (mai ƙarfi):

👉 Kada ka jira taimako har ka manta da ƙarfinka.
👉 Abin da kake nema a waje, wata rana yana hannunka.

Wani mutum yana zaune kusa da rijiya, amma kullum yana fama da ƙishirwa.
Ba wai don babu ruwa ba, sai don girmansa da sakacinsa sun hana shi ɗibar ruwan da kansa.

Rana ɗaya mutane ba su zo ba, ƙishirwa ta k**a shi ƙwarai.
Sai ya gane cewa abin da yake kusa da kai, idan ka raina shi, zai zama k**ar ba ka da shi.

Tun daga wannan rana ya koyi dogaro da kansa.

---

Darasi

👉 Kada ka raina damar da ke kusa da kai.
👉 Kada ka jira wani ya yi maka abin da kai zaka iya yi.